ថ្លែងក្នុងកម្មវិធី ទិវាពិភពលោកនៃអ្នកបរិច្ចាគឈាមក្រោមប្រធានបទ៖ “មួយដំណក់ នៃទឹកចិត្តសប្បុរសធម៌ ផ្តល់ឈាម សង្គ្រោះជីវិត” រៀបចំឡើងដោយមជ្ឈមណ្ឌលជាតិផ្តល់ឈាម សហការជាមួយក្រុមហ៊ុន វ៉ន ម៉រ គ្រុប (វីតាល់) នៅថ្ងៃទី១២ ខែមិថុនា ឆ្នាំ២០២៦ ក្រោមអធិបតីភាពលោកវេជ្ជបណ្ឌិត ស៊ិក ប៊ុណ្ណា រដ្ឋលេខាធិការក្រសួងសុខាភិបាល និងជាតំណាងដ៏ខ្ពង់ខ្ពស់ លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងលោក សុះ មុះសិន សមាជិករដ្ឋសភា និងជាអនុប្រធានសហភាពសហព័ន្ធយុវជនកម្ពុជា តំណាងដ៏ខ្ពង់ខ្ពស់លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា
លោកវេជ្ជបណ្ឌិតបានបន្តថា ផ្អែកលើទិន្នន័យខាងលើនេះ បានបង្ហាញយ៉ាងច្បាស់ថា តម្រូវការឈាមដើម្បីសង្គ្រោះជីវិតជនរងគ្រោះ និងអ្នកជំងឺនៅតាមមន្ទីរពេទ្យនានា គឺមានការកើនឡើងជារៀងរាល់ថ្ងៃ។ ទោះបីជាចលនានៃការបរិច្ចាគឈាមដោយស្ម័គ្រចិត្តមានសន្ទុះគួរឱ្យកត់សម្គាល់ក៏ដោយ ប៉ុន្តែអត្រានៃការបរិច្ចាគឈាមជំនួសដោយ ក្រុមគ្រួសារអ្នកជំងឺ នៅតែមានកម្រិតខ្ពស់រហូតដល់ទៅជិត ៨០%។

លោកវេជ្ជបណ្ឌិតបានបន្តទៀតថា «ហេតុដូច្នេះហើយ ទើបយើងខ្ញុំជានិច្ចកាលតែងតែធ្វើការអំពាវនាវយ៉ាងទទូចសូមកុំរង់ចាំដល់ពេលមានតម្រូវការឈាមផ្ទាល់ខ្លួន ឬសមាជិកគ្រួសារ ទើបយើងចាប់ផ្តើមធ្វើការបរិច្ចាគឈាមនោះឡើយ។ យើងត្រូវរួមគ្នាកែប្រែទម្លាប់នេះ ដោយងាកមកចូលរួមក្នុងចលនាផ្តល់ឈាមដោយស្ម័គ្រចិត្តឱ្យបានទៀងទាត់ និងជាប្រចាំ ដើម្បីធានាបាននូវសុវត្ថិភាព សមភាព និង ស្ថេរភាព នៃស្តុកឈាមជាតិ»។

លោកវេជ្ជបណ្ឌិត បានបន្ថែមថា «ឈាមតែមួយដំណក់ដែលកើតចេញពីទឹកចិត្តសប្បុរសពិតប្រាកដ គឺពិតជាមានតម្លៃមហាសាល រកអ្វីប្រៀបផ្ទឹមពុំបាន ក្នុងការប្តូរយកអាយុជីវិតរបស់ប្រជាពលរដ្ឋយើងត្រឡប់មកវិញពីសេចក្តីស្លាប់។ មជ្ឈមណ្ឌលជាតិផ្តល់ឈាម សូមកត់ត្រាទុកនូវរាល់វីរភាព និងសកម្មភាព មនុស្សធម៌គ្រប់បែបយ៉ាងរបស់លោកអ្នក ហើយសូមថ្លែងអំណរគុណជាអនេកប្បការ ចំពោះការបរិច្ចាគ ឈាមដោយស្ម័គ្រចិត្ត និងមិនទទួលកម្រៃនាពេលនេះ»។

លោកជំទាវ ជឹង សុគន្ធាវី នាយិកាប្រតិបត្តិ ក្រុមហ៊ុន វ័នម៉រគ្រុប(ទឹកពិសាវីតាល់) បានជឿជាក់ថា «អ្វីដែលយើងកំពុងរួមគ្នាធ្វើ មិនត្រឹមតែជួយសង្គ្រោះជីវិតមនុស្សឱ្យមានក្តីសង្ឃឹម ក៏ដូចជាបានផ្តល់កុសលផលបុណ្យ និងអារម្មណ៍ជ្រះថ្លាដល់អ្នកបរិច្ចាគ។ លើសពីនេះ ជាការរួមគ្នាថែរក្សាប្រពៃណី និងវប្បធម៌ចែករំលែកដ៏ល្អផូរផង់របស់ខ្មែរ «ការសាមគ្គីភាព និងការជួយគ្នាទៅវិញទៅមក»។ ការបរិច្ចាគឈាម មិនប៉ះពាល់ដល់សុខភាពទេ ផ្ទុយទៅវិញ គឺជួយដល់សុខភាព និងសិរីរាង្គរបស់យើងឱ្យកាន់តែប្រសើរ»។

លោកជំទាវ ជឹង សុគន្ធាវី សូមថ្លែងអំណរគុណយ៉ាងជ្រាលជ្រៅដល់ រាជរដ្ឋាភិបាល និងក្រសួង តែងតែយកចិត្តទុកដាក់ និងផ្តល់ឱកាសដល់វិស័យឯកជន ចូលរួមលើកកម្ពស់វិស័យសុខាភិបាល ជាពិសេស មជ្ឈមណ្ឌលជាតិផ្តល់ឈាម ជាអង្គភាពប្រតិបត្តិផ្ទាល់ តែងតែផ្តល់នូវ កិច្ចសហប្រតិបត្តិការដ៏ជិតស្និទ្ធ និងប្រកបដោយបរិយាប័ន្ន ក្នុងរយៈពេលជាង ១ទសវត្ស កន្លងមកនេះ។ ឈរលើទស្សនៈដ៏ប្រាកដនិយម ក្នុងការចូលរួមលើកស្ទួយសង្គម ដោយមិនផ្តោតលើប្រាក់ចំណេញតែមួយមុខ យើងប្តេជ្ញាបន្តចូលរួមគាំទ្រយុទ្ធនាការផ្តល់ឈាម និងចូលរួមសហការជាមួយគ្រប់ភាគីពាក់ព័ន្ធព្រោះយើងជឿជាក់ថា សង្គមរីកចម្រើន គឺមានការចូលរួមពីគ្រប់មជ្ឈដ្ឋាន និងផ្តើមចេញពីយើងទាំងអស់គ្នា។

បើតាមលោកជំទាវ ជឹង សុគន្ធាវី ក្រោយការឈ្លានពានរបស់សៀម ធ្វើឱ្យខ្មែរកាន់តែបន្តរឹងម៉ាំរួបរួមកម្លាំងសាមគ្គី គ្រប់មជ្ឈដ្ឋានបរិច្ចាគទាំងស្មារតី និងធនធាន។ ក្នុងស្មារតីនេះ ចលនាបរិច្ចាគឈាម ជាចលនាមួយរួមចំណែកគាំទ្រដល់វីរៈកងទ័ពជួរមុខ ក្រោមការដឹកនាំអំពាវនាវយ៉ាងយកចិត្តទុកដាក់របស់លោកជំទាវបណ្ឌិត ស្រី្តទី១ រួមទាំងការចូលរួមយ៉ាងសកម្មពីសហភាពសហព័ន្ធយុវជនកម្ពុជា( ស.ស.យ.ក )ក្រោមការដឹកនាំរបស់លោក ហ៊ុន ម៉ានី ឧបនាយករដ្ឋមន្ត្រីនិងប្រធាន ស.ស.យ.ក ជាក់ស្តែងប្រជាជនគ្រប់ស្រទាប់រាប់ម៉ឺននាក់ បងប្អូនខ្លះទៀតសោតធ្វើដំណើរពីបណ្តាខេត្តមករាជធានីភ្នំពេញទន្ទឹងរង់ចាំចូលរួមការបរិច្ចាគដ៏ថ្លៃថ្លានេះ។

ឆ្លៀតឱកាសនេះ លោកជំទាវ ជឹង សុគន្ធាវី សូមអរគុណ ដល់កងទ័ពអាវ-ស ក្រុមគ្រូពេទ្យ ក្រោមការដឹកនាំដោយផ្ទាល់របស់ លោករដ្ឋមន្ត្រី និងថ្នាក់ដឹកនាំក្រសួង បានត្រៀម លក្ខណៈយ៉ាងគត់មត់ ចូលរួមសមរភូមិជួរក្រោយ ក្នុងការសង្គ្រោះ និងព្យាបាលជូនកងទ័ពរបស់យើងក្នុងគ្រាដ៏លំបាកនោះ៕

អត្ថបទ៖ សំអឿន

The post ៥ខែដើមឆ្នាំនេះ កម្ពុជាទទួលបានអំណោយឈាមជិត​៨ម៉ឺនប្លោក ក្នុងនោះអ្នកបរិច្ចាគឈាមដោយស្ម័គ្រចិត្តជាង២០% appeared first on Kampuchea Thmey Daily.

លោក ឃួង ស្រេង មាន​ប្រសាសន៍​ថា នេះ​ជា​លើកទីមួយ​ហើយ​ដែល​លោក​បាន​ឃើញ​ប្រជាពលរដ្ឋ​យ៉ាង​ច្រើន​កុះករ​នាំ​គ្នា​សម្រុក​មក​ផ្ដល់​ឈាម ដើម្បី​យក​ឈាម​ទាំងនេះ​ទៅ​បម្រើ​ដល់​សេចក្តី​ត្រូវការ​ជា​ប្រចាំ​ក្នុង​ការ​សង្គ្រោះ​ជីវិត​ដែល​ទទួល​គ្រោះថ្នាក់ ឬ​អ្នកជំងឺ​កំពុង​សម្រាក​ព្យាបាល និង​ដើម្បី​ត្រៀម​បម្រុង​សម្រាប់​វីរ​កងទ័ព​ជួរមុខ ឬ​ប្រជាពលរដ្ឋ​រងគ្រោះ​ដោយ​សង្គ្រាម​ឈ្លានពាន​ទឹកដី។ នេះ​ជា​មោទនភាព​បង្ហាញ​ពី​ស្មារតី​ស្នេហា​ជាតិ​ជា​ធ្លុង​មួយ ក្រោម​ការ​ដឹកនាំ​របស់​សម្ដេច​អគ្គ​មហា​សេនា​បតី​តេ​ជោ ហ៊ុន សែន អតីត​នាយករដ្ឋមន្ត្រី និង​បន្ត​មក សម្តេច​មហា​បវរ​ធិបតី ហ៊ុន ម៉ាណែត ជា​នាយករដ្ឋមន្ត្រី នា​ពេល​បច្ចុប្បន្ន។

លោក ឃួង ស្រេង បន្ត​ទៀត​ថា រាជធានី​ភ្នំពេញ បាន​ចង​សម្ព័ន្ធ​មេត្រីភាព​ជាមួយ​នឹង​កងទ័ព​ជួរមុខ​របស់​យើង ដោយ​តែងតែ​ជួយ​ឧបត្ថម្ភ​ទាំង​ថវិកា សម្ភារៈ និង​ម្ហូបអាហារ ដល់​ទាហាន​ជួរមុខ​របស់​យើង​រហូត​មក។ វីរ​កងទ័ព​ជួរមុខ​របស់​យើង ជា​សសរ​គ្រឹះ​ការពារ​ទឹកដី​ដ៏​រឹងមាំ ដោយ​ពួកគាត់​បាន​លះបង់​កម្លាំងកាយ​ចិត្ត ព្រមទាំង​អាយុជីវិត ដើម្បី​ការពារ​ទឹកដី​របស់​យើង។

លោក ឃួង ស្រេង បន្ត​បន្ថែម​ថា សម្រាប់​យើង​ជា​សមរភូមិ​ក្រោយ សូម​លើកទឹកចិត្ត​ដល់​កងទ័ព​ជួរមុខ​របស់​យើង។ កងទ័ព​ជួរមុខ​របស់​យើង មិន​នៅ​ឯកោ​នោះ​ទេ គឺ​មាន​រដ្ឋបាល​រាជធានី​ភ្នំពេញ និង​ប្រជាពលរដ្ឋ​កម្ពុជា​រាប់​លាន​នាក់ បាន​និង​កំពុង​ផ្ដល់​នូវ​ការ​លើក​ទឹកចិត្ត និង​ផ្ដល់​ជា​ស្បៀង​អាហារ មិន​ខ្វះខាត​ឡើយ និង​សូម​ជូនពរ​ឲ្យ​កងទ័ព​ជួរមុខ​របស់​យើង ជួប​តែ​ជ័យជំនះ​ឈ្នះ​ពី​សត្រូវ​ឈ្លានពាន។

សកម្មភាព​នេះ ត្រូវ​បាន​រៀបចំ​ដោយ​សមាគម​គ្រូពេទ្យ​ស្ម័គ្រចិត្ត​យុវជន​សម្ដេច​តេ​ជោ (TYDA) ដឹកនាំ​ដោយ ឯកឧត្ដម​ឧបនាយករដ្ឋមន្ត្រី ហ៊ុន ម៉ានី តំណាង​ដ៏​ខ្ពង់ខ្ពស់​លោកជំទាវ​បណ្ឌិត ពេជ ចន្ទមុន្នី ហ៊ុន ម៉ាណែត អនុប្រធាន​ក្រុមប្រឹក្សាភិបាល។

គោលបំណង​សំខាន់ នៃ​ការ​បង្កើត​ឲ្យ​មាន​ពិធី​បរិច្ចាគ​ឈាម​ដោយ​ស្ម័គ្រចិត្ត​ខាង​លើ​នេះ មាន​ចំនួន ២ គឺ ៖ ១/ បម្រើ​ដល់​សេចក្តីត្រូវការ​ជាប្រចាំ​ក្នុង​ការ​សង្គ្រោះ​ជីវិត​ដែល​ទទួល​គ្រោះថ្នាក់ ឬ​អ្នកជំងឺ​ដែល​កំពុង​សម្រាក​ព្យាបាល ហើយ​មាន​តម្រូវការ​ឈាម​ជាបន្ទាន់។ ២/ ត្រៀម​បម្រុង​សម្រាប់​វីរ​កងទ័ព​ជួរមុខ ឬ​ប្រជាពលរដ្ឋ ក្នុង​ករណី​ដែល​ទទួល​រង​របួស ឬ​គ្រោះថ្នាក់​ដោយសារ​សង្គ្រាម​ឈ្លាន​ពាន​ទឹកដី​នៅ​ទិស​ខេត្ត​ឧត្តរមានជ័យ និង​ខេត្ត​ព្រះវិហារ។

ឈរ​លើ​គោលបំណង​សំខាន់ ២ ខាង​លើ ពិធី​បរិច្ចាគ​ឈាម​មនុស្សធម៌​ពេលនេះ គឺ​ធ្វើ​ឡើង​ដើម្បី​ត្រៀម​បង្ការ​ផង និង​យោង​លើ​សេចក្តី​ត្រូវការ​ផង សម្រាប់​តម្រូវការ​ឈាម​ជាទូទៅ និង​ចំពោះ​សភាពការណ៍​វិវត្ត​ជាក់ស្ដែង ដែល​អាច​នឹង​មាន​តម្រូវការ​សង្គ្រោះ​ជីវិត​ចំពោះ​វីរ​កងទ័ព​ជួរមុខ និង​ប្រជាពលរដ្ឋ នៃ​តំបន់​ប្រឈម​នឹង​សង្គ្រាម​ឈ្លានពាន ហើយ​អាច​នឹង​បង្ក​គ្រោះថ្នាក់​ផ្សេងៗ ទាមទារ​ឲ្យ​មាន​តម្រូវការ​ឈាម​ជា​ចាំបាច់​ក្នុង​ការ​សង្គ្រោះ ឬ​អាច​នឹង​សម្រាប់​បំពេញ​តាម​សេចក្តីត្រូវការ​ឈាម​ជាបន្ទាន់​ណាមួយ​របស់​គ្រូពេទ្យ ព្រោះ“​ឈាម​ជា​ជីវិត“៕

អត្ថបទ ៖ ស្រីរ័ត្ន

The post អភិបាលរាជធានី បរិច្ចាគឈាមជូន សមាគមគ្រូពេទ្យ TYDA ដើម្បីសង្គ្រោះជីវិតមនុស្ស និងត្រៀមបម្រុងសម្រាប់វីរកងទ័ពជួរមុខ appeared first on Kampuchea Thmey Daily.

លោក នាក់ ណេរ៉ុន អភិបាលរងខេត្តសៀមរាប មានប្រសាសន៍ថា តម្រូវការឈាមសម្រាប់សង្គ្រោះជីវិតមនុស្សនៅតែបន្តកើតមានជារៀងរាល់ថ្ងៃ ហើយត្រូវការការចូលរួមជាបន្តបន្ទាប់ដោយគ្មានទីបញ្ចប់ដូចគ្នា។ ដើម្បីបង្កើនភាពងាយស្រួលក្នុងការស្វែងរកអ្នកមានប្រភេទឈាមដូចគ្នា ពេលមានតម្រូវការបន្ទាន់ក្នុងការសង្គ្រោះជីវិត គប្បីចងក្រងជាក្រុមៗដោយផ្អែកលើប្រភេទគ្រាប់ឈាម ដែលនេះជាយុទ្ធសាស្ត្រអាចជួយសង្គ្រោះជីវិតបានទាន់ពេលវេលា និងលឿនបំផុត។

លោកអភិបាលរងខេត្ត ក៏បានថ្លែងអំណរគុណចំពោះ ឯកឧត្តមឧបនាយករដ្ឋមន្ត្រី ហ៊ុន ម៉ានី ដែលបានផ្ដួចផ្ដើម និងជំរុញឱ្យមានព្រឹត្តិការណ៍ដ៏មានអត្ថន័យនេះឡើង ដើម្បីចូលរួមចំណែកសំខាន់ក្នុងការជួយសង្គ្រោះជីវិតជនរួមជាតិ។ លោកសង្ឃឹមថា បន្ទាប់ពីព្រឹត្តិការណ៍នេះ ក្រុមគ្រូពេទ្យនឹងទទួលបានឈាមគ្រប់គ្រាន់សម្រាប់ការបំពេញបេសកកម្មជំនាញ ដូចជា ការវះកាត់ ការព្យាបាល និងករណីសង្គ្រោះបន្ទាន់ផ្សេងៗ។

លោកបន្តថា «ជាការពិត ការបរិច្ចាគឈាម គឺជាទង្វើមនុស្សធម៌ ដែលយើងគ្រប់គ្នាអាចធ្វើបាន និងងាយស្រួលបំផុត។ ការបរិច្ចាគឈាមមិនត្រឹមតែមិនធ្វើឱ្យប៉ះពាល់ដល់សុខភាពប៉ុណ្ណោះទេ វាបានផ្ដល់អត្ថប្រយោជន៍ជាច្រើនទៀតដល់យើង។ ហេតុនេះយើងរួមគ្នាបរិច្ចាគឈាម ដើម្បីសង្គ្រោះជីវិតទាំងអស់គ្នា»៕

ដោយ៖ គឿនវេត

The post អាជ្ញាធរខេត្តសៀមរាប អំពាវនាវឱ្យចូលរួមបរិច្ចាគឈាមដោយស្ម័គ្រចិត្ត ដើម្បីមនុស្សធម៌ និងជួយជីវិតមនុស្ស appeared first on Kampuchea Thmey Daily.

ក្នុងឱកាសនោះ លោករដ្ឋមន្ត្រី បានថ្លែងអំពាវនាវ និងស្វាគមន៍ដល់ យុវជន យុវនារី សិស្ស និស្សិត សូមអញ្ជើញមកបរិច្ចាគឈាម ដោយការស្ម័គ្រចិត្ត ដើម្បីឧត្តមប្រយោជន៍ មនុស្សធម៌ និងការជួយជីវិតមនុស្ស។ លោកថា ការបរិច្ចាគឈាមបង្ហាញពីក្តីស្រឡាញ់ ក្តីសង្ឃឹមដល់អ្នកជំងឺ និងជាកុសល្យ ហើយការបរិច្ចាគឈាម គឺផ្ទុយពីការមានជំងឺ និងបង្ហាញពីគុណធម៌ ភាពកក់ក្តៅ ក្តីករុណាពិតប្រាកដ។ លើសពីនេះ ការផ្តល់ឈាម គឺជាការផ្តល់ថាមពលផ្លូវចិត្ត ភាពក្លាហាន អារម្មណ៍ល្អ ក្តីស្រឡាញ់ និងបង្ហាញពីភាពអត់ធ្មត់។

លោកបានគូសរំលេចថា ការបរិច្ចាគឈាម មិនប៉ះពាល់ដល់សុខភាពទេ ហើយឈាម គឺជាឱសថដ៏ស័ក្តសិទ្ធិមួយក្នុងផ្នែកវេជ្ជសាស្រ្តទំនើប ដែលគ្មានរោងចក្រណាអាចផលិតបានទេ ហើយឈាមមានប្រភពតែមួយគត់ គឺពីអំណោយឈាមរបស់មនុស្ស។ បន្ថែមពីនេះ លោកបានអំពាវនាវ ឱ្យចូលរួមបរិច្ចាគឈាមទាំងអស់គ្នាឱ្យបានទៀងទាត់ ដើម្បីអាចជួយជីវិតមនុស្សជាទីស្រឡាញ់របស់បានទាន់ពេលវេលា។

ជាមួយគ្នានេះ លោកក៏បានផ្តល់អានុសាសន៍សំខាន់ៗ ជូនដល់មូលដ្ឋានសុខាភិបាល និងស្ថាប័ន អង្គភាពពាក់ព័ន្ធ លើកកម្ពស់សារៈសំខាន់នៃការបរិច្ចាគឈាម តាមរយៈការផ្សព្វផ្សាយអប់រំដល់សាធារណជន អំពីតម្លៃ និងសារៈសំខាន់នៃការផ្តល់ឈាមដោយស្ម័គ្រចិត្ត ជួយសង្រ្គោះជីវិតរបស់អ្នកជំងឺដែលត្រូវការឈាម ដូចជា ជំរុញឱ្យមានការចូលរួមបរិច្ចាគឈាមដោយស្ម័គ្រចិត្ត ដោយអំពាវនាវឱ្យប្រជាពលរដ្ឋទូទៅ និងសហគមន៍ ចូលរួមក្នុងសកម្មភាពផ្តល់ឈាមដោយស្ម័គ្រចិត្ត និងមិនទទួលកម្រៃ ដែល ជាកាយវិការដ៏ល្អប្រពៃ ជួយសង្រ្គោះជីវិតមនុស្សជាតិក្នុងសង្គម។

បង្កើនបរិមាណឈាមក្នុងកន្លែងស្តុកឈាម នៅគ្រប់មជ្ឈមណ្ឌល ដេប៉ូឈាមនៅទូទាំងប្រទេស និងតាមមន្ទីរពេទ្យនានា ដោយធ្វើឱ្យមានការចលនា ផ្តល់ឈាមដោយស្ម័គ្រចិត្តកាន់តែច្រើន និងទៀងទាត់។ បង្ហាញពីការចូលរួមចំណែកក្នុងការសង្រ្គោះជីវិតមនុស្ស ការផ្តល់ឈាម គឺជាសកម្មភាពមនុស្សធម៌ និងសប្បុរសធម៌ ដែលអាចជួយសង្រ្គោះជីវិតមនុស្សបានពិប្រាកដ និងជាការផ្តល់ក្តីសង្ឃឹម ថ្មីទៅដល់អ្នកកំពុងតស៊ូជាមួយជំងឺរ៉ាំរ៉ៃផ្សេងៗ។ លើកស្ទួយវិជ្ជាជីវៈសុខាភិបាល និងស្មារតីសហគមន៍ ជាការបរិច្ចាគឈាមជាសង្គហធម៌ដ៏ល្អប្រសើរមួយបង្ហាញពីភាពរួបរួមរបស់សហគមន៍៕

The post រដ្ឋមន្ត្រីសុខាភិបាល បន្តអំពាវនាវដល់ពលរដ្ឋចូលរួមបរិច្ចាគឈាម ដើម្បីបង្ហាញពីក្តីស្រឡាញ់ និងក្តីសង្ឃឹមដល់អ្នកជំងឺ appeared first on Kampuchea Thmey Daily.

លោក​វេជ្ជបណ្ឌិត សុខ ប៉ូ ប្រធាន​មជ្ឈមណ្ឌល​ជាតិ​ផ្តល់​ឈាម ​បាន​មានប្រសាសន៍​នៅ​ព្រឹក​ថ្ងៃទី ១០ មិថុនា​ ថា​ ការជំរុញ​នេះ​ ដោយសារតែ​ចំនួន​អ្នកបរិច្ចាគឈាម​ដោយ​ស្ម័គ្រចិត្ត​នៅមានកម្រិត​ ពោល​មាន​ប្រមាណ​ ២០%​ ប៉ុណ្ណោះ ​ខណៈ​ចំនួន​អ្នកផ្តល់​ឈាម​ជំនួស​មាន​រហូតដល់​ទៅ​ ៨០%។ ជាក់ស្ដែង​រយៈពេល​ ៥​ ខែ​ ឆ្នាំ ​២០២៥​ នេះ ​មជ្ឈមណ្ឌល​ជាតិ​ផ្តល់​ឈាម​ ទទួលបាន​អំណោយ​ឈាម​ចំនួន ៥៥ ៧៣៤ ប្លោក ​ក្នុងនោះ​ អ្នក​បរិច្ចាគ​ឈាម​ដោយ​ស្ម័គ្រចិត្ត​មាន​ចំនួន​ ១៤ ៨៧០ ​ប្លោក​ និង​អ្នកផ្តល់​ឈាម​ជំនួស​ចំនួន​ ៤០ ៨៦២ ​ប្លោក ​ខណៈ​បច្ចុប្បន្ន​ ក្នុង​ ១​ ថ្ងៃ​ មាន​តម្រូវការ​ឈាម​នៅ​ទូទាំង​ប្រទេស​កើន​ឡើង​ដល់​ ៤០០ ​ប្លោក ​ក្នុងនោះ​ នៅ​រាជធានី​ភ្នំពេញ​មាន​តម្រូវការ​ឈាម​ដល់ ​៣៥០ ​ប្លោក ​និង​តាម​ខេត្ត​ ៥០ ​ប្លោក​ ដោយសារ​នៅ​តាម​ខេត្ត​ការ​វះកាត់​មាន​តិចជាង​នៅ​រាជធានី​ភ្នំពេញ ​ពោលគឺ​ក្នុង ១ នាទី​ ត្រូវការ​ឈាម ​១​ ប្លោក។

លោក​វេជ្ជបណ្ឌិត បាន​បន្តថា ​«​ដូចនេះ​ សូម​ប្រជាពលរដ្ឋ​ ពិសេស​យុវជន​ បន្ត​ចូលរួម​បរិច្ចាគ​ឈាម​ឱ្យ​បាន​កាន់តែ​ផុលផុស​បន្ថែមទៀត ​ដើម្បីឱ្យ​មជ្ឈមណ្ឌល​ជាតិ​មាន​ស្តុក​ឈាម​គ្រប់គ្រាន់​ក្នុង​ការ​ជួយ​សង្គ្រោះ​ដល់​អ្នកជំងឺ​ពាក់ព័ន្ធ​ទៅ​នឹង​គ្រោះ​ចរាចរណ៍ ស្ត្រី​ឆ្លងទន្លេ ការវះកាត់​ធំៗ ដូចជា ​វះកាត់​ជំងឺ​បេះដូង ជំងឺ​មិន​ឆ្លង​រួមមាន ​ជំងឺមហារីក ​និង​ជំងឺ​លាង​ឈាម​ជាដើម​ សំដៅ​ជួយ​កាត់បន្ថយ​ការបរិច្ចាគ​ឈាម​ជំនួស​សាច់ញាតិ ​និង​បងប្អូន​របស់​អ្នកជំងឺ​»។

លោក​វេជ្ជបណ្ឌិត បាន​បន្ថែម​ថា លើស​ពី​នេះ​ទៀត​ ការ​ចូលរួម​ពី​មហាជន​ នឹង​ធ្វើ​ឱ្យ​មជ្ឈមណ្ឌល​ជាតិ​ផ្តល់​ឈាម​ អាច​សម្រេច​តាម​ផែនការ​ដែល​បាន​ដាក់​ចេញ​នៅ​ក្នុង​ឆ្នាំ​ ២០២៥ ​នេះ​ គ្រោង​នឹង​ប្រមូល​ឈាម​ឱ្យ​បាន​ ១​ សែន​ ៨​ ម៉ឺន​ប្លោក​ មានការ​កើន​ឡើង​ ២០%​ បើ​ធៀប​ទៅ​នឹង​ឆ្នាំ ២០២៤ ប្រមូល​បាន ១ សែន ៧ ម៉ឺន​ប្លោក៕

អត្ថបទ ៖ សំអឿន

The post មន្ត្រីជាន់ខ្ពស់ លើកទឹកចិត្តឱ្យពលរដ្ឋបង្កើនបរិច្ចាគឈាម ខណៈអ្នកបរិច្ចាគឈាម ដោយស្ម័គ្រចិត្ត នៅមានកម្រិតនៅឡើយ appeared first on Kampuchea Thmey Daily.

ក្នុងកិច្ចប្រជុំត្រៀមរៀបចំកម្មវិធីខាងលើ នារសៀលថ្ងៃទី០៣ ខែមិថុនា ឆ្នាំ២០២៥ នេះ លោក នាក់ ណេរ៉ុន អភិបាលរងខេត្តសៀមរាប មានប្រសាសន៍ថា ការបរិច្ចាគឈាម គឺជាទង្វើមនុស្សធម៌ ដែលមនុស្សគ្រប់គ្នាអាចធ្វើបាន និងងាយស្រួលបំផុត។ ការបរិច្ចាគឈាមមិនត្រឹមតែ មិនធ្វើឱ្យប៉ះពាល់ដល់សុខភាពប៉ុណ្ណោះទេ វាបានផ្ដល់អត្ថប្រយោជន៍ជាច្រើនដូចជា អាចជួយសង្គ្រោះជីវិតអ្នកដែលត្រូវការឈាម កាត់បន្ថយហានិភ័យនៃជំងឺមហារីក កាត់បន្ថយកូលេស្តេរ៉ុល និងភាពតានតឹង កាត់បន្ថយកំហាប់ឈាម និងការលើសជាតិដែក ជួយឱ្យប្រសើរឡើងនូវសុខភាពបេះដូង កាត់បន្ថយការឡើងទម្ងន់ ជំរុញការបង្កើតគ្រាប់ឈាមថ្មីជាដើម។

លោក នាក់ ណេរ៉ុន បានបញ្ជាក់ថា ការផ្ដល់ឈាមដោយស្ម័គ្រចិត្តជាប្រភពឈាមតែមួយគត់ដែលអាចផ្ដល់ឈាមប្រកបដោយចីរភាព ដើម្បីផ្គត់ផ្គង់ដល់មន្ទីរពេទ្យខេត្តសៀមរាប ក្នុងការយកទៅជួយសង្គ្រោះអាយុជីវិត ជនរងគ្រោះទូទៅ ដែលបណ្ដាលមកពីគ្រោះថ្នាក់ផ្សេងៗ ដែលមានតម្រូវការឈាម។ ជាមួយនឹងកម្មវិធីបរិច្ចាគឈាមនេះដែរ ក៏មានការប្រកួតបាល់ទាត់លក្ខណៈមិត្តភាពរវាងក្រុមរដ្ឋបាលខេត្តសៀមរាប ជាមួយក្រុមពិធីករកីឡាកម្ពុជា ដើម្បីអបអរសាទរទិវាបរិច្ចាគឈាមពិភពលោកខួបលើកទី២១ ផងដែរ៕

ដោយ៖ គឿនវេត

The post អាជ្ញាធរខេត្តសៀមរាប អំពាវនាវដល់សាធារណជនចូលរួមផ្ដល់ក្ដីស្រឡាញ់ តាមរយៈកម្មវិធីបរិច្ចាគឈាម appeared first on Kampuchea Thmey Daily.

ការជំរុញនេះធ្វើឡើងក្នុងឱកាស ឯកឧត្តមអញ្ជើញចូលរួមជាអធិបតីក្នុងយុទ្ធនាការស្ម័គ្រចិត្តបរិច្ចាគឈាម ក្រោមប្រធានបទ «ផ្តល់ឈាម ផ្តល់ជីវិត» និងសម្ពោធអគារសិក្សា ដែលមានទីតាំងនៅក្រុមហ៊ុនចម្ការកៅស៊ូ ទេពី អាក្រូ ស្ថិតនៅភូមិអូរត្នោត ឃុំងន ស្រុកសណ្តាន់ខេត្តកំពង់ធំ នាព្រឹកថ្ងៃទី១៦ ខែឧសភា ឆ្នាំ២០២៥។

ក្នុងឱកាសនោះ ឯកឧត្តមឧបនាយករដ្ឋមន្ត្រី បានសម្តែងនូវសេចក្តីសោមស្សរីករាយ និងស្វាគមន៍យ៉ាងកក់ក្តៅចំពោះវត្តមានអ្នកចូលរួមទាំងអស់ ព្រមទាំងបានកោតសរសើរ និងវាយតម្លៃខ្ពស់ចំពោះក្រុមហ៊ុន ទេពី អាក្រូ វិនិយោគ ដែលបានសហការជាមួយមជ្ឈមណ្ឌលជាតិផ្តល់ឈាម ក្នុងការផ្តួចផ្តើមរៀបចំយុទ្ធនាការស្ម័គ្រចិត្ត បរិច្ចាគឈាម ក្រោមប្រធានបទ «ផ្តល់ឈាម ផ្តល់ជីវិត» នាឱកាសនេះ។ លើសពីនេះ ឯកឧត្តមក៏បានរំលេច ការរីកចម្រើនរបស់វិស័យឯកជនក៏បានចូលរួមជាមួយរដ្ឋាភិបាល តាមរយៈការផ្ដល់ឱកាសជូនប្រជាពលរដ្ឋក្នុងមូលដ្ឋានផងដែរ។

ចំណែក អ្នកឧកញ៉ា លី សុភ័ក្ត ប្រធានក្រុមប្រឹក្សាភិបាលក្រុមហ៊ុន ទេពី អាក្រូ វិនិយោគ បានសម្តែងនូវគារវៈកិច្ច និងថ្លែងអំណរគុណយ៉ាងជ្រាលជ្រៅចំពោះវត្តមានដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា ដែលបានចំណាយពេលវេលាអញ្ជើញជាអធិបតីក្នុងយុទ្ធនាការបរិច្ចាគឈាម និងសម្ពាធអគារសិក្សា នាឱកាសនេះ។

ជាមួយគ្នានេះ អ្នកឧកញ៉ា បានធ្វើការប្តេជ្ញាចិត្ត ក្នុងការរៀបចំយុទ្ធនាការបរិច្ចាគឈាមប្រចាំឆ្នាំ ដើម្បីលើកកម្ពស់សុខុមាលភាពបុគ្កលិក គាំទ្រជាមួយប្រព័ន្ធថែទាំសុខភាពជាតិ ពង្រឹងការអប់រំ ការអភិវឌ្ឍបរិស្ថាន និងការវិនិយោគលើហេដ្ឋារចនាសម្ព័ន្ធ ជាពិសេសចូលរួមកសាងសហគមន៍មួយប្រកបដោយភាពរស់រវើកសម្រាប់យុវជនជំនាន់ក្រោយ៕

The post ឯកឧត្តម ហ៊ុន ម៉ានី បន្តលើកទឹកចិត្តពលរដ្ឋឱ្យចូលរួមបរិច្ចាគឈាម ដើម្បីជួយសង្គ្រោះជីវិតប្រជាពលរដ្ឋខ្មែរ appeared first on Kampuchea Thmey Daily.

បន្ទាប់ពីចំណាប់អារម្មណ៍របស់លោកស្រី ដឹង សុគន្ធារី នាយិការប្រតិបត្តិក្រុមហ៊ុន វ៉នហ្វ្រេតធើនីធី ( វីតាល់) បានលើកឡើងថា ការផ្សព្វផ្សាយពីអត្ថប្រយោជន៍នៃការបរិច្ចាគឈាមដោយស្ម័គ្រចិត្ត និងការពង្រីកវិសាលភាពយុទ្ធនាការបរិច្ចាគឈាមនៅតាមខេត្តនានា។ ជាក់ស្តែងថ្ងៃនេះ ជាថ្ងៃចាប់ផ្តើមដំបូងនៃយុទ្ធនាការបរិច្ចាគឈាមនៅតាមបណ្តាខេត្ត គឺនៅលើទឹកដីអង្គរនៃខេត្តសៀមរាប។

លោក នាក់ ណេរ៉ុន អភិបាលរងខេត្ត បានលើកឡើងថា ការបរិច្ចាគឈាម គឺជាការបង្ហាញពីទឹកចិត្តការស្រឡាញ់ ការជួយសង្គ្រោះអាយុជីវិតទៅកាន់អ្នកជំងឺដែលត្រូវការឈាមជាចាំបាច់។ អ្នកផ្តល់ឈាមទាំងអស់ គឺជាវីរៈបុរស ហើយការផ្តល់ឈាម គឺជាការធ្វើអំពើល្អ ផ្តល់នូវទឹកចិត្តក្តីមេត្តា ហើយចងចាំថាការបរិច្ចាគឈាមមិនប៉ះពាល់ដល់សុខភាពទេ ហើយឈាមមានប្រភពតែមួយគត់ ពីមនុស្ស មិនមានរោងចក្រណាអាចផលិតបានទេ។ តាមរយៈយុទ្ធនាការនេះ បានបង្ហាញឲ្យឃើញនូវការសហការគ្នា សាមគ្គីភាព ជាធ្លុងមួយរបស់រដ្ឋបាលខេត្ត ក្រុមហ៊ុនវីតាល់ និងមន្ត្រីសុខាភិបាល ដើម្បីជាផ្នែកមួយក្នុងការពង្រឹងវិស័យសុខាភិបាល នៅព្រះរាជាណាចក្រកម្ពុជា ដែលជាប្រធានបទមួយសម្រាប់យើងទាំងអស់គ្នា និងមានគោលបំណងសំខាន់ គឺបង្កើតទម្លាប់ និងវប្បធម៌នៃការបរិច្ចាគឈាមដោយស្ម័គ្រចិត្ត ក្នុងការជំរុញលើកកម្ពស់ឲ្យយុវជនប្រជាពលរដ្ឋទូទៅ ចូលរួមធ្វើសកម្មភាពជាមួយការផ្តល់ឈាម ដើម្បីធានាឲ្យមានការផ្តត់ផ្គង់ឈាមគ្រប់គ្រាន់ សម្រាប់អ្នកជំងឺដែលកំពុងត្រូវការឈាមនៅតាមមន្ទីរពេទ្យ។

លោកអភិបាលរងខេត្ត បានណែនាំដល់ថ្នាក់ដឹកនាំ មន្រ្តីរាជការ និងមន្ត្រីសុខាភិបាលទាំងអស់ ត្រូវខិតខំក្នុងការបម្រើសេវាជូនប្រជាពលរដ្ឋ ដោយស្មារតីទឹកចិត្តសណ្តុះអាណិតស្រឡាញ់ មេត្តាករុណា និងផ្តល់ភាពកក់ក្តៅ។ លោកក៏បានថ្លែងនូវការកោតសរសើរ ចំពោះការយកចិត្តទុកដាក់ និងកិច្ចខិតខំប្រឹងប្រែងរបស់ថ្នាក់ដឹកនាំ មន្ត្រីរាជការ បុគ្គលិកនៃមន្ទីរពេទ្យ និងមជ្ឈមណ្ឌលជាតិផ្តល់ឈាម ដែលបានសហការរៀបចំពិធីនេះឡើង និងសប្បុរសជនស្ម័គ្រចិត្តបរិច្ចាគឈាមទាំងអស់ ដែលបានផ្តល់ឈាម កំពុងផ្តល់ឈាម និងបន្តផ្តល់ឈាមដោយទៀងទាត់ជារៀងរាល់ឆ្នាំដើម្បីជួយជីវិតមនុស្ស ទៅតាមមន្ទីរពេទ្យក្នុងខេត្តសៀមរាប។

តាមការបញ្ជាក់របស់លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម បញ្ជាក់ថា យុទ្ធនាការថ្ងៃនេះ គឺជាប្រធានបទដ៏មានអត្ថន័យសម្រាប់យើងទាំងអស់គ្នា និងមានគោលបំណងសំខាន់២ ទី១៖ បង្កើតទម្លាប់ និងវប្បធម៌នៃការបរិច្ចាគឈាមដោយស្ម័គ្រចិត្ត ដើម្បីជំរុញការលើកកម្ពស់ឲ្យយុវជន និងប្រជាជនទូទៅ ចូលរួមធ្វើសកម្មភាពជាមួយសេវាកម្មជាតិផ្តល់ឈាមនៅទូទាំងប្រទេស ដើម្បីធានាឱ្យមានការផ្គត់ផ្គង់ឈាមគ្រប់គ្រាន់ សម្រាប់អ្នកជំងឺដែលកំពុងត្រូវការ​ឈាម នៅគ្រប់មន្ទីរពេទ្យទាំងអស់ ដោយគ្មានការរើសអើង មិនប្រកាន់ជាតិសាសន៍ សាសនា ឬនិន្នាការនយោបាយ។ និងទី២៖ ផ្សារភ្ជាប់សកម្មភាពនៃការបរិច្ចាគឈាមដោយស្ម័គ្រចិត្ត ទៅនឹងសកម្មភាពមនុស្សធម៌ដ៏ល្អប្រពៃក្នុងសង្គម។

លោកវេជ្ជបណ្ឌិតបានបញ្ជាក់ថា ការបរិច្ចាគឈាមមិនប៉ះពាល់ដល់សុខភាពទេ ហើយឈាមមានប្រភពតែមួយគត់ គឺពីមនុស្ស មិនមានរោងចក្រណាអាចផលិតបានទេ។ ការបរិច្ចាគឈាម មិនត្រឹមតែមិនប៉ះពាល់ដល់សុខភាពប៉ុណ្ណោះទេ ថែមទាំងមានអត្ថប្រយោជន៍៣សំខាន់។ លោកបានបន្តថា នៅដើមឆ្នាំ២០២៥ មានអ្នកស្ម័គ្រចិត្តចំនួន ១៣០៦នាក់ហើយ បានចូលរួមបរិច្ចាគឈាមដោយស្ម័គ្រចិត្ត ហើយនេះជាកម្មវិធីលើកទី៣ សម្រាប់ក្នុងឆ្នាំ២០២៥នេះ ដែលក្រុមហ៊ុនទឹកពិសារ វីតាល់ បានរៀបចំយុទ្ធនាការបរិច្ចាគដោយស្ម័គ្រចិត្ត ក្នុងនោះកម្មវិធីលើកទី១ ថ្ងៃទី១៤ ខែកុម្ភៈ ក្រោមប្រធានបទ «ផ្តល់ឈាម ផ្តល់ក្តីស្រឡាញ់» រៀបចំឡើងនៅមជ្ឈមណ្ឌលជាតិផ្តល់ឈាម លើកទី២ ថ្ងៃទី២១ ខែមីនា រៀបចំឡើងនៅមន្ទីរពេទ្យកាល់ម៉ែត្រ និងលើកទី៣ ថ្ងៃទី២៤ ខែមេសា ឆ្នាំ២០២៥នៅខេត្តសៀមរាប។

ក្នុងយុទ្ធនាការ បរិច្ចាគឈាម សង្រ្គោះជីវិតមនុស្ស នៅខេត្តសៀមរាបនាពេលនេះ មានអ្នកចូលរួមបរិច្ចាគឈាមដោយស្ម័គ្រ ចំនួន១២៨នាក់ ទទួលបានឈាមចំនួន១២៨ប្លោក គឹតត្រឹមម៉ោង១២.០០នេះ៕

អត្ថបទ៖ គឿនវេត

The post ចូលរួមបរិច្ចាគឈាមដោយស្ម័គ្រចិត្ត ក្នុងយុទ្ធនាការ «បរិច្ចាគឈាមសង្គ្រោះជីវិត» appeared first on Kampuchea Thmey Daily.