កីឡា
អតីតកីឡាករធ្លាប់ជួយ U-19 កម្ពុជា បង្កើតប្រវត្តិសាស្ត្រនៅទ្វីបអាស៊ី បង្ហើបថាខ្លួនមិនសូវមានសង្ឃឹមជាប់ស៊ីហ្គេម ទៅវៀតណាម
កីឡាករ វុធ តុលា ដែលជាសមាជិករបស់ក្លិបវិសាខា និងធ្លាប់ជួយ U-19 កម្ពុជា បង្កើតប្រវត្តិសាស្ត្រនៅពានទ្វីបអាស៊ីអាយុក្រោម១៩ឆ្នាំ បានបង្ហើបឲ្យដឹងថា ខ្លួនពុំសូវមានសង្ឃឹមឡើយថានឹងបានជាប់ឈ្មោះទៅប្រកួតក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣១ នៅប្រទេសវៀតណាម។
ការលើកឡើងបែបនេះបន្ទាប់កីឡាករវ័យ២០ឆ្នាំរូបនេះ មានឱកាសលេងតិចតួចបំផុតជាមួយក្លិបវិសាខា នៃក្រខណ្ឌលីគកំពូលកម្ពុជា គ្រាដែលរូបគេយល់ថាការមានឱកាសជាប់គឺទាល់តែបានបង្ហាញញឹកញាប់ជាមួយក្លិប ខណៈគិតមកទល់ពេលនេះគេទើបតែបង្ហាញខ្លួនបាន ៣ប្រកួតប៉ុណ្ណោះ។
វុធ តុលា បានប្រាប់ “កម្ពុជាថ្មី” ថា៖ «ខ្ញុំមានអារម្មណ៍ដឹងថាមានផលប៉ះពាល់ ព្រោះ ៤ទៅ៥ប្រកួតហើយដែលខ្ញុំអត់បានបង្ហាញខ្លួននៅលើទីលាន អ៊ីចឹងស៊ីហ្គេមនិយាយទៅអត់មានឱកាសតែម្ដង។ ខ្ញុំគិតថាស៊ីហ្គេមខែក្រោយខ្ញុំអត់រំពឹងទេ។»
អតីតកីឡាកររបស់ក្លិបបាល់ទាត់ខេត្តព្រៃវែង ដដែលរូបនេះបានឱ្យដឹងទៀតថា តំណែងរបស់ខ្លួនហាក់ពិបាកប្រជែងដោយសារក្លិបមានកីឡាករបរទេស និងម៉្យាងទៀតកីឡាករខ្មែរខ្លះក៏មានបទពិសោធច្រើនជាងខ្លួន។
ក្រុម U23 កម្ពុជា មានភារកិច្ចធំៗ ២នៅឆ្នាំនេះ ពោលគឺព្រឹត្តិការណ៍ស៊ីហ្គេម (SEA Games) នៅវៀតណាម ខែឧសភា ខាងមុខនេះ បន្ទាប់មកគឺព្រឹត្តិការណ៍កីឡាអាស៊ី (Asian Games) នៅប្រទេសចិន នាខែកញ្ញា ជាមួយគ្នានេះ វុធ តុលា ក៏បានដាក់ចិត្តខិតខំបន្តដើម្បីអាចជាប់ទៅលេង Asian Games និងជាពិសេសស៊ីហ្គេម ឆ្នាំ២០២៣ដែលកម្ពុជា ធ្វើជាម្ចាស់ផ្ទះ។
«សម្រាប់ខ្ញុំបើស៊ីហ្គេមខែក្រោយអត់ជាប់ ខែកញ្ញា ក៏ដូចជាស៊ីហ្គេម២០២៣ ខ្ញុំដាក់ក្ដីសង្ឃឹមថ្មីវិញ ដោយយើងប្រឹងប្រែងហ្វឹកហាត់ឱ្យល្អដើម្បីគ្រូដាក់ចូលលេង ទុកចិត្តយើង និយាយទៅកីឡាករណាមួយឱ្យតែបង្ហាញទម្រង់ល្អ បានលេងនៅលើទីលានរហូតគឺមានឱកាសជាប់។» វុធ តុលា បានបន្ថែមប្រាប់មកកាន់ “កម្ពុជាថ្មី”។
គួររំឮកដែរថា វុធ តុលា គឺជាកីឡាករដែលធ្លាប់រួមចំណែកជួយជម្រើសជាតិកម្ពុជា អាយុក្រោម ១៩ឆ្នាំ (ទាត់ចូល១គ្រាប់) បានឡើងទៅប្រកួតនៅជុំផ្ដាច់ព្រ័ត្រ ពានរង្វាន់ជើងឯកយុវជនប្រចាំទ្វីបអាស៊ី អាយុក្រោម ១៩ឆ្នាំ (AFC U-19 Championship) កាលពីឆ្នាំ២០២០ នៅប្រទេសអ៊ូសបេគីស្ថាន ក្រោយជម្រុះដោយជោគជ័យនៅលើទឹកដកម្ពុជាកាលពីឆ្នាំ២០១៩ ប៉ុន្តែក្រោយមកពាននេះត្រូវបានលុបចោលដោយសហព័ន្ធបាល់ទាត់ទ្វីបអាស៊ី ដោយសារវិបត្តិកូវីដ-១៩ នៅពេលនោះ។
ធ្លាប់ហ្វឹកហាត់ជាមួយក្រុមយុវជនក្របខណ្ឌសាលាមួយនៅថៃ មុនមកចូលរួមជាមួយក្រុមយុវជនវិសាខា នៅចុងឆ្នាំ២០១៩ ហើយជួយក្រុមយុវជននេះឈ្នះជើងឯកជាច្រើន បន្ទាប់មករូបគេវិវត្តន៍ខ្លួនចូលរួមជាមួយក្រុមជម្រើសខេត្តព្រៃវែង (បច្ចុប្បន្នសមាគមកីឡាបាល់ទាត់ខេត្តព្រៃវែង) ដែលជួយឲ្យព្រៃវែង ឈ្នះជើងឯកពានសម្ដេចតេជោថ្នាក់ខេត្ត និងដណ្ដើមបានលេខ៣ ពានសម្ដេចតេជោថ្នាក់ជាតិ ថែមទៀត និងរូបគេផ្ទាល់ឈ្នះស្បែកជើងមាសពានរង្វាន់សម្ដេចតេជោ ហ៊ុន សែន ឆ្នាំ២០២០ បន្ទាប់ពីរកបាន ៦គ្រាប់៕
អត្ថបទ៖ មន្នីរ័ត្ន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?