ព័ត៌មានជាតិ
ផ្លូវបេតុងឆ្អឹងដែក ចូលវត្តធុតង្គចំការដូង ស្ថាបនារួចរាល់ហើយ
ក្រោយពីអាជ្ញាធរជំនាញបានចុះពិនិត្យផ្លូវមួយខ្សែដែលរងការប៉ះពាល់ជន់លិចដោយជំនន់ទឹកភ្លៀង និងបានរៀបចំដាក់ប្រព័ន្ធលូរួចរាល់ ពេលនេះស្ថាបនាជាផ្លូវបេតុងឆ្អឹងដែក ដើម្បីឱ្យប្រជាពលរដ្ឋប្រើប្រាស់រួចហើយ។
ដោយមានការយកចិត្តទុកដាក់ពីអាជ្ញាធរ ឃើញថា ផ្លូវលំមួយខ្សែចាប់ពីកែងផ្លូវ ២១៧ រហូតដល់វត្តធុតង្គចំការដូង ស្ថិតនៅភូមិសំបូរ សង្កាត់ដង្កោ ខណ្ឌដង្កោ ពិបាកធ្វើដំណើរ និងប្រកបរបរផ្សេងៗ ខណៈភ្លៀងមកម្តងៗ ទឹកដក់លិចផ្លូវ កង្វះប្រព័ន្ធលូ ទើបកម្លាំងជំនាញពាក់ព័ន្ធ ចុះពិនិត្យជាក់ស្ដែង និងដាក់គ្រឿងចក្រឈូសឆាយ កាយដាក់ប្រព័ន្ធលូ ដើម្បីបញ្ចៀសនូវទឹកជំនន់ជន់លិចលំនៅឋានប្រជាពលរដ្ឋរួចរាល់ ហើយពេលនេះក៏ស្ថាបនាជាផ្លូវបេតុងឆ្អឹងដែករួចរាល់ ដើម្បីងាយស្រួលធ្វើដំណើរ ជាពិសេសពលរដ្ឋដែលទៅធ្វើបុណ្យសន្សំកុសលនៅវត្តធុតង្គផងដែរ។
មន្ត្រីជំនាញរបស់សាលាខណ្ឌដង្កោ បានប្រាប់ឱ្យដឹងថា ផ្លូវដែលស្ថាបនាផ្លូវបេតុងខាងលើមានប្រវែង ៤២០ ម៉ែត្រ ដោយប្រើប្រាស់ថវិកាគម្រោងមូលនិធិអភិវឌ្ឍន៍របស់សាលាខណ្ឌដង្កោ។
អាជ្ញាធរបានបញ្ជាក់ទៀតថា ដោយសារតែបេតុងទើបចាក់រួចរាល់ថ្មីៗ មិនទាន់រឹងមាំល្អ ដូចនេះអាជ្ញាធរបានដាក់ឱ្យតែម៉ូតូធ្វើដំណើរសិន ចំណែករថយន្តមិនទាន់អនុញ្ញាតឱ្យឆ្លងកាត់ទេ៕
អត្ថបទ ៖ សុខា
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ