កីឡា

ហេតុផលសហព័ន្ធបាល់ទះរាប់ពិន្ទុពីសូន្យឡើងវិញ តេជោលីគ ជុំទី២

បានផុស

២ ថ្ងៃ មុន

នៅ

ថ្ងៃសុក្រ ៥ មិថុនា ២០២៦

ដោយ

លោក អាំង សិរីពិសិដ្ឋ អគ្គលេខាធិការសហព័ន្ធបាល់ទះបានបញ្ជាក់ជុំវិញការប្រកួតជុំទី២ ត្រូវរាប់ពិន្ទុចាប់ពីសូន្យឡើងវិញនោះ ព្រោះដើម្បីទុកឱកាសឲ្យក្រុមដែលបានរុះរើកីឡាករនៅវគ្គនេះមានលទ្ធភាពប្រជែងជាមួយបណ្ដាក្រុមខ្លាំងផ្សេងៗដើម្បីឡើងទៅវគ្គពាក់កណ្ដាលផ្ដាច់ព្រ័ត្របន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទះក្រសួងមហាផ្ទៃ

អគ្គលេខាធិការសហព័ន្ធបាល់ទះ លោក អាំង សិរីពិសិដ្ឋ បានឲ្យដឹងថា នៅជុំទី២ នេះក្រុមទាំង ៦ត្រូវប្រកួតវិលជុំ និងសន្សំពិន្ទុចាប់ពីសូន្យឡើងទៅវិញនេះគឺដោយសារតែជាការផ្ដល់ឱកាសដល់ក្រុមផ្សេងៗដែលបានរុះរើ ឬនាំយកកីឡាករល្អៗមកជួយក្រុមមានលទ្ធភាពអាចតាមពិន្ទុជាមួយក្រុមដទៃឈានទៅវគ្គបន្តទៀតបាន។ ប្រសិនសហព័ន្ធមិនធ្វើដូចនេះក្រុមដែលមានពិន្ទុខ្ពស់ ឬដាច់គេនៅជុំទី១ គឺអាចនឹងលេងមិនអស់ពីសមត្ថភាពដោយសារដឹងថាក្រុមខ្លួនឯងឡើងទៅហើយ។

លោក អាំង សិរីពិសិដ្ឋ បន្ថែមទៀតថា មួយវិញទៀតនៅជុំទី២ នេះបានផ្ដល់ឱកាសដល់ក្រុមផ្សេងៗអាចរុះរើសមាសភាពកីឡាករបានឡើងវិញ។ ដូច្នេះបើរុះរើក្រុមឡើងវិញយ៉ាងណាក្ដី ប៉ុន្តែពិន្ទុចាញ់ដាច់ពីក្រុមដទៃនោះការរៀបចំក្រុមឡើងវិញនេះមានន័យអ្វីទៅ។

ការប្រកួតកន្លងទៅ

បញ្ជាក់ដែរថា ការប្រកួតវិលជុំសន្សំពិន្ទុជុំទី២ នេះនឹងធ្វើឡើងនៅថ្ងៃទី១៩ ខែមិថុនា ឆ្នាំ២០២៦ ខាងមុខនេះបន្ទាប់ពីសម្រាក និងផ្ដល់ឱកាសឲ្យក្រុមទាំង ៦រុះរើកីឡាកររបស់ខ្លួនហើយនោះ។ ការប្រកួតនឹងចាប់រាប់ពិន្ទុពីសូន្យឡើងទៅវិញ ដូច្នេះក្រុមដែលមានពិន្ទុខ្ពស់ជាងគេពីលេខ១ ដល់ ៤ បានឡើងទៅវគ្គពាក់កណ្ដាលផ្ដាច់ព្រ័ត្របន្តទៀតបាន៕