ព័ត៌មានជាតិ
ស្រូវប្រាំងជិត២០ម៉ឺនតោនត្រូវបាននាំចេញទៅប្រទេសវៀតណាមតាមច្រកភ្នំឌិន
ដោយស្រូវរដូវប្រាំឆ្នាំនេះទទួលបានទិន្នផលខ្ពស់ ឈ្មួញបានដើរប្រមូលទិញពីប្រជាកសិករនាំចេញទៅលក់នៅប្រទេសវៀតណាមតាមច្រកទ្វាអន្តរជាតិភ្នំឌិនមួយថ្ងៃៗរាប់ពាន់តោន ដែលនេះជាការបញ្ជាក់ឲ្យដឹងពីលោក ញ៉ឹប ស្រ៊ន ប្រធានមន្ទីរកសិកម្មរុក្ខាប្រមាញ់និងនេសាទខេត្តតាកែវ។
ការបញ្ជាក់ឲ្យដឹងបែបនេះ ស្របពេលដែលលោកប្រធានមន្ទីរ រួមនឹងលោកអនុប្រធានការិយាល័យក្សេត្រសាស្ត្រ និងផលិតភាពកសិកម្មខេត្ត លោកអនុប្រធានអនុការិយាល័យផ្សព្វផ្សាយកសិកម្មខេត្ត និងមន្ត្រីការិយាល័យផលិតកម្មនិងបសុព្យាបាលខេត្ត បានចុះពិនិត្យស្ថានភាពនៃការនាំស្រូវចេញទៅប្រទេសជិតខាងតាមច្រកភ្នំឌិន ស្រុកគីរីវង់ កាលពីថ្ងៃទី១៨ ខែមីនា ឆ្នាំ២០២១។
លោក ញ៉ឹប ស្រ៊ន បន្ថែមថា ស្រូវភាគច្រើនជាប្រភេទស្រូវស្រាលមិនប្រកាន់រដូវ ពូជ៥០៤ និងពូជOM៥៤ ហើយដែលមានតម្លៃពី៩០០រៀលដល់៩៧០រៀលក្នុងមួយគីឡូក្រាម។ ចំពោះបរិមាណនាំចេញនៅថ្ងៃទី១៨នេះ មានចំនួន៤១៤៤តោន ហើយបើបរិមាណនាំចេញសរុបចាប់ពីថ្ងៃទី១ ខែមករា ឆ្នាំ២០២១ ដល់ថ្ងៃទី១៨ ខែមីនា ឆ្នាំ២០២១នេះសរុបមាន១៧៥០២៤តោន។
លោកប្រធានបន្តថា រដូវប្រាំងឆ្នាំនេះការបង្កបង្កើនផលស្រូវរដូវប្រាំងមានលក្ខណៈប្រសើរជាងឆ្នាំមុន ដោយស្រូវល្អពុំសូវមានជំងឺឬសត្វល្អិត និងមានទឹកគ្រប់គ្រាន់ អាកាសធាតុល្អមានតម្លៃខ្ពស់បើប្រៀបធៀបទៅនិងស្រូវរដូវប្រាំងឆ្នាំ២០២០កន្លងទៅ។
ស្ថានភាពអំណោយផលស្រូវរដូវប្រាំងឆ្នាំនេះបានធ្វើឲ្យកសិករមានការសប្បាយចិត្តជាខ្លាំងទោះបីស្រុកទេសកំពុងជួបនូវវិបត្តិជំងឺកូវីដ-១៩ដែលជាជំងឺសកលយ៉ាងណាក៏ដោយ៕
អត្ថបទ ៖ វីរៈ
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ