តាមការផ្សាយរបស់ The Star, ជនជាតិអ៊ុយហ្គ័រទាំងពីរ ឈ្មោះ Yusufu Mieraili និង Bilal Mohammed ត្រូវបានកាត់ទោស លើបទចោទប្រកាន់ ឃាតកម្មគិតទុកជាមុន និងការប៉ុនប៉ងធ្វើឃាត។

តុលាការរកឃើញថា ពួកគេ មានតួនាទីក្នុងការដាក់គ្រាប់បែក បំផ្ទុះនៅទីសក្ការបូជា Erawan ស្ថិតចំកណ្តាលតំបន់ពាណិជ្ជកម្ម នៃទីក្រុងបាងកក កាលពីខែសីហា ឆ្នាំ២០១៥។

យោងតាមសេចក្តីប្រកាសរបស់តុលាការ, សកម្មភាពរបស់អ្នកទាំងពីរ បង្កើតបានជាបទល្មើសដាច់ដោយឡែកពីគ្នាជាច្រើន។ សាលក្រមនេះ រួមបញ្ចូលទាំងការផ្តន្ទាទោស ពីបទឃាតកម្មគិតទុកជាមុន ដែលនាំទៅដល់ការកាត់ទោសប្រហារជីវិត។

យ៉ាងណា លោក Choochat Kanpai មេធាវីតំណាងឲ្យជនជាប់ចោទម្នាក់ ក្នុងចំណោមអ្នកទាំងពីរ បានប្រាប់ក្រុមអ្នកយកព័ត៌មានថា ពួកគេនឹងប្តឹងឧទ្ធរណ៍ ប្រឆាំងសាលក្រមនេះ ក្នុងរយៈពេលមួយខែ។

សូមជម្រាបថា ការបំផ្ទុះគ្រាប់បែកនោះ គឺជាការវាយប្រហារភេរវកម្មដ៏សាហាវបំផុត ក្នុងប្រវត្តិសាស្ត្រថៃសម័យទំនើប។ ហេតុការណ៍ កើតឡើងនៅផ្លូវប្រសព្វ Ratchaprasong ថ្ងៃទី១៧ ខែសីហា ឆ្នាំ២០១៥ វេលាម៉ោងប្រហែល ៦:៥៥ នាទីល្ងាច ដែលជាពេលមមាញឹក មានមនុស្សច្រើនកកកុញ ពោលគឺជាម៉ោងចេញធ្វើការ។

ក្នុងការវាយប្រហារនោះ ភេរវករ បានប្រើគ្រាប់បែកកែច្នៃ ដែលមានផ្ទុកជាតិផ្ទុះ TNT ទម្ងន់ ៣ គីឡូក្រាម លាក់ទុកនៅក្នុងកាតាបស្ពាយ ហើយយកទៅដាក់នៅក្រោមបង់អង្គុយមួយ។ ក្នុងចំណោមមនុស្សស្លាប់ ក៏មានអ្នកមកពី ចិនដីគោក និងទីក្រុង ហុងកុងផងដែរ៕

អត្ថបទ៖ សុខ សុវណ្ណ

The post ថៃ កាត់ទោសប្រហារជីវិត ជនជាតិអ៊ុយហ្គ័រ ២នាក់ ពាក់ព័ន្ធការវាយប្រហារភេរវកម្មនៅបាងកក ឆ្នាំ២០១៥ appeared first on Kampuchea Thmey Daily.

Al Jazeera ចុះផ្សាយនៅថ្ងៃ ចន្ទ ទី ១១ ខែ ឧសភា ឆ្នាំ ២០២៦ ថា ជនបង្កប់រូបនេះ មានឈ្មោះ Erfan Shakurzadeh ត្រូវប្រហារជីវិតដោយព្យួរ.ក។ 

Erfan វ័យ ២៩ ឆ្នាំ គឺជា និស្សិតបញ្ចប់ការសិក្សា ថ្នាក់បរិញ្ញាបត្រ ផ្នែកវិស្វកម្មលំហអាកាស ហើយជាបុគ្គលិកបម្រើការងារ នៅអង្គការវិទ្យាសាស្ត្រមួយ ដែលពាក់ព័ន្ធនឹងប្រតិបត្តិការ ផ្កាយរណប។

រូបគេ ត្រូវបានចាប់ខ្លួនក្នុងឆ្នាំ២០២៥ ពីបទបញ្ជូនទិន្នន័យវិទ្យាសាស្ត្រសម្ងាត់ ទៅឲ្យភ្នាក់ងារចារកម្មបរទេស។

កាលពីចុងខែមេសា ទីក្រុង​តេហេរ៉ង់ ក៏ប្រហារជីវិតបុរសពីរនាក់ផងដែរ ក្រោម​ការ​ចោទប្រកាន់ដូចគ្នានេះ ដោយម្នាក់ឈ្មោះ Mohammad Masoum Shahi និងម្នាក់ទៀតឈ្មោះ Hamed Validi។

អ្នកទាំងពីរ ត្រូវបានតុលាការចោទប្រកាន់ថា ជាសមាជិកនៃបណ្តាញចារកម្មរបស់អ៊ីស្រាអែល និងធ្លាប់បានទទួលការបណ្តុះបណ្តាល នៅក្រៅប្រទេស រួមទាំងនៅតំបន់ Kurdistan នៃប្រទេសអ៊ីរ៉ាក់ ផងដែរ។

ពួកគេ ត្រូវបានផ្តន្ទាទោសពីបទ «ប្រឆាំងនឹងព្រះជាម្ចាស់» និងការចូលដៃ ជាមួយក្រុមសត្រូវ ជាពិសេសគឺរបប អ៊ីស្រាអែល៕

អត្ថបទ៖ សុខ សុវណ្ណ

The post អ៊ីរ៉ង់ ព្យួរ.ក មនុស្សម្នាក់ទៀត ដែលយកការណ៍ឲ្យ CIA និងចារកម្មអ៊ីស្រាអែល appeared first on Kampuchea Thmey Daily.

យ៉ាងណា ករណី​នេះ​ត្រូវ​បាន​គេ​ចែក​រំលែក​យ៉ាង​ទូលំទូលាយ​តាម​អ៊ីនធឺណិត។ ស្របពេលដែល ប្រព័ន្ធ​ផ្សព្វផ្សាយ​ធំៗក្នុងប្រទែសថៃ ​នៅ​មិន​ទាន់​បញ្ជាក់​ពី​លេខ​សំណុំ​រឿង និង​សាលក្រម​ពេញ​លេញ​នៅ​ឡើយ​ទេ។

ទាក់ទិននឹងរឿងរ៉ាវមួយនេះដែរ បានក្លាយជាប្រធានបទដែលត្រូវបានពិភាក្សាយ៉ាងទូលំទូលាយ នៅលើប្រព័ន្ធផ្សព្វផ្សាយសង្គមនាពេលបច្ចុប្បន្ន។ បន្ទាប់ពីទំព័រដ៏ពេញនិយមជាច្រើនរួមទាំង Nikki Chiserve បានបង្ហាញពីរឿងរ៉ាវរបស់នារីជនជាតិថៃ អាយុ ២៥ ឆ្នាំម្នាក់ ដែលត្រូវកាត់ទោសប្រហារជីវិតដោយតុលាការព្រហ្មទណ្ឌ។ ទោះ​ជា​យ៉ាង​ណា បន្ទាប់​ពី​ជន​ជាប់​ចោទ​បាន​សារភាព ការ​កាត់​ទោស​របស់​នាង​ ​ក៏បន្ថយ​មក​នៅ​ក្នុង​ពន្ធនាគារ​អស់​មួយ​ជីវិតវិញ។

មិនតែប៉ុណ្ណោះ ផ្អែកតាមរបាយការណ៍នៅលើប្រព័ន្ធផ្សព្វផ្សាយសង្គមបង្ហាញថា ស្ត្រីរូបនេះមានពិរុទ្ធពីបទប្រតិបត្តិការគណនីបញ្ឆោត ដែលពាក់ព័ន្ធនឹងការដកប្រាក់ឆ្លងដែនជាង ១,០០០ និងការស្គេនមុខ (បទចោទប្រកាន់) ដែលបណ្តាលឲ្យខាតបង់សរុបជាង ១ពាន់លានបាត (ជាង៣០លានដុល្លារ) ហើយការផ្តន្ទាទោសគឺស្មើនឹងមេក្លោងធំបំផុតនៅពីក្រោយករណីមួយនេះ។

ថ្វីដ្បិតតែបទល្មើសនេះកំពុងតែកក្រើកនៅក្នុងប្រទេសថៃ ក៏ប៉ុន្តែផ្អែកតាមការស៊ើបអង្កេតរបស់ក្រុមសារព័ត៌មានធំៗបានបង្ហាញថា រឿងនេះបានចុះផ្សាយដោយទំព័រព័ត៌មានដ៏ពេញនិយមដូចជា News 3 Miti កាលពីថ្ងៃទី ២៥ ខែកញ្ញា។ វាបានចែករំលែកយ៉ាងទូលំទូលាយ ប៉ុន្តែ មិនទាន់មានរបាយការណ៍ព័ត៌មានជាលាយលក្ខណ៍អក្សរពីបណ្តាញព័ត៌មានសំខាន់ៗត្រូវគេរកឃើញ ដោយបញ្ជាក់ពីព័ត៌មានលម្អិតសំខាន់ៗដូចជា លេខសំណុំរឿង កាលបរិច្ឆេទនៃសាលក្រមរបស់តុលាការ ឬសាលក្រមពេញលេញនូវឡើយ៕

អត្ថបទ៖ សាង ស្រីល័ក្ខ

ចុចអាន៖លោក ថាក់ស៊ីន ​ដាក់សំណើសុំ​លើក​លែង​ទោស ​ពី​ព្រះមហាក្សត្រ

The post សារព័ត៌មានថៃ៖ ស្ត្រី​​ថៃ​ដំបូង​គេ ត្រូវតុលាការកាត់​ទោស​ប្រហារ​ជីវិត appeared first on Kampuchea Thmey Daily.

តាមការផ្សាយរបស់ Al Jazerera នៅថ្ងៃចន្ទទី២៩ខែកញ្ញាឆ្នាំ២០២៥ បុរសម្នាក់នេះមានឈ្មោះ Bahman Choubi-asl។ រូបគេរងការចោទប្រកាន់ថា បានចូលមើលគម្រោងសំខាន់ៗរបស់អ៊ីរ៉ង់ ហើយប្រគល់ព័ត៌មានទៅឲ្យភ្នាក់ងារសម្ងាត់អ៊ីស្រាអែល Mossad ក្នុងអំឡុងកិច្ចប្រជុំនៅប្រទេសនានាដូចជាឥណ្ឌា អាមេនី និងអៀរឡង់។

អ្នកជំនាញផ្នែកទិន្នន័យរូបនេះ ត្រូវប្រហារជីវិតបន្ទាប់ពីតុលាការកំពូលអ៊ីរ៉ង់ ច្រានចោលបណ្តឹងឧទ្ធរណ៍របស់គាត់។

សូមជម្រាបជាថ្មី អ៊ីស្រាអែលបានបើកប្រតិបត្តិការដែនអាកាសមិនធ្លាប់មានពីមុនមក វាយប្រហារអ៊ីរ៉ង់ក្នុងខែមិថុនា ដោយបានសម្លាប់មេបញ្ជាការយោធាជាន់ខ្ពស់ជាច្រើនរូប និងអ្នកវិទ្យាសាស្ត្រនុយក្លេអ៊ែរជាង១០នាក់។

ជាការសងសឹក អ៊ីរ៉ង់បានបាញ់​មីស៊ីល និង​យន្តហោះ​គ្មាន​មនុស្ស​បើក ហើយក្រោយ​មក អ៊ីរ៉ង់ក៏​ប្តេជ្ញា​ថា​នឹង​កាត់​ទោស​នរណាក៏ដោយឲ្យតែរួមគំនិតជាមួយ​អ៊ីស្រាអែល។ ជាលទ្ធផល ជនជាតិអ៊ីរ៉ង់១០នាក់ត្រូវ ប្រហារជីវិតពីបទចារកម្មក្នុងរយៈពេលប៉ុន្មានខែចុងក្រោយនេះ៕

អត្ថបទ៖ សុខ សុវណ្ណ

ចុចអាន៖ អ៊ីរ៉ង់ ប្រហារជីវិតមនុស្ស៣នាក់ ព្រោះយកការណ៍ឲ្យ អ៊ីស្រាអែល

The post អ៊ីរ៉ង់ ព្យួរ.ក ចារបុរសសំខាន់បំផុតរបស់អ៊ីស្រាអែល appeared first on Kampuchea Thmey Daily.

តាមការចុះផ្សាយរបស់ Reuters នៅថ្ងៃពុធទី២៥ខែមិថុនាឆ្នាំ២០២៥, អ្នកទាំងបីមានឈ្មោះIdris Ali, Azad Shojai និង Rasoul Ahmad Rasoul ដែលពួកគេធ្វើការឲ្យភ្នាក់ងារចារកម្មអ៊ីស្រាអែល Mossad។

ការប្រហារជីវិតនេះធ្វើឡើងនៅទីក្រុង Urmia ភាគពាយព្យប្រទេសអ៊ីរ៉ង់ ស្ថិតនៅជាប់ព្រំដែនតួកគី។ ទោះបីជាយ៉ាងណាក៏ដោយ រដ្ឋាភិបាលទីក្រុងតេហេរ៉ង់ មិនបង្ហាញព័ត៌មានលម្អិតអំពីអ្នកទាំង៣នោះទេ។

ការប្រហារជីវិតនេះកើតឡើងចំពេលស្ថានការណ៍រវាងប្រទេសទាំងពីរនៅតែក្តៅ ទោះមានបទឈប់បាញ់ដែលសម្របសម្រួលដោយសហរដ្ឋអាមេរិកក៏ដោយ។

សូមជម្រាបថា ក្នុងអំឡុងសង្គ្រាមរយៈពេល១២ថ្ងៃ អ៊ីរ៉ង់ក៏បានចាប់ខ្លួនមនុស្ស៧០០នាក់ផងដែរ ដោយចោទប្រកាន់ថា មានទំនាក់ទំនងជាមួយអ៊ីស្រាអែល៕

អត្ថបទ៖ សុខ សុវណ្ណ

ចុចអាន៖ មន្ទីរបញ្ចកោណ៖ ការវាយប្រហាររបស់អាមេរិក មិនបានបំផ្លាញកម្មវិធីនុយក្លេអ៊ែរអ៊ីរ៉ង់ទេ

The post អ៊ីរ៉ង់ ប្រហារជីវិតមនុស្ស៣នាក់ ព្រោះយកការណ៍ឲ្យ អ៊ីស្រាអែល appeared first on Kampuchea Thmey Daily.

កាលពីថ្ងៃទី២៣ខែធ្នូឆ្នាំ២០២៤ លោកបៃដិន បានប្រកាសបន្ថយទោសចំពោះអ្នកជាប់ទោសប្រហារជីវិតចំនួន៣៧នាក់ក្នុងចំណោម៤០នាក់ ដោយបន្ថយមកនៅត្រឹមជាប់ពន្ធនាគារពេញមួយជីវិតវិញ។ ក្នុងចំណោមនោះ ក៏រួមមានទាំង​៩​នាក់​ដែល​បាន​សម្លាប់​អ្នក​ទោសដូច​គ្នានៅក្នុងគុក ៤នាក់​ជាប់​ទោស​ប្រហារ​ជីវិត​ពី​បទ​ប្លន់​ធនាគារ និង​ម្នាក់ ជាប់ទោសដោយសារ​សម្លាប់ឆ្មាំ​គុកផងដែរ។

ពាក់ព័ន្ធការសម្រេចចិត្តនេះ ធ្វើឲ្យលោកត្រាំ ខឹងសម្បានិងស្តីបន្ទោសចំៗទៅលោកបៃដិន ដោយស្តីឲ្យថា «បៃដិនទើបបន្ថយទោសឲ្យឃាតករអាមេរិកសាហាវបំផុត៣៧នាក់។ អ្នកសឹងតែមិនជឿថា បៃដិន បន្ថយទោសដល់មនុស្សដែលធ្វើរឿងបែបនេះ។ សាច់ញាតិនិងមិត្តភក្តិជនរងគ្រោះខូចចិត្តខ្លាំងណាស់ ពេលឮរឿងនេះ»។

លោកបន្តថា «ពេលខ្ញុំចូលកាន់អំណាច ខ្ញុំនឹងចេញបញ្ជាភ្លាមឲ្យក្រសួងយុត្តិធម៌ដាក់ទោសប្រហារជីវិតដើម្បីការពារគ្រួសារនិងកុមារអាមេរិកពីឃាតករ អ្នកប្រព្រឹត្តបទល្មើសរំលោភសេពសន្ថវៈ និង ពពួកបិសាចដែលប្រើអំពើហិង្សា។ យើងនឹងស្តារច្បាប់និងសណ្តាប់ធ្នាប់ប្រទេសឡើងវិញ»។

សូមបញ្ជាក់ថា ក្នុងអំឡុងពេលកាន់តំណែងអាណត្តិដំបូង លោក ត្រាំ បានចាប់ផ្តើមការប្រហារជីវិតសហព័ន្ធជាថ្មី បន្ទាប់ពីផ្អាកអស់ជិត២០ឆ្នាំ។ រដ្ឋាភិបាលលោក ត្រាំ បានអនុវត្តការប្រហារជីវិតអ្នកទោស១៣នាក់ ដែលនោះតួលេខ​ខ្ពស់គួរឲ្យកត់សម្គាល់ក្នុងប្រវត្តិសាស្រ្តសម័យទំនើប៕

អត្ថបទ៖ សុខ សុវណ្ណ

ចុចអាន៖ Greenland បង្កើនការ​ចំណាយ​វិស័យ​ការពារ​ជាតិ ក្រោយ ត្រាំ ប្រកាស​ចង់​ទិញយក

The post ត្រាំ ប្រកាសប្រហារជីវិតឃាតករ និងអ្នកប្រព្រឹត្តបទល្មើសរំលោភសេពសន្ថវៈ ពេលចូលកាន់តំណែង appeared first on Kampuchea Thmey Daily.

ក្នុងខែកញ្ញាឆ្នាំ២០២២ តុលាការក្នុងតំបន់ស្វយ័ត North Inner Mongolia រកឃើញថា លោក Li Jianping អាយុ៦៤ឆ្នាំ ដែលជាអតីត​លេខា​គណៈកម្មាធិការ​ការងារ​បក្ស​កុម្មុយនិស្ត​នៃ​តំបន់​អភិវឌ្ឍន៍​សេដ្ឋកិច្ចនិង​បច្ចេកវិទ្យា Hohhot មានពិរុទ្ធពីបទឧក្រិដ្ឋកម្ម រួមទាំងការស៊ីសំណូក, រឹបអូសយកថវិការដ្ឋ និងឃុបឃិតជាមួយក្រុមឧក្រិដ្ឋកម្ម ហើយគាត់ក៏ត្រូវកាត់ទោសប្រហារជីវិត។

លុះមកដល់ខែសីហាឆ្នាំនេះ គាត់​បានចាញ់បណ្តឹង​ឧទ្ធរណ៍។ សាលក្រមក៏​ត្រូវ​បាន​អនុម័ត​ដោយ​តុលាការ​ប្រជាជន​កំពូល​ចិន ហើយការប្រហារជីវិត បានធ្វើឡើងកាលពីថ្ងៃអង្គារ។

តុលាការកំពូលរកឃើញថា លោក Li បានយកប្រាក់ជាង១៩៧លានដុល្លារ ពីមូលនិធិក្រុមហ៊ុនរដ្ឋ ទៅប្រើមិនត្រឹមត្រូវតាមរយៈមធ្យោបាយបោកប្រាស់ ខណៈក្នុងនោះ មានប្រាក់ជាង៣៩.៦លានដុល្លារ មិនទាន់យកបានមកវិញនៅឡើយទេ។

លើសពីនេះ គាត់ថែមទាំងស៊ីសំណូកជាង ៧៩.២លានដុល្លារផងដែរ ហើយកិបកេងមូលនិធិរដ្ឋជាង ១៣៧លានដុល្លារទៀត។

សូមបញ្ជាក់ថា ចាប់តាំងពីអាណត្តិទី៣ក្នុងឆ្នាំ២០២២មក ប្រធានាធិបតីចិនលោក ស៊ី ជីនពីង បានបង្កើនយុទ្ធនាការប្រឆាំងអំពើពុករលួយដោយមិនយល់យោគឡើយ។ ជាក់ស្តែង មហាសេដ្ឋីនិងធនាគារិកជាច្រើននាក់ ត្រូវបានបណ្តេញចេញពីបក្ស ឬជាប់គុកក្នុងប្រតិបត្តិការបោសសម្អាតនេះ៕

អត្ថបទ៖ សុខ សុវណ្ណ

ចុចអាន៖ ជប៉ុន​ កាត់ទោសប្រហារជីវិតឃាត ក ម្នាក់ពីបទសម្លាប់រង្គាល

The post ចិន ប្រហារជីវិតអតីតមន្ត្រីកំពូលម្នាក់ ពីបទពុករលួយ ពាក់ព័ន្ធទឹកប្រាក់ ៤១២លានដុល្លារ appeared first on Kampuchea Thmey Daily.

កាល​ពី​ថ្ងៃ​អង្គារ ករណី​ប្រហារ​ជីវិត​ចុង​ក្រោយ បាន​ធ្វើ​ឡើងលើ​អ្នក​ទោស​ចំនួន ៤​នាក់ ដោយ​ក្នុង​នោះ ៣​នាក់​ពាក់ព័ន្ធ​នឹង​ការ​រត់ពន្ធ​គ្រឿងញៀន និង​ម្នាក់​ទៀត​​ករណី​ឃាតកម្ម។ បើ​គិត​ទាំង​ករណី​​ចុងក្រោយ​នេះ ការ​ប្រហារ​ជីវិត​​អ្នក​ទោស​របស់​អារ៉ាប៊ីសាអូឌីត នា​ឆ្នាំ​នេះ មាន​ចំនួន​សរុប ៣០៣​ករណី។

កាលពី​ឆ្នាំ​២០២៣ ទោស​ប្រហារ​ជីវិត​នៅ​អារ៉ាប៊ីសាអូឌីត បាន​ធ្វើ​ឡើង​ចំនួន ១៧០​ករណី និង​នៅ​ឆ្នាំ​២០២២ មាន ១៩៦​ករណី។

យោង​តាម​របាយការណ៍​ពី​អង្គការ​លើកលែង​ទោស​អន្តរជាតិ អារ៉ាប៊ីសាអូឌីត ជាប់​ចំណាត់ថ្នាក់​ទី​៣​ជា​ប្រទេស​ដែល​មាន​ការ​កាត់ទោស​ប្រហារ​ជីវិត​ច្រើន​ជាង​គេ​នៅ​​ឆ្នាំ​២០២៣ បន្ទាប់​ពី​​​ចិន និង​អ៊ីរ៉ង់។

រដ្ឋាភិបាល​អារ៉ាប៊ីសាអូឌីត ធ្លាប់​បាន​លើក​ឡើង​ថា ទោស​ប្រហារ​ជីវិត​ធ្វើ​ឡើង​ទាល់តែ​ចុងចោទ​ប្រព្រឹត្ត​បទ​ល្មើស​ធ្ងន់ធ្ងរ​បំផុត​ ហើយ​ការ​អនុវត្ត​​ការ​កាត់ទោស​​របៀប​នេះ គឺ​ចាំបាច់​​ខ្លាំង​ដើម្បី​រៀបចំ​សណ្ដាប់ធ្នាប់​​សាធារណៈ៕

ដោយ៖ ឈាង

The post អារ៉ាប៊ីសាអូឌីត ប្រហារ​ជីវិត​អ្នក​ទោស​ជាង ៣០០​នាក់​នៅ​ក្នុង​ឆ្នាំ​២០២៤ appeared first on Kampuchea Thmey Daily.