តាមការផ្សាយរបស់ Bangkok Post, គ្រាប់បែកទាំង៧បានផ្ទុះក្នុងស្រុក Yi-ngo និង Rangae នៃខេត្ត Narathiwat ដោយគ្រាប់បែកដំបូងបានផ្ទុះនៅម៉ោង១១យប់ថ្ងៃសៅរ៍ទី១៤ខែកុម្ភៈ ហើយក៏មានការផ្ទុះជាបន្តបន្ទាប់។

មន្ត្រីក្នុងតំបន់និយាយថា គ្រាប់បែកខ្លះត្រូវគេបង្កៃក្នុងធុងសំរាម ហើយការផ្ទុះបានបង្កការខូចខាតដល់ហាងនានានិងម៉ូតូ-រថយន្តជាច្រើនគ្រឿងដែលចតចោល ប៉ុន្តែមិនទាន់មានសេចក្តីរាយការណ៍អំពីការជនរងគ្រោះនៅឡើយទេ។

តាមការបញ្ជាក់ពីប៉ូលិស, គ្មានអ្វីត្រូវសង្ស័យឡើយ ការវាយប្រហារនេះគឺជាស្នាដៃរបស់ក្រុមផ្តាច់ខ្លួនមូស្លីម ហើយពួកគេបានបង្កើនប្រតិបត្តិការមុនខែនៃពិធីបុណ្យ រ៉ាម៉ាឌន ចូលមកដល់។

សូមជម្រាបជាថ្មី ជម្លោះប្រដាប់អាវុធដ៏រ៉ាំរ៉ៃនៅភាគខាងត្បូងប្រទេសថៃ គឺជាជម្លោះដែលកើតឡើងនៅក្នុងខេត្តចំនួន៤គឺ Narathiwat, Pattani, Yala និង Songkhla។ ជម្លោះនេះអូសបន្លាយពេលអស់ជាច្រើនទសវត្សរ៍មកហើយ ដោយមានឫសគល់ចេញពីប្រវត្តិសាស្ត្រនយោបាយនិងសាសនា។ 

យោងតាមតួលេខចុងក្រោយពីក្រុមស្រាវជ្រាវ Deep South Watch, គិតចាប់តាំងពីឆ្នាំ២០០៤មក មនុស្សស្លាប់នៅក្នុងអំពើហិង្សានោះ មានជាង ៧ ៥០០នាក់ ខណៈជាង ១៣ ៥០០នាក់ រងរបួស៕

អត្ថបទ៖ សុខ សុវណ្ណ

The post គ្រាប់បែក៧គ្រាប់ ផ្ទុះកក្រើកភាគខាងត្បូងប្រទេសថៃ ចំទិវានៃក្តីស្រឡាញ់ appeared first on Kampuchea Thmey Daily.

តាមការផ្សាយរបស់ Bangkok Post កាលពីថ្ងៃអង្គារទី៣ខែកុម្ភៈឆ្នាំ២០២៦, ហេតុការណ៍កើតឡើងនៅស្រុក Muang ខេត្ត Yala ដែលជាស្នាដៃរបស់ក្រុមបះបោរផ្តាច់ខ្លួន។

ស្របពេលជាមួយគ្នានោះដែរ អ្នកនាំពាក្យនៃបញ្ជាការដ្ឋានប្រតិបត្តិការសន្តិសុខផ្ទៃក្នុង (Isoc) បានឲ្យដឹងថា សកម្មប្រយុទ្ធមួយក្រុមមានគ្នា៣-៤នាក់ បានធ្វើការបំផ្ទុះគ្រាប់បែកនៅក្នុងផ្ទះ ហើយក្រោយកើតហេតុ ពួកគេក៏នាំគ្នារត់ចូលព្រៃបាត់។

ជម្លោះប្រដាប់អាវុធដ៏រ៉ាំរ៉ៃនៅភាគខាងត្បូងប្រទេសថៃ គឺជាជម្លោះដែលកើតឡើងនៅក្នុងខេត្តចំនួន៤គឺ Narathiwat, Pattani, Yala និង Songkhla។

ជម្លោះនេះអូសបន្លាយពេលអស់ជាច្រើនទសវត្សរ៍មកហើយ ដោយមានឫសគល់ចេញពីប្រវត្តិសាស្ត្រនយោបាយនិងសាសនា។ ជម្លោះនេះមិនមែនជាសង្គ្រាមប្រយុទ្ធដោយផ្ទាល់ទេ ប៉ុន្តែជាការវាយប្រហារតាមបែបទ័ពព្រៃ ដោយក្រុមឧទ្ទាមបានប្រើប្រាស់វិធីសាស្រ្តផ្សេងៗដូចជាការបំផ្ទុះគ្រាប់បែកកំណត់គោលដៅលើយោធា នគរបាល និងស៊ីវិល ព្រមទាំងការបាញ់ប្រហារនិងការដុតទីកន្លែងសាធារណៈ រោងចក្រ និងសាលារៀន។

យោងតាមតួលេខចុងក្រោយពីក្រុមស្រាវជ្រាវ Deep South Watch, គិតចាប់តាំងពីឆ្នាំ២០០៤មក មនុស្សស្លាប់នៅក្នុងអំពើហិង្សានោះ មានជាង ៧ ៥០០នាក់ ខណៈជាង ១៣ ៥០០នាក់ រងរបួស។ ក្នុងចំណោមមនុស្សស្លាប់ក៏រួមមានមន្ត្រីយោធានិងប៉ូលិស ផងដែរ៕

អត្ថបទ៖ សុខ សុវណ្ណ

The post ផ្ទុះគ្រាប់បែកទៀតហើយនៅភាគខាងត្បូងថៃ បណ្តាលឲ្យមនុស្សស្លាប់ appeared first on Kampuchea Thmey Daily.

តាមការចុះផ្សាយរបស់ Khaosod, ក្រុមផ្តាច់ខ្លួន បានបំផ្ទុះគ្រាប់បែកក្នុងរថយន្តនាវេលាម៉ោង ៨:១៥នាទីយប់ថ្ងៃពុធទី២០ខែសីហាឆ្នាំ២០២៥ ក្នុងភូមិ១ ឃុំ Ban Khok Maphueng នៃស្រុក Tak Bai។ ដ្បិតមិនមានមនុស្សស្លាប់ ប៉ុន្តែការវាយប្រហារនេះ បណ្តាលឲ្យមន្ត្រីម្នាក់រងរបួស។

ការបំផ្ទុះគ្រាប់បែនេះ កំណត់គោលដៅលើប៉ុស្តិ៍ត្រួតពិនិត្យសន្តិសុខ ហើយវាកើតឡើងចំពេល ប្រទេសថៃ ចាប់ផ្តើមប្រុងជើងការខ្ពស់ និងបង្កើនកម្លាំងទ័ព ត្រៀមប្រយុទ្ធជាមួយក្រុមផ្តាច់ខ្លួន ភាគខាងត្បូង ក្រោយហេតុការណ៍វាយប្រហាររោងចក្រក្នុងស្រុក Waeng នៃខេត្ត Narathiwat។

មេទ័ពភូមិភាគ៤ Paisal Nusang បានចេញបញ្ជាឲ្យមានការបន្ថែមកម្លាំងនិងរឹតបន្តឹងសន្តិសុខនៅតាមបណ្តាខេត្តភាគខាងត្បូង ដើម្បីទប់ទល់នឹងក្រុមផ្តាច់ខ្លួន។

ជាពិសេសលោកបញ្ជាឲ្យពង្រឹងការការពារហេដ្ឋារចនាសម្ព័ន្ធសំខាន់ៗ បណ្តាញអគ្គិសនី ផ្លូវទឹក និងផ្លូវដឹកជញ្ជូន រួមនឹងការល្បាតយ៉ាងសកម្មនៅក្នុងតំបន់ដែលមានហានិភ័យខ្ពស់ផងដែរ ខណៈកងកម្លាំងត្រូវស្ថិតក្នុងការប្រុងជើងការជានិច្ច។

សូមជម្រាបជាថ្មី ជម្លោះនៅភាគខាងត្បូងប្រទេសថៃ បានអូសបន្លាយពេលអស់ជាច្រើនទសវត្សរ៍មកហើយ ដោយមានឫសគល់ចេញពីប្រវត្តិសាស្ត្រនយោបាយនិងសាសនា។ ជម្លោះនេះមិនមែនជាសង្គ្រាមប្រយុទ្ធដោយផ្ទាល់ទេ ប៉ុន្តែជាការវាយប្រហារតាមបែបទ័ពព្រៃ ដោយក្រុមឧទ្ទាមបានប្រើប្រាស់វិធីសាស្រ្តផ្សេងៗដូចជាការបំផ្ទុះគ្រាប់បែកកំណត់គោលដៅលើយោធា នគរបាល និងស៊ីវិល ព្រមទាំងការបាញ់ប្រហារនិងការដុតទីកន្លែងសាធារណៈ រោងចក្រ និងសាលារៀន។

យោងតាមតួលេខចុងក្រោយពីក្រុមស្រាវជ្រាវ Deep South Watch, គិតចាប់តាំងពីឆ្នាំ២០០៤មក មនុស្សស្លាប់នៅក្នុងអំពើហិង្សានោះ មានជាង ៧ ៥០០នាក់ ខណៈជាង ១៣ ៥០០នាក់ រងរបួស។ ក្នុងចំណោមមនុស្សស្លាប់ក៏រួមមានមន្ត្រីយោធានិងប៉ូលិស ផងដែរ៕

អត្ថបទ៖ សុខ សុវណ្ណ

ចុចអាន៖ ក្រុមផ្តាច់ខ្លួនភាគខាងត្បូងថៃ បើកការវាយប្រហារក្នុងខេត្ត Narathiwat

The post ភាគខាងត្បូងថៃកាន់តែវឹកវរ ខណៈក្រុមផ្តាច់ខ្លួន វាយប្រហារបំផ្ទុះគ្រាប់បែកជាបន្តទៀត appeared first on Kampuchea Thmey Daily.

ហេតុការណ៍នេះកើតឡើងក្នុងស្រុក Chanae នាវេលាម៉ោង១២:១៥នាទីថ្ងៃត្រង់ ថ្ងៃអង្គារទី១៥ខែកក្កដាឆ្នាំ២០២៥ ដោយមន្ត្រីប៉ូលិសកំពុងល្បាត ពេលគ្រាប់បែកបង្កៃតាមចិញ្ចើមផ្លូវបានផ្ទុះឡើង។

អំពើហិង្សានៅភាគខាងត្បូងប្រទេសថៃ មិនមែនជារឿងថ្មីឡើយ ព្រោះថា តំបន់នោះត្រូវរងការវាយប្រហារនិងភាពចលាចលអស់រយៈពេលរាប់ទសវត្សរ៍មកហើយ។

អំពើហិង្សានៅភាគខាងត្បូងប្រទេសថៃមិនថមថយឡើយ បើទោះជាមានកិច្ចប្រឹងប្រែងចរចាសន្តិភាពក៏ដោយ។ បើគិតចាប់តាំងពីឆ្នាំ២០០៤មក ជម្លោះដ៏រ៉ាំរ៉ៃនៅភាគខាងត្បូងប្រទេសថៃ បានឆក់យកជីវិតមនុស្សជាង ៧ ០០០នាក់ និងបណ្តាលឲ្យរាប់ម៉ឺននាក់ទៀតរងរបួស៕

អត្ថបទ៖ សុខ សុវណ្ណ

ចុចអាន៖ ភាគខាងត្បូងថៃ ផ្ទុះគ្រាប់បែក២លើក មុនដំណើរទស្សនកិច្ចរបស់លោក ថាក់ស៊ីន

The post ការវាយប្រហារបំផ្ទុះគ្រាប់បែកនៅថៃ របួសមន្ត្រីប៉ូលិស៤នាក់ appeared first on Kampuchea Thmey Daily.

កងការពារស៊ីវិលស៊ីរីក្នុងតំបន់បានរាយការណ៍ថា រថយន្តនៅជាយក្រុង Manbij ត្រូវបានបំផ្ទុះនៅក្បែររថយន្តដឹកកសិករ​ដោយបានសម្លាប់ស្ត្រី​១៤នាក់ និងបុរសម្នាក់។ ស្ត្រី​១៥​នាក់​ផ្សេង​ទៀត​បាន​រង​របួស​ធ្ងន់ធ្ងរ។ ប៉ុន្តែបើតាម អង្គការ​ឃ្លាំមើលសង្រ្គាម The Syrian Observatory for Human Rights ដែលមានមូលដ្ឋាននៅចក្រភពអង់គ្លេស បានលើក​ឡើង​ថា ស្ត្រី១៨នាក់ត្រូវបានសម្លាប់ រួមទាំងបុរសម្នាក់ផង។

ក្រុង Manbij ក្នុងខេត្ត Aleppo ភាគឦសាននៅតែបន្តមានអំពើហិង្សា ចាប់តាំងពីការដួលរលំការគ្រប់គ្រងរបស់ប្រធានាធិបតី Bashar Assad ក្នុងខែធ្នូ ដែលក្រុមគាំទ្រដោយតួ​ក​គី គេស្គាល់ថាជាកងទ័ពជាតិស៊ីរី បន្តប៉ះទង្គិចជាមួយ​កងកម្លាំងប្រជាធិបតេយ្យស៊ីរីដឹកនាំដោយជនជាតិឃឺដ (SDF) ដែលគាំទ្រដោយសហរដ្ឋអាមេរិក។

ទីភ្នាក់ងារព័ត៌មានរដ្ឋ SANA បានរាយការណ៍ថា ចំនួន​អ្នកស្លាប់ទំនងជាបន្តកើនឡើង។ ទោះយ៉ាងណាមិន​ទាន់​មាន​ការ​អះអាង​ពី​ការ​ទទួល​ខុស​ត្រូវ​ចំពោះ​ការ​វាយ​ប្រហារ​នេះ​​ទេ។

ការ​ផ្ទុះ​នេះ​ជា​លើក​ទី​ពីរ​​ក្នុង​រយៈ​ពេល​បី​ថ្ងៃ ព្រោះកាល​ពី​ថ្ងៃ​សៅរ៍ ជន​ស៊ី​វិល​៤​នាក់​បាន​ស្លាប់និង​៩​នាក់​ផ្សេង​ទៀត​រង​របួស​ក្នុង​ការ​វាយ​ប្រហារ​ដោយ​គ្រាប់​បែក​ក្នុង​រថយន្ត​មួយ​ផ្សេង​ទៀត​នៅក្រុង Manbijនេះដដែល។ ទីក្រុង​នេះ​ស្ថិត​ក្នុង​តំបន់​ជនបទ ចម្ងាយ​ប្រហែល ៣០គីឡូម៉ែត្រ ភាគខាងត្បូង​នៃ​ព្រំដែន​តួ​ក​គី និងជាប់ជាមួយទន្លេ Euphrates នៅ​ខាងកើត៕

អត្ថបទ៖ ប៊ុន សុភាព

The post ​បំផ្ទុះគ្រាប់បែកក្នុងឡានសម្លាប់​មនុស្ស​១៥នាក់ នៅ​ភាគខាងជើងស៊ីរី appeared first on Kampuchea Thmey Daily.

នៅថ្ងៃសុក្រទី៥ខែមករា ក្រុមរដ្ឋឥស្លាម (IS) និយាយថា ខ្លួនគឺជាអ្នកវាយប្រហារបំផ្ទុះគ្រាប់បែកនៅក្នុងប្រទេសអ៊ីរ៉ង់ ទៅលើហ្វូងមនុស្ស ដែលកំពុងប្រារព្ធខួបនៃការធ្វើឃាត មេទ័ព Qasem Soleimani។

ក្រុម IS បានអះអាងតាមរយៈឆានែល Telegram របស់ខ្លួន ហើយក្រោយមក ក្រុមនេះ បានបញ្ចេញរូបភាពមួយសន្លឹកនៅលើបណ្តាញព័ត៌មាន Amaq បង្ហាញបុរសពាក់ស្រោមមុខពីរនាក់ ដែលខ្លួនបញ្ជាក់ថា ជាអ្នកប្រព្រឹត្ត។

តាមរបាយការណ៍ ជនបំផ្ទុះគ្រាប់បែកអត្តឃាតទីមួយ បានបំផ្ទុះគ្រាប់បែកដែលភ្ជាប់ជាមួយខ្សែក្រវាត់របស់គាត់ ក្នុងចំណោមហ្វូងមនុស្ស ហើយជនបំផ្ទុះគ្រាប់បែកទីពីរ បានវាយប្រហារតាមពីក្រោយ ចន្លោះពេលប្រហែល២០នាទីពីគ្នា។

ក្រុម IS បានប្រាប់ទៀតថា អ្នកវាយប្រហារមានឈ្មោះ Omar al-Muwahid និង Sayfullah al-Mujahid។

ការអះអាងទទួលខុសត្រូវនេះកើតឡើង ក្រោយពេលមេដឹកនាំកំពូលអ៊ីរ៉ង់ Ayatollah Ali Khamenei បានប្តេជ្ញាសងសឹកសត្រូវនិងឧក្រិដ្ឋជន ដែលនៅពីក្រោយការវាយប្រហារដ៏សាហាវបំផុតក្នុងប្រវត្តិសាស្ត្ររបស់សាធារណរដ្ឋឥស្លាម។

លោក Khamenei ប្រកាសថា សត្រូវនិងឧក្រិដ្ឋជនប្រឆាំងប្រជាជាតិអ៊ីរ៉ង់ បានបង្កើតគ្រោះមហន្តរាយជាថ្មីម្តងទៀត ហើយសម្លាប់មនុស្សជាទីស្រឡាញ់មួយចំនួនធំនៅ Kerman។ គ្រោះមហន្តរាយនេះនឹងមានការឆ្លើយតបយ៉ាងធ្ងន់ធ្ងរជាទីបំផុត។

សូមបញ្ជាក់ជាថ្មី លោក Soleimani ត្រូវបានសម្លាប់ក្នុងការវាយប្រហារដោយយន្តហោះគ្មានមនុស្សបើករបស់សហរដ្ឋអាមេរិកនៅឆ្នាំ២០២០ ហើយចាប់តាំងពីពេលនោះមក ស្ថានការណ៍តំបន់មជ្ឈិមបូព៌ា បានឡើងកម្តៅឈានដល់កម្រិតធ្ងន់ធ្ងរបំផុត៕

ប្រែសម្រួល៖ Vann Vann

ប្រភព៖ BBC 

ចុចអាន៖ អ៊ីរ៉ង់ ប្រកាសសងសឹក ក្រោយការបំផ្ទុះគ្រាប់បែក សម្លាប់មនុស្សជិត ១០០នាក់

The post មានក្រុមចេញមុខទទួលខុសត្រូវ ចំពោះអំពើភេរវកម្មនៅអ៊ីរ៉ង់  appeared first on Kampuchea Thmey Daily.

នៅពេលសួរអំពីការបំផ្ទុះពីរលើកក្នុងប្រទេសអ៊ីរ៉ង់ អ្នកនាំពាក្យក្រសួងការបរទេសអាមេរិកលោក Matthew Miller បានប្រាប់អ្នកយកព័ត៌មានក្នុងសន្និសីទនៅទីក្រុងវ៉ាស៊ីនតោនថា “ទេ! សហរដ្ឋ​អាមេរិក​មិនមាន​ជាប់​ពាក់ព័ន្ធអ្វីទាំងអស់ ​ហើយ​ការចោទប្រកាន់ដាក់អាមេរិក គឺ​ជារឿងគួរឲ្យ​អស់​សំណើចជាទីបំផុត​។ ម្យ៉ាងវិញទៀត យើងក៏​គ្មាន​ហេតុផល​ត្រូវជឿ​ថា ​អ៊ីស្រាអែល ​ជាប់​ពាក់ព័ន្ធ​នឹង​ការ​ផ្ទុះ​នេះដែរ”។

ស្របពេលជាមួយគ្នានោះ លោកថែមទាំងបដិសេធទៀតថា អាមេរិក ក៏គ្មានជាប់ពាក់ព័ន្ធឬដឹងមុនអ្វីដែរ អំពីការធ្វើឃាត អនុប្រធានក្រុមហាម៉ាសលោក Saleh al-Arouri និងមនុស្សប្រាំមួយនាក់ផ្សេងទៀតនៅជាយក្រុង បេរូត ប្រទេសលីបង់។

ទោះបីជាយ៉ាងណាក៏ដោយ មេដឹកនាំក្រុមហេសបូឡានិងហាម៉ាស ក៏ដូចជាមន្ត្រីសន្តិសុខលីបង់ សុទ្ធតែដាក់ការស្តីបន្ទោសទៅលើអ៊ីស្រាអែល ចំពោះការវាយប្រហារនេះ។

មេក្រុមហេសបូឡា លោក Hassan Nasrallah បានគំរាមខ្លាំងៗថា ក្រុមរបស់គាត់ មិនខ្លាចធ្វើសង្គ្រាមជាមួយអ៊ីស្រាអែលឡើយ ហើយថា ការវាយប្រហារណាមួយលើទឹកដីលីបង់ នឹងទទួលការឆ្លើយតបវិញដោយគ្មានមេត្តា។

ក្រុមហេសបូឡា បានហៅការបំផ្ទុះដោយយន្តហោះគ្មានមនុស្សបើក ដែលសម្លាប់លោក al-Arouri ថាជាការវាយប្រហារយ៉ាងធ្ងន់ធ្ងរលើទឹកដីលីបង់ ហើយប្តេជ្ញា មិនបណ្តោយឲ្យអ្នកនៅពីក្រោយរឿងនេះ រួចខ្លួនឡើយ។

ងាកទៅប្រទេសអ៊ីរ៉ង់ឯណោះវិញ មេដឹកនាំកំពូលលោក Ayatollah Ali Khamenei បានប្តេជ្ញាសងសឹកសត្រូវនិងឧក្រិដ្ឋជន ដែលនៅពីក្រោយការវាយប្រហារដ៏សាហាវបំផុតក្នុងប្រវត្តិសាស្ត្ររបស់សាធារណរដ្ឋឥស្លាម។

សូមបញ្ជាក់ ការផ្ទុះបណ្តាក់គ្នាចំនួន២លើក បានកើតឡើងនៅជិតទីបញ្ចុះសពនាភាគអាគ្នេយ៍ទីក្រុង Kerman ខណៈមនុស្សរាប់ម៉ឺននាក់ កំពុងប្រមូលផ្តុំគ្នាយ៉ាងកកកុញក្នុងពិធីរម្លឹកខួប៤ឆ្នាំនៃការធ្វើឃាត មេបញ្ជាការកំពូលអ៊ីរ៉ង់ Qassem Soleimani។

មេទ័ពអ៊ីរ៉ង់រូបនេះ ត្រូវបានសម្លាប់ក្នុងការវាយប្រហារដោយយន្តហោះគ្មានមនុស្សបើករបស់សហរដ្ឋអាមេរិកនៅឆ្នាំ២០២០ ហើយចាប់តាំងពីពេលនោះមក ស្ថានការណ៍តំបន់មជ្ឈិមបូព៌ា បានឡើងកម្តៅក្តៅដូចបាយពុះ៕

ប្រែសម្រួល៖ Vann Vann

ប្រភព៖ RT

ចុចអាន៖ អ៊ីរ៉ង់ ប្រកាសសងសឹក ក្រោយការបំផ្ទុះគ្រាប់បែក សម្លាប់មនុស្សជិត ១០០នាក់

The post អាមេរិក ចេញមុខបដិសេធជាប់ពាក់ព័ន្ធ ការបំផ្ទុះគ្រាប់បែក នៅអ៊ីរ៉ង់ appeared first on Kampuchea Thmey Daily.

មេទ័ពអ៊ីរ៉ង់រូបនេះ ត្រូវបានសម្លាប់ក្នុងការវាយប្រហារដោយយន្តហោះគ្មានមនុស្សបើករបស់សហរដ្ឋអាមេរិកនៅឆ្នាំ២០២០ ហើយចាប់តាំងពីពេលនោះមក ស្ថានការណ៍តំបន់មជ្ឈិមបូព៌ា បានឡើងកម្តៅក្តៅដូចបាយពុះ។

ការផ្ទុះបណ្តាក់គ្នាចំនួន២លើក បានកើតឡើងនៅជិតទីបញ្ចុះសពនាភាគអាគ្នេយ៍ទីក្រុង Kerman ខណៈមនុស្សរាប់ម៉ឺននាក់ កំពុងប្រមូលផ្តុំគ្នាយ៉ាងកកកុញ។

វីដេអូដ៏រន្ធត់ បានបង្ហាញឲ្យឃើញជនរងគ្រោះដេករដូករណែល នៅជិតវិហារឥស្លាម Saheb al-Zaman ក្រោយហេតុការណ៍ដែលអ៊ីរ៉ង់ចាត់ទុកថាជា “ការវាយប្រហារភេរវកម្ម”។

ភ្លាមៗនោះ លោក Khamenei ប្រកាសថា “សត្រូវនិងឧក្រិដ្ឋជនប្រឆាំងប្រជាជាតិអ៊ីរ៉ង់ បានបង្កើតគ្រោះមហន្តរាយជាថ្មីម្តងទៀត ហើយសម្លាប់មនុស្សជាទីស្រឡាញ់មួយចំនួនធំនៅ Kerman។ គ្រោះមហន្តរាយនេះនឹងមានការឆ្លើយតបយ៉ាងធ្ងន់ធ្ងរជាទីបំផុត។

ការផ្ទុះនេះកើតឡើងមួយថ្ងៃ បន្ទាប់ពីយន្តហោះគ្មានមនុស្សបើករបស់អ៊ីស្រាអែល សម្លាប់អនុប្រធានក្រុមហាម៉ាសលោក Saleh al-Arouri ក្នុងរដ្ឋធានី បេរូត នៃប្រទេសលីបង់ នាំឲ្យមានការភ័យខ្លាចថា សង្រ្គាមក្នុងតំបន់នឹងរីកកាន់តែធំ។

យ៉ាងណាក្តី លោក​ Khamenei មិន​បានចង្អុលចំ​ឈ្មោះអ្នកនៅពីក្រោយទេ ហើយ​ក៏​មិន​ទាន់​មាន​ក្រុម​ណា ចេញមុខទទួល​ខុស​ត្រូវ​ចំពោះ​ការ​វាយ​ប្រហារ​នេះ​ដែរ។

ថ្វីបើអាជ្ញាធរអ៊ីរ៉ង់មិនបានចោទប្រកាន់ជាសាធារណៈលើក្រុមណាដែលនៅពីក្រោយការបំផ្ទុះនេះក៏ដោយ ប៉ុន្តែមេបញ្ជាការកំពូលនៃកងកម្លាំង Quds របស់អ៊ីរ៉ង់គឺលោក Esmail Qaani បានប្រកាសក្តែងៗថា នេះជាស្នាដៃរបស់ ភ្នាក់ងារនៃរបប Zionist អ៊ីស្រាអែល និងសហរដ្ឋអាមេរិក។

អ៊ីរ៉ង់ក៏បានប្រកាសយកថ្ងៃព្រហស្បតិ៍ទី៤ខែមករា ជាថ្ងៃកាន់ទុក្ខផងដែរ ហើយលោកប្រធានាធិបតី Ebrahim Raisi បានលុបចោលដំណើរទស្សនកិច្ចតាមការគ្រោងទុក ទៅកាន់ប្រទេសតួកគី៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ៊ីរ៉ង់ ព្យួរ.ក មនុស្ស៤នាក់ ព្រោះយកការណ៍ឲ្យអ៊ីស្រាអែល

The post អ៊ីរ៉ង់ ប្រកាសសងសឹក ក្រោយការបំផ្ទុះគ្រាប់បែក សម្លាប់មនុស្សជិត ១០០នាក់ appeared first on Kampuchea Thmey Daily.