Connect with us

សន្តិសុខសង្គម

អ្នកឧកញ៉ា ជា រតនា គាំទ្រការរិះគន់លើបុគ្គលជាឧកញ៉ាប្រព្រឹត្តខុសច្បាប់តែស្នើកុំរិះគន់ទៅលើគោរមងារ

បានផុស

នៅ


អ្នកឧកញ៉ា ជា រតនា បានគាំទ្រចំពោះការរិះគន់ទៅលើបុគ្គលជាឧកញ៉ាដែលបានប្រព្រឹត្តទង្វើខុសច្បាប់ហើយត្រូវបានច្បាប់កាត់ទោសតែស្នើសុំមហាជនបញ្ឈប់ការរិះគន់ទៅលើគោរមងារដែលផ្តល់ដោយអង្គព្រះមហាក្សត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់អ្នកឧកញ៉ារូបនេះធ្វើឡើងបន្ទាប់ពីមានមហាជនបានរិះគន់គោរមងារឧកញ៉ា ពិសេសរិះគន់ទៅលើអតីតឧកញ៉ា ស្រី ស៊ីណា ដែលជាឃាតកបាញ់សម្លាប់ពីរនាក់គូរដណ្តឹងស្លាប់នៅក្នុងបុរីប៉េងហួតកាលពីថ្មីៗកន្លងទៅនេះ។

ថ្លែងប្រាប់អ្នកសារព័ត៍មាននៅក្រៅពិធីជួបជុំជនពិការកំបុតដៃទាំងពីរនៅទូទាំងប្រទេសកាលពីថ្ងៃទី២២មិថុនា អ្នកឧកញ៉ាបណ្ឌិត ជា រតនា បានលើកឡើងថា «ជាការពិតទៅមាសអត់ដែរក្លាយជាកាឡៃទេ ហើយកាឡៃក៏មិនអាចក្លាយជាមាសបានដែរ ហើយសកម្មភាពទាំងអស់ក៏មិនអាចប៉ះពាល់ទៅដល់គោរមងារដែរ គោរមងារផ្សេងបុគ្គលផ្សេងអត់ដែលមានគោរមងារណាទៅប្រព្រឹត្តអំពើមិនល្អទេ មានតែបុគ្គទេដែលប្រព្រឹត្តមិនល្អ។ អីចឹងចំពោះអ្នកដែលមិនត្រិះរិះពិចារណាសូមកុំមានការយល់ច្រឡំ ការយល់ច្រឡំទៅលើគោរមងារវាពាក់ព័ន្ធដល់ថ្នាក់ដឹកនាំរហូតដល់អង្គព្រះមហាក្សក្រ ដែលលោកអត់បានដឹងអ្វីទេ។ ត្រូវយល់ថា ស្អីទៅឧកញ៉ា ស្អីទៅបុគ្គល និងគោរមងារជាស្អី»។

អ្នកឧកញ៉បានបន្តថា បុគ្គលគ្រប់រូបមិនមែនតែឧកញ៉ា អ្នកនយោបាយ ឬប្រជាពលរដ្ឋសាមញ្ញ​ កាលណាធ្វើអ្វីមួយខុសទៅនឹងច្បាប់ប្រទេសជាតិ ច្បាប់ត្រូវចាត់ចែងហើយចំពោះបុគ្គលទទួលបានគោរមងារជាអ្នកធ្វើសកម្មភាពមិនមែនគោរមងារចេញទៅធ្វើទេដោយសារតែមានការយល់ច្រឡំទើបមានការប៉ាតណាប៉ាតណី។ អ្នកឧកញ៉ាបានបន្តទៀតថាប៉ុន្តែការរិះគន់ពីមហាជនក៏បង្ហាញថា មិនអាក្រក់ទាំងអស់ទេក៏បង្ហាញចំណុចល្អដែរ គឺសិទ្ធិសេរីភាពរបស់ប្រជាពលរដ្ឋមានសិទ្ធិបញ្ចេញមតិគ្រប់ទិសទី គ្រប់សព្វបែបយ៉ាងគ្រាន់តែថារាល់ការបញ្ចេញមតិទាំងអស់នោះមានការថ្លឹងថ្លែង
ចៀស​វាងកុំឱ្យប៉ះពាល់ដល់គោរមងារព្រោះថា ឧកញ៉ាឥឡូវក៏មានសមាគមឧកញ៉ាដែរ ហើយសមាគមក៏បានរៀបចំចាត់ចែងដើម្បីបង្ហាញឱ្យកាន់តែច្បាស់ និងកាន់តែមានកិត្តិយសទៅលើគោរមងារឧកញ៉ាមិនមែនទៅលើបុគ្គលទេកុំមានការយល់ច្រឡំ។

អ្នកឧកញ៉ាបានឧទារណ៍មកបញ្ជាក់ថា ដូចជាករណីបុគ្គលម្នាក់ក្លាយជាឃាតកថ្មីៗនេះ មិនមែនគោរមងារឱ្យទៅធ្វើជាឃាតកទេ គឺបុគ្គលទេជាអ្នកប្រព្រឹត្ត គ្រាន់តែបុគ្គលនោះទទួលបានគោរមងារហើយច្បាប់បានចាត់ចែងក្រោយពេលមានសកម្មភាពហើយបានដកគោរមងារ។

អ្នកឧកញ៉ាបានបញ្ជាក់ថា «សម្រាប់ខ្ញុំឧកញ្ញ៉ាដែលបានធ្វើការងារបានល្អ គឺអូខេតែសម្រាប់អស់លោកដែលទទួលបានគោរមងារហើយទៅធ្វើអ្វីវាជារឿងរបស់លោក តែច្បាប់ក៏ទៅតាមហ្នឹងដែរ។ ទាក់ទងទៅលើគោរមងារ ខ្ញុំមានការមិនសប្បាយចិត្តដែរ ព្រោះថាគោរមងារមិនមែនជារឿងធម្មតាទេ ប៉ុន្តែបើគេម៉ាក់ងាយទៅដល់បុគ្គលវាជារឿងដែលបុគ្គលបន្ទាបបន្ថោកខ្លួនឯងឱ្យថោកអីចឹងអត់មានការពាក់ព័ន្ធមកលើយើងទេ»៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១១ នាទី មុន

អ្នកឧកញ៉ា ជា រតនា គាំទ្រការរិះគន់លើបុគ្គលជាឧកញ៉ាប្រព្រឹត្តខុសច្បាប់តែស្នើកុំរិះគន់ទៅលើគោរមងារ

ព័ត៌មានអន្ដរជាតិ២៣ នាទី មុន

ការវាយប្រហារភេរវកម្មបណ្តាក់គ្នាដ៏រន្ធត់នៅរុស្ស៊ី ផ្តាច់ជីវិតមនុស្សរាប់សិបនាក់

សន្តិសុខសង្គម១៤ ម៉ោង មុន

ជនល្មើស ស្រី ស៊ីណា ជាប់សំណុំរឿង២ អាចជាប់ពន្ធនាគារ ពី ២០ ទៅ ៣០ ឆ្នាំ

ព័ត៌មានជាតិ១៥ ម៉ោង មុន

ខេត្តកំពត រៀបចំព្រឹត្តិការណ៍បាល់ទាត់ គាំទ្រគម្រោងព្រែកជីហ្វូណនតេជោ នៅដើមខែក្រោយ

ព័ត៌មានជាតិ១៦ ម៉ោង មុន

រដ្ឋបាលខេត្តកោះកុង ប្រាប់ដល់ប្រជានេសាទ បង្កើនការប្រុងប្រយ័ត្នពីឥទ្ធិពលព្យុះភ្លៀង

ព័ត៌មានជាតិ២០ ម៉ោង មុន

អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ

សន្តិសុខសង្គម២៤ ម៉ោង មុន

ស្ដ្រីបង្ហោះវីដេអូ ភ្ជាប់សំឡេងផ្ទុះអាវុធ ត្រូវបាននគរបាលខេត្តសៀមរាប ហៅមកសួរនាំ

សន្តិសុខសង្គម១៤ ម៉ោង មុន

ជនល្មើស ស្រី ស៊ីណា ជាប់សំណុំរឿង២ អាចជាប់ពន្ធនាគារ ពី ២០ ទៅ ៣០ ឆ្នាំ

សេដ្ឋកិច្ច១៧ ម៉ោង មុន

មន្ត្រីគយ នគរបាល ចុះផ្សព្វផ្សាយ ភាពខុសគ្នារវាងទំនិញមានពន្ធ និងទំនិញគេចពន្ធ

ព័ត៌មានជាតិ១៧ ម៉ោង មុន

តុលាការ សន្យាចាត់វិធានការច្បាប់ដោយម៉ឺងម៉ាត់លើសំណុំរឿងឃាតកម្មបង្កឡើងដោយឈ្មោះ ស្រី ស៊ីណា

Sokha Hotels

ព័ត៌មានពេញនិយម