ទឹកភ្លៀង​លិចភូមិចំនួន ៧ នៅស្រុកក្រគរ​ខេត្តពោធិ៍សាត់​

អាជ្ញាធរស្រុកក្រគរខេត្តពោធិ៍សាត់បានឱ្យដឹងថាទឹកភ្លៀង​ ២ ថ្ងៃ បានជន់លិចភូមិចំនួន ៧​ និងបានធ្វើឱ្យប៉ះពាល់ដល់ផ្លូវ ផ្ទះរបស់ប្រជាពលរដ្ឋ និងហេដ្ឋារចនាសម្ព័ន្ធមួយចំនួននៅថ្ងៃទី ២១ ខែកញ្ញា នៅស្រុកក្រគរ ប៉ុន្តែមិនបណ្ដាលឱ្យបាត់បង់ជីវិតនោះទេ។

ទឹកដែលលិចចូលក្នុងភូមិរួមមាន ភូមិទួលត្បែង ភូមិកប៉ាស់លិចផ្លូវ ៣ ខ្សែ, ភូមិបំណក់ ខូចខាតផ្លូវ២ខ្សែ, ភូមិចាមថ្មី ខូចខាតផ្លូវ៣ខ្សែ, ភូមិទានព្រៃ ខូចខាតផ្លូវ១ខ្សែផ្លូវក្រាលគ្រួសក្រហមទៅវាលអញ្ចាញ ដាច់និងចង្ហុក៣កន្លែង, ភូមិកប៉ាស់លើ ខូចខាតផ្លូវក្រាលគ្រួសក្រហម២ខ្សែ ផ្លូវជាប់ប៉ុស្តិ៍នគរបាលរដ្ឋបាលឈើតុំ និងផ្លូវជាប់មាត់ស្ទឹងចូលទៅតារាងបាល់ចាស់ និងភូមិក្បាលទាហ៊ាន ខូចខាតផ្លូវ១ខ្សែ ដាច់លូ២កន្លែងទាំងស្រុង និងដាច់ដីត្រចៀកស្ពានឈើ។

របាយការណ៍របស់សមត្ថកិច្ចស្រុកក្រគរបញ្ជាក់ថា គិតត្រឹមព្រឹកថ្ងៃទី ២២ ខែកញ្ញានេះ ទឹកបានស្រកចុះបន្ដិចវិញហើយ៕