អាជីព
មុខរបរត្បាញក្រមាកីនៅតែមានទីផ្សារអាចរកប្រាក់ផ្គត់ផ្គង់គ្រួសារ
មុខរបរផលិតត្បាញក្រមាកីនៅតែមានទីផ្សារ ខណៈប្រជាពលរដ្ឋរស់នៅភូមិប្រាសាទល្បើក ឃុំបេង ស្រុកបន្ទាយអំពិលខេត្តឧត្តរមានជ័យតែងតែធ្វើជាប្រចាំថ្ងៃតកូនតចៅពីព្រោះថា ជាស្នាដៃកូនខ្មែរសម័យបុរាណតាំងពីយូលង់ណាស់មកហើយដោយមិនសាបសូន្យរហូតមកដល់បច្ចប្បន្ននេះណាមួយការងារមួយនេះអាចកាត់បន្ថយអត្រាការធ្វើចំណាកស្រុកទៅសុីឈ្នួលធ្វើការឲ្យគេនៅប្រទេសថៃផងដែរ។
លោកស្រី ភី ឡៃ អាយុ ៦៨ឆ្នាំ រស់នៅភូមិទំនប់ថ្មី ឃុំបេង ស្រុកបន្ទាយអំពិល ខេត្តឧត្តរមានជ័យបានរៀបរាប់ប្រាប់ឲ្យដឹងថា ការផលិតត្បាញក្រម៉ាកីនេះដែរគឺគាត់បានរៀនចេះតៗគ្នាតាំពីម្តាយគាត់រហូតមកតាំងពីសម័យបុរាណពីព្រោះថាមុខរបរនេះធ្វើនៅតែផ្ទះមួយកន្លែងមិនបាច់ទៅដើរសុីឈ្នួលគេណាមួយអាចរកប្រាក់ដើម្បីចិញ្ចឹមគ្រួសារបានយ៉ាងស្រួលនឹងមានពេលធ្វើការងារផ្ទះសប្បែងខ្លះទៀតផង។
លោកស្រីថា មូលហេតុដែលនាំឲ្យអ្នកភូមិចេះតែនាំគ្នាធ្វើផលិតត្បាញក្រមាកីនេះមកពីកាលសម័យមុនចាស់ៗភាគច្រើននៅតាមផ្ទះតែងតែបង្ហាត់បង្រៀនកូនចៅស្រីឲ្យចេះត្បាញក្រមាកីនេះយកលក់សម្រាប់រកប្រាក់ចិញ្ចឹមគ្រួសារដោយសម័យមុនកូនស្រីឲ្យតែដល់វ័យពេញក្រមុំមិនបានរៀនជ្រៅជ្រះនឹងគេក៏ចាស់ៗរស់នៅក្នុងភូមិតែងតែណែនាំកូនចៅឲ្យចេះធ្វើការផលិតប្រកបមុខរបរត្បាញក្រម៉ាកីនេះរហូតមកដល់សព្វថ្ងៃតែម្តង។
បើតាមការអះអាងពីលោក ឆាង សារុន មេឃុំបេងបានបញ្ជាក់ប្រាប់ឲ្យដឹងនៅថ្ងៃទី១៩ ខែធ្នូឆ្នាំ២០២២នេះថា ចំពោះប្រជាពលរដ្ធដែលចេះផលិតត្បាញក្រមានៅក្នុងឃុំមានចំនួន២ភូមិរួមមានទី១ ភូមិទំនប់ថ្មី ទី២ភូមិយាយទេព ម៉្យាងវិញទៀតដោយមានការគាំទ្រពីមន្ទីរកិច្ចការនារីខេត្តជួយឧបត្ថម្ភជាអំបោះសម្រាប់ផ្តល់ជូនពលរដ្ឋក្នុងភូមិដើម្បីត្បាញក្រមាកីលក់ក្នុងស្រុកជាបន្តបន្ទាប់។
លោកមេឃុំបានប្រាប់បន្តថា ប្រជាពលរដ្ឋដែលផលិតត្បាញក្រមាកីនេះដែរគឺធ្វើការលក់ដូរនៅក្នុងស្រុកតែប៉ុណ្ណោះហើយក្រមាដែលពលរដ្ឋត្បាញលក់ក្នុងស្រុកនោះមាន២យ៉ាងគឺក្រមាធុនធំលក់បានតម្លៃ ២០ ០០០ រៀលក្រមាអាធុនតូចលក់បានតម្លៃ ១៥ ០០០ រៀល ហើយការផលិតក្រមាកីនេះទៀតសោតបើសិនជាពលរដ្ឋដែលធ្វើបានផលិតធ្វើបានច្រើនលក់បោះឲ្យម៉ូយដែលគេកម្មង់នៅសល់ខាងមន្ទីរកិច្ចការនារីខេត្តឧត្តរមានជ័យចាំទទួលទិញយកទាំងអស់៕
អត្ថបទ៖ ចាន់ ធី
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង