កីឡា

សហព័ន្ធកីឡាបាល់ឱបកម្ពុជា ពង្រឹងសមត្ថភាពកីឡាករ កីឡាការិនីត្រៀមប្រកួតជើងឯកថ្នាក់ជាតិចុងឆ្នាំ២០២៥

បានផុស

៣៩ នាទី មុន

នៅ

ថ្ងៃចន្ទ ១៧ វិច្ឆិកា ២០២៥

ដោយ

សហព័ន្ធកីឡាបាល់ឱបកម្ពុជា កាលពីថ្ងៃទី១៥ ខែវច្ឆិកា ថ្មីៗនេះបានរៀបចំការប្រកួតកម្ពៅសាច់ដុំ និងពង្រឹងសមត្ថភាពកីឡាករ កីឡាការិនីឡើងវិញដើម្បីត្រៀមខ្លួនចូលរួមការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០២៥ អំឡុង ខែធ្នូ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពប្រកួត

លោក លន់ សាមឌី ប្រធានសហព័ន្ធកីឡាបាល់ឱបកម្ពុជា បានឲ្យដឹងថា ការប្រកួតកម្ពៅសាច់ដុំដែលធ្វើឡើងនេះគឺមានក្រុមសរុបចំនួន ៨ក្រុមដោយមាន U-16 ចំនួន ៣ក្រុម, ក្រុមនារី ៣ក្រុម និងក្រុមធំចំនួន ២ក្រុមផងដែរ។ ការប្រកួតនេះគឺជាការប្រកួតកម្ពៅសាច់ដុំ ពង្រឹងសមត្ថភាពឡើងវិញ និងបំពេញនូវចំណុចខ្វះខាតផ្សេងៗដើម្បីជាការត្រៀមលក្ខណៈបានល្អពេញលេញសម្រាប់ការប្រកួតចុងខែធ្នូនេះ។

ទិដ្ឋភាពប្រកួត

ប្រធានសហព័ន្ធខាងលើបន្តទៀត សកម្មភាពនេះដែរក៏ជាការជូនដំណឹងដល់បណ្ដាក្រុម អង្គការ ផ្សេងៗបានដឹងពីការចាប់ផ្ដើមសកម្មភាពឡើងវិញរបស់វិស័យកីឡាបាល់ឱបរបស់កម្ពុជាក្រោយខកខានអស់រយៈពេលប្រហែល៣ឆ្នាំមកនេះ។ ដូច្នេះហើយបណ្ដាក្រុម ឬអ្នកលេងបាល់ឱបទាំងអស់ចាប់ផ្ដើមប្រមូលផ្ដុំហ្វឹកហាត់ និងរៀបចំខ្លួនដើម្បីចូលរួមក្នុងការប្រកួតជើងឯងកថ្នាក់ជាតិឡើងវិញនេះ។

លោក លន់ សាមឌី

បញ្ជាក់ដែរថា សហព័ន្ធកីឡាបាល់ឱបកម្ពុជាបានរៀបចំការប្រកួតមិត្តភាពកម្ដៅសាច់ដុំរយៈពេលមួយព្រឹកកាលពីថ្ងៃទី១៥ ខែវិច្ឆិកា ឆ្នាំ២០២៥ នេះនៅឯទីលាននៃវិទ្យាល័យបឹងកេងកង។ សហព័ន្ធគ្រោងនឹងរៀបចំការប្រកួតជើងឯកថ្នាក់ជាតិឡើងវិញនៅអំឡុងចុងខែធ្នូ ឆ្នាំ២០២៥ ខាងមុខនេះ។ ដូច្នេះតាមបណ្ដាក្រុមនានាចាប់ផ្ដើមត្រៀមខ្លួន និងទំនាក់ទំនងមកកាន់សហព័ន្ធដើម្បីបំពេញឈ្មោះចូលរួមប្រកួតផងដែរ៕