សន្តិសុខសង្គម

មេប៉ូលីសក្រុងអះអាង មន្រ្តីចរាចរណ៍លាក់ខ្លួន (នាងពួន) បោះដៃតាមគោលដៅស្តុប លុបបំបាត់ស្ទើរទាំងស្រុង

បានផុស

៦ ខែ មុន

នៅ

ថ្ងៃសៅរ៍ ៤ មករា ២០២៥

ដោយ

ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញបានអះអាងថា ចំពោះមន្រ្តីនគរបាលចរាចរណ៍ដែលពួនឬលាក់ខ្លួន (ដែលហៅថានាងពួន) តាមគោលដៅស្តុប ដើម្បីបោះដៃចាប់ផាកពិន័យអ្នកបើកបរ លោកបានហៅមកដាក់វិន័យនិងណែនាំ ហើយមកដល់ពេលនេះលុបបំបាត់បានស្ទើរទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីអះអាងលុបបំបាត់មន្រ្តីនគរបាលចរាចរណ៍ ដែលលួចពួនស្ទាក់ចាប់ផាកពិន័យអ្នកបើកបរតាមគោលដៅភ្លើងស្តុប លោកជួន ណារិន្ទ ប្រកាសនឹងដាក់ពិន័យតាមច្បាប់ដោយមិនលើកលែង លើការអនុវត្តខុសរបស់មន្ត្រីចរាចរណ៍នៅតាមដងផ្លូវ ឬតាមស្តុបជាដើម។

យ៉ាងណាមិញ ស្នងការនគរបាលរាជធានីភ្នំពេញក៏ទទួលស្គាល់បញ្ហានៃការអនុវត្តខុសពីសំណាក់មន្ត្រីនគរបាលចរាចរណ៍នៅតែកើតមានខ្លះ ឬអាចនិយាយបានថា មួយចំនួនតូចប៉ុណ្ណោះ ដែលនៅមានការអនុវត្តបំពាន ធ្វើឱ្យមានការប៉ះពាល់ដល់បងប្អូនប្រជាពលរដ្ឋអ្នកដំណើរ។ ប៉ុន្តែចំពោះការអនុវត្តខុសពីគោលការណ៍ច្បាប់នេះ លោកមិនបានបណ្តែតបណ្តោយឱ្យមន្ត្រីដែលអនុវត្តខុសបានរួចខ្លួននោះឡើយ ពោលគឺនឹងដាក់បទពិន័យយ៉ាងតឹងរឹងលើមន្ត្រីរូបនោះ តាមកំហុសដែលបានប្រព្រឹត្តិ។