ព័ត៌មានជាតិ

អាជ្ញាធរខណ្ឌកំបូល តម្រូវឱ្យអាជីវករលក់ដូរដាក់ស្លាកយីហោរំលោភលើ ចំណីផ្លូវសាធារណៈ រុះរើចេញ

បានផុស

៦ ខែ មុន

នៅ

ថ្ងៃអង្គារ ១៣ មករា ២០២៦

ដោយ

កាលពីរសៀលថ្ងៃទី ១២ ខែមករា ឆ្នាំ ២០២៦ អាជ្ញាធរខណ្ឌកំបូល បានធ្វើការចុះចែកសេចក្ដីជូនដំណឹង ផ្សព្វផ្សាយ ណែនាំដល់ប្រជាពលរដ្ឋ និងអាជីវករលក់ដូរ ដែលសាងសង់សំណង់ និងដាក់ស្លាកយីហោរំលោភលើចំណីផ្លូវសាធារណៈ ឱ្យរុះរើចេញវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយអនុវត្តតាមផែនការដឹកនាំរបស់លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល លោក ទ្រី ណារ៉េត អភិបាលរង នៃគណៈអភិបាលខណ្ឌកំបូល បានដឹកនាំមន្ត្រីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណៈ និងអាជ្ញាធរសង្កាត់ ភូមិ ចុះរៀបចំសណ្ដាប់ធ្នាប់ របៀបរៀបរយសាធារណៈ និងចែកសេចក្ដីជូនដំណឹង ផ្សព្វផ្សាយ ណែនាំដល់ប្រជាពលរដ្ឋ និងអាជីវករលក់ដូរ ដែលសាងសង់សំណង់ និងដាក់ស្លាកយីហោរំលោភលើចំណីផ្លូវសាធារណៈ ឱ្យធ្វើការរុះរើចេញ ដោយឱ្យដកគម្លាតពីចេញពីផ្លូវសាធារណៈនៅតាមបណ្ដោយបេតុងចូលភូមិថ្មដា និងភូមិស្ងួនពេជ្រ ស្ថិតក្នុងភូមិសាស្ត្រសង្កាត់កន្ទោក ខណ្ឌកំបូល រាជធានីភ្នំពេញ។