បង្កងធម្មជាតិខេត្តតាកែវទិន្នផលកើនឡើង ខណៈតម្លៃទាបខ្ពស់តាមប្រភេទលេខ ១ និងលេខ ២

បង្កងធម្មជាតិខេត្តតាកែវ មានការកើនឡើងដល់ ៦៦ តោនក្នុងឆ្នាំ២០២២ បើធៀបនិងឆ្នាំ២០២១មានតែ៤១តោនប៉ុណ្ណោះ ដែលនេះជាឱកាសសម្រាប់ភ្ញៀវទេសចរពីគ្រប់ទិសទីមកកម្សាន្ត និងសាករសជាតិ បង្កងធម្មជាតិស្រស់ៗនៅខេត្តចំណាស់មួយនេះដោយបរិបូរ។

លោក សៅ កុសល នាយខណ្ឌរដ្ឋបាលជលផលខេត្ត តាកែវ បានបញ្ជាក់ប្រាប់កម្ពុជាថ្មីថា បង្កងធម្មជាតិខេត្ត តាកែវ សម្បូរមានតែប៉ុន្មានខែប៉ុណ្ណោះ ចាប់ពីខែ វិច្ឆិកា ដល់ខែមករា តែភ្ញៀវនៅតែអាចមកទទួលទៀនបង្កងខេត្តតាកែវបានរាល់ខែ ព្រោះនៅតាមសហគមន៍ខេត្តតាកែវ ពលរដ្ឋបានចិញ្ចឹមបង្កងសម្រាប់ផ្គត់ផ្គងតម្រូវការភ្ញៀវក្រៅតែពីបង្កងធម្មជាតិដែលសប្បូរតែ២ ទៅ៣ខែ។

លោកនាយខណ្ឌជលផលបន្តថា បង្កងគឺជាផលិតផលនិងជាអត្តសញ្ញាណរបស់ខេត្តតាកែវ ដែលខេត្តមួយនេះ តែងតែទទួលបានភ្ញៀវទេសចរ ជាតិ និង អន្តរជាតិ ដែលចង់មកសាករសជាតិបង្កងទឹកសាបដ៏ឆ្ងាញ់ពិសានេះ។ពិសេស បង្កងធម្មជាតិខេត្តតាកែវ មិនមែនសុទ្ធតែអាច រកបានរាល់ថ្ងៃឡើយ គឺមានតែតាមរដូវប៉ុណ្ណោះ ហើយភាគច្រើនប្រភពបង្កង គឺយកមកពីស្រុកអង្គរបុរី និងបុរីជលសារ។

សូមបញ្ជាក់ថា បច្ចុប្បន្នបង្កងនៅខេត្តតាកែវ មានតម្លៃដោយលេខ១ មួយគីឡូ៣៥ដុល្លារ និងលេខ២តម្លៃ២២ដុល្លារ៕

អត្ថបទ៖ វីរៈ