កីឡា
មកដឹងប្រវត្តិពាន World Cup មាសតម្លៃ២០0លានដុល្លារមកដល់កម្ពុជាព្រឹកនេះ
ពានរង្វាន់បាល់ទាត់ពិភពលោក FIFA World Cup Trophy ពិតនឹងដង្ហែមកដល់ប្រទេសកម្ពុជា ព្រឹកថ្ងៃទី១៥ ខែមិថុនា ឆ្នាំ២០២២នេះតាមជើងយន្តហោះពិសេស ដែលមានសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាទទួលស្វាគមន៍ និងលើកពានរង្វាន់ពិភពលោកនៅវិមានសន្តិភាព រាជធានីភ្នំពេញ។
បន្ទាប់ពីធ្វើពិធីទទួលជាផ្លូវការរួចរាល់នៅវិមានសន្តិភាព ពានរង្វាន់ FIFA World Cup នឹងដង្ហែទៅពហុកីឡដ្ឋានជាតិមរតកតេជោដើម្បីដាក់តាំងឲ្យមហាជនចូលទស្សនា ថតរូប ដូចជាមានការប្រគំតន្ត្រីដើម្បីអបអរសាទរផងដែរគិតចាប់ពីម៉ោង១រសៀលរហូតដល់ម៉ោង១០យប់។
និយាយពីប្រវត្តិវិញ គិតចាប់តាំងពីការប្រកួតបាល់ទាត់ជើងឯកពិភពលោកលើកដំបូងនៅឆ្នាំ១៩៣០មក ពានរង្វាន់មានតែ២ប៉ុណ្ណោះត្រូវបានប្រើប្រាស់។ ពានរង្វាន់ទី១ឈ្មោះ Jules Rimet ត្រូវបានប្រើពីឆ្នាំ១៩៣០ ដល់ឆ្នាំ១៩៧០ និងពានរង្វាន់ទី២ឈ្មោះ FIFA World Cup ត្រូវបានប្រើប្រាស់ពីឆ្នាំ១៩៧៤ ដល់បច្ចុប្បន្ន។
ពានរង្វាន់ទី១មានឈ្មោះដើមរបស់វាគឺ «Victory មានន័យថា ជ័យជម្នះ» ប៉ុន្តែក្រោយមកត្រូវបានប្តូរជាឈ្មោះ«Jules Rimet»ដើម្បីជាកិត្តិយសដល់លោក Jules Rimet ដែលជាប្រធានសហព័ន្ធកីឡាបាល់ទាត់អន្តរជាតិ (FIFA) ទី៣ដែលកាន់តំណែងនេះបានយូរជាងគេបំផុត។ ពានរង្វាន់ដែលត្រូវបានផលិតពីមាស និងស្រោបប្រាក់នេះ ត្រូវបានចោរលួចក្នុងឆ្នាំ១៩៨៣ និងបាត់ដំណឹងសូន្យរហូតដល់ឥឡូវ។
ចំណែកពានរង្វាន់ទី២គឺ FIFA World Cup នេះត្រូវបានផលិតពីមាស ដែលមានទម្ងន់៦.១គីឡូក្រាម និងកម្ពស់៣៦.៨សង់ទីម៉ែត្រ។ វាជាពានរង្វាន់ដែលមានតម្លៃបំផុតក្នុងប្រវត្តិសាស្ត្រកីឡាក្នុងពិភពលោកដែលគិតជាប្រាក់ចំនួន២០០លានដុល្លារអាមេរិក។ វាត្រូវបានផលិតដោយក្រុម Stabilimento Artistico Bertoni របស់ប្រទេសអ៊ីតាលី។ វាបង្ហាញពីម្រាមដៃមនុស្សពីរនាក់កំពុងកាន់ផែនដី។
ប្រទេសប្រេស៊ីលធ្លាប់ឈ្នះបានច្រើនដងជាងគេពោលគឺធ្លាប់គ្រង៥សម័យកាល ហើយប្រទេសអ៊ុយរូហ្គាយធ្លាប់ឈ្នះដំបូងគេបង្អស់ក្នុងឆ្នាំ១៩៣០ និងបច្ចុប្បន្នគ្រងដោយប្រទេសបារាំងបានឈ្នះកាលពីឆ្នាំ២០១៨ដែលត្រូវការពារជើងឯករបស់ខ្លួននាចុងឆ្នាំ២០២២នេះនៅប្រទេសកាតា៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ