ព័ត៌មានអន្ដរជាតិ

ជប៉ុន កាត់ទោសប្រហារជីវិតឃាត ក ម្នាក់ពីបទសម្លាប់រង្គាល

បានផុស

៣ years មុន

នៅ

ថ្ងៃអង្គារ ២៦ កក្កដា ២០២២

ដោយ

រដ្ឋាភិបាលជប៉ុននៅថ្ងៃអង្គារនេះបានអនុវត្តការកាត់ទោសប្រហារជីវិតបុរសម្នាក់ដែលជាប់ចោទពីបទចាក់សម្លាប់រង្គាលកាលពី ១៤ ឆ្នាំមុននៅក្នុងសង្កាត់ផ្សារទំនើប Akihabara របស់ទីក្រុងតូក្យូ ។

ជនជាប់ចោទឈ្មោះ Kato Tomohiro ត្រូវបានចោទប្រកាន់ពីបទបើកឡានចូលទៅក្នុងហ្វូងអ្នកដើរទិញឥវ៉ាន់កាលពីខែមិថុនា ឆ្នាំ ២០០៨ ហើយបន្ទាប់មកចាក់អ្នកធ្វើដំណើរដោយមិនរើសមុខដែលបណ្ដាលឲ្យមនុស្ស ៧ នាក់ស្លាប់ និង ១០ នាក់ផ្សេងទៀតរងរបួស ។

Kato ត្រូវបានប្រហារជីវិតកាលពីព្រឹកថ្ងៃអង្គារនៅមន្ទីរឃុំឃាំងក្រុងតូក្យូ ជាកន្លែងដែលជនដៃដល់ត្រូវបានចាប់ដាក់គុក ខណៈក្នុងឆ្នាំ ២០១៥ តុលាការកំពូលបានច្រានចោលបណ្តឹងឧទ្ធរណ៍របស់ Kato និងបានបញ្ចប់ការកាត់ទោសប្រហារជីវិតដោយតុលាការជាន់ទាប ហើយចៅក្រមបាននិយាយថា ភាពធ្ងន់ធ្ងរនៃឧក្រិដ្ឋកម្មនេះមិនអាចបន្ធូរបន្ថយទោសបាននោះទេ ។

គួរបញ្ជាក់ថា វាជាការកាត់ទោសប្រហារជីវិតលើកទី ២ ហើយដែលធ្វើឡើងក្រោមរដ្ឋាភិបាលបច្ចុប្បន្នរបស់លោកនាយករដ្ឋមន្ត្រី Kishida Fumio ខណៈលើកទី ១ គឺនៅក្នុងខែធ្នូ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ភរិយាលោក Abe ឆ្លើយបែបណា រឿងឈរឈ្មោះបោះឆ្នោតជំនួសស្វាមី