កីឡា
Soe Moe Zaw មកហាត់គុនខ្មែរចង់ឲ្យប្រជាជនកម្ពុជាមានមោទនភាព
កីឡាករប្រដាល់មីយ៉ាន់ Soe Moe Zaw បានប្រកួតពីរលើកហើយ បន្ទាប់ពីរូបគេមកហ្វឹកហាត់គុនខ្មែរនៅក្នុងប្រទេសកម្ពុជារយៈពេលពីរខែកន្លងងទៅនេះ ហើយរូបគេបានទទួលស្គាល់ពីការលំបាកសម្រាប់ការផ្លាស់ប្តូរមកហាត់គុនខ្មែរ។
ប្រកួតលើកទី១ Soe Moe Zaw បានស្មើពិន្ទុខ្លាចាស់ រិន សារ័ត្ន និងប្រកួតលើកទី២កាលពីយប់ថ្ងៃទី៣ ខែមីនា បានចាញ់ពិន្ទុ ធី វ៉ារិទ្ធ សម្រាប់ការប្រកួតសន្សំពិន្ទុក្នុងពូលដណ្តើមខ្សែក្រវាត់គុនខ្មែរអន្តរជាតិ។ តាមរយៈការប្រកួតគុនខ្មែរពីរលើកនេះ រូបគេមានកណ្តាប់ដៃល្អទាំងស្តាំង និងឆ្វេងដែលមើលទៅមានលក្ខណៈប្រដាល់សកលដ៏មានទម្ងន់ និងមានប្រសិទ្ធភាព។
រូបគេនៅមិនទាន់ល្អទេពីការប្រើប្រាស់កែង និងជង្គង់ ជាពិសេសពេលចាប់អោប រូបគេមិនសូវពូកែឡើងជង្គង់ទេ។ ទោះបីជាយ៉ាងណា កម្លាំងស៊ុហ្វរបស់គេល្អ និងអាវុធមានទម្ងន់ដែលនឹងក្លាយជាកីឡាករប្រដាល់គុនខ្មែរដ៏ខ្លាំងម្នាក់។
កីឡាករ Soe Moe Zaw ដែលជាប្អូនប្រុសរបស់កីឡាករបាល់ទាត់ Soe Moe Kyaw របស់ក្លិបបាល់ទាត់ភ្នំពេញក្រោនបាននិយាយថា ៖«កាលពីម្សិលមិញ ខ្ញុំបានប្រកួតក្នុងកម្មវិធី IPCC Championship។ ខ្ញុំបានប៉ះជាមួយដៃគូប្រកួតដ៏ខ្លាំងម្នាក់។ ការប្រកួតនេះមិនបានដូចការសង្ឃឹមទុករបស់ខ្ញុំនោះទេ។ ការផ្លាស់ប្តូរពីហាត់គុន Lethwei មកគុនខ្មែរគឺមានការពិបាក។ ខ្ញុំមានអ្វីច្រើនទៀតដែលត្រូវរៀនសូត្រ»។
កីឡាករមីយ៉ាន់ម៉ាដែលទទួលបានឱកាសប្រកួតដណ្តើមខ្សែក្រវាត់គុនខ្មែរនេះបានប្តេជ្ញាថា ៖«ខ្ញុំនឹងធ្វើការខិតខំព្យាយាមជាមួយក្រុមរបស់ខ្ញុំ។ ខ្ញុំចង់ធ្វើឲ្យល្អជាងនេះទៀតនៅប្រកួតនាពេលខាងមុខរបស់ខ្ញុំ។ ខ្ញុំពិតជាសុំទោស បើសិនជាខ្ញុំធ្វើឲ្យអ្នកទាំងអស់គ្នាខកចិត្ត ប៉ុន្តែខ្ញុំសន្យាថា ខ្ញុំនឹងបន្តហ្វឹកហាត់ឲ្យកាន់តែខ្លាំងបន្ថែមទៀត។ ខ្ញុំចង់ធ្វើឲ្យគុនខ្មែរ និងប្រជាជនកម្ពុជាមានមោទនភាពលើរូបខ្ញុំ។ អរគុណសម្រាប់ការគាំទ្ររបស់អ្នកទាំងអស់គ្នា។ ពួកយើងនឹងបន្តដើរទៅមុខជាមួយគ្នា»។
កីឡាករ Soe Moe Zaw បានមកហ្វឹកហាត់គុនខ្មែរកាលពីខែមករា ឆ្នាំ២០២៤ ដោយស្នាក់នៅកម្ពុជាជាមួយបងប្រុសរបស់ខ្លួន។ ការហ្វឹកហាត់ទើបតែបានជាង២ខែប៉ុណ្ណោះ រូបគេក៏បានឡើងប្រកួត និងទទួលបានឱកាសប្រកួតដណ្តើមខ្សែក្រវាត់ទៀតផង៕
អត្ថបទ៖ វីរបុត្រ
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព