នយោបាយ
ព្រះអង្គម្ចាស់ នរោត្តម ចក្រាវុធ ប្រកាសប្តេជ្ញាខិតខំប្រមែប្រមូលអ្នករាជានិយម ដើម្បីទទួលបានជោគជ័យសាជាថ្មី
មានបន្ទូលនៅក្នុងអង្គសមាជវិសាមញ្ញ ដើម្បីជ្រើសរើសក្បាលម៉ាស៊ីនដឹកនាំគណបក្ស នាព្រឹកថ្ងៃទី០៩ ខែកុម្ភៈ ឆ្នាំ២០២២នេះ ព្រះអង្គម្ចាស់ នរោត្តម ចក្រាវុធ ដែលទើបត្រូវបានគាំទ្រជាប្រធានគណបក្សហ៊្វុនស៊ិនប៉ិចនោះ បានប្តេជ្ញាការពារគណបក្សហ៊្វុនស៊ិនប៉ិចឲ្យគង់វង្សជាអមតៈ និងប្រមែប្រមូលអតីតសមាជិក សមាជិកា ដើម្បីគណបក្សទទួលបានជោគជ័យសាជាថ្មី។
ព្រះអង្គម្ចាស់ នរោត្តម ចក្រាវុធ បានបញ្ជាក់ថា “ខ្ញុំសូមប្រកាសជូនអង្គសមាជដ៏ឧត្តុងឧត្តមថា ខ្ញុំនៅការពារគណបក្សហ៊្វុនស៊ិនប៉ិចឲ្យនៅគង់វង្សជាអមតៈ។ ដង្ហែព្រះមាគ៌ាព្រះបិតាខ្ញុំ សម្ដេចបិតារបស់ខ្ញុំ ក៏ដូចជាគោលនយោបាយបង្រួបបង្រួមជាតិ ផ្សះផ្សាជាតិ និងឯកភាពជាតិ។ ដើម្បីគោរពថ្វាយព្រះសក្ការៈរបស់សម្ដេចក្រុមព្រះ នរោត្ដម រណឫទ្ធិ អតីតព្រះប្រធានគណបក្សហ៊្វុនស៊ិនប៉ិច និងខិតខំប្រមែប្រមូល អតីតអ្នករាជានិយម អ្នកសីហនុនិយម រណប្ញទ្ធិនិយម ដើម្បីគណបក្សទទួលបានជោគជ័យសាជាថ្មី”។
សូមបញ្ជាក់ថា នៅព្រឹកថ្ងៃទី០៩ ខែកុម្ភៈ ឆ្នាំ២០២២ នេះ គណបក្សហ៊្វុនស៊ិនប៉ិច បានរៀបចំសមាជវិសាមញ្ញ ដើម្បីជ្រើសរើសក្បាលម៉ាស៊ីនដឹកនាំគណបក្ស ក្រោយយាងចូលទិវង្គត របស់សម្តេចក្រុមព្រះ នរោត្ដម រណឫទ្ធិ និងធ្វើវិសោធនកម្មប្រការមួយចំនួន នៃលក្ខន្តិកៈគណបក្ស ព្រមទាំងកំណត់យុទ្ធសាស្ត្រនយោបាយគណបក្ស។
សម្តេចក្រុមព្រះ នរោត្តម រណឫទ្ធិ ព្រះប្រធានគណបក្សហ៊្វុនស៊ិនប៉ិច បានយាងចូលព្រះទិវង្គត នៅថ្ងៃអាទិត្យ ទី២៨ ខែវិច្ឆិកា ឆ្នាំ២០២១ វេលាម៉ោង៩ និង៤០ នាទីព្រឹក នៅប្រទេសបារាំង ត្រូវនឹងម៉ោង៣ និង៤០នាទីរសៀល ម៉ោងនៅព្រះរាជាណាចក្រកម្ពុជា ក្នុងព្រះជន្មាយុ៧៧ព្រះវស្សា ដោយព្រះរោគាពាធ។
ក្រោយយាងចូលព្រះទិវង្គតរបស់សម្តេចក្រុមព្រះ បានធ្វើផ្ទៃក្នុងគណបក្សហ៊្វុនស៊ិនប៉ិច ដែលតែងតែមានភាពប្រេះស្រាំស្រាប់នោះ បានឈានទៅបែកបាក់កាន់តែធ្ងន់ធ្ងរ ដោយថ្នាក់ដឹកនាំបានបែកចេញជាពីរក្រុម គឺទីមួយ ក្រុមខាងព្រះអង្គម្ចាស់ នរោត្តម ចក្រាវុធ ដែលជាបុត្រារបស់សម្តេចក្រុមព្រះ ហើយមួយក្រុមទៀត គឺក្រុមលោក សាយ ហាក់, លោក ហេង ចន្ថា, លោក ញ៉េប ប៊ុនជិន និងលោក ផាន់ សិទ្ធី ជាដើម (ក្រុមនេះគ្រោងយាងព្រះអង្គម្ចាស់ នរោតម អរុណ រស្មី ធ្វើជាប្រធានបក្ស)។
ជាការកត់សម្គាល់ថ្នាក់ដឹកនាំទាំងពីរក្រុមតែងតែអះអាងថា ក្រុមមួយធ្វើសកម្មភាពដោយខុសច្បាប់ ខុសលក្ខន្តិកៈ ហើយក្រុមមួយទៀត ក៏ប្រកាសដូចគ្នា៕
ដោយ ៖ កោះកែវ
ស្មាត់ជំនាន់ក្រោយរបស់ ប្រេស៊ីល Darlan Souza កំពុងធ្វើឲ្យផ្ទុះការចាប់អារម្មណ៍ខ្លាំង
រដ្ឋមន្រ្តីព័ត៌មានកម្ពុជា ស្នើឱ្យពិភាក្សាលើគោលការណ៍រួមមួយសម្រាប់ក្រមសីលធម៌ AI លើវិស័យសារព័ត៌មាន
ទឹកជំនន់នៅភាគខាងជើងប៉ាគីស្ថានសម្លាប់ភ្ញៀវទេសចរ ៣នាក់ ខណៈ ១៥នាក់ទៀតបាត់ខ្លួន
អភិបាលរាជធានី ណែនាំឲ្យស្នងការរៀបចំផែនការបន្តបង្ក្រាបការឆបោកតាមប្រព័ន្ធONLINE SCAMS ឲ្យបានម៉ឺងម៉ាត់បំផុត
ក្រសួងមហាផ្ទៃកម្ពុជា ត្រៀមធ្វើម្ចាស់ផ្ទះកិច្ចប្រជុំវិស័យសន្តិសុខជាមួយឡាវ និងវៀតណាម
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៨ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ១៩ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
សន្តិសុខសង្គម៣ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន