កីឡា
ជម្រើសជាតិបាល់ទះកម្ពុជា យកឈ្នះក្រុម Cambodia Volleyball All Star ក្នុងជំនួបមិត្តភាព
ក្រុមបាល់ទះជម្រើសជាតិកម្ពុជា បានប្រកួតមិត្តភាពជាមួយកម្តៅសាច់ដុំយកឈ្នះក្រុមបាល់ទះ Cambodia Volleyball All Star ដោយលទ្ធផល ៣សិតទល់២សិត លើទីលានបាល់ទះកីឡដ្ឋានព្រីនស៍ ក្នុងរាជធានីភ្នំពេញ នារសៀលថ្ងៃសៅរ៍ ទី០៧ ខែមករា ឆ្នាំ២០២៣។

សហព័ន្ធកីឡាបាល់ទះកម្ពុជា បានសហការជាមួយភាគីពាក់ព័ន្ធបង្កើតក្រុមបាល់ទះ Cambodia Volleyball All Star ឡើងដោយប្រមូលជើងខ្លាំងដែលដើរប្រកួតក្រៅប្រព័ន្ធ និងមួយចំនួនទៀតមកពីក្លិបបាល់ទះធំៗក្នុងស្រុក ក្រោមការដឹកនាំពីសំណាក់លោកគ្រូបង្វឹក អ៊ូ សុផល មកពីក្រុមក្រសួងមហាផ្ទៃ ដើម្បីបានប្រកួតជាមួយក្រុមជាមួយក្រុមជម្រើសជាតិកម្ពុជា ដែលដឹកនាំដោយលោកគ្រូបង្វឹកចិន Li Jun។
ការប្រកួតត្រូវកំណត់ ៥សិតទើបចប់ បើទោះបីមានក្រុមណាឈ្នះ ៣សិតជាប់គ្នាមុនក៏ដោយ។ ដូច្នេះជាលទ្ធផលក្រុមជម្រើសជាតិកម្ពុជា បានយកឈ្នះ Cambodia Volleyball All Star ៣សិតទល់២ ក្នុងនោះមានសិតទី១ ឈ្នះ២៥-១៧, សិតទី២ ចាញ់ ២៣-២៥, សិតទី៣ ឈ្នះ ២៥-១៩, សិតទី៤ ឈ្នះ២៥-២២ និងសិតទី៥ ចាញ់ ២៣-២៥។

លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានប្រាប់អ្នកសារព័ត៌មានក្រោយចប់ការប្រកួតថា គោលបំណងនៃការប្រកួតនេះសហព័ន្ធបង្កើតឡើងក្នុងប្រកួតអបអរសាទរទិវាជ័យជម្នះ ៧មករា ខួបលើកទី៤៤ ផង និងជាការសមដៃកីឡាករ មុនពេលធ្វើជាម្ចាស់ផ្ទះកីឡាស៊ីហ្គេម ក្នុងខែឧសភា ឆ្នាំ២០២៣ ខាងមុខនេះ។
លោកថា សហព័ន្ធកីឡាបាល់ទះកម្ពុជា មានគម្រោងប្រកួតជាច្រើនសម្រាប់ក្រុមជម្រើសជាតិកម្ពុជា ផងនិងក្រុមបាល់ទះឆ្នេរខ្សាច់ផង។ ដោយក្នុងនោះក្រុមជម្រើសជាតិត្រូវប្រកួតមិត្តភាពអន្តរជាតិ និងទទួលធ្វើម្ចាស់ផ្ទះព្រឹត្តិការណ៍កីឡាស៊ីហ្គេម ឆ្នាំ២០២៣ ខណៈក្រុមអាជីពត្រូវប្រកួតដណ្តើមពានរង្វាន់សម្តេចក្រឡហោម ស ខេង ពានរង្វាន់សម្តេចតេជោហ៊ុន សែន និងកម្មវិធីប្រកួតមួយចំនួនទៀត៕
អត្ថបទ៖ មន្នីរ័ត្ន

-
ព័ត៌មានជាតិ៥ ថ្ងៃ ago
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
សន្តិសុខសង្គម៣ ថ្ងៃ ago
មនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៥ ថ្ងៃ ago
យប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ១ ថ្ងៃ ago
ខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ១ សប្តាហ៍ ago
ឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់
-
ព័ត៌មានអន្ដរជាតិ៤ ថ្ងៃ ago
មិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ២ ថ្ងៃ ago
រុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
ព័ត៌មានអន្ដរជាតិ១ ថ្ងៃ ago
ខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា