កីឡា

សហព័ន្ធគុនល្បុក្កតោ អាណត្តិថ្មី ទទួលបានប្រធានថ្មី ក្រោយលោក ច័ន្ទ សារុន វ័យកាន់តែច្រើន

បានផុស

២ ខែ មុន

នៅ

ថ្ងៃសុក្រ ១០ មេសា ២០២៦

ដោយ

លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជា បានក្លាយជាប្រធានសហព័ន្ធគុនល្បុក្កតោកម្ពុជា អាណត្តិថ្មី ២០២៦-២០៣០ បន្ទាប់ពីប្រធានអាណត្តិចាស់វ័យកាន់តែច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត ច័ន្ទ សារុន សមាជិករដ្ឋសភា និងជាប្រធានសហព័ន្ធកីឡាគុនល្បុក្កតោកម្ពុជាអាណត្តិចាស់ ២០២១-២០២៦ បានដឹកនាំសហព័ន្ធទទួលបានសមិទ្ធផលគួរជាទីមោទនភាពតាមរយៈការដាក់ចូលក្នុងបញ្ជីសម្បត្តិបេតិកភណ្ឌពិភពលោករបស់អង្គការយូណេស្កូ នៅឆ្នាំ ២០២២ និងបានចូលក្នុងធម្មនុញ្ញាកីឡាស៊ីហ្គេម ឆ្នាំ ២០២៣ ដែលត្រូវបានដាក់ឲ្យប្រកួតដណ្តើមមេដាយជាផ្លូវការក្នុងនាមជាកីឡាអត្តសញ្ញាណខ្មែរ។ ទោះបីជាយ៉ាងណា លោកមានវ័យកាន់តែចាស់ដែលធ្វើឲ្យលោកពិបាកក្នុងការដឹកនាំបន្ត ដូច្នេះលោកបានសម្រេចមិនបន្តដឹកនាំទៀតទេ។

តាមរយៈមហាសន្និបាតបញ្ចប់អាណត្តិចាស់ និងបន្តអាណត្តិថ្មី កាលពីព្រឹកថ្ងៃទី១០ ខែមេសា ឆ្នាំ ២០២៦ គណៈកម្មការប្រតិបត្តិបានបោះឆ្នោតជ្រើសរើសលោក វ៉ាត់ ចំរើន ដែលជាអគ្គលេខាធិការអាណត្តិចាស់ក្លាយជាប្រធានអាណត្តិថ្មី ហើយលោក អ៊ូ តារា ដែលជាអគ្គលេខាធិការរងបានក្លាយជាអគ្គលេខាធិការ។

ជាមួយគ្នានេះ លោក សឹង្ហ ទុំ, លោក សេង សុភ័ក្ត្រ, លោក សេង ប៊ុនសុង និងលោក សាន អង្គររាជវ័ន្ត ជាអនុប្រធាន ព្រមទាំងមានអគ្គលេខាធិការរង ១នាក់ អគ្គហេរញ្ញិក ១នាក់ និងសមាជិក ៩នាក់ទៀតនៃគណៈកម្មការប្រតិបត្តិអាណត្តិថ្មី។

ល្បុក្កតោ ជាកីឡាអត្តសញ្ញាណជាតិខ្មែរបានកំពុងមានកេរ្តិ៍ឈ្មោះបោះសំឡេងទាំងក្នុង និងក្រៅប្រទេស ជាពិសេសបានក្លាយជាកីឡាប្រពៃណីដ៏ពេញនិយមសម្រាប់ការសម្តែងបង្ហាញក្នុងព្រឹត្តិការណ៍ផ្លូវការ នៅក្នុងប្រទេសកម្ពុជា និងតាមបណ្តាប្រទេសផ្សេងៗនៅលើពិភពលោក៕

អត្ថបទ៖ វិរបុត្រ

Related Topics:គ្រូល្បុក្កតោ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា