ព័ត៌មានជាតិ
នាយករដ្ឋមន្ត្រីកម្ពុជា បញ្ជាឲ្យកងវិស្វកម្មពុះពារឈូសផ្លូវក្រវាត់ព្រំដែន ឲ្យទៅដល់តំបន់កន្ទុយនាគ
សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានចេញបទបញ្ជាឲ្យកងវិស្វកម្មខិតខំពុះពារបន្តឈូសផ្លូវឲ្យទៅដល់តំបន់មុំ ៣ កន្ទុយនាគព្រំប្រទល់ ៣ ប្រទេស (កម្ពុជា ឡាវ និងវៀតណាម)។
ក្នុងឱកាសអញ្ជើញជាអធិបតីក្នុងពិធីជួបសំណេះសំណាល និងពិសាភោជនាហារ រៀបចំឡើងដោយសមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា នារសៀលថ្ងៃទី ០២ ខែសីហា ឆ្នាំ២០២៤ សម្តេចធិបតីបានគូសបញ្ជាក់ថា សម្ដេចបានចារឱ្យកងវិស្វកម្ម ធ្វើយ៉ាងម៉េចស្ថាបនាផ្លូវឲ្យទៅដល់តំបន់កន្ទុយនាគ។
សម្ដេចបានបញ្ជាក់យ៉ាងដូច្នេះថា «ទីនោះខ្ពស់ណាស់កន្លងទៅត្រូវចូលពីទឹកដីវៀតណាម។ យើងត្រូវពុះពារ ចំណាយយ៉ាងណាក៏ដោយ សាងសង់សម្រេចឲ្យបាន។ ទៅថ្ងៃអនាគតត្រូវឲ្យកូនខ្មែរ អាចឡើងទៅតំបន់កន្ទុយនាគតាមទឹកដីខ្មែរតែម្តង ដែលនេះជាមហិច្ឆតារបស់យើង»។
ទាក់ទងការស្ថាបនាផ្លូវក្រវាត់ព្រំដែន សម្តេចធិបតីបានឲ្យដឹងថា រដ្ឋាភិបាលបានស្ថាបនាប្រវែងរាប់រយដល់រាប់ពាន់គីឡូម៉ែត្រ ខណៈផ្លូវខ្លះធ្វើចេញពីបន្ទាត់ព្រំដែនតែ ១០ ម៉ែត្រ ទៅ ៣០ ម៉ែត្រប៉ុណ្ណោះ។
សម្តេចបានរំលេចការសាងសង់ផ្លូវក្រវាត់ព្រំដែនតាមខេត្តភាគឦសាន ដោយខេត្តក្រចេះសាងសង់បានប្រវែង ៧៨ គីឡូម៉ែត្រ ដែលបញ្ចប់ទាំងស្រុង។ ខេត្តមណ្ឌលគិរីសាងសង់បានប្រវែង ១៥៥ គីឡូម៉ែត្រលើ ៣១៩ គីឡូម៉ែត្រ និងខេត្តរតនគីរីបានប្រវែង ៨៩ គីឡូម៉ែត្រលើ ២២០ គីឡូម៉ែត្រ និងសម្តេចបានបញ្ជាឲ្យបន្តធ្វើឲ្យទៅដល់តំបន់កន្ទុយនាគតែម្តង។
សម្តេចបានអះអាងថា កិច្ចការពារបូរណភាពទឹកដី មិនចាំបាច់ទៅធ្វើរបងខ្ពស់ៗគឺត្រូវរុញការអភិវឌ្ឍ រុញពលរដ្ឋឲ្យទៅរស់នៅឲ្យបានច្រើនដែលជាខឿនការពារជាតិដ៏រឹងមាំ។
ពាក់ព័ន្ធកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម ដែលមួយរយៈមានការផ្ទុះវិភាគរហូតដល់ក្រុមប្រឆាំងក្រៅប្រទេសទាញយកជាសេណារីយូនយោបាយថែមទៀតនោះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានចាត់ទុកប្រតិកម្មរបស់អ្នកវិភាគនៅក្រៅស្រុក ជាការឆ្លៀតឱកាសកេងចំណេញនយោបាយតែប៉ុណ្ណោះ ដោយប្រើប្រាស់រូបមន្តនៅប្រទេសបង់ក្លាដេសបំផុសបំផុលឲ្យពលរដ្ឋងើបបះបោរ បង្កើតចលាចលក្នុងសង្គម។
សម្តេចបានចោទជាចម្ងល់ពាក់ព័ន្ធកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV) ដែលបង្កើតឡើងតាំងពីឆ្នាំ ១៩៩៩ ដែលរយៈពេលជាង ២៥ ឆ្នាំ «ហេតុអីពួកគេមិនចេញមកវិភាគ បែរជាមកវិភាគពេលនេះទៅវិញ ឬទើបងើបពីដេក»?
សម្ដេចបានចាត់ទុកក្រុមនេះមានចេតនាដុតឲ្យខ្លោច រោយឲ្យឆៅ រុញសភាពការណ៍ឲ្យប្រជាពលរដ្ឋងើបប៉ះបោរ និងកេងចំណេញនយោបាយ៕
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ