កីឡា
ខ្សែការពារ Lisandro Martinez នឹងអវត្តមាន៨សប្តាហ៍
កីឡាករ Lisandro Martinez ខ្សែការពាររបស់ក្លិប Manchester United នឹងអវត្តមានរហូតដល់ខែមេសា ឆ្នាំ២០២៤ បន្ទាប់ពីរងរបួសសរសៃពួរជង្គង់ អំឡុងពេលប្រកួតជាមួយក្រុម West Ham កាលពីថ្ងៃអាទិត្យ ទី៤ ខែកុម្ភៈ។
កីឡាករ Martinez បានដួលក្នុងវគ្គទី២ បន្ទាប់ពីព្យាយាមការពារបាល់ហើយប៉ះទង្គិចជាមួយកីឡាករ Vladimir Coufal របស់ West Ham។ កីឡាករវ័យ២៦ឆ្នាំរូបនេះទើបលេងបាន៣ប្រកួតប៉ុណ្ណោះក្នុងរដូវកាលនេះ បន្ទាប់ពីបានសម្រាកអស់រយៈពេលជាង៣ខែដោយមានរបួសជើង។
ក្លិប Manchester United បានបញ្ជាក់ថា Martinez នឹងអវត្តមានយ៉ាងហោចណាស់៨សប្ដាហ៍។ ទោះយ៉ាងណាក៏ដោយរបួសនេះនឹងមិនទាមទារឲ្យមានការវះកាត់ទេ។ ក្លឹបក៏បានបន្ថែមថា ៖«យើងទាំងអស់គ្នាសូមជូនពរ Licha ឆាប់ជាសះស្បើយ ហើយទន្ទឹងរង់ចាំគាត់ត្រឡប់មកកាន់ទីលានវិញនៅរដូវកាលក្រោយ»។
លោក Erik ten Hag គ្រូបង្វឹករបស់ក្រុម United បាននិយាយបន្ទាប់ពីការទទួលជ័យជម្នះកាលពីថ្ងៃអាទិត្យថា របួសមើលទៅមិនល្អទេ ហើយចាត់ទុកជារឿងអាក្រក់មួយដែលអាចប៉ះពាល់ដល់អាជីពរបស់ Martinez ទៀតផង។
Martinez បានខកខានក្នុងការបង្ហាញខ្លួនឲ្យក្រុម Manchester United តាំងពីចុងរដូវកាល ២០២២-២៣ បន្ទាប់ពីបានរងរបួសបាក់ឆ្អឹងកាលពីខែមេសា។ របួសកាន់តែធ្ងន់ធ្ងរនៅដើមរដូវកាលនេះ។ រូបគេបានខកខានការប្រកួតសរុប២២លើករបស់ Man Utd មុនពេលត្រឡប់ចូលទីលានវិញក្នុងជំនួបជាមួយ Tottenham Hotspur កាលថ្ងៃទី១៤ ខែមករា៕
ប្រែសម្រួល៖ ផា រតនា
ប្រភព៖ BBC
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ