Connect with us

សន្តិសុខសង្គម

កាត់ទោសអតីតយោធាផ្កាយ២​លើបណ្តឹងបរិហារបង្កាច់កេរ្តិ៍​

បានផុស

នៅ

ចៅក្រម​ជំនុំជម្រះ​សាលាដំបូង​រាជធានី​ភ្នំពេញ នៅ​ព្រឹក​ថ្ងៃទី​៥ ខែមករា ឆ្នាំ​២០២២ នេះ​ បាន​លើក​យក​សំណុំរឿង​អតីតយោធាផ្កាយ​២​ នឹង​គូកន​មក​កាត់ក្តី ពាក់​ព័ន្ធ​លើ​បណ្តឹង​បរិហាបង្កាច់​កេរ្តិ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សំនុំ​រឿងនេះ​មាន​ជន​ត្រូវ​ចោទ​២​នាក់ ម្នាក់​ឈ្មោះ សូ​យ ចាន់​សឿន ភេទ​ប្រុស អាយុ​៤៥ ឆ្នាំ អតីត​យោធាផ្កាយ​២​ មាន​ទីលំនៅ​ផ្ទះ​លេខ​៣១០​អឺ ០ មហាវិថី​ព្រះមុនីវង្ស សង្កាត់​ចតុមុខ ខណ្ឌដូនពេញ រាជធានី​ភ្នំពេញ កំពុង​ជាប់ឃុំ​នៅ​ពន្ធនាគារ​ខេត្តកំពង់ស្ពឺ​។ និងម្នាក់ទៀត​ឈ្មោះ សូ បិ​ន​ឡា ភេទ​ប្រុស អាយុ​៤៣​ឆ្នាំ ស្នាក់​នៅផ្ទះ​គ្មាន​លេខ ផ្លូវ​បេតុង ភូមិ​ត្នោតជ្រុំ​៣ សង្កាត់​បឹងទំពុន ខណ្ឌមានជ័យ រាជធានី​ភ្នំពេញ ។ ជន​ត្រូវ​ចោទ​ទាំង​២នាក់​រង​នូវ​ពាក្យបណ្តឹង​របស់​ឈ្មោះ កើត ខេង ភេទ​ប្រុស អាយុ​៥០ឆ្នាំ មុខរបរជា​អាជីវករ នៅ​រាជធានី​ភ្នំពេញ ។

យោងតាម​ពាក្យបណ្តឹង​របស់​ជនរ​ង​គ្រោះ បាន​ចោទប្រកាន់​ជន​ត្រូវ​ចោទ​ទាំង​២​នាក់​ពីបទបរិហារ​បង្កាច់​កេរ្តិ៍ ប្រព្រឹត្ត​នៅ​ចំណុច​រាជធានី​ភ្នំពេញ កាលពី​អំឡុង​ឆ្នាំ​២០២០ ដែល​បទល្មើស​នេះ​មាន​បញ្ញត្តិ​ឲ្យ​ផ្តន្ទាទោស​តាម​មាត្រ ៣១១ នឹង​មាត្រា ៣១២ នៃ​ក្រមព្រហ្មទណ្ឌ ។

ពាក្យបណ្តឹង​បានបញ្ជាក់​ទៀតថា​ នៅក្នុង​អំ​ឡុង​ឆ្នាំ​២០២០ ជនសង្ស័យ​ឈ្មោះ សូ​យ ចាន់​សឿន និង​ឈ្មោះ សូ បិ​ន​ឡា បាន​ប្តឹង​លោក កើត ខេង និង​ឈ្មោះ ជា ឡង់ឌី ពីបទឆបោក និង​ក្លែង​លិខិត​សាធារណៈ ហើយ​ពាក្យបណ្តឹង​នោះ​ត្រូវបាន​តំណាង​អយ្យការ​អម​សាលាដំបូង​រាជធានី​ភ្នំពេញ បើក​ការស៊ើបអង្កេត​តាម​នីតិវិធី​ដោយ​រក​មិនឃើញ​មាន​បទល្មើស​ដូច​តាម​ការចោទប្រកាន់​នោះ ទើប​តំណាង​អយ្យ ការសម្រេច​តម្កល់ទុក​ឥត​ចាត់ការ ។

ផ្អែក​ទៅលើ​ទង្វើ​របស់​ជនសង្ស័យ​ឈ្មោះ សូ​យ ចាន់​សឿន និង សូ បិ​ន​ឡា បាន​ឃុបឃិត​គ្នា​ប្តឹង​លោក កើត ខេង គ្មាន​មូលដ្ឋាន​ច្បាស់លាស់ និង​គ្មាន​ឯកសារ​គ្រប់គ្រាន់ ជា​តឹកតាង​សម្រាប់​បង្ហាញ​ជូន​ស្ថាប័ន​អយ្យការ ដែល​សបញ្ជាក់​ឲ្យ​ឃើញថា ឈ្មោះ សូ​យ ចាន់​សឿន និង​ឈ្មោះ សូ បិ​ន​ឡា មានគំនិត​ទុច្ចរិត​ជាប់​ពាក់​ព័ន្ធ​ទៅនឹង​បទល្មើស​បរិហារ​បង្កាច់​កេរ្តិ៍​ ទើប​ធ្វើ​ឲ្យ​លោក កើត ខេង ជា​ជន​រងគ្រោះ​កើត​ទុក​មិន​សុខចិត្ត​ប្តឹង​តបត​វិញ​នោះ ។ ដូច្នេះ​រង់ចាំ​មើល​អ្នកប្តឹង​គេ​ដោយ​គ្មាន​ភស្តុតាង​ជាក់លាក់ ត្រូវគេ​ប្តឹង​វិញ នឹង​ទៅជា​យ៉ាងណា ?

សូមបញ្ជាក់ថា អតីត​យោធាផ្កាយ​២ សូ​យ ចាន់​សឿន នៅជាប់​បណ្តឹង​ជាច្រើន​ករណី​ទៀត ដែល​តុលាការ​រាជធានី ខេត្ត នឹង​លើក​យកមក​បើកសវនាការ​ជា​បន្តបន្ទាប់ ។ សំណុំរឿង​ដែល​ក្តៅ​ជាងគេ​នោះ គឺ​បណ្តឹង​របស់​ជនរងគ្រោះ​ឈ្មោះ ឌួង ហេ​ម៉ាលី​ស ប្តឹង សូ​យ ចាន់​សឿន ពីបទ​« ហិង្សាដោយ មានស្ថានទម្ងន់ទោស និងបង្ខាំងមនុស្សដោយខុសច្បាប់ » ៕

អត្ថបទ៖ មករា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម