សន្តិសុខសង្គម

ចៅអធិការវត្តមួយអង្គ ធ្វើអត្តឃាត ចង.ក ដោយមិនដឹងមូលហេតុ នៅស្រុកត្រាំកក់

បានផុស

៤ years មុន

នៅ

ថ្ងៃពុធ ១៣ មេសា ២០២២

ដោយ

មានការភ្ញាក់ផ្អើលទាំងព្រលឹមថ្ងៃទី ១៣ ខែមេសា ឆ្នាំ ២០២២ ក្នុងវត្តអង្គរកា ភូមិព្រៃរំដួល ឃុំត្រពាំងធំខាងត្រូង ស្រុកត្រាំកក់ ដោយលោកគ្រូចៅអធិការវត្តបានចង ក ធ្វើអត្តឃាតដោយពុំដឹងមូលហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះគ្រូចៅអធិការវត្តអង្គរកា ដែលបានចង ក សម្លាប់ព្រះកាយនៅក្នុងវត្តនេះ មានព្រះនាម សូត្រ សុខា ព្រះជន្ម ២២ ឆ្នាំ បានធ្វើអត្តឃាតនៅយប់ថ្ងៃទី ១២ ខែមេសា ឆ្នាំ ២០២២ ដោយគ្មានមូលហេតុ។ ពាក់ព័ន្ធនិងករណីនេះ បរិស័ទចំណុះជើងវត្តបានសន្និដ្ឋានថា ព្រះអង្គអាចតូចព្រះទ័យ ក្រោយពីមានលិខិតមួយស្នើសុំធ្វើការបោះឆ្នោះជ្រើសតាំងចៅអធិការវត្តថ្មី ក្នុងវត្តខាងលើនេះ កាលពីពេលថ្មីៗនេះ។ លោក សាន គឿន មេឃុំត្រពាំងធំខាងត្បូងបានឲ្យដឹងនៅរសៀលថ្ងៃទី ១៣ ខែមេសា ឆ្នាំ ២០២២នេះថា ពិតជាមានករណីព្រះសង្ឃធ្វើអត្តឃាតនេះមែន ហើយថា ព្រះអង្គតូចព្រះទ័យអីនោះ គឺមិនពាក់ព័ន្ធអីនិងលិខិតសុំធ្វើការបោះឆ្នោះជ្រើសតាំងចៅអធិការវត្តនោះទេ។ បច្ចុប្បន្នព្រះសពត្រូវបានបរិស័ទចំណុះជើងវត្តនិងសាច់ញាតិតម្កល់ធ្វើបុណ្យក្នុងវត្តអង្គរកា តាមប្រពៃណីព្រះពុទ្ធសាសនា៕

អត្ថបទ៖ វីរៈ