សេដ្ឋកិច្ច

ការដោះដូរទំនិញកម្ពុជា-អង់គ្លេស សម្រេចបានទឹកប្រាក់ជាង ៨០០ លានដុល្លារ ត្រឹមរយៈពេល ៩ ខែ

បានផុស

៦ ខែ មុន

នៅ

ថ្ងៃព្រហស្បតិ៍ ៣០ តុលា ២០២៥

ដោយ

ការដោះដូរទំនិញកម្ពុជា-អង់គ្លេសសម្រេចបានទំហំទឹកប្រាក់ជាង ៨២៤ លានដុល្លារ នៅក្នុង រយៈ ពេល ៩ ខែ កើនឡើង ៤,៩២ ភាគរយ ធៀបនឹងរយៈពេលដូចគ្នានៅក្នុងឆ្នាំ ២០២៤ ដែលមានទំហំ ៧៨៥ លានដុល្លារ។ នេះបើយោងតាមរបាយការណ៍របស់ក្រសួងពាណិជ្ជកម្ម (MC)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យរបស់ក្រសួងពាណិជ្ជកម្ម បង្ហាញថា គិតចាប់ពីខែមករា ដល់ខែកញ្ញា ឆ្នាំ ២០២៥ ទំហំពាណិជ្ជកម្មទ្វេភាគីកម្ពុជា- អង់គ្លេសសរុប ៨២៤ លានដុល្លារ ក្នុងនោះកម្ពុជានាំទំនិញចេញទៅអង់គ្លេសមានទំហំទឹកប្រាក់ ៧៨៦ លានដុល្លារ កើនឡើង ៥,៣៥% ចំណែកអង់គ្លេសនាំចូលមកវិញមានតម្លៃ ៣៨,៤៥ លានដុល្លារ ធ្លាក់ចុះ ៣,១៩ ភាគរយ។

ផលិតផលសំខាន់ៗ ដែលកម្ពុជា នាំទៅអង់គ្លេសមានដូចជាសម្លៀកបំពាក់ ស្បែកជើង កង់ជាដើម។

លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម មានប្រសាសន៍ថា កម្ពុជា និងចក្រភពអង់គ្លេសមានទំនាក់ទំនងជិតស្និទ្ធលើគ្រប់វិស័យ ជាពិសេសក្នុងវិស័យពាណិជ្ជកម្ម និងវិនិយោគ។

លោកបណ្ឌិត ជ័យ តិច អ្នកស្រាវជ្រាវការអភិវឌ្ឍសង្គម-សេដ្ឋកិច្ច យល់ឃើញថា ពាណិជ្ជកម្មទ្វេភាគីកម្ពុជា-អង់គ្លេស មានលក្ខណៈល្អប្រសើរនៅឆ្នាំនេះ ដែលយើទទួលបានការអនុគ្រោះពន្ធពីអង់គ្លេស ពិសេសគឺការនាំចេញវិស័យវាយនភណ្ឌ កាត់ដេរ និងគ្រឿងបង្គុំអគ្គិសនី នាំចេញទៅអង់គ្លេក្នុងអត្រាសូន្យភាគរយ។

នៅឆ្នាំ ២០២៤ ពាណិជ្ជកម្មទ្វេភាគីកម្ពុជា-អង់គ្លេសសម្រេចបានទឹកប្រាក់ ១ ពាន់លានដុល្លារ កើនឡើង ១៦ ភាគរយ ក្នុងនោះកម្ពុជានាំចេញទៅអង់គ្លេសមានទំហំ ៩៥៨,៧៥ លានដុល្លារ កើន ២០,៤ ភាគរយ និងអង់គ្លេសនាំចូលមកកម្ពុជាវិញ មានទំហំទឹកប្រាក់ ៥៣,៧ លានដុល្លារ ធ្លាក់ចុះជិត ៣០ ភាគរយ៕

អត្ថបទ៖ ឡេង ដេត