ព័ត៌មានជាតិ
អាជ្ញាធរស្រុកកោះសូទិន ចុះទប់ស្កាត់ករណីពលរដ្ឋរំលោភយកដីសាធារណៈ មកធ្វើជាកម្មសិទ្ធិ នៅឃុំមហាលាភ
អាជ្ញាធរស្រុកកោះសូទិន បានចុះទប់ស្កាត់ករណីប្រជាពលរដ្ឋក្នុងភូមិដំណាក់ព្រីងកើត ឃុំមហាលាភ នាំគ្នារំលោភយកដីសាធារណៈមកធ្វើជាកម្មសិទ្ធិ។
នៅថ្ងៃទី ៩ ខែឧសភា ឆ្នាំ ២០២៥ នេះ លោក ផេន សុផាត អភិបាលរងស្រុកកោះសូទិន តំណាងលោក យី វណ្ណៈ អភិបាលស្រុក សហការជាមួយមន្ត្រីជំនាញ អាជ្ញាធរឃុំ ចុះពិនិត្យផ្ទាល់ និងដោះស្រាយការដណ្ដើមដីសាធារណៈយកមកគ្រប់គ្រង ខណៈដីដែលរំលោភនេះជាដីព្រែក បឹងឈើពុក នៅតាមបណ្ដោយផ្លូវបេតុង ភូមិដំណាក់ព្រីងកើត ជាប់ព្រំប្រទល់ស្រុកអូររាំងឪ ខេត្តត្បូងឃ្មុំ ដោយក្នុងនោះ អាជ្ញាធរស្រុក បានស្នើ និងអំពាវនាវ សូមកុំឲ្យប្រជាពលរដ្ឋដណ្ដើមដីសាធារណៈនេះបន្តទៀត។
លោកអភិបាលរងស្រុកកោះសូទិន បញ្ជាក់ថា ដីដែលជាប់បណ្ដោយផ្លូវបេតុងភូមិដំណាក់ព្រីងកើត ជាប់ព្រំប្រទល់ស្រុកអូររាំងឪ ខេត្តត្បូងឃ្មុំ នេះ គឺសុទ្ធសឹងជាដីចំណីដែនបឹង ដែលកាន់កាប់ដោយជលផល ហើយប្រជាពលរដ្ឋរំលោភកន្លងមកពុំមានប្លង់ឯកសារត្រឹមត្រូវឡើយ។ ដូច្នោះ ដើម្បីថែរក្សា និងទប់ស្កាត់កុំឲ្យប្រជាពលរដ្ឋដណ្ដើមគ្នាយកមកអាស្រ័យ ឬធ្វើកម្មសិទ្ធិបានទៀតនោះ រដ្ឋបាលស្រុក រួមអាជ្ញាធរឃុំ នឹងចាត់វិធានការចំពោះបុគ្គលដែលរំលោភយក ដោយអនុវត្តតាមផ្លូវច្បាប់ប្រសិនបើមានការប្រព្រឹត្តបន្តទៀត៕
អត្ថបទ និង រូបភាព ៖ ឡេក ចាន់ពេជ្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម