ព័ត៌មានជាតិ
សហជីព គ្រោងបើកកិច្ចប្រជុំសប្ដាហ៍ក្រោយ ដើម្បីពិភាក្សាលើការកំណត់ប្រាក់ឈ្នួលកម្មករសម្រាប់ឆ្នាំ ២០២៥
លោក សំ សឿន ប្រធានក្រុមប្រឹក្សាជាតិសហជីព បានមានប្រសាសន៍នៅព្រឹកថ្ងៃទី ១៥ សីហានេះថា ក្រុមសហជីពដែលមានតំណាង ១៧ រូប គ្រោងនឹងបើកកិច្ចប្រជុំនៅសប្ដាហ៍ក្រោយនេះ ដើម្បីពិភាក្សាគ្នាទៅលើការកំណត់ប្រាក់ឈ្នួលអប្បបរមារបស់កម្មករ-និយោជិតផ្នែកវាយនភណ្ឌកាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ ២០២៥ មុននឹងដាក់ជូនកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមានាពេលខាងមុខ។
លោកបានបន្តថា កិច្ចប្រជុំសហជីពដែលធ្វើនៅសប្ដាហ៍ក្រោយនេះ សហជីពនីមួយៗ នឹងដាក់តួលេខរបស់ខ្លួនដើម្បីធ្វើការជ្រើសរើសយកតួលេខមួយដាក់ជូនកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាដែលមានតំណាងភាគីរាជរដ្ឋាភិបាល ១៧ រូប និងភាគីនិយោជក ១៧ រូប ធ្វើការពិចារណាដោយឈរទៅលើលក្ខណវិនិច្ឆ័យបែបសង្គម និងសេដ្ឋកិច្ច ទាំង ៧ ក្នុងនោះរួមមានវិនិច្ឆ័យតាមបែប សង្គម (ស្ថានភាពគ្រួសារ អត្រាអតិផរណា និងការចំណាយក្នុងការរស់នៅ) និងលក្ខណវិនិច្ឆ័យបែបសេដ្ឋកិច្ច (ផលិតភាព ភាពប្រកួតប្រជែងរបស់ប្រទេស ស្ថានភាពទីផ្សារការងារ និងកម្រិតចំណេញរបស់វិស័យ) សម្រាប់ភាគីពាក់ព័ន្ធធ្វើជាមូលដ្ឋានប្រើប្រាស់ក្នុងការចរចាប្រាក់ឈ្នួលអប្បបរមា សម្រាប់ឆ្នាំ ២០២៥។
លោកបានបន្តទៀតថា ការចរចាដើម្បីកំណត់ប្រាក់ឈ្នួលកម្មករ-និយោជិតឆ្នាំនេះ ប្រកបដោយភាពចាស់ទុំ និងវិជ្ជមាន ហើយសង្ឃឹមថា នឹងទទួលបានប្រាក់ឈ្នួលថ្មីមួយល្អប្រសើរជាងឆ្នាំមុន។
យ៉ាងណាក៏ដោយ លោក សំ សឿន បានសំណូមពរដល់ភាគីនិយោជកជួយពិនិត្យលទ្ធភាពដំឡើងប្រាក់ឈ្នួលឱ្យបានសមរម្យបន្ថែមទៀតដល់កម្មករ-និយោជិត ព្រោះថាការដំឡើងប្រាក់ឈ្នួលនេះនឹងជួយលើកកម្ពស់សុខភាពកម្មករ-និយោជិតកាន់តែល្អ ក៏ដូចជាលើកស្ទួយជីវភាពគ្រួសារបានកាន់តែប្រសើរ ពិសេសជួយលើកកម្ពស់ផលិតកម្មតាមសហគ្រាសកាន់តែរីកចម្រើនផងដែរ។
គួរបញ្ជាក់ថា កាលពីថ្ងៃទី ១៤ ខែសីហា ឆ្នាំ ២០២៤ ក្រុមប្រឹក្សាជាតិប្រាក់ឈ្នួលអប្បបរមាអាណត្តិទី ៣ ឆ្នាំទី ២ បានបើកកិច្ចប្រជុំ ដើម្បីពិភាក្សាកំណត់ប្រាក់ឈ្នួលអប្បបរមារបស់កម្មករ-និយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ ២០២៥ និងគ្រោងរៀបចំកិច្ចប្រជុំបន្ទាប់ នៅព្រឹក ថ្ងៃទី ២៩ ខែសីហា, ថ្ងៃទី ៦, ទី ១២, ទី ១៩ និងទី ២៦ ខែកញ្ញា ឆ្នាំ ២០២៤។
នៅក្នុង ២០២៤ នេះ ប្រាក់ឈ្នួលអប្បបរមារបស់កម្មករ-និយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប គឺមានចំនួន ២០៤ ដុល្លារ ក្នុងមួយខែ ប្រសិនបើបូកនឹងប្រាក់អត្ថប្រយោជន៍ផ្សេងៗ បន្ថែម កម្មករ-និយោជិត ម្នាក់ អាចទទួលបានប្រាក់ឈ្នួល ចន្លោះពី ២២១ ទៅ ២៣២ ដុល្លារអាមេរិក ក្នុងមួយខែ ដោយមិនទាន់ពីគិតពីអត្ថប្រយោជន៍ផ្សេងទៀតដែលទទួលបានពី ប.ស.ស៕
អត្ថបទ ៖ សំអឿន
បវរកញ្ញា Gupta ទម្លាយថា ជីវិតដ៏វេទនា ចាប់តាំងពីឈ្នះមកុដ MGI
និយ័តករធានារ៉ាប់រងកម្ពុជា បន្តផ្សព្វផ្សាយផលិតផលធានារ៉ាប់រងយានយន្ត និងសុខភាព
មហាសេដ្ឋីលំដាប់លេខ២នៅថៃ លោក Charoen ផ្ទេរភាគហ៊ុននៅក្រុមហ៊ុនគ្រាក់ៗ ឲ្យកូនទាំង៥រូប
សហព័ន្ធកីឡាកាយវប្បកម្មកម្ពុជា រំលេចសារសំខាន់នៃការយល់ដឹងពីសារធាតុ Doping ក្នុងអាជីពកីឡា
លោក ហ្សេលេនស្គី ជំរុញឲ្យណាតូអញ្ជើញអ៊ុយក្រែនចូលរួមកិច្ចប្រជុំកំពូលនាខែមិថុនា
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេចតេជោ ព្រមានថា កម្ពុជាបានរៀបចំសំណាញ់មេឃរួចរាល់ សម្រាប់បាញ់យន្តហោះចម្បាំងដែលឈ្លានពាន
ក្រសួងព័ត៌មានលុបឈ្មោះមន្ត្រីរាជការ៧រូប ព្រោះមិនចូលធ្វើការ ការស្នើដោយស្ម័គ្រចិត្ត និងកត្តាបញ្ញត្តិផ្សេងៗ
-
ព័ត៌មានជាតិ៥ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៤ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៣ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៤ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៤ ម៉ោង agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ២១ ម៉ោង agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម២ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី