ជាកិច្ចចាប់ផ្ដើម លោក ជាម ច័ន្ទសោភ័ណ ប្រធានគណៈកម្មាធិការគណបក្សខេត្តកំពង់ស្ពឺ បានឡើងសម្ដែងមតិស្វាគមន៍ ចំពោះវត្តមានដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ព្រមទាំងបានថ្លែងអំណរគុណយ៉ាងជ្រាលជ្រៅ ចំពោះការយកចិត្តទុកដាក់ និងការគិតគូរយ៉ាងម៉ត់ចត់ដល់សុខទុក្ខប្រជាពលរដ្ឋ និងក្រុមគ្រួសារវីរកងទ័ព នៅគ្រប់កាលៈទេស។

នាឱកាសនៃពិធីសំណេះសំណាលនាឯកឧត្តម ហ៊ុន ម៉ានី ក៏បានសាកសុខទុក្ខដល់កងកម្លាំងទាំងអស់ដែលមានវត្តមាននៅទីនោះ និងកោតសរសើរ ចំពោះការប្តេជ្ញាចិត្ត និងវីរភាពដ៏មោះមុតរបស់ កងកម្លាំង ទាំងអស់ ដែលបាននិងកំពុងបំពេញបេសកកម្មដ៏ឧត្តុង្គឧត្តមក្នុងការធានា សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ក្នុងក្របខណ្ឌខេត្តកំពង់ស្ពឺ។

គួរឱ្យដឹងថា អំណោយដែលត្រូវប្រគល់ជូនកងកម្លាំង នាឱកាសនោះ ១ អង្គភាពទទួលបាន អង្ករ ៥ តោន មី ១០០កេស ទឹកសុទ្ធ ១០០ កេស ភេសជ្ជៈ ១០០កេស និងថវិកា ១០លានរៀល ដែលជាអំណោយដ៏ថ្លៃថ្លារបស់ ឯកឧត្តមឧបនាយករដ្ឋមន្រ្តី ហ៊ុន ម៉ានី និងមានការចូលរួមចំណែកសម្ភារៈ ថវិកាបន្ថែមមួយចំនួនពីតំណាងរាស្រ្ដមណ្ឌលខេត្តកំពង់ស្ពឺ សេង ញ៉ក់ និងអ្នកឧកញ៉ា សំអាង វឌ្ឍនៈផងដែរ៕

The post ឯកឧត្ដម ហ៊ុន ម៉ានី កោតសរសើរវីរភាពកងកម្លាំងក្នុងការបំពេញបេសកកម្មធានាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គមក្នុងខេត្តកំពង់ស្ពឺ appeared first on Kampuchea Thmey Daily.

តាមរយៈសំណេរនៅលើទំព័រហ្វេប៊ុក ឯកឧត្តម បានបញ្ជាក់ថា «ទោះពួកគាត់បានឆ្លងកាត់ការវាយប្រហារយ៉ាងរន្ធត់ ពីពួកឈ្លានពាន ហើយទទួលរងរបួសក្តី ប៉ុន្តែស្មារតីពូៗ និងបងៗកងកម្លាំងនៅតែខ្លាំងក្លា ហើយក៏បងៗចង់វិលត្រលប់ទៅ សមរភូមិមុខវិញជាមួយមិត្តរួមអាវុធដើម្បីការពារទឹកដីរបស់យើងពីពួកឈ្លានពានបន្តដែរ»។ នៅក្នុងសំណេរនោះ ឯកឧត្តម បានអរគុណសម្រាប់ទឹកចិត្តរបស់កងទ័ព ទាំងការលះបង់កន្លងមក និងឆន្ទៈ សម្រាប់មាតុភូមិជាទីស្រឡាញ់។

ជាមួយគ្នានេះ ឯកឧត្តមឧបនាយករដ្ឋមន្ត្រី ក៏បានអរគុណសម្តេចធិបតី រាជរដ្ឋាភិបាល ថ្នាក់ដឹកនាំ លោកគ្រូ អ្នកគ្រូពេទ្យ គ្រប់ទិសទីដែលកំពុងបំពេញកាងារដោយមិននឿយហត់ក្នុងការទំនុកបម្រុង ការមើលថែ និងព្យាបាលកងកម្លាំង។ ឯកឧត្តម បានសង្កត់ធ្ងន់ថា «រាជរដ្ឋាភិបាល និងប្រជាជនកម្ពុជាមានភាពជឿជាក់លើកងកម្លាំងប្រដាបអាវុធរបស់យើង»។

គួររម្លឹកថា ថៃបានឈ្លានពាន និងបើកការវាយប្រហារមកលើកម្ពុជាមុន នៅថ្ងៃទី២៤ ខែកក្កដា ឆ្នាំ២០២៥ ដោយបានប្រើប្រាស់នូវសពា្វវុធទំនើបៗវាយប្រហារមកលើកម្ពុជា ហើយបើទោះបីជាមានបទ​ឈប់​បាញ់​មួយនៅ​ថ្ងៃទី​២៨ បន្ទាប់​ពី​មាន​ការ​ជួប​គ្នា​រវាង​នាយករដ្ឋមន្ត្រីកម្ពុជា និង​នាយករដ្ឋមន្ត្រីស្ដីទី​ថៃ​ ក្រោម​​ការ​សម្របសម្រួលដោយ​​ម៉ាឡេស៊ី ដោយមានការផ្តួចផ្តើមគំនិតពី​សហរដ្ឋ​អាមេរិក និងតាមដាន​ដោយ​ប្រទេស​ចិន ប៉ុន្តែភាគីថៃ​នៅតែព្យាយាម​បង្ករឿង​ជា​បន្តបន្ទាប់​នៅតាម​ខ្សែ​បន្ទាត់ព្រំដែននៃប្រទេសទាំងពីរ​៕

The post ទោះបីឆ្លងកាត់ការវាយប្រហារយ៉ាងរន្ធត់ កងកម្លាំងនៅតែចង់វិលត្រលប់ទៅសមរភូមិមុខវិញ ដើម្បីការពារទឹកដី appeared first on Kampuchea Thmey Daily.

មានប្រសាសន៍នាឱកាសនោះ លោកឧត្តមសេនីយ៍ឯក តុប នេត បានក្រើនរម្លឹកដល់កងកម្លាំងនគរបាលការពារព្រំដែនទាំងអស់ ឱ្យបន្តបង្កើនការប្រុងប្រយ័ត្នខ្ពស់គ្រប់ពេលវេលា គ្រប់គ្រងថែរក្សាអាវុធ យុទ្ធោបករណ៍ ឧបករណ៍ សម្ភារសឹក ដែលបានបំពាក់ ត្រៀមលក្ខណៈឆ្លើយតបរហ័សនៅពេលមានបទបញ្ជា និងបន្តរក្សាសាមគ្គីភាព ជួយទុក្ខធុរៈគ្នា រួមសុខរួមទុក្ខដូចជាបងជាប្អូនក្នុងគ្រួសារតែមួយ និងសហការជិតស្និទជាមួយអាជ្ញាធរដែនដី និងប្រជាពលរដ្ឋមូលដ្ឋាន ដើម្បីធានាសន្តិសុខសណ្តាប់ធ្នាប់នៅក្នុងតំបន់ឈរជើង ត្រូវថែទាំសុខភាព រក្សាអនាម័យ ទាំងម្ហូបអាហារ ទឹកបរិភោគ ការពារជំងឺដង្កាត់ផ្សេងៗ។

ជាមួយគ្នានេះ លោកអគ្គនាយក បានថ្លែងគាំទ្រយ៉ាងពេញទំហឹងនូវចំណាត់ការរបស់រាជរដ្ឋាភិបាលកម្ពុជា ក្នុងការដោះស្រាយបញ្ហា ព្រំដែនទាំងដំណោះស្រាយការទូត និងលើកយកករណីវិវាទនៅតំបន់មុំបី ប្រាសាទ តាមាន់ធំ តាមាន់តូច និងប្រាសាទតាក្របី ទៅកាន់តុលាការយុត្តិធម៌អន្តរជាតិ (ICJ)។

ក្នុងឱកាសនោះដែរ លោកអគ្គនាយក បាននាំយកសម្ភារ និងថវិកា ដែលជាអំណោយដ៏ថ្លៃថ្លារបស់លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ ដើម្បីផ្តល់ជូនដល់មន្ត្រី ដែលកំពុងបំពេញការងារនៅព្រំដែនមួយចំនួន។ បន្ទាប់ពី សំណេះសំណាល និងសួរសុខទុក្ខជាមួយកងកម្លាំងនគរបាលការពារព្រំដែនចប់ លោក តុប នេត ក៏បានដឹកនាំគណៈប្រតិភូ បន្ដចុះពិនិត្យស្ថានភាពជាក់ស្ដែងច្រកព្រំដែនកម្ពុជា-ថៃ (តំបន់បឹងត្រកួន)ផងដែរ៕

The post លោក តុប នេត ក្រើនរម្លឹកដល់កងកម្លាំងការពារព្រំដែន ឱ្យបង្កើនការប្រុងប្រយ័ត្នខ្ពស់ក្នុងតំបន់ឈរជើង appeared first on Kampuchea Thmey Daily.

ការដាក់បទបញ្ជានេះ ធ្វើឡើងកាលពីរសៀលថ្ងៃទី១ ខែកក្កដា ឆ្នាំ២០២៥ នៅបញ្ជាការដ្ឋានកងរាជអាវុធហត្ថខេត្តសៀមរាប ក្នុងកិច្ចប្រជុំ ត្រួតពិនិត្យការងារ អនុវត្ថតួនាទីភារកិច្ច ប្រចាំឆមាសទី១ និងទិសដៅឆមាសទី២ ឆ្នាំ២០២៥ របស់កងរាជអាវុធហត្ថខេត្ត។

ក្នុងឱកាសនោះដែរ លោកបានធ្វើការវាយតម្លៃខ្ពស់អំពីលទ្ធផល ដែលគ្រប់កងឯកភាពទាំងអស់អនុវត្ត លើការងារសន្តិសុខ សណ្តាប់ធ្នាប់សាធារណៈ ជាពិសេសសន្តិសុខ សុវត្ថិភាពជូនដល់ថ្នាក់ដឹកនាំជាន់ខ្ពស់ជាតិ អន្តរជាតិ និងភ្ញៀវទេសចរជាតិ អន្តរជាតិ និងប្រជាពលរដ្ឋ ក្នុងមូលដ្ឋានខេត្តសៀមរាប។ ម៉្យាងទៀត បានយកចិត្តទុកដាក់ខ្ពស់ធ្វើការបណ្តុះបណ្តាល ហ្វឹកហ្វឺនជាប្រចាំដល់កងកម្លាំងនូវគ្រប់មុខវិជ្ជាយុទ្ធសាស្ត្រ របស់កងទ័ព និងអប់រំចិត្តសាស្ត្រជាដើម។ លោកថា បច្ចុប្បន្នការងារហ្វឹកហ្វឺនបានដើរតួនាទីជាយុទ្ធសាស្ត្រយ៉ាងសំខាន់ក្នុងការពង្រឹងខឿនការពារជាតិ តាមរយៈការផ្ដល់នូវចំណេះដឹង និងចំណេះធ្វើពិតប្រាកដដល់កងទ័ព។

ជាមួយគ្នានោះ លោកមេបញ្ជាការ ក៏បានលើកឡើង អំពីស្ថានភាពសន្តិសុខនៅតាមបន្ទាត់ព្រំដែនកម្ពុជា-ថៃ និងជំរុញឱ្យបង្កើនស្មារតីយកចិត្តទុកដាក់ ការពារជាតិសាសនា ព្រះមហាក្សត្រ សុខសន្តិភាព ស្ថិរភាព សណ្ដាប់ធ្នាប់សាធារណៈ និងសេចក្ដីសុខក្សេមក្សាន្តរបស់ប្រជាពលរដ្ឋកម្ពុជាទោះស្ថិតក្នុងតម្លៃណាក៏ដោយ៕

អត្ថបទ៖ គឿន វេត

The post មេបញ្ជាការអាវុធហត្ថខេត្តសៀមរាប ត្រៀមកម្លាំងអន្តរាគមន៍ ដើមី្បជួយពលរដ្ឋដែលរងគ្រោះក្នុងឧបទ្ទវហេតុផ្សេងៗ appeared first on Kampuchea Thmey Daily.

លោកមេបញ្ជាការ ប្រាប់ទៅកាន់កងកម្លាំងដូច្នេះ៖« ចាប់ពីថ្ងៃនេះទៅកម្លាំងកងរាជអាវុធហត្ថខេត្តកំពង់ស្ពឺទាំងអស់ត្រូវត្រៀមចំនុចខ្ពស់២៤ម៉ោងលើ២៤ម៉ោង រហូតទទួលបានបទបញ្ជាថ្មី ហាមអវត្តមានដាច់ខាត​ »។

លោកមេបញ្ជាការបានបញ្ជាក់ថាហាមដាច់ខាត សម្រាប់នាយទាហាន នាយទាហានរង កងរាជអាវុធហត្ថខេត្តកំពង់ស្ពឺ មិនត្រូវពាក់ព័ន្ធនឹងគ្រឿងញៀនដាច់ខាត ក្នុងករណីរកឃើញនាយទាហាន នាយទាហានរងរូបណា ជាប់ពាក់ពន្ធ័នឹងករណីគ្រឿងញៀន គឺត្រូវអនុវត្តតាមច្បាប់ ដោយមិនមានការលើកលែងដាច់ខាត ។

ឧត្ដមសេនីយ៍ត្រី ម៉េង ស៊្រុន ក៏បញ្ជាឱ្យកងកម្លាំងត្រូវគោរពវិន័យ ក្នុងអង្គភាព និងបទបញ្ជារបស់ថ្នាក់ដឹកនាំ គឺទទួលបញ្ជា អនុវត្ត រាយការណ៍អំពីលទ្ធផលសម្រេចបាន ចំណែកកម្លាំងបញ្ជាមណ្ឌលប្រតិបត្តិការ និងវេនប្រចាំការ នាយទាហានទាំងអស់់ត្រូវ គោរពនូវតួនាទីភារកិច្ចរបស់ខ្លួន។

មេបញ្ជាការ ម៉េង ស៊្រុន ក៏ប្រាប់ឱ្យនាយទាហាន នាយទាហានរង ត្រូវតែចូលរួមគោរពទងជាតិឲ្យបានគ្រប់គ្នា និងផ្សព្វផ្សាយបន្តនូវលទ្ធផលការងារប្រចាំសប្តាហ៍និងទិសដៅបន្ត៕

The post មេបញ្ជាការកងរាជអាវុធហត្ថខេត្តកំពង់ស្ពឺ ឱ្យកម្លាំងក្រោមឱវាទត្រៀមខ្លួន២៤ម៉ោង រងចាំបទបញ្ជាប​ម្រើពលរដ្ឋ appeared first on Kampuchea Thmey Daily.

គិតចាប់ថ្ងៃទី១៤ ដល់ថ្ងៃទី១៧ ខែមេសា ឆ្នាំ២០២៥ មានរយៈពេល ៤ថ្ងៃ ក្នុងឱកាសបុណ្យចូលឆ្នាំប្រពៃណីជាតិ ខេត្តបន្ទាយមានជ័យទទួលបានភ្ញៀវទេសចរជាតិ និងអន្តរជាតិប្រមាណ១លាននាក់បានមកដើរលេងកម្សាន្ដនៅតាមតំបន់ទេសចរណ៍មួយចំនួន។

ក្នុងនាមរដ្ឋបាលខេត្ត លោកអភិបាលខេត្ត អ៊ុំ រាត្រី បានថ្លែងអំណរគុណដល់កងកម្លាំងគ្រប់លំដាប់ថ្នាក់គ្រប់ប្រភេទ ដែលបានខិតខំប្រឹងថែរក្សា សន្ដិសុខ សណ្ដាប់ សុវត្ថិភាពសាធារណៈនិងមន្ត្រីរាជការ អង្គភាពពាក់ អាជ្ញាធរដែនដីគ្រប់លំដាប់ថ្នាក់ ក្រុមគ្រូពេទ្យ យុវជន ក្រុមការងារពាក់ព័ន្ធទាំងអស់ ដែលបានសហការចូលរៀបចំកម្មវិធីសង្ក្រាន្តបន្ទាយមានជ័យសួនតេជោ ឈ្នះ-ឈ្នះ និង សង្ក្រាន្តតាមទីកន្លែងកម្សាន្តសាធារណ:ផ្សេងៗ និង កម្មវិធីកម្សាន្តសប្បាយតាមទីវត្តអារាមនានា អបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័ក ពុទ្ធសករាជ ២៥៦៩ គ្រិស្តសករាជ ២០២៥ ប្រកបដោយភាពសប្បាយរីករាយ សន្តិសុខ សុវត្ថិភាពល្អ។

លោកអភិបាលខេត្ត បានបញ្ជាក់ថា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានដឹកនាំនាវាកម្ពុជាឆ្ពោះទៅរកសុខសន្តិភាពពេញផ្ទៃប្រទេស និងភាពសប្បាយរីករាយមាននៅគ្រប់ទីកន្លែង ជាពិសេសក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២៥ នេះ៕

The post លោក អ៊ុំ រាត្រី សសើរដល់កងកម្លាំង និងមន្ត្រីពាក់ព័ន្ធទាំងអស់ ដែលរក្សាសុខសុវត្ថិភាពបានយ៉ាងល្អ ក្នុងថ្ងៃចូលឆ្នាំ appeared first on Kampuchea Thmey Daily.

នៅចំពោះមុខកងកម្លាំងទាំង៣ប្រភេទ ឯកឧត្ដម ហ៊ុ​​ន ម៉ានិត សង្កត់ធ្ងន់ដូច្នេះ៖«បញ្ហាគ្រឿងញៀន ការឆបោកតាមប្រព័ន្ធអនឡាញ និងឧក្រិដ្ឋកម្មផ្សេងៗទៀត គឺជាខ្មាំងសត្រូវរបស់យើងទាំងអស់គ្នា និងដាច់ខាតត្រូវកម្ទេចចោល។ សូមយើងរួមគ្នាដោះស្រាយបញ្ហា រួមគ្នាទទួលខុសត្រូវ សូមកុំរួមគ្នាចិញ្ចឹមបញ្ហា។»។

ជាមួយគ្នានេះ ឧត្ដមសេនីយ៍ឯក ហ៊ុន​ ម៉ានិត បានអរគុណកងកម្លាំងប្រដាប់អាវុធ ដែលឈរជើងនៅតាមបណ្តោយព្រំដែន  ដែលបានប្រឹងប្រែង និងសហការគ្នាយ៉ាងល្អ ក្នុងការទប់ស្កាត់ឧក្រិដ្ឋកម្មឆ្លងដែន ដូចជាគ្រឿងញៀន ជួញដូរអាវុធ និងជួញដូរមនុស្សជាដើម។

ជាពិសេស ឯកឧត្ដម ហ៊ុន ម៉ានិត បានថ្លែងអំណរគុណដល់ថ្នាក់ដឹកនាំអង្គភាព និងយោធិនទាំងអស់ ដែលបានលះបង់កម្លាំងកាយចិត្ត ការពារបូរណភាពទឹកដី អធិបតេយ្យភាពជាតិ ការពារសុខសន្តិភាព ព្រមទាំងបានចូលរួមយ៉ាងសកម្មក្នុងការងារមនុស្សធម៌ ជួយសង្គ្រោះប្រជាជនក្នុងគ្រាជួបគ្រោះមហន្តរាយផ្សេងៗ។

ក្រៅពីនេះ នៅក្នុងពិធីសមិទ្ធផលនានា ក្នុងទីបញ្ជាការកងពលតូចថ្មើរជើងលេខ៥៣ រៀបចំឡើងនៅថ្ងៃ២៤ ខែវិច្ឆិកា ឯកឧត្ដម ហ៊ុន​ ម៉ានិត បានចាត់ទុកសមទ្ធិផលនានាដែលជាអំណោយរបស់សម្តេចធិបតី ហ៊ុន ម៉ាណែត និងលោកជំទាវបណ្ឌិត ថាបានបានបង្ហាញពីការយកចិត្តទុកដាក់ពីថ្នាក់ដឹកនាំគ្រប់ជាន់ថ្នាក់ និងរាជរដ្ឋាភិបាល លើទំនើបកម្មយោធា ការអភិវឌ្ឍអង្គភាពទ័ព និងសុខទុក្ខរបស់យោធិនគ្រប់រូប និងក្រុមគ្រួសារ។

ជាមួយគ្នានេះ ឯកឧត្ដម ហ៊ុន ម៉ានិត បានលើកឡើងថា សម្តេចតេជោ និងសម្តេចកិត្តិព្រឹទ្ធបណ្ឌិត តែងតែគិតគូរពីសុខទុក្ខរបស់កងកម្លាំងទាំងអស់គ្រប់ពេលវេលា ពោលគឺសម្តេចទាំងទ្វេរតែងផ្តល់អាវរងារនៅរដូវរងារ និងផ្តល់អាវភ្លៀងនៅរដូវភ្លៀងធ្លាក់ជូនកងកម្លាំងទាំងអស់ជារៀងរាល់ឆ្នាំ៕

The post ឯកឧត្ដម ហ៊ុន ម៉ានិត៖បញ្ហាគ្រឿងញៀន ការឆបោកតាមអនឡាញ ឧក្រិដ្ឋកម្មផ្សេងៗ ជាសត្រូវរបស់កងកម្លាំងដែលត្រូវតែកម្ទេចចោល appeared first on Kampuchea Thmey Daily.

លោកឧបនាយករដ្ឋមន្ត្រី ស សុខា បានអំពាវនាវដល់គណៈបញ្ជាការឯកភាពរដ្ឋបាលរាជធានី-ខេត្ត កងកម្លាំងប្រដាប់អាវុធ និងអាជ្ញាធរមានសមត្ថកិច្ចពាក់ព័ន្ធគ្រប់លំដាប់ថ្នាក់ ដូច្នេះថា៖ «សូមបន្តចូលរួមអនុវត្តឱ្យបានសកម្ម ផុលផុសនូវបទបញ្ជា វិធានការ ផែនការ និងយុទ្ធនាការនានារបស់រាជរដ្ឋាភិបាល ព្រមទាំងបន្តជំរុញផ្សព្វផ្សាយ និងចលនាកៀរគរការចូលរួមពីប្រជាពលរដ្ឋគ្រប់មជ្ឈដ្ឋានក្នុងការអនុវត្តគោលនយោបាយ «ភូមិ-ឃុំ-សង្កាត់មានសុវត្ថិភាព» សំដៅរួមគ្នាថែរក្សាបរិយាកាសទូទៅក្នុងសង្គមបានល្អប្រសើរ»។

ការអំពាវនាវរបស់ប្រមុខក្រសួងមហាផ្ទៃខាងលើ បានធ្វើឡើងក្រោយភាពជោគជ័យនៃការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក រយៈពេល៣ថ្ងៃ ឆ្នាំ២០២៤នេះ ប្រកបដោយជោគជ័យ ដែលក្នុងនោះ ក៏មានចំណែកនៃការចូលរួមរបស់រដ្ឋបាលរាជធានី-ខេត្ត កងកម្លាំងប្រដាប់អាវុធ និងអាជ្ញាធរមានសមត្ថកិច្ចពាក់ព័ន្ធគ្រប់លំដាប់ថ្នាក់។ លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានវាយតម្លៃខ្ពស់ចំពោះកិច្ចខិតខំប្រឹងប្រែងបំពេញតួនាទីភារកិច្ចក្នុងស្មារតីទទួលខុសត្រូវខ្ពស់ពីតួអង្គទាំងនេះ ដែលបានយកអស់កម្លាំងកាយ ប្រាជ្ញាស្មារតី ប្រកបដោយឆន្ទៈ មនសិការ និងការប្តេជ្ញាចិត្តដ៏មោះមុត ចូលរួមសហការថែរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គមបានយ៉ាងល្អប្រសើរក្នុងឱកាសនៃការប្រារព្ធព្រះរាជពិធីបុណ្យអុំទូកនេះ។

លោក ថា ការលះបង់របស់កងកម្លាំង និងអាជ្ញាធរមានសមត្ថកិច្ច គឺធានាបានបរិយាកាសសង្គម អំណោយផលបម្រើដល់ការរៀបចំនូវកម្មវិធីសិល្បៈ កីឡា និងទស្សនីយភាពផ្សេងៗយ៉ាងក្លៀវក្លារស់រវើក ដើម្បីអបអរនូវព្រឹត្តិការណ៍ជាតិដ៏មានសារៈសំខាន់នេះ ជាពិសេសញ៉ាំងឱ្យប្រជាពលរដ្ឋរាប់លាននាក់នៅទូទាំងប្រទេសកម្ពុជា រួមទាំងភ្ញៀវអន្តរជាតិមកពីគ្រប់ទិសទី បានចូលរួមកំសាន្តសប្បាយ និងទទួលបានបទពិសោធន៍ល្អៗពីកម្ពុជា ព្រមទាំងរួមចំណែកផ្សព្វផ្សាយនូវប្រពៃណី វប្បធម៌ដ៏ល្អផូរផង់របស់ខ្មែរ និងលើកស្ទួយកិត្យានុភាពជាតិកាន់តែថ្កុំថ្កើងលើឆាកអន្តរជាតិ។ នេះបើតាមសារលិខិតរបស់លោក ស សុខា ចុះថ្ងៃទី១៨ ខែវិច្ឆិកា ឆ្នាំ២០២៤ ផ្ញើជូនគណៈបញ្ជាការឯកភាពរដ្ឋបាលរាជធានី-ខេត្ត កងកម្លាំងប្រដាប់អាវុធ និងអាជ្ញាធរមានសមត្ថកិច្ចពាក់ព័ន្ធគ្រប់លំដាប់ថ្នាក់។

តាមរយៈជោគជ័យនៃការរៀបចំព្រះរាជពិធីបុណ្យអុំទូក បណ្តែតប្រទីប និងសំពះ ព្រះខែ អកអំបុក ឆ្នាំ២០២៤ រដ្ឋមន្ត្រីក្រសួងមហាផ្ទស ចាត់ទុកថា ជាស្នាដៃ និងសមិទ្ធផលថ្មីជាប្រវត្តិសាស្ត្រមួយទៀតរបស់កងកម្លាំង និងអាជ្ញាធរពាក់ព័ន្ធគ្រប់លំដាប់ថ្នាក់ ហើយក៏ជាការរួមចំណែកមួយយ៉ាងសំខាន់ដល់ការបង្កើនទំនុកចិត្តកាន់តែមុតមាំ និងបង្ហាញទៅកាន់ សកលលោកអំពីការបន្តធានាបានយ៉ាងរឹងមាំនូវសន្តិភាពពេញបរិបូរណ៍នៅកម្ពុជា ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី ដែលបានដាក់ចេញគោលការណ៍ និងបទបញ្ជាយ៉ាងម៉ឺងម៉ាត់ប្រកបដោយប្រសិទ្ធភាព ក្នុងគោលដៅធ្វើយ៉ាងណាបន្តថែរក្សាបានគង់វង្សសុខសន្តិភាព និងស្ថិរភាពជាតិ ធានាដល់ប្រក្រតីភាពសម្រាប់សង្គមជាតិ និងជំរុញដំណើរការអភិវឌ្ឍរីកចម្រើនដល់ជីវភាពរស់នៅរបស់ប្រជាជន៕

The post រដ្ឋមន្ត្រីមហាផ្ទៃ ប្រាប់កងកម្លាំងបន្តអនុវត្តឱ្យបានសកម្មជាមួយរដ្ឋាភិបាល សំដៅរួមគ្នាថែរក្សាបរិយាកាសសង្គម appeared first on Kampuchea Thmey Daily.