ការប្រកាសដាក់ឱសានវាទនេះ នឹងចាប់ផ្ដើមអនុវត្ត​​ចាប់ពីថ្ងៃ​ទី​៣ ខែមិថុនា ឆ្នាំ២០២៦នេះតទៅ ក្នុងគោលបំណងរៀបចំសណ្តាប់ធ្នាប់សាធារណៈ លើកកម្ពស់សោភ័ណភាពទីក្រុង សម្រួលចរាចរណ៍ និងធានាសុវត្ថិភាពជូនប្រជាពលរដ្ឋ ខណៈបញ្ហាការរំលោភយកចិញ្ចើមផ្លូវសម្រាប់ធ្វើអាជីវកម្ម ឬសាងសង់សំណង់ផ្សេងៗ បានក្លាយជាបញ្ហាប្រឈមមួយដែលប៉ះពាល់ដល់ការធ្វើដំណើរ និងរបៀបរៀបរយក្នុងក្រុង។

លោក សុខ គង្គារ័ត្ន អភិបាលរងក្រុងដូនកែវ បានដាក់បទបញ្ជាយ៉ាងម៉ឺងម៉ាត់ដល់ក្រុមការងាររៀបចំសណ្តាប់ធ្នាប់ និងកម្លាំងមានសមត្ថកិច្ចពាក់ព័ន្ធទាំងអស់ ត្រូវអនុវត្តយុទ្ធនាការនេះដោយមានការទទួលខុសត្រូវខ្ពស់ ប្រកបដោយតម្លាភាព និងគោរពតាមនីតិវិធីរដ្ឋបាលជាធរមាន។

ជាមួយគ្នានេះ អាជ្ញាធរក្រុងបានណែនាំឱ្យក្រុមការងារចុះផ្សព្វផ្សាយ ពន្យល់ និងជូនដំណឹងដល់ប្រជាពលរដ្ឋ និងអាជីវករដែលបានប្រើប្រាស់ទីសាធារណៈខុសគោលការណ៍ ឱ្យយល់ដឹងអំពីផលប៉ះពាល់នៃការរំលោភចិញ្ចើមផ្លូវ ដូចជា ការកកស្ទះចរាចរណ៍ ការបាត់បង់សោភ័ណភាពទីក្រុង ការរាំងស្ទះដល់អ្នកថ្មើរជើង និងហានិភ័យសុវត្ថិភាពសាធារណៈ។

លោកអភិបាលរងក្រុងបានបញ្ជាក់ថា អាជ្ញាធរផ្តល់ឱកាសឱ្យម្ចាស់សំណង់ និងអាជីវករធ្វើការរុះរើដោយខ្លួនឯងក្នុងរយៈពេលយ៉ាងយូរមួយសប្តាហ៍ប៉ុណ្ណោះ។ ក្នុងករណីមិនអនុវត្តតាមការណែនាំ ឬបន្តរំលោភបំពានលើទ្រព្យសម្បត្តិ​សាធារណៈ រដ្ឋបាលក្រុងនឹងចាត់វិធានការរដ្ឋបាល និងអនុវត្តច្បាប់ជាធរមានដោយម៉ឺងម៉ាត់ ដោយមិនមានការយោគយល់ឡើយ។

មហា​ជនមើលឃើញថា ការរៀបចំសណ្តាប់ធ្នាប់លើចិញ្ចើមផ្លូវ និងផ្លូវសាធារណៈ មិនត្រឹមតែជួយធ្វើឱ្យទីក្រុងមានសោភ័ណភាពប៉ុណ្ណោះទេ ប៉ុន្តែថែមទាំងរួមចំណែកកាត់បន្ថយគ្រោះថ្នាក់ចរាចរណ៍ បង្កើនភាពងាយស្រួលក្នុងការធ្វើដំណើរ និងបង្កើតបរិយាកាសរស់នៅប្រកបដោយរបៀបរៀបរយ ស័ក្តិសមជាទីប្រជុំជនកណ្តាលនៃខេត្តតាកែវ។

រដ្ឋបាលក្រុងដូនកែវ ក៏បានអំពាវនាវដល់ប្រជាពលរដ្ឋ និងអាជីវករទាំងអស់ ចូលរួមសហការជាមួយអាជ្ញាធរ ដោយរុះរើសំណង់ និងសម្ភារដែលដាក់លើចិញ្ចើមផ្លូវដោយស្ម័គ្រចិត្ត ដើម្បីរួមគ្នាថែរក្សាសណ្តាប់ធ្នាប់ សោភ័ណភាព និងផលប្រយោជន៍រួមរបស់សហគមន៍ ឱ្យក្រុងដូនកែវកាន់តែមានភាពស្អាត របៀបរៀបរយ និងមានបរិស្ថានល្អប្រសើរសម្រាប់ការរស់នៅ និងការវិនិយោគនាពេលអនាគត៕

អត្ថបទ៖ វីរៈ

The post រដ្ឋបាលក្រុងដូនកែវ ដាក់ឱសានវាទ ១សប្តាហ៍ឲ្យអាជីវករ និងអ្នករំលោភចិញ្ចើមផ្លូវត្រូវរុះរើជាបន្ទាន់ ជៀសវាងការប្រើវិធានការក្ដៅ appeared first on Kampuchea Thmey Daily.

អភិបាលរងស្រុកអូរជុំ លោក នួន ប៊ូនថ បានប្រាប់កម្ពុជាថ្មីថា មុនពេលចេញសេចក្តីណែនាំនេះ រដ្ឋបាលស្រុកបានអញ្ជើញប្រជាពលរដ្ឋដែលបានសាងសង់សំណង់រំលោភលើចិញ្ចើមផ្លូវសាធារណៈមកចូលរួមកិច្ចប្រជុំ ដើម្បីជម្រាបអំពីផែនការអភិវឌ្ឍហេដ្ឋារចនាសម្ព័ន្ធនៅក្នុងមូលដ្ឋាន។ បន្ទាប់ពីកិច្ចប្រជុំ ប្រជាពលរដ្ឋបានឯកភាពរុះរើ ប៉ុន្តែស្នើសុំរយៈពេលបន្ថែមបន្តិច។

បើតាមលោក នួន ប៊ូនថ ការងារដាក់ប្រព័ន្ធលូនេះ នឹងអនុវត្តចាប់ពីស្ពានទី១ ដល់ស្ពានទី២ ដោយចាប់ផ្តើមបង្កប់លូតាមផ្លូវខាងកើតសិន បន្ទាប់មកបន្តទៅផ្លូវខាងលិច ព្រោះតំបន់នោះមានការកកស្ទះចរាចរណ៍ខ្លាំង។

តាមការបញ្ជាក់របស់រដ្ឋបាលស្រុក ទីតាំងដែលត្រូវរុះរើរួមមាន លំនៅឋាន តសំយ៉ាប តូបអាជីវកម្ម ឬរបង ដែលស្ថិតលើដីចំណីផ្លូវជាតិលេខ៧៨-៥ ចាប់ពីចំណុចក្លោងទ្វារចូលសាលាស្រុក រហូតដល់គល់ស្ពានទី២ ខាងកើតផ្លូវ ក្នុងទីប្រជុំជនស្រុកអូរជុំ។ ការរុះរើត្រូវអនុវត្តចាប់ពីថ្ងៃជូនដំណឹងនេះ រហូតដល់ថ្ងៃទី៨ ខែឧសភា ឆ្នាំ២០២៦ ដើម្បីចៀសាវាងការរាំងស្ទះដល់ដំណើរការកាយប្រឡាយ និងដាក់ប្រព័ន្ធលូ។

ជាមួយគ្នានេះ អាជ្ញាធរបានព្រមានថា ប្រសិនបើម្ចាស់លំនៅឋាន ឬម្ចាស់តូបមិនសហការរុះរើ នោះអាជ្ញាធរ និងមន្ត្រីជំនាញពាក់ព័ន្ធ នឹងចុះអនុវត្តការរុះរើដោយខ្លួនឯង ដោយមិនទទួលខុសត្រូវចំពោះការខូចខាតណាមួយឡើយ ហើយរាល់ការចំណាយនឹងជាបន្ទុករបស់ម្ចាស់សំណង់៕

ដោយ៖ ខៀវ ចាប

The post រដ្ឋបាលស្រុកអូរជុំ ដាក់កំហិតឱ្យពលរដ្ឋរុះរើសំណង់រំលោភផ្លូវសាធារណៈ ត្រឹមខែឧសភា ដើម្បីដាក់ប្រព័ន្ធលូ appeared first on Kampuchea Thmey Daily.

លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌឫស្សីកែវ បានដឹកនាំកម្លាំងគណៈបញ្ជាការឯកភាពរដ្ឋបាលខណ្ឌ ចុះអនុវត្តវិធានការរដ្ឋបាល ដោយប្រើប្រាស់គ្រឿងចក្រ រុះរើសំណង់អាណាធិបតេយ្យ នៅសង្កាត់ស្វាយប៉ាក ដែលបានសង់រំលោភលើដីចំណីផ្លូវសាធារណៈ។

អភិបាលខណ្ឌឫស្សីកែវបានបន្តថា អាជ្ញាធរមិនដែលចង់ប៉ះពាល់ការរស់ ក៏ដូចជាប្រកបអាជីវកម្មនោះរបស់ប្រជាពលរដ្ឋនោះឡើយ។ ហើយអាជ្ញាធរតែងធ្វើការណែនាំ និងប្រកាសប្រាប់ពលរដ្ឋជានិច្ច កុំអោយមានការសាងសង់រំលោភដីចំណីផ្លូវសាធារណៈ ដែលបង្កអោយបាត់បង់សោភ័ណភាព សណ្តាប់ធ្នាប់ដងផ្លូវ។ ហើយបើសិន ក្នុងលក្ខខណ្ឌណែនាំច្រើនដង នៅតែមិនចូលរួមសហការ អាជ្ញាធរ នឹង ប្រើប្រាស់វិធានការក្ដៅណាមួយ ក្នុងការអនុវត្តការរៀបចំសណ្ដាប់ធ្នាប់របៀបរៀបរយតាមដងផ្លូវសាធារណៈ។ ជាក់ស្តែង ចំពោះទីតាំងខាងលើនេះ ត្រូវបានអាជ្ញាធរសង្កាត់-ភូមិ ចុះណែនាំអោយរុះរើជាច្រើនលើក ច្រើនសារមកហើយ ទើបកម្លាំងគណៈបញ្ជាការឯកភាពរដ្ឋបាលខណ្ឌ សម្រេចអនុវត្តវិធានការរដ្ឋបាលនេះតែម្ដង។

ជាមួយគ្នានេះដែរ លោកអភិបាល នៅតែស្នើរសុំអោយប្រជាពលរដ្ឋទាំងអស់ នៅក្នុងមូលដ្ឋានខណ្ឌ សូមចូលរួមសហការក្នុងការរៀបចំសណ្ដាប់ធ្នាប់ របៀបរៀបរយ អនាម័យ និងបរិស្ថាន នៅតាមដងផ្លូវសាធារណៈ ជាពិសេសសូមបញ្ឈប់ជាបន្ទាន់នូវវប្បធម៌អន្ដរាគមន៍ណាមួយដោយមិនទំនងចំពោះការរំលោភយកដីចំណីផ្លូវសាធារណៈមកធ្វើជាប្រយោជន៍ផ្ទាល់ខ្លួន៕ អត្ថបទ ៖ រដ្ឋា

The post អភិបាលខណ្ឌឬស្សីកែវ ៖ ចំពោះពលរដ្ឋសាងសង់សំណង់ អនាធិបតេយ្យ ឬលក់ដូរ រំលោភចំណីផ្លូវ មិនស្តាប់តាមការណែនាំ អាជ្ញាធរ នឹងចាត់វិធានការក្តៅ appeared first on Kampuchea Thmey Daily.

ជាក់ស្ដែង​កាលពី​ព្រឹក​ថ្ងៃ​ទី ១២ ខែ​កុម្ភៈ ឆ្នាំ​ ២០២៦ កម្លាំង​សង្កាត់​ស្ទឹងមានជ័យ​ទី​ ២ ចុះ​ចែក​លិខិត​ជូន​ដំណឹង​ទុក​រយៈពេល​ឲ្យ ៧​ ថ្ងៃ ជូន​អាជីវករ​លក់ដូរ​ដែល​រំលោភ​លើដី​ចំណីផ្លូវ​សាធារណៈ​ ត្រូវ​រុះរើ និង​បញ្ឈប់​ជាបន្ទាន់​រាល់​ការ​លក់ដូរ​រំលោភ​លើ​ដី​ចំណី​ផ្លូវ​សាធារណៈ សណ្ដាប់ធ្នាប់​សាធារណៈ។

លោក ទូច សំអុល ចៅសង្កាត់​ស្ទឹងមានជ័យ​ទី​ ២ បានឲ្យដឹងថា ដោយ​អនុវត្ត​តាម​ការណែនាំ​ពី លោក សេង គន្ធ អភិបាល​ខណ្ឌ​មានជ័យ បាន​បញ្ជា​ឲ្យ​លោក ត្រូវ​ធ្វើ​យ៉ាងណា​រៀបចំ​សណ្ដាប់ធ្នាប់ ចំពោះ​អ្នក​លក់ដូរ​រំលោភ​ចំណី​ផ្លូវ​ទាំងអស់​នៅ​តាម​បណ្តោយ​ផ្លូវ​ ២១៧ (​ផ្លូវ​ចំការ​ដូង​) , ផ្លូវ​ ៣៧១, ផ្លូវ ៧៧BT(​ពី​ខ្លោងទ្វារវត្ត​អង្គ​ពោធិ៍​ញ្ញាណ​) , ផ្លូវ ១៩MC (​ភូមិ​ឫស្សី និង​ភូមិ​ឫស្សី​ ៣) , ផ្លូវ​ ៥MC (រោង​ចក្រ​បី​ជាន់​ភូមិ​ដំណាក់​ធំ ​៤) និង​គ្រប់​ផ្សារ​ក្រមួន ​ក្នុង​សង្កាត់​ស្ទឹងមានជ័យ​ទី​ ២។

លោក​ចៅសង្កាត់ ​បន្ត​ថា ពលរដ្ឋ​ដែល​លក់ដូរ​រំលោភ​ដី​ចំណីផ្លូវ​សាធារណៈ ពិសេស​ម្ចាស់​ទីតាំង ​, ម្ចាស់​តូប​ ហាម​មិន​ឲ្យ​លក់ដូរ មិន​អនុញ្ញាត​ឲ្យ​ដាក់​តាំង​លក់​ប៉ះពាល់​ផ្លូវ​សាធារណៈ​ឡើយ។ ដូច្នេះ សូម​ពលរដ្ឋ​បញ្ឈប់​ជាបន្ទាន់ ធ្វើការ​រុះរើ​សំណង់ តូប ស្លាក​ប៉ាណូ សម្ភារ និង​ទំនិញ​ផ្សេងៗ ចេញ​ដោយ​ខ្លួនឯង​លើ​ដី​ចំណី​ផ្លូវ​សាធារណៈ ដោយ​ទុក​រយៈពេល ៧​ ថ្ងៃ ចាប់​ពីថ្ងៃ​ជូនដំណឹង​នេះ​តទៅ។ ក្នុង​ករណី​មិន​ព្រម​អនុវត្ត​ទៅ​តាម​ខ្លឹមសារ​សេចក្ដីជូនដំណឹង​នេះ​ទេ រដ្ឋបាល​សង្កាត់​ស្ទឹង​មានជ័យ​ទី​ ២ នឹង​ចុះ​ចាត់​វិធានការ​រុះរើ​ចេញ​ឲ្យ​អស់ ដោយ​ពុំ​ទទួលខុសត្រូវ​រាល់​ការ​ខូចខាត​បាត់បង់​សម្ភារៈ​ដែល​មាន​នៅ​លើ​ទីតាំង​ខាងលើ​នេះ​ឡើយ។

លោក​ចៅសង្កាត់ ជឿជាក់​យ៉ាង​មុតមាំ​ថា បន្ទាប់ពី​ទទួល​បាន​នូវ​ឱសានវាទ​នេះ​ហើយ ប្រជាពលរដ្ឋ ក៏​ដូច​ជា​អាជីវករ នឹង​ភ្ញាក់​រលឹក​ចូលរួម​សហការ​គោរព​អនុវត្ត​តាម​សេចក្ដីជូនដំណឹង​នេះ ដោយ​ស្មារតី​ទទួលខុសត្រូវ​ខ្ពស់៕

អត្ថបទ ៖ រដ្ឋា

The post រដ្ឋបាលសង្កាត់ស្ទឹងមានជ័យទី ២ ទុករយៈពេល ៧ ថ្ងៃ ឲ្យអាជីវករលក់ដូររំលោភ ចំណីផ្លូវសាធារណៈបញ្ឈប់ជាបន្ទាន់ appeared first on Kampuchea Thmey Daily.

ស្ត្រីជាអាជីវករលក់ដូរតាមរទេះម្នាក់សុំមិនបញ្ចេញឈ្មោះបានរៀបរាប់ថា ពីដើមឡើយទីតាំងនេះមានប្រជាពលរដ្ឋ ក៏ដូចជាអាជីវករលក់ដូរបន្លែត្រីសាច់តាមកញ្ច្រែង ល្អី និងទរទេះរឺម៉ក បន្ទាប់ពីផ្សារសំបួរមាសបានបង្កើតឡើង។ ដោយមើលឃើញមានអ្នកលក់ដូរច្រើន ម្ចាស់ដីឡូត៍តម្រូវឲ្យអ្នកលក់ដូរត្រូវបង់ប្រាក់ប្រចាំខែក្នុងម្នាក់ពី៣០ ទៅ៤០ដុល្លារក្នុងមួយកន្លែង។ ស្ត្រីរូបនេះបន្ថែមថា បន្ទាប់ពីជោគជ័យក្នុងការប្រមូលលុយពីអាជីវករលក់ដូរ ម្ចាស់ដីឡូត៍ក៏បានសាងសង់ជារោងស័ង្កសី បែងចែកឲ្យក្រុមអាជីវករលក់ដូរ និងត្រូវបង់លុយក្នុងមួយកន្លែងចំនួន៦០ម៉ឺនរៀលក្នុងខែ ហើយត្រូវបង់ជាប្រចាំរៀងរាល់មួយខែម្ដង។

ក្រៅពីម្ចាស់ដីឡូត៍នេះ ស្តី្ររូបនេះក៏បញ្ជាក់ថា អ្នកលក់ដូរតាមកញ្ច្រែង ល្អី រទេះ រឺម៉ក នៅលើចិញ្ចើមផ្លូវទាំងអស់នៅតំបន់នេះ ក៏ត្រូវបង់ឲ្យម្ចាស់ដីដែលខ្លួនឈរលក់ដែរ ហើយរូបគាត់ផ្ទាល់ក៏ត្រូវបង់ឲ្យម្ចាស់ដីចំនួន២០ម៉ឺនរៀលក្នុងមួយខែៗ ខណៈការលក់ដូរមិនសូវដាច់ ចំណេញបន្តិចបន្ទួច ឆ្លៀតដកប្រាក់មួយចំនួនបង់ឲ្យម្ចាស់ដីដើម្បីបានលក់ដូរបន្ត។

លោកស្រី​ គឹម ញិប អភិបាលនៃគណៈអភិបាលខណ្ឌដង្កោ នៅព្រឹកថ្ងៃទី២៨ ខែមករា ឆ្នាំ២០២៦នេះ បានប្រាប់កម្ពុជាថ្មី ថា ករណីនេះលោកស្រីនឹងឲ្យអភិបាលរងខណ្ឌ និងអាជ្ញាធរសង្កាត់ចុះពិនិត្យ។ លោកស្រីអភិបាលខណ្ឌបញ្ជាក់ថា ពាក់ព័ន្ធករណីចំណីផ្លូវសាធារណៈ ក្នុងករណីរំលោភបំពានយក ឬក៏លួច សង្កាត់ខណ្ឌ មិនដែលអនុញ្ញាតនោះទេ ហើយបច្ចុប្បន្នជាយុទ្ធនាការរំដោះចិញ្ជើមផ្លូវសាធារណៈមកវិញ តែត្រូវធ្វើជាជំហ៊ានៗ។ លោកស្រី គឹម ញិប សង្កត់ធ្ងន់ថា បើសិនអាជ្ញាធររកឃើញថា មានការរំលោភចំណីផ្លូវសាធារណៈពិតមែន លោកនឹងឲ្យរុះរើចេញវិញ ដើម្បីរំដោះចិញ្ចើមរផ្លូវសាធារណៈ ក៏ដូចជាដងផ្លូវមកឲ្យប្រជាពលរដ្ឋធ្វើដំណើរវិញ៕

អត្ថបទ៖ សុខុម

The post ម្ចាស់ដីឡូត៍មួយនៅជិតផ្សារសំបួរមាសសង់​រោង​លើដីចំណីផ្លូវជួលឲ្យអាជីវករលក់ដូរមួយកន្លែង​៦០ម៉ឺនរៀលក្នុងមួយខែ appeared first on Kampuchea Thmey Daily.

ដោយ​អនុវត្ត​តាម​ផែនការ​ដឹកនាំ​របស់​លោក ឃឹម ស៊ុនសូដា អភិបាល នៃ​គណៈ​អភិបាល​ខណ្ឌ​កំបូល លោក ទ្រី ណារ៉េត អភិបាល​រង នៃ​គណៈ​អភិបាល​ខណ្ឌ​កំបូល បាន​ដឹកនាំ​មន្ត្រី​ការិយាល័យ​សាធារណការ ដឹកជញ្ជូន អនាម័យ បរិស្ថាន និង​សណ្ដាប់ធ្នាប់​សាធារណៈ និង​អាជ្ញាធរ​សង្កាត់ ភូមិ ចុះ​រៀបចំ​សណ្ដាប់ធ្នាប់ របៀបរៀបរយ​សាធារណៈ និង​ចែក​សេចក្ដីជូនដំណឹង ផ្សព្វផ្សាយ ណែនាំ​ដល់​ប្រជាពលរដ្ឋ និង​អាជីវករ​លក់ដូរ ដែល​សាងសង់​សំណង់ និង​ដាក់​ស្លាក​យីហោ​រំលោភ​លើ​ចំណី​ផ្លូវ​សាធារណៈ ឱ្យ​ធ្វើការ​រុះ​រើចេញ ដោយ​ឱ្យ​ដក​គម្លាត​ពី​ចេញពី​ផ្លូវ​សាធារណៈ​នៅ​តាម​បណ្ដោយ​បេតុង​ចូល​ភូមិ​ថ្មដា និង​ភូមិ​ស្ងួន​ពេជ្រ ស្ថិត​ក្នុង​ភូមិសាស្ត្រ​សង្កាត់​កន្ទោក ខណ្ឌ​កំបូល រាជធានី​ភ្នំពេញ។

អាជ្ញាធរ បញ្ជាក់​ថា ករណី​ប្រជាពលរដ្ឋ និង​អាជីវករ​លក់ដូរ មិន​អនុវត្ត​តាម​សេចក្ដីជូនដំណឹង ណែនាំ​ផ្សព្វផ្សាយ អាជ្ញាធរ នឹង​ចាត់​វិធានការ​តាម​ច្បាប់៕

អត្ថបទ ៖ សុខា

The post អាជ្ញាធរខណ្ឌកំបូល តម្រូវឱ្យអាជីវករលក់ដូរដាក់ស្លាកយីហោរំលោភលើ ចំណីផ្លូវសាធារណៈ រុះរើចេញ appeared first on Kampuchea Thmey Daily.

ក្នុងករណីអាជីវករមិនអនុវត្តតាមការណែនាំខាងលើ រដ្ឋបាលខណ្ឌនឹងអនុវត្តវិធានការតាមនីតិវិធីច្បាប់ និងអនុវត្តវិធានការរដ្ឋបាល ដោយមិនទទួលខុសត្រូវលើការខូចខាត ឬបាត់បង់សម្ភារ និងទ្រព្យសម្បត្តិឡើយ។ ការចេញសេក្កីជូនដំណឹងពីការរុះរើ តូប និងដាក់សម្ភារៈរំលោភចំនីផ្លូវសាធារណៈនេះ ធ្វើឡើងបន្ទាប់ពី រដ្ឋបាលខណ្ឌសែនសុខ ពិនិត្យឃើញថា ប្រជាពលរដ្ឋ និងអាជីវករមួយចំនួន បានសាងសង់ តូប និងដាក់សម្ភារផ្សេងៗលើចិញ្ចើមផ្លូវសម្រាប់ថ្មើរជើង នឹងប្រើប្រាស់ទ្រូងផ្លូវជាចំណតសម្រាប់កង់ ម៉ូតូ រថយន្ត។

តាមរយៈសេចក្តីជូនដំណឹង កាលពីថ្ងៃទី៥ ខែមករា ឆ្នាំ ២០២៦ របស់រដ្ឋបាលខណ្ឌសែនសុខ បានចាត់ទុកទង្វើសាងសង់តូប និងដាក់សម្ភារផ្សេងៗលើចិញ្ចើមផ្លូវសម្រាប់ថ្មើរជើង បានបង្ករការរំខានដល់សណ្តាប់ធ្នាប់សាធារណៈ ដែលបណ្ដាលឱ្យបាត់បង់សណ្ដាប់ធ្នាប់ របៀបរៀបរយ អនាម័យ បរិស្ថាន និងកកស្ទះចរាចរណ៍ប៉ះពាល់ដល់ ការធ្វើដំណើរបស់ប្រជាពលរដ្ឋទូទៅ។

ដូចនេះដើម្បីឱ្យមានសណ្តាប់ធ្នាប់ របៀបរៀបរយ អនាម័យ សោភ័ណភាពស្អាតល្អ និងសម្រួលដល់ការ ធ្វើចរាចរណ៍របស់ប្រជាពលរដ្ឋ រដ្ឋបាលខណ្ឌសែនសុខ សូមណែនាំឲ្យពលរដ្ឋដែលបាន និងកំពុងយកចិញ្ចើមផ្លូវ និងទ្រូងផ្លូវ ដើម្បីប្រកបអាជីវកម្ម ត្រូវធ្វើការរុះរើតូប និងយកចេញនូវសម្ភារផ្សេងៗ ដែលបានដាក់លើចំណីផ្លូវសាធារណៈឲ្យអស់។

រដ្ឋបាលខណ្ឌសែនសុខ មានជំនឿជឿជាក់យ៉ាងមុតមាំថា ប្រជាពលរដ្ឋទាំងអស់ ដែលបាននិង កំពុងប្រកបអាជីវកម្មនៅអមសងខាងបណ្ដោយផ្លូវខាងលិចមណ្ឌលសុខភាពទឹកថ្លា (ចាប់ពីមហាវិថីសហព័ន្ធរុស្ស៊ី រហូតដល់ផ្លូវរថភ្លើង) ចូលរួមអនុវត្តដោយស្មារតីទទួលខុសត្រូវខ្ពស់៕ អត្ថបទ៖ សំណាង

The post រដ្ឋបាលខណ្ឌសែនសុខទុកឱសាទវាទ៧ថ្ងៃ ឲ្យរុះរើតូបនិងសម្ភារផ្សេងៗ ចេញពីលើចិញ្ចើមផ្លូវ appeared first on Kampuchea Thmey Daily.

ការប្រមូលទិញផ្លែឈើនេះ គឺធ្វើឡើងនៅពេលលោកអភិបាលខណ្ឌដឹកនាំកម្លាំងចុះត្រួតពិនិត្យ និងរៀបចំសណ្តាប់ធ្នាប់នៅតំបន់ផ្សារច្រាំងចំរេះ និងផ្សារក្រមួនគីឡូម៉ែត្រលេខ៩ កាលពីព្រឹកថ្ងៃអង្គារ៍ ថ្ងៃទី២ ខែធ្នូ ឆ្នាំ២០២៥។

ក្រោយពីប្រមូលទិញផ្លែឈើ អាជ្ញាធរខណ្ឌឬស្សីកែវ ក៏អំពាវនាវឲ្យប្រជាពលរដ្ឋសហការយ៉ាងជិតស្និទ្ធក្នុងការរក្សាសណ្តាប់ធ្នាប់ និងរៀបចំបរិស្ថានឲ្យកាន់តែប្រសើរក្នុងមូលដ្ឋាន។ ការរៀបចំសណ្តាប់ធ្នាប់ និងរបៀបរៀបរយត្រូវបានអនុវត្តគ្រប់សង្កាត់ក្នុងមូលដ្ឋាន ដោយមានគោលដៅបង្កើតបរិស្ថានល្អ សុវត្ថិភាព និងអនាម័យសម្រាប់ប្រជាពលរដ្ឋ៕

អត្ថបទ៖ សំណាង

The post អភិបាលខណ្ឌឬស្សីកែវ ​ប្រមូលទិញផ្លែឈើពីអ្នកលក់រំលោភចំណីផ្លូវនៅតំបន់ផ្សារច្រាំងចំរេះដើម្បីបញ្ឈប់ការលក់ដូរលើផ្លូវសាធារណៈ appeared first on Kampuchea Thmey Daily.