សន្តិសុខសង្គម

ភ្លៀងខ្យល់គ្របដណ្ដប់លើស្រុកចំនួន ៣ ក្នុងខេត្តបាត់ដំប ប៉ះពាល់ផ្ទះប្រជាពលរដ្ឋមួយចំនួន និងសម្លាប់គោ ៩ ក្បាល

បានផុស

៣ years មុន

នៅ

ថ្ងៃសៅរ៍ ១៩ មីនា ២០២២

ដោយ

ក្នុងខេត្តបាត់ដំបងមានភ្លៀងធ្លាក់មួយមេលាយឡំ និងខ្យល់កន្ត្រាក់ផ្គររន្ទះបង្កឲ្យមានផលប៉ះពាល់លើស្រុកចំនួន៣ធ្វើឲ្យលំនៅឋានប្រជាពលរដ្ឋមួយចំនួនបានរងការខូចខាតយ៉ាងដំណំនិងសត្វគោសរុប៩ក្បាលត្រូវបានរន្ទះបាញ់ផ្តាច់ជីវិតក្នុងថ្ងៃតែមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអធិការស្រុកបាណន់បានឲ្យដឹងថានៅថ្ងៃទី១៨ខែមីនាវេលាម៉ោងវេលាម៉ោង១២និង៣០នាទីមានករណីភ្លៀងនិងខ្យល់កន្ត្រាក់បណ្តាលឱ្យរបើកដំបូលផ្ទះប្រជាពលរដ្ឋចំនួន២ខ្នង។

ចំណែសមត្ថកិច្ចនៃអធិការស្រុកមោងឫស្សីក៏បានប្រាប់ឲ្យដឹងដែរថា ក្នុងថ្ងៃតែមួយខាងលើគ្រោះធម្មជាតិក៏បានកើតឡើងនៅភូមិកូនក្អែក២ឃុំរបស់មង្គលស្រុកមោងឫស្សីផងដែរបង្កដោយរន្ទះបានបាញ់សត្វគោងប់ចំនួន៧ក្បាលតែមិនប៉ះពាល់ដល់ជីវិតមនុស្សឡើយ។

ចំពោះករណីខាងលើលោកអភិបាលស្រុកទាំង៣ដែលបានរងផលប៉ះពាល់ពីគ្រោះធម្មជាតិបាននិងកំពុងធ្វើរបាយការណ៍លើទំហំនៃការខូចខាតផ្ទះរបស់ប្រជាពលរដ្ឋដើម្បីដាក់ជូនថ្នាក់ខេត្តពិនិត្យនឹងជួយដោះស្រាយតាមដែលអាចធ្វើទៅបាន៕