ប៉ូឡូញនឹងដេញថ្លៃធ្វើ​ម្ចាស់ផ្ទះ កីឡាអូឡាំពិកឆ្នាំ២០៤០ ឬ២០៤៤

នាយករដ្ឋមន្ត្រីប៉ូឡូញ លោក Donald Tusk បានបញ្ជាក់ជាផ្លូវការនូវដំណើរស្វែងរកសុទិដ្ឋិនិយម​ក្នុងការធ្វើ​ម្ចាស់ផ្ទះកីឡាអូឡាំពិក ជាលើកដំបូងក្នុងប្រវត្តិសាស្ត្ររបស់ខ្លួន​អាច​ឆ្នាំ​២០៤០ ឬ​២០២៤៤ បន្ទាប់ពីទីក្រុង Los Angeles ឆ្នាំ២០២៨ នៅសហរដ្ឋអាមេរិក និង Brisbane ឆ្នាំ២០៣២ នៅអូស្ត្រាលី និងប្រទេសកាតារ អាចនឹងធ្វើនៅឆ្នាំ២០៣៦។

«ប៉ូឡូញនឹងខិតខំប្រឹងប្រែងជាផ្លូវការដើម្បីធ្វើ​ម្ចាស់ផ្ទះកីឡាអូឡាំពិក។ មានតែពេលវេលាទេដែលនឹងប្រាប់ថាតើនេះជាគោលដៅជាក់ស្តែងឬអត់ ប៉ុន្តែយើងនឹងយកវាឱ្យច្បាស់»។ លោក Tusk បាននិយាយក្នុងអំឡុងពេលដំណើរទស្សនកិច្ចនាពេលថ្មីៗនេះទៅកាន់កន្លែងកីឡានៅទីក្រុង Karczew ដែលជាទីក្រុងភាគខាងត្បូងរដ្ឋធានី វ៉ារស្សាវ៉ា។

អ្នកដឹកនាំដែលមានដើមកំណើតមកពី Gdansk បានពន្យល់ថា ឆ្នាំ២០៤០ និងឆ្នាំ២០៤៤ គឺជាកាលបរិច្ឆេទដំបូង និង​សមស្របបំផុតក្នុងគោលបំណងផ្តល់ការសម្រេចចិត្តរបស់អង្គការផ្សេងទៀតដែលធ្វើឡើងដោយ ក្រុម​ប្រឹក្សា​អូឡាំពិក​អន្តរជាតិ (IOC) ដែលសន្មតថាបានផ្តល់សិទ្ធិឱ្យទីក្រុង Doha ជាមួយនឹងការវិនិយោគរបស់កាតាយ៉ាងច្រើន ឯកសិទ្ធិនៃការធ្វើជាម្ចាស់ផ្ទះលើកដំបូងនៅអាស៊ីខាងលិច។

ការប្រកាសជាផ្លូវការនឹងត្រូវបានធ្វើឡើងនៅចន្លោះឆ្នាំ២០២៦ និងឆ្នាំ២០២៧ ជាហេតុផល​ត្រូវ​រង់ចាំការបញ្ជាក់ជាផ្លូវការ។ ក្នុងរយៈពេលពីរទសវត្សរ៍នេះ ប្រទេសតូចមួយនៅ​ឧបទ្វីបអារ៉ាប់បានក្លាយជាម្ចាស់ផ្ទះការប្រកួតបាល់ទាត់ពិភពលោកឆ្នាំ២០២២ និងកីឡាអូឡាំពិកឆ្នាំ២០៣៦ ដែលបង្ហាញពីការចាប់អារម្មណ៍យ៉ាងខ្លាំងក្នុងការធ្វើជាការបង្ហាញអន្តរជាតិ។

នាយករដ្ឋមន្ត្រីវ័យ៦៧ឆ្នាំបានសារភាពថា ៖«ខ្ញុំប្រហែលជានឹងមិនអាចរត់នៅលើទីលានបានទេនៅពេល​កីឡាអូឡាំពិកត្រូវបានប្រារព្ធធ្វើនៅប្រទេសប៉ូឡូញ ប៉ុន្តែខ្ញុំអាចធ្វើបានច្រើនក្នុងប៉ុន្មានឆ្នាំខាងមុខនេះ ដើម្បីប្រែក្លាយក្តីសុបិននេះទៅជាការពិត»។

យោងតាមរបាយការណ៍ ប្រទេសជិតខាងរបស់ប៉ូឡូញ និងប្រទេសយក្សនៅអឺរ៉ុបមួយទៀតគឺប្រទេសអាឡឺម៉ង់ ក៏មានគម្រោងដេញថ្លៃសម្រាប់ការប្រកួតកីឡាអូឡាំពិក ឆ្នាំ២០៤០ ផងដែរ ដែលអាចស្វែងរកការនាំយកកីឡាអូឡាំពិកមកទីក្រុងប៊ែរឡាំងវិញ។ វានឹងក្លាយជាលើកទីពីរហើយដែលរដ្ឋធានីរបស់អាឡឺម៉ង់បានធ្វើម្ចាស់ផ្ទះ បន្ទាប់ពីលើកដំបូងនៅឆ្នាំ១៩៣៦។

ប្រទេសប៉ូឡូញគឺជាម្ចាស់ផ្ទះនៃព្រឹត្តិការណ៍កីឡាទ្វីបអឺរ៉ុបកាលពីឆ្នាំ២០២៣ ហើយក៏បានធ្វើជាសហម្ចាស់ផ្ទះនៃព្រឹត្តិការណ៍ UEFA European Championship ឆ្នាំ២០១២ ជាមួយប្រទេសអ៊ុយក្រែនកាលពីមួយទសវត្សរ៍មុន។

តាមពិតទៅ រដ្ឋមន្ត្រីក្រសួងកីឡា លោក Slawomir Nitras បានគូសបញ្ជាក់អំពីលទ្ធភាពនេះថា ៖«ខ្ញុំបានមើលការប្រកួតនៅទីក្រុងប៉ារីស ហើយខ្ញុំអាចនិយាយបានថា តាមទស្សនៈរបស់អង្គការ យើងមានសមត្ថភាពរៀបចំព្រឹត្តិការណ៍មួយ​នេះ​បាន»៕

ប្រែសម្រួល៖ មន្នីរ័ត្ន
ប្រភព៖ Reuters