ព័ត៌មានជាតិ

ប្រមុខរដ្ឋាភិបាលប្រកាស មានខេត្តចំនួន ៦ បានបញ្ចប់ការវាស់វែងដីធ្លីជាប្រព័ន្ធ

បានផុស

១ year មុន

នៅ

ថ្ងៃសុក្រ ២ ឧសភា ២០២៥

ដោយ

នាយករដ្ឋមន្រ្តីកម្ពុជាបានប្រកាសក្នុងពិធីជួបសំណេះសំណាលជាមួយមន្រ្តីរាជការបុគ្គលិក កម្មករ និយោជិក កំពង់ផែស្វយ័តក្រុងព្រះសីហនុកាលពីម្សិលមិញថា ខេត្តចំនួន ៦ បានបញ្ចប់ការវាស់វែងដីធ្លីជាប្រព័ន្ធ ដែលជាដំណើរការឈានទៅបញ្ចប់ជម្លោះដីធ្លីនៅទូទាំងប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងពិធីជួបសំណេះសំណាលជាមួយមន្រ្តីរាជការបុគ្គលិក កម្មករ និយោជិក កំពង់ផែស្វយ័តក្រុងព្រះសីហនុកាលពីព្រឹកថ្ងៃ ១ ឧសភា ឆ្នាំ២០២៥ ម្សិលមិញនេះ សម្តេចធីបតី ហ៊ុន ម៉ាណែត នាយករដ្ឋមន្រ្តីកម្ពុជាបានអះអាងថា ខេត្តចំនួន ៦ បានបញ្ចប់ដំណើរការវាស់វែងដីធ្លីជាប្រព័ន្ធ ក្នុងនោះខេត្តព្រះសីហនុនិងខេត្តតាកែវក៏ទើបតែប្រកាសបញ្ចប់ដំណើរការចុះវាស់វែងដីធ្លីជូនប្រជាពលរដ្ឋ។

បើតាមប្រមុខរដ្ឋាភិបាល ការបញ្ចប់ការចុះវាស់វែងដីធ្លីជូនប្រជាពលរដ្ឋ នឹងបង្កើតលំនឹងផ្លូវចិត្តដល់ពលរដ្ឋទទួលបានសិទ្ធិកាន់កាប់ដីធ្លីបានច្បាស់លាស់។

ពាក់ព័ន្ធខេត្តព្រះសីហនុដែលប្រកាសបញ្ចប់ការចុះវាស់វែងដីធ្លីជាប្រព័ន្ធ នាយករដ្ឋមន្រ្តីកម្ពុជាបានបញ្ជាក់ថា ខេត្តព្រះសីហនុកន្លងទៅ ជួបបញ្ហារ៉ាំរ៉ៃលើជម្លោះដីធ្លី ស្របពេលខេត្តនេះមានលំហូរវិនិយោគិនចូលទៅបោះទុនវិនិយោគយ៉ាងគំហុកនាំឲ្យហាងឆេងដីធ្លីបានហក់ឡើង។

បើតាមប្រមុខរដ្ឋាភិបាល ខណៈដែលខេត្តចំនួន ៦ បានបញ្ចប់ការចុះវាស់វែងដីធ្លីទាំងស្រុង ខេត្តមួយចំនួនទៀតក៏កំពុងបន្តនីតិវិធីជំរុញការបញ្ចប់ការវាស់វែងជាបន្តបន្ទាប់។ តាមរយៈយុទ្ធនាការចុះបញ្ជីដីធ្លីបង្ហើយ បានចូលរួមចំណែកក្នុងការបង្កើននូវសុវត្តិភាព នៃការកាន់កាប់ដីធ្លី កាត់បន្ថយបញ្ហាទំនាស់ ជំរុញអភិវឌ្ឍន៍ទីផ្សារដីធ្លីនិងទាក់ទាញបានការវិនិយោគបន្ថែមទៀត៕

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា