ព័ត៌មានជាតិ

អាជ្ញាធរសង្កាត់ភ្លើងឆេះរទេះ ដាក់គ្រឿងចក្រកាយរៀបចំប្រព័ន្ធលូថ្មី

បានផុស

២ years មុន

នៅ

ថ្ងៃអង្គារ ១០ ធ្នូ ២០២៤

ដោយ

កាលពីព្រឹកថ្ងៃទី ១០ ខែធ្នូ ឆ្នាំ ២០២៤ នេះ អាជ្ញាធរសង្កាត់ភ្លើងឆេះរទេះ ដឹកនាំដោយ លោក ស៊ិន វុទ្ធី ចៅសង្កាត់ បានដាក់គ្រឿងចក្រកាយរៀបចំដាក់ប្រព័ន្ធលូថ្មីអមសងខាងផ្លូវ ដើម្បីសម្រួលចរន្តទឹកហូរ ជៀសវាងជន់លិចនារដូវវស្សា។

លោក ស៊ិន វុទ្ធី ចៅសង្កាត់ភ្លើងឆេះរទេះ បានឱ្យដឹងថា ដោយឃើញបច្ចុប្បន្នកំណើនប្រជាពលរដ្ឋក្នុងមូលដ្ឋានច្រើន ក៏ដូចជា ផ្ទះល្វែង បុរី ជាដើម ដោយកង្វះនូវប្រព័ន្ធលូ ទឹកហូរមិនទាន់ ខ្លាចជន់លិចនារដូវវស្សា ទើបលោកបានស្នើសុំដល់ លោក ចាន់ សុវណ្ណារ៉ា ជាម្ចាស់ផ្ទះល្វែង ចាន់ សុវណ្ណារ៉ា នៅទីតាំងភូមិព្រៃរងៀង សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ដើម្បីរៀបចំប្រព័ន្ធលូថ្មីឡើងវិញ សម្រួលការកកស្ទះចរន្តទឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ិន វុទ្ធី ចៅសង្កាត់ បានបន្តទៀតថា ការកាយរៀបចំដាក់ប្រព័ន្ធលូខាងលើនេះនៅតាមអមបណ្ដោយផ្លូវបេតុងធំ ជន្លង់ម្លូ ស្ថិតក្នុងភូមិកប់ភ្លុក និងភូមិព្រៃរងៀង សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។

ជាមួយគ្នានេះដែរ អាជ្ញាធរ បានសំណូមពរដល់ប្រជាពលរដ្ឋទាំងអស់ក្នុងមូលដ្ឋាន សូមមេត្តាជួយថែរក្សាទុកដាក់សំរាម និងវេចខ្ចប់ឱ្យបានត្រឹមត្រូវ ជៀសវាងបោះចោលគ្មានសណ្ដាប់ធ្នាប់ បង្កផលប៉ះពាល់ដល់បរិស្ថាន ហើរចូលប្រព័ន្ធលូ បង្កការកកស្ទះចរន្តទឹក៕

អត្ថបទ ៖ សុខា