ព័ត៌មានជាតិ

កែវ ពេជ្រពិសី សារភាពចំណងស្នេហ៍ឆ្លងទ្វីបជាមួ យគូដណ្តឹងវ័យ៥០ឆ្នាំប្លាយ

បានផុស

៥ years មុន

នៅ

ថ្ងៃសុក្រ ៩ មេសា ២០២១

ដោយ

ភ្នំពេញ ៖ តារាសម្តែងពូកែខាងទឹកភ្នែក កែវ ពេជ្រពិសី ថ្មីៗនេះស្រាប់តែធ្លាយដំណឹងនៃការសាងសម្ព័ន្ធភាពស្នេហ៍ស្ងាត់ៗជាមួយបុរសអ្នកជំនួញឆ្លងទ្វីបអាណិកជនខ្មែររស់នៅកាណាដា។មិនតែប៉ុណ្ណោះថែមទាំងបានរៀបចំពិធីភ្ជាប់រួចរាល់ហើយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានបានបង្ហើបទៀតថា ទោះបីកែវ ពេជ្រពិសី បានក្លាយទៅជាគូដណ្ដឹងដែលជាអាណិកជនមកពីកាណាដាហើយក៏ពិតមែន។ ប៉ុន្ដែរហូតមកទល់ពេលនេះ នាងនៅមិនទាន់ហ៊ានកំណត់ពេលវេលា ឬ ថ្ងៃចូលរោងការជាក់លាក់នៅឡើយទេព្រោះ បញ្ហាជំងឺកូវីដ-១៩កំពុងតែផ្ទុះខ្លាំង។

ឆ្លើយតបចំពោះដំណឹងខាងលើ កែវ ពេជ្រពិសី បានសារភាពប្រាប់អ្នកសារព័ត៌មានថា នាងបានភ្ជាប់ ពាក្យជាមួយបុរសអាណិកជនខ្មែរមកពីកាណាដា ឈ្មោះ ពៅ សម្បត្តិ អាយុ៥០ឆ្នាំ។ពិធីភ្ជាប់ពាក្យនេះបានធ្វើឡើងជាផ្លូវការកាលពីអំឡុងដើមខែឧសភា ឆ្នាំ២០២០មកម្ល៉េះខណ:ពិធីនោះប្រព្រឹត្តិទៅចំថ្ងៃ ខួបកំណើតរបស់នាងតែម្ដង។

តារាស្រី កែវ ពេជ្រពិសី បញ្ជាក់ថា រវាងនាងនិងគូដណ្តឹង បានស្គាល់គ្នាច្រើនឆ្នាំមកហើយ ហើយទើបតែរយៈពេល៣ ឬ ៤ឆ្នាំចុងក្រោយនេះទេដែលនាងបានសម្រេចចិត្តប្រគល់បេះដូងនិងកំណត់ពេល វេលារៀបចំពិធីភ្ជាប់ពាក្យផ្លូវការ។ នាងបន្ថែមថា អនាគតស្វាមីរបស់នាងកន្លងមកបានចេញចូលក្នុងស្រុកខ្មែរជាញឹកញាប់ព្រោះលោកក៏មានមុខជំនួញបើកក្រុមហ៊ុនឯកជនមួយនៅខ្មែរផងដែរ៕

ដោយ ៖ ចាន់រ៉ា