កីឡា

ប៊ូល និងប៉េតង់ ជាកីឡាមួយប្រភេទពេញនិយមលេងទាំងនៅភ្នំពេញ និងតាមខេត្ត

បានផុស

៩ ខែ មុន

នៅ

ថ្ងៃព្រហស្បតិ៍ ១៦ តុលា ២០២៥

ដោយ

កីឡាប៊ូល និងប៉េតង់ ជាកីឡាមួយប្រភេទក្នុងចំណោមកីឡាជាច្រើនដែលមហាជនចូលចិត្តលេងកម្សាន្តនៅពេលជួបជុំ ឬនៅពេលទំនេរមិនថានៅតាមបណ្ដារាជធានី-ខេត្ត នោះឡើយគឺមានការគាំទ្រច្រើន និងលេងជុំៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើផេកក្លឹបប៉េតង់ភូមិថ្មីខេត្តកែប

វិស័យកីឡាពេញនិយមគ្រប់ស្រទាប់វណ្ណៈ និងគ្រប់វ័យនៅកម្ពុជានោះគឺកីឡាបាល់ទាត់ កីឡាបាល់ទះ ព្រោះមានមនុស្សច្រើនណាស់ដែលលេងកីឡាទាំងនេះដើម្បីកម្សាន្ត។ ស្ទើរនៅគ្រប់ខេត្ត-ក្រុង គឺមានតារាងបាល់ទាត់តារាងបាល់ទះសម្រាប់លេងជានិច្ច។

រូបភាពលើផេកក្លឹបប៉េតង់ភូមិថ្មីខេត្តកែប

យ៉ាងណាបន្ថែមពីកីឡាពីរប្រភេទខាងលើនេះក៏មានកីឡាប៊ូល និងប៉េតង់ ដែរដែលមហាជនចូលចិត្តលេងស្ទើរជាប្រចាំថ្ងៃទៅហើយ។ ដោយសារជាកីឡាមិនត្រូវការទីធ្លាធំ និងស្មុគស្មាញ មិនប្រើប្រាស់សម្ភារច្រើនដូចកីឡាផ្សេងទើបធ្វើឲ្យកីឡាប៊ូល និងប៉េតង់នេះមានទីលានប្រកួតច្រើន។ មិនថានៅតាមសាលារៀន ទីតាំងស្ថាប័នរដ្ឋ ឬតាមផ្ទះឯកជនគឺមានទីលានប៊ូលច្រើន និងមានការចូលរួមលេងច្រើនទាំងវ័យចាស់ វ័យក្មេង គឺតែងតែងជួបជុំគ្នាលេង។

រូបភាពលើផេកក្លឹបប៉េតង់ភូមិថ្មីខេត្តកែប

កីឡាមួយនេះងាយស្រួលលេងមិនគ្រោះថ្នាក់ និងមិនត្រូវការចេះខ្លាំង ឬហ្វឹកហាត់សិនទើបអាចលេងបាននោះឡើយ។ អ្នកចង់លេងគ្រាន់តែចេះបោះល្មមៗអាចលេងបានហើយទើបកីឡាប៊ូល និងប៉េតង់នេះមានអ្នកចូលចិត្តលេងច្រើនមិនចាញ់កីឡាបាល់ទាត់ បាល់ទះ។ បច្ចុប្បន្ននេះអ្នកលេងប៊ូលមួយចំនួនបានណាត់ជួបគ្នាពីខេត្តមួយទៅខេត្តមួយដើម្បីសាកល្បងសមត្ថភាពគ្នាទៀតផង ក្រៅតែពីមកចូលរួមការប្រកួតជាផ្លូវការរបស់សហព័ន្ធនោះ៕