កីឡា
លោក យី វាសនា ប្រាប់ថា កម្ពុជាត្រៀមធ្វើម្ចាស់ផ្ទះអាស៊ានប៉ារ៉ាហ្គេម២០២៣បាន៨៥%ហើយ
សម្រាប់ការទទួលរៀបចំធ្វើជាម្ចាស់ផ្ទះលើកនៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ រហូតដល់ពេលនេះកម្ពុជាបានត្រៀមស្ទើរគ្រប់ជ្រុងជ្រោយហើយ។
លោក យី វាសនា អគ្គលេខាធិការ គណៈកម្មាធិការជាតិប៉ារ៉ាឡាំពិកកម្ពុជាមានប្រសាសន៍ថា ការរៀបចំប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ ជាប្រវត្តិសាស្ត្រដំបូងរបស់កម្ពុជា គឺជាជាការរៀបចំកម្រិតហ្គេមស្តង់ដាខ្ពស់។
កាលពីព្រឹកថ្ងៃទី១៦ ខែធ្នូនេះ គណៈកម្មាធិការជាតិរៀបចំកីឡាជនពិការអាស៊ីអាគ្នេយ៍ លើកទី១២ ឆ្នាំ២០២៣ (CAMAPGOC) បានចុះចុះហត្ថលេខាលើអនុស្សរណៈនៃការយោគយល់គ្នា (MOU) ជាមួយសហព័ន្ធកីឡាជនពិការអាស៊ីអាគ្នេយ៍ (APSF) ក្រោមអធិបតីភាពលោក ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍គណៈកម្មាធិការជាតិ CAMAPGOC ដើម្បីបង្កើនកិច្ចសហប្រតិបត្តិការ និងយល់គ្នាទៅវិញទៅមកពីតួនាទី ការទទួលខុសត្រូវ ក៏ដូចជាជួយគ្នាទៅវិញទៅមក។
លោក យី វាសនា ថ្លែងថា អនុស្សរណៈនៃការយោគយល់គ្នា ដើម្បីសហការ និងជួយបំពេញបន្ថែមដល់គ្នាទៅវិញទៅមករវាងគណៈកម្មាធិការជាតិ CAMAPGOC និងសហព័ន្ធកីឡាAPSF។ ការផ្លាស់ប្តូរបទពិសោធទៅវិញទៅមក ក្នុងការបញ្ជាក់អំពីការបំពេញតួនាទី និងភារកិច្ចអំពីម្ចាស់ផ្ទះ កម្ពុជា សហព័ន្ធកីឡាជនពិការអាស៊ាន និងបណ្តាប្រទេសអាស៊ីអាគ្នេយ៍ធ្វើអ្វីខ្លះ ដែលនៅក្នុងខ្លឹមសារ MOU ដើម្បីជួយរៀបចំការប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ ឲ្យស្របទៅតាមស្តង់ដាអន្តរជាតិនៃប៉ារ៉ាហ្គេមអាស៊ាន អាស៊ី និងពិភពលោកតែម្តង។
លោកបានឲ្យដឹងថា បើឲ្យវាយតម្លៃរហូតដល់ពេលនេះគឺកម្ពុជាត្រៀមខ្លួនបានប្រហែលជា៨៥%ហើយ បើទោះជាកម្ពុជាកំពុងត្រៀមខ្លួនសម្រាប់ការប្រកួតកីឡាស៊ីហ្គេម លើកទី៣២។ ថ្វីបើកីឡាស៊ីហ្គេម រៀបចំមុនត្រឹមតែមួយខែពោលគឺក្នុងខែឧសភា ហើយអាស៊ានប៉ារ៉ាហ្គេម ក្នុងមិថុនា ប៉ុន្តែគណៈកម្មាធិការជាតិ CAMAPGOC តែងតែត្រៀមខ្លួនទាំងពីរ។
សូមបញ្ជាក់ថា ការប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ នឹងចាប់ពីថ្ងៃទី៣ ដល់ទី៩ ខែមិថុនា នៅពហុកីឡដ្ឋានជាតិមរតកតេជោ៕
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ