ក្រសួងវប្បធម៌ រៀបចំកម្មវិធីរាត្រីសមោសរសំពត់បត់ខ្មែរលើកទី២ នៅថ្ងៃទី២៦-២៧ ខែមេសា

តាមរយៈទំព័រហ្វេសប៊ុករបស់ ក្រសួងវប្បធម៌ និងវិចិត្រសិល្បៈ នាថ្ងៃទី២៤ ខែមេសា ឆ្នាំ២០២៥ បានឱ្យដឹងថា ក្រសួង បានសហការជាមួយ ផ្សារទំនើបជីប ម៉ុង ២៧១ មេហ្គា ម៉ល រៀបចំកម្មវិធី រាត្រីសមោសរសំពត់បត់ខ្មែរលើកទី២ ចាប់ពីថ្ងៃទី២៦-២៧ ខែមេសា ខាងមុខ។

កម្មវិធីរាត្រីសមោសរសំពត់បត់ខ្មែរលើកទី២ នេះដែរធ្វើឡើងក្រោមប្រធានបទ “សម្លៀកបំពាក់អាពាហ៍ពិពាហ៍ខ្មែរ” ដោយមានVideo ឯកសារបង្ហាញពីសម្លៀកបំពាក់មង្គលការខ្មែរ ចាប់ពីសម័យឧដុង្គ ដល់សម័យបច្ចុប្បន្ន” មានបង្ហាញជូន ផ្ទាល់ពីស្លៀកបំពាក់មង្គលការខ្មែរ មកជូនប្រជាពលរដ្ឋខ្មែរឱ្យបានយល់ដឹងពី ទម្រង់សម្លៀកបំពាក់អាពាហ៍ពិពាហ៍ខ្មែរ។

បើតាមក្រសួងវប្បធម៌ និងវិចិត្រសិល្បៈ ព្រឹត្តិការណ៍វប្បបធម៌នេះ ក៏មានការបង្ហាញនូវសម្លៀកបំពាក់ងូតទឹករបស់ស្រ្តីខ្មែរ។ ដោយឡែកនៅថ្ងៃទី២៦ ខែមេសា នេះក៏នឹងមានការតាំងបង្ហាញជូននូវសម្លៀកបំពាក់មង្គលការខ្មែរតាំងពីសម័យឧត្ដុង្គ រហូតដល់បច្ចុប្បន្ន និងពិព័ណ៍ផលិតផលផ្សេងដែលធ្វើដោយដៃ។ កម្មវិធីនេះ រៀបចំឡើងនៅផ្សារទំនើប ជីប ម៉ុង ២៧១ មេហ្គា ម៉ល ជាន់ផ្ទាល់ដី មេហ្គា ផ្លាហ្សា៕