ព័ត៌មានជាតិ

«បេឡាជាតិសន្តិសុខសង្គមChat✅» មានសញ្ញាគ្រីសពណ៌ខៀវ ជា Telegram Group ផ្លូវការតែមួយគត់របស់ ប.ស.ស

បានផុស

១ year មុន

នៅ

ថ្ងៃព្រហស្បតិ៍ ២ មករា ២០២៥

ដោយ

បេឡាជាតិសន្តិសុខសង្គម(ប.ស.ស) នៃក្រសួងការងារ និងបណ្ដុះបណ្ដាលវិជ្ជាជីវៈ បានអះអាងថា «បេឡាជាតិសន្តិសុខសង្គមChat✅» ដែលមានសញ្ញាគ្រីសពណ៌ខៀវជាសម្គាល់ គឺជា Telegram Group ផ្លូវការតែមួយគត់របស់ ប.ស.ស ដែលសមាជិក ប.ស.ស ឬ សាធារណជន អាចធ្វើការទំនាក់ទំនង និងសាកសួរព័ត៌មានបាននៅពេលមានចម្ងល់អ្វីមួយទាក់ទិននឹងការប្រើប្រាស់ ប.ស.ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បេឡាជាតិសន្តិសុខសង្គម នៃក្រសួងការងារ និងបណ្ដុះបណ្ដាលវិជ្ជាជីវៈ បានបញ្ជាក់ថា «រាល់ការទំនាក់ទំនង និង ផ្ដល់ព័ត៌មានផ្សេងៗ បេឡាជាតិសន្តិសុខសង្គម គឺមាន Telegram Group ផ្លូវការតែមួយគត់ ដោយមានឈ្មោះថា «បេឡាជាតិសន្តិសុខសង្គម_Chat✅» ដែលមានសញ្ញាគ្រីសពណ៌ខៀវជាសម្គាល់។ ដូច្នេះប្រសិនបើមាន Telegram Group «បេឡាជាតិសន្តិសុខសង្គម_Chat» ដែលគ្មានសញ្ញាគ្រីសពណ៌ខៀវជាសម្គាល់នោះទេ គឺពុំមែនជា Telegram Group របស់បេឡាជាតិសន្តិសុខសង្គមឡើយ»។

បើតាម លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានបញ្ជាក់ថា រហូតមកទល់ពេលនេះ ប.ស.ស មានសមាជិកកើនឡើងដល់ជាង ២,៧ លាននាក់ ហើយ នៅទូទាំងប្រទេស ក្នុងនោះបុគ្គលស្ថិតក្នុងវិស័យសាធារណៈមានចំនួនជិត ៥០ ម៉ឺននាក់ បុគ្គលក្រោមបទប្បញ្ញត្តិច្បាប់ស្ដីពីការងារមានចំនួនជាង ១,៦ លាននាក់ បុគ្គលស្វ័យនិយោជន៍មានចំនួនជាង ៤៣ ម៉ឺននាក់ និងអ្នកក្នុងបន្ទុកសមាជិក ប.ស.ស ចំនួនជិត ១៤ ម៉ឺននាក់ ដោយជាសហព័ទ្ធ (ប្រពន្ធ ឬ ប្ដី) មានចំនួន ៣៦ ៦១២ នាក់ និងកូនមានចំនួន ១០២ ៧៨៨ នាក់៕

អត្ថបទ ៖ សំអឿន

Related Topics:បេឡាជាតិសន្តិសុខសង្គម (ប.ស.ស)ប.ស.ស