ព័ត៌មានអន្ដរជាតិ
អាមេរិក ចេញមុខបដិសេធជាប់ពាក់ព័ន្ធ ការបំផ្ទុះគ្រាប់បែក នៅអ៊ីរ៉ង់
ក្រសួងការបរទេសសហរដ្ឋអាមេរិកបានចេញមុខបញ្ជាក់ថា ទីក្រុងវ៉ាស៊ីនតោនមិនជាប់ពាក់ព័ន្ធអ្វីទាំងអស់ ក្នុងការបំផ្ទុះគ្រាប់បែកភេរវកម្មដែលសម្លាប់មនុស្សជិត១០០នាក់ ក្នុងប្រទេសអ៊ីរ៉ង់កាលពីថ្ងៃពុធទី៣ខែមករា ឬក្នុងការវាយប្រហារដោយយន្តហោះគ្មានមនុស្សបើក ដែលសម្លាប់អនុប្រធានក្រុមហាម៉ាស នៅប្រទេសលីបង់កាលពីថ្ងៃអង្គារទី២ខែមករា។
នៅពេលសួរអំពីការបំផ្ទុះពីរលើកក្នុងប្រទេសអ៊ីរ៉ង់ អ្នកនាំពាក្យក្រសួងការបរទេសអាមេរិកលោក Matthew Miller បានប្រាប់អ្នកយកព័ត៌មានក្នុងសន្និសីទនៅទីក្រុងវ៉ាស៊ីនតោនថា “ទេ! សហរដ្ឋអាមេរិកមិនមានជាប់ពាក់ព័ន្ធអ្វីទាំងអស់ ហើយការចោទប្រកាន់ដាក់អាមេរិក គឺជារឿងគួរឲ្យអស់សំណើចជាទីបំផុត។ ម្យ៉ាងវិញទៀត យើងក៏គ្មានហេតុផលត្រូវជឿថា អ៊ីស្រាអែល ជាប់ពាក់ព័ន្ធនឹងការផ្ទុះនេះដែរ”។
ស្របពេលជាមួយគ្នានោះ លោកថែមទាំងបដិសេធទៀតថា អាមេរិក ក៏គ្មានជាប់ពាក់ព័ន្ធឬដឹងមុនអ្វីដែរ អំពីការធ្វើឃាត អនុប្រធានក្រុមហាម៉ាសលោក Saleh al-Arouri និងមនុស្សប្រាំមួយនាក់ផ្សេងទៀតនៅជាយក្រុង បេរូត ប្រទេសលីបង់។
ទោះបីជាយ៉ាងណាក៏ដោយ មេដឹកនាំក្រុមហេសបូឡានិងហាម៉ាស ក៏ដូចជាមន្ត្រីសន្តិសុខលីបង់ សុទ្ធតែដាក់ការស្តីបន្ទោសទៅលើអ៊ីស្រាអែល ចំពោះការវាយប្រហារនេះ។
មេក្រុមហេសបូឡា លោក Hassan Nasrallah បានគំរាមខ្លាំងៗថា ក្រុមរបស់គាត់ មិនខ្លាចធ្វើសង្គ្រាមជាមួយអ៊ីស្រាអែលឡើយ ហើយថា ការវាយប្រហារណាមួយលើទឹកដីលីបង់ នឹងទទួលការឆ្លើយតបវិញដោយគ្មានមេត្តា។
ក្រុមហេសបូឡា បានហៅការបំផ្ទុះដោយយន្តហោះគ្មានមនុស្សបើក ដែលសម្លាប់លោក al-Arouri ថាជាការវាយប្រហារយ៉ាងធ្ងន់ធ្ងរលើទឹកដីលីបង់ ហើយប្តេជ្ញា មិនបណ្តោយឲ្យអ្នកនៅពីក្រោយរឿងនេះ រួចខ្លួនឡើយ។
ងាកទៅប្រទេសអ៊ីរ៉ង់ឯណោះវិញ មេដឹកនាំកំពូលលោក Ayatollah Ali Khamenei បានប្តេជ្ញាសងសឹកសត្រូវនិងឧក្រិដ្ឋជន ដែលនៅពីក្រោយការវាយប្រហារដ៏សាហាវបំផុតក្នុងប្រវត្តិសាស្ត្ររបស់សាធារណរដ្ឋឥស្លាម។
សូមបញ្ជាក់ ការផ្ទុះបណ្តាក់គ្នាចំនួន២លើក បានកើតឡើងនៅជិតទីបញ្ចុះសពនាភាគអាគ្នេយ៍ទីក្រុង Kerman ខណៈមនុស្សរាប់ម៉ឺននាក់ កំពុងប្រមូលផ្តុំគ្នាយ៉ាងកកកុញក្នុងពិធីរម្លឹកខួប៤ឆ្នាំនៃការធ្វើឃាត មេបញ្ជាការកំពូលអ៊ីរ៉ង់ Qassem Soleimani។
មេទ័ពអ៊ីរ៉ង់រូបនេះ ត្រូវបានសម្លាប់ក្នុងការវាយប្រហារដោយយន្តហោះគ្មានមនុស្សបើករបស់សហរដ្ឋអាមេរិកនៅឆ្នាំ២០២០ ហើយចាប់តាំងពីពេលនោះមក ស្ថានការណ៍តំបន់មជ្ឈិមបូព៌ា បានឡើងកម្តៅក្តៅដូចបាយពុះ៕
ប្រែសម្រួល៖ Vann Vann
ប្រភព៖ RT
ចុចអាន៖ អ៊ីរ៉ង់ ប្រកាសសងសឹក ក្រោយការបំផ្ទុះគ្រាប់បែក សម្លាប់មនុស្សជិត ១០០នាក់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ក្លិប Fenerbahce ពិចារណាដកខ្លួនពីលីគតួកគី ជុំវិញការវាយប្រហារលើកីឡាករ
ឆ្លងចរន្តអគ្គិសនី អេស្ការមួយគ្រឿងឆេះស្ទើរខ្ទេចទាំងស្រុង ខេត្តបាត់ដំបង
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ