កីឡា

ពានបាល់ទះ Special Cup បង្កើតឱកាសឲ្យយុវជនបង្ហាញសមត្ថភាពទូទាំងប្រទេស

បានផុស

២ years មុន

នៅ

ថ្ងៃពុធ ២១ កុម្ភៈ ២០២៤

ដោយ

សហព័ន្ធកីឡាបាល់ទះកម្ពុជាបានបង្កើតការប្រកួតបាល់ទះពានរង្វាន់ Wurkz Special Volleyball Cup ឆ្នាំ២០២៤ ដែលលេង៤ទល់៤ ដើម្បីឲ្យយុវជនទូទាំងប្រទេសទទួលបានឱកាសចូលរួមប្រកួត និងបង្ហាញសមត្ថភាពក្លាយជាកីឡាករបាល់ទះអាជីព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសន្និសីទសារព័ត៌មានកាលពីល្ងាចថ្ងៃទី២១ ខែកុម្ភៈ ឆ្នាំ២០២៤ លោក អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជាបានឲ្យដឹងថា ពានរង្វាន់ Special Volleyball Cup 2024 បង្កើតឡើងដើម្បីស្វែងរកអ្នកបន្តវេនដែលមានសមត្ថភាពនៅតាមបណ្ដាខេត្តក្រុងនានា។ ព្រឹត្តិការណ៍នេះ យុវជនដែលស្រឡាញ់ចូលចិត្តបាល់ទះទូទាំងប្រទេសអាចចូលរួម និងបង្ហាញសមត្ថភាពរបស់ខ្លួន។

ក្រុមដែលចូលរួមប្រកូតទាំងអស់ត្រូវមានកីឡាករយ៉ាងហោចណាស់៦នាក់ និងយ៉ាងច្រើន៨នាក់។ ក្រុមនីមួយៗអាចជាកីឡាករខ្មែរសុទ្ធ កីឡាករខ្មែរលាយបរទេស ឬកីឡាករបរទេសសុទ្ធក៏អាចចូលរួមប្រកួត។ ៤នាក់បង្ហាញបង្ហាញខ្លួននៅលើទីលាន និងបម្រុងហោចណាស់២នាក់។

ការប្រកួតមាន២ដំណាក់កាលគឺថ្នាក់ខេត្ត និងរាជធានីភ្នំពេញ។ តាមមណ្ឌលនីមួយៗគឺយកក្រុមលេខ១ និងលេខ២ មកប្រកួតនៅរាជធានីភ្នំពេញដែលត្រូវជួបក្រុមខ្លាំងក្នុងតេជោលីគទាំង៦ក្រុម។

ការប្រកួតថ្នាក់ខេត្ត

មណ្ឌលខេត្តបាត់ដំបង ប្រកួតនៅថ្ងៃទី២៤-២៥ ខែកុម្ភៈ ឆ្នាំ២០២៤ ចាប់ពីវេលាម៉ោង ៨.០០នាទីព្រឹកតទៅ នៅទីធ្លាបាល់ទះ វិទ្យាល័យនេតយ៉ង ((ខេត្តបាត់ដំបង កំពង់ឆ្នាំង ពោធិ៍សាត់ ប៉ៃលិន និងបន្ទាយមានជ័យ)
មណ្ឌលសៀមរាប ប្រកួតនៅថ្ងៃទី២-៣ ខែមីនា ឆ្នាំ២០២៤ ចាប់ពីវេលាម៉ោង ៨.០០នាទីព្រឹកតទៅ នៅតារាងបាល់ទះ ១៦៨ស្ពត (ខេត្តសៀមរាប ឧត្តរមានជ័យ ព្រះវិហារ និងកំពង់ធំ)។
មណ្ឌលកំពង់ចាម ប្រកួតនៅថ្ងៃទី៩-១០ ខែមីនា ឆ្នាំ២០២៤ ចាប់ពីវេលាម៉ោង ៨.០០នាទីព្រឹកតទៅ នៅទីធ្លាសាលបាល់ទះ ខេត្តកំពង់ចាម ((ខេត្តកំពង់ចាម ក្រចេះ ត្បូងឃ្មុំ ស្ទឹងត្រែង មណ្ឌលគិរី និងរតនគិរី)។
មណ្ឌលព្រៃវែង ប្រកួតនៅថ្ងៃទី១៦-១៧ ខែមីនា ឆ្នាំ២០២៤ ចាប់ពីវេលាម៉ោង ៨.០០នាទីព្រឹកតទៅ នៅសាលបាល់ទះ ស.ស.យ.ក ព្រៃវែង ((ខេត្តព្រៃវែង ស្វាយរៀង និងកណ្តាល)។
មណ្ឌលកំពង់ចាម ប្រកួតនៅថ្ងៃទី៩-១០ ខែមីនា ឆ្នាំ២០២៤ ចាប់ពីវេលាម៉ោង ៨.០០នាទីព្រឹកតទៅនៅទីធ្លាសាលបាល់ទះ ខេត្តកំពង់ចាម (ខេត្តព្រះសីហនុ កំពង់ស្ពឺ កែប កំពត និងកោះកុង)។

ថ្នាក់រាជធានីភ្នំពេញ

ក្រុម៦នៅពានរង្វាន់បាល់ទះតេជោលីគ (វិសាខា បញ្ជាការដ្ឋានអង្គរក្ស ស្នងការដ្ឋាននគរបាលរាជធានីភ្នំពេញ កងពលធំអន្តរាគមន៍លេខ៣ ក្រសួងមហាផ្ទៃ និងនគរបាលខេត្តពោធិ៍សាត់) រង់ចាំនៅថ្នាក់រាជធានីភ្នំពេញ (៦ក្រុម)
ក្រុមលេខ១ និងលេខ២ ពីមណ្ឌលទាំង៥ខាងលើ (១០ក្រុម

ប្រាក់រង្វាន់ថ្នាក់ខេត្ត

លេខ១៖ ១១លានរៀល
លេខ២៖ ៥លានរៀល
លេខ៣៖ ២លានរៀល
លេខ៤៖ ១លានរៀល

ប្រាក់រង្វាន់នៅរាជធានីភ្នំពេញ

ជើងឯក៖ ៥០ លានរៀល
លេខ២៖ ២០ លានរៀល
លេខ៣៖ ១២ លានរៀល
ពានរង្វាន់ឯកត្តជនចំនួន៦ ក្នុងមួយៗទទួលបាន១លានរៀល

ពានរង្វាន់នេះជាសកម្មភាពបំផុសដល់អ្នកលេងបាល់ទះក្រៅប្រព័ន្ធ ងាកមកចាប់អារម្មណ៍មកកម្រិតស្ដង់ដា៕

អត្ថបទ៖ ផា រតនា

Related Topics:កីឡាបាល់ទះ Wurkz Special Volleyball Cup

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា