កីឡា
កីឡាការិនីប៉េតង់កម្ពុជា ផ្គូផ្គងគូប្រកួតព្រឹត្តិការណ៍កីឡាពិភពលោក នៅសហរដ្ឋអាមេរិក រួចរាល់
បន្ទាប់ពីបានទៅដល់រដ្ឋ Birmingham សហរដ្ឋអាមេរិក ដើម្បីចូលរួមការប្រកួតកីឡាពិភពលោក (The World Games) ឆ្នាំ២០២២ កីឡាការិនីប៉េតង់កម្ពុជា ២ នាក់ បានផ្គូផ្គងគូប្រកួតរួចរាល់ហើយសម្រាប់ព្រឹត្តិការណ៍ដ៏ធំនេះ។
សម្រាប់ការប្រកួតកីឡាពិភពលោក លើប្រភេទកីឡាប៊ូល កម្ពុជា បានបញ្ជូនកីឡាការិនី ២ រូប គឺកីឡាការិនី អ៊ុក ស្រីមុំ និងកីឡាការិនី អ៊ុន ស្រីយ៉ា ប្រកួតលើ ២ វិញ្ញាសា គឺវិញ្ញាសា ២ នាក់ទល់ ២ នាក់ និងវិញ្ញាសា វាយកយកពិន្ទុ។
វិញ្ញាសាវាយយកពិន្ទុ មាន ៨ ប្រទេសចូលរួម ក្នុងនេះមានកម្ពុជា, កាណាដា, អាមេរិក, ដាណឺម៉ាក, បារាំង, ថៃ, ប៊ែលហ្សិក និងអាល្លឺម៉ង់។ ការប្រកួតតាមរូបមន្ត ជុំទី ១ ជ្រើសរើសយកពីរក្រុមដែលមានពិន្ទុខ្ពស់ជាងគេ ឡើងទៅវគ្គពាក់កណ្តាលផ្តាច់ព្រ័ត្រ។ ជុំទី ២ នៅសល់ ៦ ក្រុម ប្រកួតយក ២ ក្រុម ដែលមានពិន្ទុខ្ពស់ជាង ឡើងទៅវគ្គផ្តាច់ព្រ័ត្រ ហើយយកលេខ ១ ប៉ះ លេខ ៤ ខណៈលេខ ២ ប៉ះ លេខ ៣។ បន្ទាប់មក អ្នកឈ្នះ ជួប ឈ្នះ ដណ្តើមយកមេដាយមាស អ្នកចាញ់ ជួបអ្នកចាញ់ ដណ្តើមយកមេដាយសំរឹទ្ធ។
ដោយឡែកវិញ្ញាសា ២ នាក់ទល់ ២ នាក់ ចែកជា ២ ពូល គឺពូលក្រហម មាន កាណាដា, បារាំង, កម្ពុជា និង ដាណឺម៉ាក ហើយពូលស មាន អាល្លឺម៉ង់, ប៊ែលហ្សិក, អាមេរិក និងថៃ ប្រកួតតាមរូបមន្ត ក្នុងពូលនីមួយៗ យកលេខ ១ និងលេខ ២ ធ្វើការប្រកួតខ្វែង បន្ទាប់មក ឈ្នះជួបឈ្នះ យកមេដាយមាស ចាញ់ជួបចាញ់ យកលេខ ៣។ សម្រាប់ការប្រកួតនឹងធ្វើឡើងនៅថ្ងៃទី ១២ និងទី ១៣ ខែកក្កដា (បានសេចក្ដីថាចូលវេលាយប់នៅកម្ពុជា ថ្ងៃទី ១៣ និងទី ១៤ ខែកក្កដា ឆ្នាំ ២០២៣)។
ព្រឹត្តិការណ៍កីឡាពិភពលោក (The World Games) គឺជាព្រឹត្តិការណ៍ពហុកីឡាអន្តរជាតិ សំដៅលើកីឡា ឬវិញ្ញាសា ឬព្រឹត្តិការណ៍នានាក្នុងកីឡា ដែលមិនមានការប្រកួតក្នុងកីឡាអូឡាំពិក។ អាចនិយាយបានថា វាមានលក្ខណៈស្រដៀងនឹងកីឡាអូឡាំពិក។ ជាធម្មតា គេប្រារព្ធធ្វើឡើងរៀងរាល់ ៤ ឆ្នាំម្តង មួយឆ្នាំបន្ទាប់ពីការប្រកួតកីឡាអូឡាំពិករដូវក្តៅ ក្នុងរយៈពេល ១១ ថ្ងៃ។ កីឡាពិភពលោក ត្រូវបានគ្រប់គ្រងដោយសមាគមកីឡាពិភពលោកអន្តរជាតិ ក្រោមការឧបត្ថម្ភរបស់គណៈកម្មាធិការអូឡាំពិកអន្តរជាតិ (OIC)។
ការប្រកួតកីឡាពិភពលោក ឆ្នាំ ២០២២ ធ្វើនៅរដ្ឋ Birmingham សហរដ្ឋអាមេរិក ចាប់ពីថ្ងៃទី ០៧ ដល់ថ្ងៃទី ១៥ ខែកក្កដា ដោយមានកីឡាចំនួន ៣០ ប្រភេទដាក់ឱ្យប្រកួត និងអត្តពលិកមកពី ១១០ប្រទេសចូលរួម៕
អត្ថបទ៖ មន្នីរ័ត្ន
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ