ព័ត៌មានជាតិ
ទំនប់ដូនទ្រីប្រើបច្ចេកវិទ្យា ចោះទម្លុះភ្នំបង្កើតជាប្រព័ន្ធធារាសាស្រ្តសម្រេចការសាងសង់បាន ៨០%
ប្រជាពលរដ្ឋក្នុងស្រុករុក្ខគីរី និងស្រុកមោងឫស្សី បានចាត់ទុកទំនប់ស្ទាក់ទឹកដូនទ្រីស្ថិតក្នុងស្រុករុក្ខគីរីថា ជាសមិទ្ធិផលថ្មីមិនធ្លាប់មានពីមុនមក។

គម្រោងដ៏លេចធ្លោនេះបានលេចចេញជារូបរាងប្រមាណជា ៨០ ភាគរយ ខណៈដែលសមិទ្ធផលថ្មីនេះអាចទាក់ទាញសេដ្ឋកិច្ចគ្រួសារពលរដ្ឋក្នុងស្រុកចំនួន២ បន្ថែមទៀត ក្រៅពីបម្រើដល់វិស័យកសិកម្ម។
ពលរដ្ឋរំពឹងថា ក្រោយការសាងសង់រួចរាល់ អាងស្តុកទឹកមួយនេះ នឹងបានឆក់យកកំណើនភ្ញៀវក្នុងស្រុកសម្រុកមកលេងច្រើន ហើយពួកគាត់ត្រៀមខ្លួនជាស្រេចសម្រាប់ង្កើតអ្វីមួយសម្រាប់បម្រើដល់ភ្ញៀវដូចជាលក់ដូរ នំចំណី ម្ហូបអាហារ និងរបស់របរអនុស្សាវរីយ៍ផ្សេងៗផងដែរ។
លោក សាំង ណាត ជាប្រជាពលរដ្ឋមួយរូបក្នុងចំណោមពលរដ្ឋជាច្រើនទៀត រស់នៅក្នុងស្រុករុក្ខគីរីបានឲ្យកម្ពុជាថ្មីដឹងកាលពីចុងសប្តាហ៍កន្លងមកនេះថា «អាងស្តុកទឹកដូនទ្រីនេះ ពិតជាប្លែកហើយទេសភាពស្អាត គួរឲ្យចាប់អារម្មខ្លាំង។សម្រាប់ខ្ញុំរំពឹងថា នៅពេលមានអ្នកមកកម្សាន្តច្រើន ខ្ញុំត្រៀមឲ្យកូនៗខ្ញុំលក់ដូរនៅបរិវេណនោះ ហើយឈប់ឲ្យទៅសុីឈ្នួលគេឆ្ងាយពីភូមិស្រុកទៀតហើយ»។
ពលរដ្ឋរូបនេះបន្តថា «ខ្ញុំគិតតថា ពេលវេលាខាងមុខអាចនឹងមានអ្នកដែលមានលុយបង្កើតកន្លែងកម្សាន្ត និងរមនីយដ្ឋានច្រើន ហើយនឹងក្លាយជាកន្លែងទេសចរណ៍យ៉ាងប្រសើរផងដែរ»។

លោក ហម អរុណ អនុប្រធានមន្ទីរទេសចរណ៍ខេត្តបាត់ដំបងទទួលស្គាល់តាមការរំពឹងរបស់ប្រជាពលរដ្ឋ ខណះលោកថា កន្លងទៅនៅតំបន់នោះ លោកក៏ធ្លាប់បានចុះទៅសិក្សាស្វែងយល់ពីសក្តានុពលផងដែរឃើញថា មានសក្តានុពលផ្នែកទេសចរណ៍ល្អ ហើយទេសភាពធម្មជាតិក៏ល្អប្រសើរផងដែរ។
ប៉ុន្តែលោកថា មន្ទីរនៅមិនទាន់កំណត់យកជាគោលដៅនៅឡើយ ដោយរងចាំឲ្យសំណង់រួចរាល់សិន ហើយចំពោះប្រជាពលរដ្ឋនៅទីនោះ ខាងមន្ទីរក៏ត្រូវពង្រឹងផ្នែកសុវត្ថិភាពនិងអនាម័យផងដែរ ព្រោះអាងនោះមានជម្រៅជ្រៅ ចៀសវាងមានហានិភ័យដល់អ្នកដែលទៅលេងកម្សាន្ត ដែលបង្កឲ្យគ្រោះថ្នាក់ដល់អាយុជីវិត ដោយយថាហេតុណាមួយ។
បើយោងតាមប្រភពពីមន្ត្រីជំនាញបានឲ្យដឹងថា ហេដ្ឋារចនាសម្ព័ន្ធសំខាន់ៗ របស់ទំបន់ដូនទ្រីរួមមាន ១, ទំនប់មេមានប្រវែង ៦៥៤ ម៉ែត្រ, ២.សំណងបង្ហៀរធ្វើពីបេតុងប្រវែង ៤១៤ ម៉ែត្រ, ៣.រួងបង្ហៀរទឹកមានរាងជាក្រចកជើងសេះមានប្រវែង ៤៦២ ម៉ែត្រ, ៤.សំណង់គ្រប់គ្រងទឹកជាប្រភេទសំណងប៉មមានទ្វារទឹកច្រើនថ្នាក់ ក្នុងនោះមានទ្វារទឹកចំនួន ៥ និងមានស្ពានឆ្លងទៅប៉មប្រវែង ៥៥ ម៉ែត្រ និងទទឹង ៣ ម៉ែត្រ, ៥.ផ្លូវក្រាលថ្មភ្នំប្រវែង ១៧,៣ គីឡូម៉ែត្រ និងទទឹង ៧ ម៉ែត្រ, ៦.សំណង់ដោះទឹក ៨ កន្លែង និងស្ពានបណ្តោះអាសន្នចំនួន ៣ កន្លែងផងដែរ។
បើគឹតត្រឹមខែមិថុនាឆ្នាំ២០២៤ វឌ្ឍន:ភាពនៃគម្រោងអភិវឌ្ឈន៍ទំនប់ដូនទ្រី សម្រេចបានប្រមាណ ៨០ ភារយ។ គម្រោងអភិវឌ្ឈន៍ទំនប់ដូនទ្រីជាប្រព័ន្ធធារាសាស្ត្រ ដែលសាងសង់ប្រើប្រាស់តាមវិធីសាស្ត្រថ្មីមិនធ្លាប់មានពីមុននៅក្នុងខេត្តបាត់ដំបង ក្នុងនោះមានដូចជា ការជីករូងក្នុងភ្នំ ការជីកថ្ម និងវិធីសាស្ត្រក្នុងការកែច្នៃបាតគ្រឹះជាដើម។ គម្រោងនេះបានដោះស្រាយបញ្ហាទឹក និងកាត់បន្ថយហានិភ័យពីគ្រោះជំនន់ទឹកភ្លៀងធានានូវការប្រើប្រាស់លើវិស័យកសិកម្ម និងផ្គត់ផ្គង់ដល់វិស័យទឹកស្អាត សម្រាប់ប្រើប្រាស់ប្រចាំថ្ងៃនៅក្នុងឧស្សាហកម្ម និងចម្រើដល់ពហុវិស័យដែលជាផ្នែកមួយជួយលើកស្ទួយដល់ជីវិភាពរស់នៅប្រចាំថ្ងៃរបស់ប្រជាពលរដ្ឋ។

ទំនប់មួយនេះត្រូវការប្រើប្រាស់រយះពេលសាងសង់ចំនួន ៩០ ខែ ដោយចាប់ផ្តើមសាងសង់ក្នុងខែមិថុនាឆ្នាំ ២០១៨ និងគ្រោងបញ្ចប់នៅខែតុលាឆ្នាំ២០២៥ ខាងមុខនេះ ដែលគ្របដណ្តប់លើឃុំចំនួន ១១ នៃស្រុកមោងឫស្សី និងស្រុករុក្ខគីរីក្នុងខេត្តបាត់ដំបង និងស្រុកបាកាន ខេត្តពោធិសាត់។
គម្រោងអភិវឌ្ឍន៍ទំនប់ដូនទ្រី ស្ថិតនៅចម្ងាយប្រមាណ ៩០ គីឡូម៉ែត្រ ភាគពាយ័ព្យពីក្រុងបាត់ដំបង មានទីតាំងស្ថិតនៅក្នុងស្រុ ករុក្ខគិរី ខេត្តបាត់ដំបង។ ទំនប់ដូនទ្រីមានសក្តានុពលស្ដុកទឹកបាន ១៦៣,១ លានម៉ែត្រត្រីគុណ មានលទ្ធភាពផ្គត់ផ្គង់ទឹកស្រោចស្រប សម្រាប់បង្កើនផលិតផលកសិកម្មប្រមាណ ៣៣.០០០ហិកតា នៅរដូវវស្សា និង ៤៥០០ ហិកតានៅរដូវប្រាំង និងបានផ្គត់ផ្គង់ទឹកស្អាត និងកាត់បន្ថយការលិចលង់ពីទឹកជំនន់នៅតាមតំបន់មួយចំនួនផ្នែកខាងក្រោមផងដែរ៕
អត្ថបទ៖ សៅ សារិទ្ធ

-
ព័ត៌មានអន្ដរជាតិ២៤ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៣ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ