កីឡា

លីគបាល់ឱបជាតិកម្ពុជាកំពុងប្រឹងប្រែងដើម្បីជួយអភិវឌ្ឍបាល់ឱបកម្ពុជា

បានផុស

៣ years មុន

នៅ

ថ្ងៃអង្គារ ២៧ កញ្ញា ២០២២

ដោយ

លីគបាល់ឱបជាតិកម្ពុជា (Cambodia National Rugby League) បានកំពុងប្រឹងប្រែងធ្វើសកម្មភាពយ៉ាងសកម្មដើម្បីបណ្តុះបណ្តាលកីឡាបាល់ឱបនៅក្នុងប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Christopher Le ដែលជាសមាជិករៀបចំ CNRL បានរៀបរាប់ថា លីគបាល់ឱបជាតិកម្ពុជាដែលជាអង្គការមួយត្រូវបានគ្រប់គ្រងដោយសហព័ន្ធលីគបាល់ឱបអន្តរជាតិ (IRLF) ទើបតែដាក់ពាក្យទៅក្រសួងអប់រំ យុវជន និងកីឡានៃព្រះរាជាណាចក្រកម្ពុជា ព្រមទាំងគណៈកម្មាធិការជាតិអូឡាំពិកកម្ពុជា (NOCC) ដើម្បីក្លាយជាស្ថាប័នដែលទទួលស្គាល់ផ្លូវការនៅក្នុងប្រទេសកម្ពុជា។ ប្រហែលជាមួយឬពីរសប្តាហ៍ទៀត នឹងទទួលបានការទទួលស្គាល់ជាផ្លូវការ។

«ឥឡូវនេះ លីគបាល់ឱបជាតិកម្ពុជា ជាសមាជិកអង្កេតការណ៍របស់សហព័ន្ធលីគបាល់ឱបអន្តរជាតិ»។ លោក Chris S. Le បានប្រាប់ និងបញ្ជាក់ថា CBRK ត្រូវបានឧបត្ថម្ភគាំទ្រដោយសមាគមមរតកលីគបាល់ឱបកម្ពុជានៅអូស្ត្រាលី (CRLHA)។

លោក Christopher Le បានប្រាប់ថា Cambodia Rugby League ផ្តល់ឲ្យយុវជន និងកុមារកម្ពុជាដែលគ្មានលទ្ធភាពនៅក្នុងសហគមន៍ទទួលបានឱកាសលេង រៀនសូត្រ និងដឹកនាំ។ លីគជួយក្មេងៗឲ្យអនុវត្ត និងអភិវឌ្ឍជំនាញដែលធ្វើឲ្យពួកគេមានសុវត្ថិភាពពីបរិស្ថានកំពុងប្រែប្រួលយ៉ាងឆាប់រហ័ស ហើយគាំទ្រដល់កិច្ចខិតខំប្រឹងប្រែងជាសកលដើម្បីសមភាពយ៉េនឌ័រ និងបញ្ឈប់អំពើហិង្សាគ្រប់រូបភាពលើកុមារ។ លើសពីនេះទៀត នៅក្រៅប្រទេស CRLHA កំពុងប្រឹងប្រែងជួយឲ្យកីឡាបាល់ឱបរីកចម្រើន ហើយបើកផ្លូវឲ្យយុវជនកម្ពុជាមានឱកាសបង្ហាញលើឆាកអន្តរជាតិ។

«បច្ចុប្បន្ននេះ យើងមានក្រុមក្នុងស្រុកចំនួន៥ហើយគឺ Kampot Dragons, Riverside Eels, Tonsai Khan Thong XIII, Garudas Cambodia និង Tigers RL»។ លោកបានប្រាប់។

កាលពីពេលថ្មីៗនេះ លោក Christopher Le ជាកីឡាករខ្មែរតែម្នាក់គត់ត្រូវបានជ្រើសរើសដោយលីគបាល់ឱបអាស៊ី (NRL Asia) ក្លាយជាសមាជិកក្នុងក្រុមបាល់ឱបអាស៊ាន (ASEAN XIII) ដែលមានកីឡាករឆ្នើមមកពី South East Asian Heritage នឹងចូលរួមប្រកួតលីគ India Jungle Cats Rugby League នាខែតុលាខាងមុខនេះនៅប្រទេសអូស្ត្រាលី។(ASEAN XIII) ដែលមានកីឡាករឆ្នើមមកពី South East Asian Heritage នឹងចូលរួមប្រកួតលីគ India Jungle Cats Rugby League នាខែតុលាខាងមុខនេះនៅប្រទេសអូស្ត្រាលី។

ចំណែក Cambodia Rugby League ក៏ត្រូវបានអញ្ជើញឲ្យចូលរួមប្រកួតក្នុងព្រឹត្តិការណ៍ Harmony International Nines នាចុងខែតុលាខាងមុខនេះ។ នេះជាឱកាសដំបូងសម្រាប់កីឡាករបាល់ឱបកម្ពុជាចូលរួមប្រកួតនៅប្រទេសអូស្ត្រាលី។

សូមបញ្ជាក់ថា លោក Christopher Le ដែលមានម្តាយជាជនខ្មែរនៅខេត្តស្វាយរៀង និងឪពុកជាជនជាតិវៀតណាមបានជ្រើសរើសយកសញ្ជាតិកម្ពុជា ហើយលោកជាអគ្គហិរញ្ញិកនៅសមាគម CRLHA៕