ព័ត៌មានជាតិ
មន្ត្រីជាន់ខ្ពស់ការងារ អំពាវនាវកម្មករ-និយោជិត ថែរក្សាសុខភាពឱ្យបានល្អ ក្នុងរដូវធ្លាក់ខ្យល់
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានធ្វើការអំពាវនាវដល់កម្មករ-និយោជិត មានការប្រុងប្រយ័ត្នខ្ពស់ចំពោះសុខភាពក្នុងរដូវធ្លាក់ខ្យល់ ឬ រដូវរំហើយនេះ ដើម្បីចៀសវាងការឆ្លងជំងឺដង្កាត់ផ្សេងៗ នាំឱ្យប៉ះពាល់ដល់ការងារ ក៏ដូចជាខ្សែច្រវាក់ផលិតកម្មរោងចក្រ។
លោក កត្តា អ៊ន បានមានប្រសាសន៍នៅរសៀលថ្ងៃទី ២២ វិច្ឆិកា នេះថា «នៅក្នុងរដូវរំហើយនេះ អាចកើតមានជំងឺផ្ដាសាយនានា អីចឹងបងប្អូនកម្មករ-និយោជិត សូមថែរក្សាសុខភាពរបស់ខ្លួនផងដែរក្នុងការធ្វើដំណើរ ស្នាក់នៅ បរិភោគចំណីអាហារ និងភេសជ្ជៈផ្សេងៗ ត្រូវគិតពីសុខភាព ដើម្បីកុំឱ្យមានឆ្លងជំងឺផ្ដាសាយ និងជំងឺផ្សេងៗ ទៀត ធ្វើឱ្យរំខានដល់ការងាររបស់ខ្លួន»។
ចំណែកមន្ត្រីជំនាញសុខាភិបាល បានធ្វើការអំពាវនាវដល់ប្រជាពលរដ្ឋ ត្រូវបង្កើនការយកចិត្តទុកដាក់ និងប្រុងប្រយ័ត្នខ្ពស់ចំពោះជំងឺផ្លូវដង្ហើម ជំងឺផ្ដាសាយ និងជំងឺភ្នែកក្រហម ក្នុងរដូវរំហើយនេះ ខណៈតាមការព្យាករ កម្ពុជា នឹងចុះត្រជាក់ចាប់ពីសប្ដាហ៍ទី ២ នៃខែវិច្ឆិកា រហូតដល់ខែមករា ឆ្នាំ ២០២៥ ខាងមុខនេះ។
លោកសាស្ត្រាចារ្យ ញឹប អង្គាបុស្ស នាយកមន្ទីរពេទ្យកុមារជាតិ បានមានប្រសាសន៍ថា ជាទូទៅ មកដល់ខែវិច្ឆិកានេះ គឺឈានដល់រដូវរំហើយ ឬ រដូវធ្លាក់ខ្យល់ ដែលទាមទារឱ្យប្រជាពលរដ្ឋយកចិត្តទុកដាក់ និងប្រុងប្រយ័ត្នចំពោះជំងឺផ្លូវដង្ហើម ជំងឺផ្ដាសាយ និងជំងឺភ្នែកក្រហម។
លោកសាស្ត្រាចារ្យ ញឹប អង្គាបុស្ស បានណែនាំថា ក្នុងករណីប្រជាពលរដ្ឋទាំងអស់ជួបនូវបញ្ហាជំងឺខាងលើនេះ សូមអញ្ជើញមកកាន់មន្ទីរពេទ្យឯកទេស ដើម្បីឱ្យគ្រូពេទ្យពិនិត្យ និងព្យាបាលជំងឺកូន ចៅរបស់លោកអ្នកបានទាន់ពេលវេលា។
យោងតាមការផ្សាយរបស់ក្រសួងធនធានទឹក និងឧតុនិយម ដែលបានអង្កេត ពិនិត្យ និងវិភាគទៅលើស្ថានភាពវិវត្តប្រែប្រួល នៃសីតុណ្ហភាព នៅលើផ្ទៃមហាសមុទ្រប៉ាស៊ីហ្វិក ភាគខាងលិច និងមហាសមុទ្រឥណ្ឌា ព្រមទាំងតំបន់អេក្វាទ័រ បានបង្ហាញឱ្យឃើញថា ចាប់ពីខែវិច្ឆិកា ឆ្នាំ ២០២៤ ដល់ខែមករា ឆ្នាំ ២០២៥ បាតុភូតឡានីញ៉ា (La Nina) មានប្រមាណ ៦០% និងអេនសូ (ENSO) ៤០% តាមសន្ទស្សន៍នេះ ព្រះរាជាណាចក្រកម្ពុជា នឹងទទួលឥទ្ធិពលរបបខ្យល់មូសុងឦសានខ្លាំង ដែលនាំមកនូវខ្យល់ត្រជាក់ និងទទួលរបបទឹកភ្លៀងមានបរិមាណតិចតួច ហើយនឹងធ្វើឱ្យធាតុអាកាស ចាប់ពីសប្ដាហ៍ទីពីរ ខែវិច្ឆិកា ដល់ខែមករា ឆ្នាំ ២០២៥ ចុះត្រជាក់៕
អត្ថបទ ៖ សំអឿន
ស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
ប្រធាន IAEA៖ អ៊ីរ៉ង់អាចចាប់ផ្ដើមចម្រាញ់អ៊ុយរ៉ាញូមឡើងវិញនៅ«ប៉ុន្មានខែខាងមុខ»
លោក ត្រាំ៖ ការចោទប្រកាន់អំពើពុករលួយលើ ណេតាន់យ៉ាហ៊ូ គឺជា«រឿងឆ្កួតលីលា»
អភិបាលខេត្តពោធិ៍សាត់ ចុះត្រួតពិនិត្យបទល្មើសនេសាទក្នុងរដូវបិទ រកឃើញមានត្រីកើនឡើងជាងឆ្នាំមុន
លោក ហេង សួរ ឯកភាពជាមួយ CDRI ដើម្បីសិក្សាស្រាវជ្រាវពីវឌ្ឍនភាពតម្រូវការជំនាញនៅលើទីផ្សារ
លោកស្រី បាន ស្រីមុំ៖ អភិបាលខេត្តស្រះកែវ អត់ដឹងប្រវត្តិស្ពានព្រំ-បានប៉ាក់កាដ
ស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
រកឃើញសពម្ចាស់ទូកដ ២ នាក់ ប្ដីប្រពន្ធ បាត់ខ្លួនក្នុងហេតុការណ៍លិចទូក ម្សិលមិញ
បង្ហាញខ្លួនលើកនេះ ភរិយា និងកូនស្រីលោក គីម ស្ពាយកាបូប ពាក់នាឡិកាខ្ទង់ម៉ឺនដុល្លារ
សម្ដេចតេជោផ្ញើសារប្ដេជ្ញាការពារទឹកដីក្នុងពិធីខួបបក្សដែលធ្វើនៅទល់មុខស្ថានទូតថៃ
-
ព័ត៌មានអន្ដរជាតិ៤ ថ្ងៃ agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
ព័ត៌មានអន្ដរជាតិ១ ថ្ងៃ agoផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
សន្តិសុខសង្គម២ ថ្ងៃ agoអាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ៦ ថ្ងៃ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៥ ថ្ងៃ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៦ ថ្ងៃ agoជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ៦ ថ្ងៃ agoក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
-
ព័ត៌មានអន្ដរជាតិ៦ ថ្ងៃ agoPTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ