ប្រតិបត្តិការបង្ក្រាបនេះកម្លាំងសមត្ថកិច្ចជំនាញបានធើ្វការស្រាវជ្រាវ បទល្មើសចោរកម្មមានស្ថានទម្ងន់ទោសនេះ បានធ្វើឡើងក្នុងរយៈពេល ០២ថ្ងៃជាប់គ្នា (ចាប់ពីថ្ងៃទី០១ ដល់ថ្ងៃទី០២ ខែកក្កដា ឆ្នាំ២០២៦) ក្រោមការដឹកនាំផ្ទាល់ពីលោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង និងមានការចង្អុលបង្ហាញផ្នែកជំនាញពីលោកវរសេនីយ៍ឯក គឹម ឡៃ ស្នងការរងទទួលផែនព្រហ្មទណ្ឌ។ ភ្លាមៗនោះ លោកវរសេនីយ៍ សំ សំអុល អធិការនគរបាលក្រុងបាវិត បានបញ្ជាកម្លាំងជំនាញចុះអន្តរាគមន៍ដល់ទីតាំងកើតហេតុ ដែលជាអគារគ្មានមនុស្សស្នាក់នៅ ស្ថិតក្នុងតំបន់ឧស្សាហកម្ម OP ភូមិបាវិតលើ សង្កាត់បាវិត ក្រុងបាវិត។

នៅចំពោះមុខសមត្ថកិច្ច ជនសង្ស័យទាំង ៧នាក់ បានឆ្លើយសារភាពថា ពួកខ្លួនពិតជាបានសម្រុកចូលទៅក្នុងអគារ ដើម្បីវាយបំផ្លាញយករកដែក និងលួចសម្ភារៈផ្សេងៗយកទៅលក់ ព្រមទាំងមានការផ្សំគំនិតទិញ-លក់ផលចោរកម្មនេះប្រាកដមែន។

នៅក្នុងកិច្ចប្រតិបត្តិការនេះ សមត្ថកិច្ចបានដកហូតវត្ថុតាង និងមធ្យោបាយធ្វើសកម្មភាព រួមមាន៖ រថយន្តកង់បី (ផាសអាប់) ០១គ្រឿង, ម៉ូតូសណ្តោងរ៉ឺម៉ក ០២គ្រឿង, ម៉ូតូ ០៤គ្រឿង, ទូរស័ព្ទដៃ ០៥គ្រឿង, ដែកនិងសម្ភារៈដែលលួចបានមួយចំនួន ព្រមទាំងម្សៅក្រាមពណ៌សថ្លាសង្ស័យជាសារធាតុញៀនចំនួន ០១កញ្ចប់តូច (ជារបស់ជនសង្ស័យឈ្មោះ ស វុទ្ធី)។

បច្ចុប្បន្ន ជនសង្ស័យទាំង ៧នាក់ រួមជាមួយវត្ថុតាង ត្រូវបានសមត្ថកិច្ចជំនាញនៃអធិការដ្ឋាននគរបាលក្រុងបាវិត កសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធីច្បាប់។ ជាមួយគ្នាផងដែល កម្លាំងសមត្ថកិច្ច ក៏បានអំពាវនាវ សូមប្រជាពលរដ្ឋទាំងអស់ កុំចូលទៅបំផ្លាញអាគារ និង វាយកម្ទេចយកដែករឺស៊ុមទ្វារបង្អួចនៅក្នុងអាគារណាមួយអី ព្រោះវាជាបទល្មើសព្រហ្មទណ្ឌនិងការទទួលខុសត្រូវចំពោះមុខច្បាប់៕

The post នគរបាលក្រុងបាវិត ស្រាវជ្រាវបង្ក្រាបក្រុមចោរគាស់អគារលួចសម្ភារៈ និង អ្នកទទួលផលសរុប៧នាក់បញ្ជូនទៅតុលាការ appeared first on Kampuchea Thmey Daily.

ការឃាត់ខ្លួននេះបានធ្វើឡើងកាលពីវេលាម៉ោង២ រសៀល ថ្ងៃទី ២៦ ខែឧសភា ឆ្នាំ២០២៦ នៅចំណុចបណ្តយផ្លូវលេខ២៧១ ភូមិមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។ ជនសង្ស័យឈ្មោះ ជាតិ  វាសនា ហៅ អាហ្គេន ភេទប្រុស អាយុ២៧ឆ្នាំ ជនជាតិខ្មែរ មុខរបរ មិនពិតប្រាកដ។

តាមការបញ្ជាក់ពីនគរបាលខណ្ឌទួលគោក បានអោយដឹងថា កម្លាំងជំនាញបានទទួលពាក្យបណ្តឹងពីជនរងគ្រោះ ធ្វើការស្រាវជ្រាវ ឃាត់ខ្លួនជនសង្ស័យ០១នាក់ ករណីបើកទ្វាររថយន្តលួចយកកាបូបលុយជនជាតិចិន) កាលពីវេលាម៉ោងប្រហែល០៩ និង០៣នាទីយប់ ថ្ងៃទី១៨ ខែឧសភា ឆ្នាំ២០២៦ នៅចំណុចមុខផ្ទះលេខ៤២២A ផ្លូវលេខ២៤៥ ក្រុមទី៣២ ភូមិ១១ សង្កាត់បឹងសាឡាង ខណ្ឌទួលគោក រាជធានីភ្នំពេញ។

ប្រភពដ៏ដែលបានបន្តថា លុះមកដល់ថ្ងៃទី២៦ ខែឧសភា ឆ្នាំ២០២៦ វេលាម៉ោង២រសៀល នគរបាលជំនាញ ស្រាវជ្រាវរកឃើញទីតងជនសង្ស័យសង្ងំលាក់ខ្លួន រហូតឈានដល់ការឃាត់ នៅចំណុចបណ្តយផ្លូវលេខ២៧១ ភូមិមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ បញ្ជូនមកកាន់អធិការដ្ឋាននគរបាលខណ្ឌទួលគោក ។

បច្ចុប្បន្នជនសង្ស័យខាងលើ ត្រូវបាននគរបាលបញ្ជូនទៅសាលាដំបូងរាជធានីភ្នំពេញ ដើម្បីបន្តនីតិវិធីច្បាប់៕ អត្ថបទ៖រដ្ឋា

The post នគរបាលខណ្ឌទួលគោក បញ្ជូនជនសង្ស័យម្នាក់ទៅកាន់តុលាការ ករណីលួចបើកទ្វារឡានយកកាបូបលុយនៅផ្សារនាគមាស appeared first on Kampuchea Thmey Daily.

ក្នុងនោះដែល កម្លាំងសមត្ថកិច្ចឃាត់ខ្លួនជនសង្ស័យបានចំនួន២នាក់ ៖ ឈ្មោះ អ៊ូ ថេត ភេទប្រុស អាយុ ១៨ឆ្នាំ និង ឈ្មោះ ចាន់ ពិសិដ្ឋ ភេទប្រុស អាយុ ២០ឆ្នាំ។ និងបានដកហូតបានម៉ូតូមួយគ្រឿងម៉ាក ស៊ុយស៊ូគីនិច ពណ៌ខៀវ ឆ្នាំផលិត ២០២៦ ពាក់ផ្លាកលេខ ភ្នំពេញ 1MJ-1776 ជារបស់ជនរងគ្រោះ។

តាមប្រភពព័ត៌មានពីជនរងគ្រោះបានឲ្យដឹងថា មុនពេលកើតហេតុ ខ្លួនបានទុកម៉ូតូក្នុងបន្ទប់ជួលរួចចេញក្រៅ ដើម្បីរកទិញអីហូប ដោយមិនបានចាក់សោរ ទ្វាបន្ទប់នោះទេ បន្ទាប់ពីទិញរួចក៏ត្រលប់មកបន្ទប់ជួលវិញ ស្រាប់តែបាត់ម៉ូតូទើបរត់ទៅប្តឹងសមត្ថកិច្ចតែម្តង។

សមត្ថកិច្ចបានឲ្យដឹងថា មុនពេលកើតហេតុ កម្លាំងសមត្ថកិច្ចប៉ុស្តិ៍នគរបាលរដ្ឋបាលចោមចៅទី៣ កំពុងជិះម៉ូតូល្បាតក្នុងមូលដ្ឋានដើម្បីទប់ស្កាត់ បទល្មើសនានា និងរក្សាសុខវត្ថិភាពជូនប្រជាពលរដ្ឋ។ លុះដល់វេលាម៉ោងកើតហេតុខាងលើ សមត្ថកិច្ចល្បាតមកដល់ត្រង់ចំណុចផ្លូវបេតុង ក្បែរបន្ទាយទាហានទ័ពអាកាស៩១ ស្រាប់តែឃើញជនសង្ស័យទាំង០២ នាក់កំពុងបណ្តើរម៉ូតូម៉ាក ស៊ុយស៊ូគីនិច ១គ្រឿង ដោយមានការសង្ស័យភ្លាមនោះ សមត្ថកិច្ចក៏បានឃាត់សួរនាំ ជនសង្ស័យទាំង០២នាក់ បន្ទាប់មកជនសង្ស័យទាំង០២នាក់បានឆ្លើយសារភាពថា ម៉ូតូដែលខ្លួនកំពុងបណ្តើរ គឺជាម៉ូតូបានលួចគេនៅម្តុំរោងចក្រQMI ខណៈពេលនោះសមត្ថកិច្ចក៏ធ្វើឃាត់ខ្លួនជនសង្ស័យ ខាងលើទាំង០២នាក់ជាក់ស្តែងរួមនិងវត្ថុតាងនាំយកមកប៉ុស្តិ៍ ដើម្បីចាត់ការតាមនីតិវិធីច្បាប់។

បច្ចុប្បន្ន ជនសង្ស័យត្រូវបានបញ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យ ដើម្បីចាត់ការតាមច្បាប់៕ អត្ថបទ ៖សុខា

The post ចូលលួចម៉ូតូដល់ក្នុងបន្ទប់ជួលបានសម្រេច ខណៈពេលបណ្ដើរគេចខ្លួនជួបសមត្ថកិច្ចល្បាតក្របួចជាប់ទាំង០២នាក់ appeared first on Kampuchea Thmey Daily.

ជនសង្ស័យឃាត់ខ្លួនចំនួន០២នាក់ ៖ ឈ្មោះ គង់ វង់ឃាង ភេទប្រុស អាយុ៣៥ឆ្នាំ ជនជាតិខ្មែរ និង ឈ្មោះ ហឹម សុខហេង ភេទប្រុស អាយុ៣១ឆ្នាំ ជនជាតិខ្មែរ ។

តាមការបញ្ជាក់ពីនគរបាលបានអោយដឹងថា បន្ទាប់ពីទទួលពាក្យបណ្តឹងពីជនរងគ្រោះកម្លាំងជំនាញបាន បើកការស្រាវជ្រាវស្វែងរកជនសង្ស័យ តាមរយៈកាំមេរ៉ាសុវត្ថិភាព ប្រើប្រាស់ពេល ២៤ម៉ោង រហូតឈានដល់ការឃាត់ខ្លួនជនសង្ស័យចំនួន០២នាក់ ចំណុចមុខឡាក់គីស្តារ ផ្លូវ​៣៣៦ សង្កាត់ផ្សារដើមគរ ខណ្ឌទួលគោក និងជនសង្ស័យម្នាក់ទៀត ខាងមុខផ្ទះលេខ២១អាផ្លូវ៤៥ប៊ីធី សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ។

ក្នុងនោះវត្ថុតាងចាប់យករួមមាន ទូរស័ព្ទដៃចំនួន០២គ្រឿងម៉ាកTECNO SPARK ពណ៌ស និងម៉ាកTECNO SPARK ពណ៌ស (ជារបស់ជនសង្ស័យ) , ម៉ូតូ០១គ្រឿង ម៉ាកTODAY ពណ៌ផ្កាឈូក ពាក់ស្លាកលេខ ភ្នំពេញ 1IN-8368 (ជារបស់ជនរងគ្រោះ) ។

បច្ចុប្បន្នជនសង្ស័យទាំង០២នាក់ ខាងលេីនគរបាលបានកសាងសំណុំរឿងចាត់ការតាមនីតិវិធីច្បាប់៕ អត្ថបទ ៖ រដ្ឋា

The post នគរបាលខណ្ឌ៧មករា ស្រាវជ្រាវរយៈពេល ២៤ម៉ោង តាមចាប់ចោរ០២នាក់ ដែលលួចម៉ូតូបុគ្គលិកអនាម័យ appeared first on Kampuchea Thmey Daily.

តាមការបញ្ជាក់ពីជនរងគ្រោះ មានជនសង្ស័យម្នាក់ បានមកធ្វើសកម្មភាពលួចរថយន្ត Toyota Prius មួយគ្រឿង ពាក់ផ្លាកលេខ ភ្នំពេញ 2BT-9321 ចេញពីមូលដ្ឋានខណ្ឌមានជ័យ ធ្វើដំណើរតាមបណ្តោយផ្លូវជាតិលេខ ២ ក្នុងល្បឿនលឿន ដើម្បីគេចខ្លួន ។ ស្របពេលជនសង្ស័យ បើកគេចមកដល់ ខាងមុខក្រសួងមហាផ្ទៃ ក៏ស្រាប់តែរេចង្កូត បុករះរថយន្ត ម៉ាក Toyota Raize ពាក់ផ្លាកលេខ កម្ពុជា K.H.7172 និងកង់បីឥណ្ឌា ពាក់ផ្លាកលេខ ភ្នំពេញ 1HV-5499 ហើយបានរុញទៅបុកផ្ទប់ជាមួយរថយន្តមួយគ្រឿង ម៉ាក Lexus RX330 ពាក់ផ្លាកលេខ 2AS-9396 បណ្តាលអោយរងការខូចខាត ។

ប្រភពដដែលបន្តថាភ្លាមៗ សមត្ថកិច្ចខណ្ឌចំការមន បានឃាត់ជនសង្ស័យដែលលួចរថយន្ត រួចរងចាំសមត្ថកិច្ចខណ្ឌមានជ័យ ដើម្បីមកយកទៅសួរនាំបន្ត ។

ក្រោយកើតហេតុ ជនសង្ស័យខាងលើ ត្រូវបានកម្លាំងនគរបាលខណ្ឌចំការមនប្រគល់អោយ ទៅកម្លាំងខណ្ឌមានជ័យ អនុវត្តន៍តាមនីតិវិធីច្បាប់ ។ ចំពោះរថយន្តទាំង០៣គ្រឿង រួមកង់បីឥណ្ឌា ម្ចាស់សម្រេចយកទៅជួសជុលដោយខ្លួនឯង ៕ អត្ថបទ ៖ រដ្ឋា

The post លួចរថយន្តពីខណ្ឌមានជ័យ មកចាប់បាននៅខណ្ឌចំការមន ខណៈជនសង្ស័យបើករត់គេច ទៅបុករះរថយន្ត ០២គ្រឿង និងកង់បី ០១គ្រឿង appeared first on Kampuchea Thmey Daily.

គួរបញ្ជាក់ផងដែរថា លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ កាលពីថ្ងៃទី២៦ ខែមេសា ឆ្នាំ២០២៦ បានដាក់បទបញ្ជាទៅកាន់នគរបាលជំនាញ និងអធិការខណ្ឌទាំង១៤ ត្រូវចុះត្រួតពិនិត្យរាល់ទីតាំងអាជីវកម្មម៉ាស្សាទាំងអស់ ករណីរកឃើញទីតាំងនោះមានចេតនាប្រព្រឹត្តិអំពើណាមួយដែលនាំឲ្យមានការបាត់បង់ទ្រព្យសម្បត្តិភ្ញៀវជាតិ ឬអន្តរជាតិ ត្រូវមានវិធានការច្បាប់ជាធរមាន ដោយមិនមានការលើកលែងនោះឡើយ។

រហូតដល់ថ្ងៃទីថ្ងៃទី២៧ខែមេសាឆ្នាំ២០២៦ កម្លាំងសមត្ថកិច្ចជំនាញនៃអធិការដ្ឋាននរគបាលខណ្ឌដូនពេញ បានកំណត់បានមុខសញ្ញាជាម្ចាស់ទីតាំងហាងម៉ាស្សាខាងលើឃាត់យកមកសួរនាំ និងដកហូតលុយដែលបាត់បង់នោះ ប្រគល់ឲ្យជនបរទេសជាជនជាតិជប៉ុននោះវិញ។

បច្ចុប្បន្នសមត្ថកិច្ចជំនាញកំពុងស្រាវជ្រាវបន្តស្វែងរកអ្នកពាក់ព័ន្ធ ដើម្បីយកមកអនុវត្តតាមនីតិវិធី៕

The post សមត្ថកិច្ចខណ្ឌដូនពេញ ឃាត់ម្ចាស់ហាងម៉ាស្សាលួច លុយជនបរទេសចំនួន២ម៉ឺនយ៉េន និងដកហូតប្រាក់ប្រគល់ជូនម្ចាស់ដើមវិញ appeared first on Kampuchea Thmey Daily.

 ដោយអនុវត្តតាមបទបញ្ជារបស់ លោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល លោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ បានអោយកម្លាំងជំនាញនៃអធិការដ្ឋាននគរបាលក្រុងតាខ្មៅបានធ្វើការស្រាវជ្រាវឃាត់ខ្លួនជនសង្ស័យ២នាក់ ពាក់ព័ន្ធករណី អំពើលួច(កាត់ខ្សែបង្គោលភ្លើង)និងប្រើប្រាស់នូវសារធាតុញៀន ចំណុចផ្លូវក្រវ៉ាត់ក្រុងទី៣ ភូមិទួលក្រសាំង សង្កាត់រកាខ្ពស់ក្រុងតាខ្មៅ ខេត្តកណ្តាល។

ជនសង្ស័យឈ្មោះ ថា ប៊ុននី ហៅឃ្នី ភេទប្រុស អាយុ២៦ឆ្នាំ មុខរបរមិនពិតប្រាកដ មានទីលំនៅសង្កាត់រកាខ្ពស់ ក្រុងតាខ្មៅ ខេត្តកណ្តាល និងម្នាក់ទៀតមានឈ្មោះ ថា វីវះជិប ភេទប្រុស អាយុ៣៩ឆ្នាំ មុខរបរ មិនពិតប្រាកដ អ្នកទាំង២នាក់មានទៅលំនៅដូចគ្នា។ ជនសង្ស័យទាំង២នាក់មានសារធាតុញៀន(+) ផងដែរ។

តាមចម្លើយសារភាពរបស់ជនសង្ស័យខាងលើបានឆ្លើយសារភាពថា ខ្លួនពិតជាបានយកកន្ត្រៃដែកកាត់ខ្សែបង្គោលភ្លើង ហើយយកទៅលក់បានលុយ៤,០០០រៀល ទៅ៥,០០០រៀល យកទៅទិញថ្នាំញៀនយកមកជក់ ប្រាកដមែន។

បច្ចុប្បន្នជនសង្ស័យបានឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងតាខ្មៅ ដើម្បីបញ្ជូនទៅតុលាការចាត់ការតាមច្បាប់៕

The post សមត្ថកិច្ចក្រុងតាខ្មៅ ធើ្វការស្រាវជ្រាវឃាត់ខ្លួនជនសង្ស័យពីរនាក់ ធើ្វសកម្មភាពលួចកាត់ខែ្សភ្លើងតាមផ្លូវសាធារណៈយ៉ាងសកម្ម appeared first on Kampuchea Thmey Daily.

បើ​តាមការបញ្ជាក់ពីកម្លាំងសមត្ថកិច្ចបានឱ្យ​ដឹង​ថា កាលពី​ថ្ងៃ​ទី១៨ ខែមី​នា ឆ្នាំ២០២៦ មានករណី​«​បន្លំ​ចូល​លួច​លុយ​» នៅផ្ទះ​អ្នក​លក់ដូរ​សម្លៀក​បំពាក់បោះ​ដុំ​មួយកន្លែង ​នៅ​ចំណុច​ភូមិ​ផ្កាស្លា សង្កាត់​ចំការ​សំរោង ក្រុង​បាត់ដំបង។ ក្រោយ​ពី​ទ​ទួល​បណ្ដឹង​ពី​ជន​រង​គ្រោះ មន្ត្រី​ជំនាញ​របស់​បាន​ធ្វើការ​ស្រាវជ្រាវ​កំណត់​ទៅ​លើ​មុខសញ្ញា​លើ​កញ្ញា​វ័យក្មេង​ៗ ដែល​ពួក​នាង​ធ្លាប់​ដើរ​ចូល​ផ្ទះ​គេ​កន្លង​មក ហើយ​ធ្លាប់​ត្រូវ​កម្លាំង​របស់​លោក​ចាប់​យក​មក​អប់រំ តែ​លើក​នេះ​លែង​ចូល​លួច​ដៃ​ធ្ងន់​តែ​ម្ដង​។

​​លោក​សមត្ថកិច្ច​បាន​បញ្ជាក់​ថា តាមការ​ពិនិត្យ​កន្លែង​កើតហេតុ ពួក​នាង​ៗ​បាន​ឡើ​ង​ផ្លោះ​របង​ខាង​ក្រោយ​ផ្ទះ រួច​ចូល​តាម​ទ្វារ​ក្រោយ ខណៈ​ម្ចាស់​ផ្ទះ​កំពុង​នៅ​លក់ដូរ​ខាង​មុខ​។ ពួក​នាង​បាន​ចូល​កាយ​លួច​យកលុយដាក់​ថង់​និង គ្រឿង​អ​ល​ង្កា​រ​មួយ​ចំនួន​ បោះ​ចេញ​ទៅ​ក្រៅរបង​ខាងក្រោយ រួច​នាំ​គ្នា​ជញ្ជូន​ចេញរត់គេចខ្លួនបាត់ស្រមោល។

រង្វង់ប្រតិបត្តិការណ៍ស្រាវជ្រាវនេះកម្លាំងសមត្ថកិច្ចកំណត់មុខសញ្ញាបានចំនួន ០៣​នាក់​នោះ​ រួម​មាន​៖  ១ឈ្មោះ-​វង់ កញ្ញា ភេទ​ស្រី អាយុ​១៦​ឆ្នាំ រស់នៅ​ភូមិ​ពពាលខែ ឃុំ​អូរ​តា​គី  ស្រុក​ថ្មគោល, ២-​ឈ្មោះ ម៉ុ​ន ម៉ុ​ត ភេទ​ស្រី​ អាយុ​៣៩​ឆ្នាំ (២​នាក់​នេះ​ជា​ម្ដាយ​និង​កូន​)  និង​៣-​ឈ្មោះ ប៉ាកកា ជី​ឡូ​រី ភេទ​ស្រី អាយុ​១៦​ឆ្នាំ  ស្នាក់​នៅ​មិន​ពិតប្រាកដ​។ ​ក្រុម​ជនសង្ស័យ​វ័យក្មេង និង​ចាស់​ទាំង​០៣​នាក់​នេះ ត្រូវ​បាន​កម្លាំង​ជំនាញ​នៃ​អធិការ​ក្រុង​បាត់ដំបង​ធ្វើការ​ស្រាវជ្រាវ តាម​ឃាត់ខ្លួន​បានជា​បន្ត​បន្តា​ប់ ជាមួយនឹង​ការ​រឹបអូស​វត្ថុ​តាង​បាន​មួយ​ចំនួន​ ប្រាក់​ខ្មែរ​ចំនួន​២៦៧,៩៥០​,០០០​លាន​រៀល (​ពីរ​រយ​ហុកសិប​ប្រាំពីរ​លាន​កៅសិប​ប្រាំ​ម៉ឺន​រៀល​) ,​ខ្សែ​លោហៈ​ព​ណ៌​លឿង​ចំនួន​០៤​ខ្សែ, ​ផ្លា​កដៃ​លោហៈ​ព​ណ៌​លឿង​ចំនួន​០១​ខ្សែ ,​ ខ្សែដៃ​លោហៈ​ព​ណ៌​លឿង​ចំនួន​០១​ខ្សែ, ​ក្រវិល​លោហៈ​ព​ណ៌​លឿង​០១​គូ ,​បន្ដោង​ព្រះ​ចំនួន​០១ ,​ម៉ូតូ​ម៉ាក​ស្គូពី​គ្មាន​លេខ​០១​គ្រឿង, ​ទូរស័ព្ទ​ចំនួន​០៤​គ្រឿង   រួម​ជាមួយ​វត្ថុ​តាង​ពាក់ព័ន្ធ​មួយទៀត។

បច្ចុប្បន្នក្រុម​ជនសង្ស័យចាស់ក្មេង​​ទាំងនេះ ត្រូវ​បាន​ការិយាល័យ​ជំនាញ កសាង​សំណុំរឿងបញ្ជូនទៅ​កាន់​សាលាដំបូង​​ខេត្ត ដើម្បីអនុវត្តតាមនីតិវីធីច្បាប់៕​

The post ក្រុមចោរចាស់ក្មេងផ្លោះរបង ចូលលួចលុយផ្ទះលក់ទំនិញ យកប្រាក់បានរាប់លានរៀល ត្រូវជាប់ខ្នោះសមត្ថកិច្ចក្រុងបាត់ដំបង appeared first on Kampuchea Thmey Daily.