ត្បិតតែ FBI ខិតខំតាមដានរកតម្រុយពាក់ព័ន្ធភេរវករឈ្មោះ Shamsud-Din Jabbar នេះក៏ដោយ ប៉ុន្តែនៅទីបំផុត FBI ជឿជាក់ថា គាត់គ្មានជំនួយពីនរណាម្នាក់ឡើយ។ 

លោក Christopher Raia មកពីផ្នែកប្រឆាំងភេរវកម្មរបស់ FBI បាននិយាយថា «នេះគឺជាអំពើភេរវកម្ម។ នេះជាសកម្មភាពដែលមានការគិតទុកជាមុន និងជាទង្វើដ៏ព្រៃផ្សៃ។ ភេរវករមានផែនការវាយប្រហារធំជាងនេះ ដោយសម្លាប់មនុស្សឲ្យបានច្រើនតាមដែលអាចធ្វើទៅបាន ព្រោះគាត់មានដាក់ពង្រាយគ្រឿងផ្ទុះនៅច្រើនកន្លែង»។

មុនការវាយប្រហារប៉ុន្មានម៉ោង, Jabbar ក៏បានបង្ហោះវីដេអូចំនួន៥ឃ្លីបនៅលើគណនី Facebook​ របស់គាត់ផងដែរ ដោយប្រកាសគាំទ្រក្រុមរដ្ឋឥស្លាម។

ក្រោយហេតុការណ៍ដ៏រន្ធត់នេះ ប្រធានាធិបតីអាមេរិកលោក ចូ បៃដិន បានចេញមុខប្រកាសមិនអនុញ្ញាតឲ្យក្រុម ISIS មានវត្តមានលើទឹកដីអាមេរិកឡើយ ហើយមិនបណ្តោយឲ្យការវាយប្រហារបែបនេះនិងមនោគមវិជ្ជា យកឈ្នះអាមេរិកបាននោះទេ។ 

សូមបញ្ជាក់ជាថ្មី​ លោក Jabbar ជាអតីតយុទ្ធជនអាមេរិក មកពីរដ្ឋ Texas បានបើកការវាយប្រហារនៅផ្លូវ Bourbon សម្លាប់មនុស្ស១៤នាក់ និងបណ្តាលឲ្យជាង៣០នាក់ទៀតរងរបួស មុនពេលប៉ូលិសបាញ់សម្លាប់គាត់។

នេះគឺជាការវាយប្រហារបំផុសគំនិតដោយក្រុម IS ដែលផ្តាច់ជីវិតមនុស្សច្រើនបំផុតលើទឹកដីអាមេរិកនារយៈពេលប៉ុន្មានឆ្នាំចុងក្រោយ ហើយវាជាក្តីកង្វល់យ៉ាងធំ ដល់ថ្នាក់មន្ត្រីសហព័ន្ធ ចេញការព្រមានថា ក្រុមភេរវកម្មកំពុងងើបឡើងសាជាថ្មីហើយ៕

អត្ថបទ៖ សុខ សុវណ្ណ

ចុចអាន៖ ចូលឆ្នាំថ្មី អាមេរិក ផ្ទុះការវាយប្រហារភេរវកម្មផ្ទួនៗ ស្លាប់មនុស្សច្រើននាក់

The post FBI ជឿជាក់ ១០០%ថា ភេរវករវាយប្រហារនៅ New Orleans ធ្វើសកម្មភាពតែម្នាក់ឯងប៉ុណ្ណោះ appeared first on Kampuchea Thmey Daily.

ទាក់ទិននឹងរឿងរ៉ាវនេះដែរ ប្រធានាធិបតីបារាំងលោក Emmanuel Macron បានហៅហេតុការណ៍ដែលកើតឡើងនៅជិតប៉ម Eiffel ក្នុងទីក្រុងប៉ារីស ថាជា “ការវាយប្រហារភេរវកម្ម” ហើយលោកក៏បានផ្ញើសាររំលែកទុក្ខទៅកាន់ក្រុមគ្រួសាររបស់អ្នកទេសចរជនជាតិអាល្លឺម៉ង់ដែលបានបាត់បង់ជីវិតក្នុងហេតុការណ៍ដ៏គួរឲ្យស្អប់ខ្ពើមមួយនេះ ។

ទន្ទឹមនោះ រដ្ឋមន្ត្រីក្រសួងមហាផ្ទៃលោក Gerald Darmanin បាននិយាយនៅកន្លែងកើតហេតុក្បែរមាត់ទន្លេ Seine ថា ជនសង្ស័យត្រូវបានចាប់ខ្លួនភ្លាមៗ ក្រោយការវាយប្រហារភេរវកម្ម ហើយថែមទាំងបានសារភាពថា រូបគេបើកការវាយប្រហារនេះ ដោយសារមានការខឹងសម្បារយ៉ាងខ្លាំងចំពោះស្ថានភាពដែលកំពុងកើតឡើងនៅតំបន់ហ្គាហ្សា ជាពិសេសគឺស្លាប់បាត់បង់ជីវិតរបស់ពលរដ្ឋរាប់ម៉ឺននាក់នៅប៉ាឡេស្ទីន ។

ដោយឡែក លោករដ្ឋអាជ្ញា Jean-François Ricard បាននិយាយថា ជនសង្ស័យជាអ្នកកាន់សាសនាឥស្លាម ហើយរូបគេក៏ធ្លាប់បានសន្យាពីភក្ដីភាពចំពោះក្រុមរដ្ឋឥស្លាមជីហាដផងដែរ ។ ជន​សង្ស័យ​ត្រូវ​បាន​គេ​ដាក់​ឈ្មោះ​តាម​ប្រព័ន្ធ​ផ្សព្វផ្សាយ​បារាំង​ថា Armand R ជា​ជន​ជាតិ​បារាំង​កើត​ក្នុង​ប្រទេស​បារាំង ប៉ុន្តែមាន​ឪពុក​ម្តាយ​ជន​ជាតិ​អ៊ីរ៉ង់ ។

ស្របពេលជាមួយគ្នានេះ ប៉ូលិសបាននិយាយថា ជនសង្ស័យក៏ធ្លាប់មានទោសទាន់ជាប់ពន្ធនាគាររយៈពេល ៤ ឆ្នាំផងដែរពីបទរៀបចំផែនការវាយប្រហារស្រដៀងគ្នានេះ ប៉ុន្តែត្រូវបានដោះលែងវិញកាលពីឆ្នាំ ២០២០ ហើយជនសង្ស័យក៏កំពុងតាមដានការព្យាបាលបញ្ហាផ្លូវចិត្តផងដែរ ។

គួរបញ្ជាក់ថា ភាពចលាចលបែបនេះមិនមែនកើតឡើងតែក្នុងប្រទេសបារាំងនោះទេ ពោលប្រទេសផ្សេងៗនៅអឺរ៉ុបក៏កំពុងផ្ទុះបាតុកម្មប្រឆាំងនឹងអ៊ីស្រាអែលផងដែរ ពាក់ព័ន្ធទៅនឹងសង្គ្រាមទៅលើក្រុមប្រដាប់ប៉ាឡេស្ទីនហាម៉ាសដែលរហូតមកដល់ពេលនេះអូសបន្លាយពេលជិត ២ ខែទៅហើយ ៕

ប្រែសម្រួលដោយ ៖ ជីវ័ន្ត

ប្រភព ៖ Le Monde

ចុចអាន ៖ កងទ័ពអ៊ីស្រាអែល វាយលុកចូលទៅតំបន់ ហ្គាហ្សា ភាគខាងត្បូង

The post ផ្ទុះការវាយប្រហារភេរវកម្មនៅ បារាំង ជនសង្ស័យប្រើកាំបិត និងញញួរ​សម្លាប់មនុស្ស appeared first on Kampuchea Thmey Daily.

មិនត្រឹមប៉ុណ្ណឹង វាក៏បានធ្វើឲ្យពិភពលោក មានការផ្លាស់ប្តូរជាច្រើនផងដែររួមមាន៖

១. សង្គ្រាមអាមេរិក

ប្រធានាធិបតី George W. Bush បានប្រកាសសង្រ្គាមប្រភេទថ្មីដែលជា សង្រ្គាមសកលស្តីពីភេរវកម្ម ។ មួយខែបន្ទាប់ពីការវាយប្រហារ អាមេរិក និងសម្ព័ន្ធមិត្តរបស់ខ្លួន (រួមទាំងចក្រភពអង់គ្លេស) បានចូលលុកលុយ អាហ្វហ្គានីស្ថាន ដើម្បីបណ្តេញរបបតាលីបង់ ដែលកំពុងកាន់កាប់ក្រុមអាល់កៃដា និងប៊ីន ឡាដិន ។

នៅខែវិច្ឆិកា រដ្ឋធានី Kabul បានដួលរលំ ហើយមានវត្តមានរបស់អាមេរិករយៈពេល ២០ ឆ្នាំនៅ អាហ្វហ្គានីស្ថាន ។ ដល់ខែសីហា ឆ្នាំ ២០២១ ទាហានអាមេរិក និងសម្ព័ន្ធមិត្តបានដកខ្លួនចេញពីទីក្រុងកាប៊ុល ដែលនាំឱ្យសង្រ្គាមឈានដល់ទីបញ្ចប់ ប៉ុន្តែបានបង្កការខូចខាតចំនួន ៨ ពាន់ពាន់លានដុល្លារ និងស្លាប់ជិត ១ លាននាក់ ។

២. ការងើបឡើងនៃ ISIS

ក្នុងរយៈពេលពីរទសវត្សរ៍កន្លងមកនេះ វត្តមានរបស់អាមេរិកនៅមជ្ឈិមបូព៌ាបានផ្លាស់ប្តូរតុល្យភាពអំណាចក្នុងតំបន់ដែលបង្កឱ្យមានព្រឹត្តិការណ៍ដូចជា Arab Spring និងឈានទៅដល់ការងើបឡើងនៃ ISIS ផងដែរ ។ ក្រុម ISIS កើតចេញពីសំណល់នៃក្រុមអាល់កៃដានៅអ៊ីរ៉ាក់ ហើយបានទាញយកផលប្រយោជន៍ពីអស្ថិរភាពដែលកំពុងកើនឡើងនៅក្នុងតំបន់ដែលបណ្តាលមកពីការឈ្លានពានរបស់អាមេរិក ។

អាមេរិកបានដឹកនាំកងកម្លាំងប្រជាធិបតេយ្យស៊ីរី រួមជាមួយនឹងកងកម្លាំងសន្តិសុខអ៊ីរ៉ាក់ ដើម្បីរុញច្រាន ISIS ត្រឡប់មកវិញជាបណ្តើរៗ ហើយដណ្តើមយកទីក្រុង និងទីតាំងសំខាន់ៗមកវិញ ។

៣. ការរឹតបន្តឹងប្រព័ន្ធសន្តិសុខនៅអាកាសយានដ្ឋាន

ការត្រួតពិនិត្យប្រវត្តិបុគ្គលិកអាកាសយានដ្ឋានទាំងអស់បានក្លាយជាកាតព្វកិច្ច ។ សូម្បីអ្នកទៅក្បែរយន្តហោះតម្រូវឲ្យមានសំបុត្រអ្នកដំណើរ និងអត្តសញ្ញាណប័ណ្ណជាដាច់ខាត ។ ហើយត្រូវស្កេនពេញរាងកាយ មិនស្កេនជាមួយឧបករណ៍ដែកតូចដូចមុនឡើយ ។ ចំណែកឯទ្វារកាប៊ីនយន្ដហោះត្រូវបានចាក់សោ និងពង្រឹងបន្ថែម ខណៈការត្រួតពិនិត្យលើអ្នកដំណើរត្រូវបានពង្រឹងបន្ថែមដូចគ្នា ។

លើសពីនេះ អ្នកមិនអាចយកសារធាតុរាវច្រើនឡើងលើយន្តហោះទេ ហើយក៏មិនអាចឆ្លងកាត់កន្លែងត្រួតពិនិត្យអាកាសយានដ្ឋានដោយមិនដោះស្បែកជើង ខ្សែក្រវ៉ាត់ កុំព្យូទ័រយួរដៃ កាមេរ៉ា និង Ipad ផងដែរ ។ ដូច្នេះការត្រួតពិនិត្យតាមកន្លែងរួមទាំង កន្លែងដាក់ឥវ៉ាន់ បានក្លាយជារឿងធម្មតា ប៉ុន្តែគ្រប់យ៉ាងធ្វើឲ្យអ្នកដំណើរទទួលអារម្មណ៍រំខានជាខ្លាំង ។

៤. ការរើសអើងបានកើនឡើង

បន្ទាប់ពីព្រឹត្តិការណ៍ ៩/១១ មហាជននាំគ្នារើសអើងចំពោះសាសនាឥស្លាម និងមូស្លីម ទោះបីប្រធានាធិបតី Bush បាននិយាយថា “សង្រ្គាមរបស់យើងគឺប្រឆាំងនឹងអំពើអាក្រក់ មិនមែនប្រឆាំងនឹងសាសនាអ៊ីស្លាមទេ” ក៏ដោយ ។

៥. ការប្រមូលទិន្នន័យ និងការឃ្លាំមើលបានផ្លាស់ប្តូរ

មុន​ពេល​យន្តហោះ​បុក​មជ្ឈមណ្ឌល​ពាណិជ្ជកម្ម​ពិភពលោក តុល្យភាព​រវាង​ឯកជនភាព​ និង​សន្តិសុខ​ជាតិ​គឺស្មើគ្នាជាងបច្ចុប្បន្ន ។ អាមេរិកធានាថា ព្រឹត្តិការណ៍ ៩/១១ មិនអាចកើតឡើងម្តងទៀតទេ ដូច្នេះការប្រមូលទិន្នន័យបានក្លាយជារឿងធម្មតា ខណៈពេលរដ្ឋាភិបាលជុំវិញពិភពលោកចាប់ផ្តើមប្រមូលទិន្នន័យឯកជនពីមនុស្សរាប់ពាន់លាននាក់ ដើម្បីផលប្រយោជន៍សន្តិសុខជាតិ ។

សូមបញ្ជាក់ថា ការបំផ្លិចបំផ្លាញមជ្ឈមណ្ឌលពាណិជ្ជកម្មពិភពលោក និងហេដ្ឋារចនាសម្ព័ន្ធដែលនៅក្បែរនោះបានបង្កផលប៉ះពាល់យ៉ាងធ្ងន់ធ្ងរដល់សេដ្ឋកិច្ចទីក្រុងញូវយ៉ក និងជះឥទ្ធិពលយ៉ាងខ្លាំងដល់ទីផ្សារពិភពលោក ៕

ប្រែសម្រួល៖ វារី

ប្រែសម្រួល៖ history

ចុចអាន៖ រឿងរ៉ាវ នៃការវាយប្រហារភេរវកម្ម លើអគារពាណិជ្ជកម្មនៅអាមេរិក ថ្ងៃទី១១ ខែកញ្ញា

The post ៥ យ៉ាង ពិភពលោកបានផ្លាស់ប្តូរ ក្រោយការវាយប្រហារភេរវកម្មថ្ងៃ១១ ខែកញ្ញា appeared first on Kampuchea Thmey Daily.

ការវាយប្រហារនៅមជ្ឈមណ្ឌលពាណិជ្ជកម្មពិភពលោកក្នុងសហរដ្ឋអាមេរិក បានឆក់យកអាយុជីវិតមនុស្សជិត ៣,០០០ នាក់ និងជាង ៦,០០០ នាក់រងរបួស ហើយវាជាការវាយប្រហារមួយ ក្រោមការដឹកនាំអាណត្តិដំបូងរបស់ប្រធានាធិបតីអាមេរិកទី ៤៣ លោក George W. Bush។

ការវាយប្រហារនៅព្រឹកថ្ងៃទី១១ខែកញ្ញា ឬគេហៅថា ព្រឹត្តិការណ៍ ៩/១១ គឺជាការវាយប្រហារភេរវកម្មបណ្តាក់គ្នាចំនួន៤លើក ដោយក្រុមភេរវករឥស្លាមអាល់កៃដា ប្រឆាំងនឹងសហរដ្ឋអាមេរិក។ ការវាយប្រហារនោះ បណ្តាលឲ្យមានមនុស្សស្លាប់ចំនួន២,៩៧៧នាក់ របួសជាង២៥,០០០នាក់ និងបង្កបញ្ហាសុខភាពរយៈពេលវែង។ លើសពីនេះ មានការខូចខាតហេដ្ឋារចនាសម្ព័ន្ធនិងទ្រព្យសម្បត្តិគិតជាទឹកប្រាក់យ៉ាងហោចណាស់ ១០ពាន់លានដុល្លារ។

៩/១១ គឺជាការវាយប្រហារភេរវកម្មដែលសម្លាប់មនុស្សច្រើនបំផុត ក្នុងប្រវត្តិសាស្ត្រមនុស្សនិងជាហេតុការណ៍មានអ្នកពន្លត់អគ្គិភ័យនិងមន្រ្តីអនុវត្តច្បាប់ ស្លាប់ច្រើនបំផុតនៅក្នុងប្រវត្តិសាស្ត្រសហរដ្ឋអាមេរិក ដោយអ្នកពន្លត់អគ្គិភ័យចំនួន៣៤៣នាក់បានស្លាប់ និងមន្រ្តីអនុវត្តច្បាប់៧២នាក់ស្លាប់។

យន្តហោះដឹកអ្នកដំណើរចំនួន៤គ្រឿង បានចាកចេញពីអាកាសយានដ្ឋាននៅភាគឦសានសហរដ្ឋអាមេរិកឆ្ពោះរដ្ឋ California ប៉ុន្តែយន្តហោះទាំងនោះត្រូវបានប្លន់ដោយភេរវករអាល់កៃដាចំនួន១៩នាក់។

យន្ដហោះពីរគ្រឿងដែលមួយជាជើងហោះហើរលេខ១១របស់ក្រុមហ៊ុនអាកាសចរណ៍ American Airlines និងមួយទៀតជាជើងហោះហើរលេខ១៧៥របស់ក្រុមហ៊ុន United Airlines បានហោះបុកអគារមជ្ឈមណ្ឌលពាណិជ្ជកម្មពិភពលោកចំខាងជើង និងខាងត្បូង ក្នុងសង្កាត់ Manhattan ខណៈក្នុងរយៈពេលមួយម៉ោងនិង៤២នាទី អគារកម្ពស់១១០ជាន់ទាំងពីរបានបាក់រលំ។

យន្ដហោះទី៣ ជាជើងហោះហើរលេខ៧៧របស់ក្រុមហ៊ុនអាកាសចរណ៍ American Airlines បានបុកមន្ទីរបញ្ចកោណក្នុងតំបន់ Arlington នៃរដ្ឋ Virginia ដែលបណ្តាលឲ្យបាក់ផ្នែកខាងលិចនៃអគារ ហើយយន្តហោះទី៤ ជាជើងហោះហើរលេខ៩៣របស់ក្រុមហ៊ុន United Airlines ដំបូងឡើយហោះឆ្ពោះទៅកាន់ទីក្រុងវ៉ាស៊ីនតោនឌីស៊ី ប៉ុន្តែបានធ្លាក់នៅវាលមួយក្នុងទីក្រុង Stonycreek នៃរដ្ឋ Pennsylvania បន្ទាប់ពីអ្នកដំណើរតតាំងជាមួយភេរវករ។

ភ្លាមៗនោះ ការសង្ស័យបានធ្លាក់ទៅលើក្រុមអាល់កៃដា។ សហរដ្ឋអាមេរិកបានឆ្លើយតបវិញដោយចាប់ផ្តើមសង្គ្រាមប្រឆាំងភេរវកម្មនិងលុកលុយប្រទេសអាហ្វហ្គានីស្ថាន ដើម្បីលុបបំបាត់ក្រុមតាលីបង់ដែលមិនបានគោរពតាមការទាមទាររបស់សហរដ្ឋអាមេរិកឲ្យបណ្តេញក្រុមអាល់កៃដាចេញពីប្រទេសអាហ្វហ្គានីស្ថាន និងធ្វើបត្យាប័នមេដឹកនាំរបស់ពួកគេគឺលោក អូសាម៉ាប៊ីនឡាដិន។

ចាប់តាំងពីពេលនោះមក ប្រទេសជាច្រើនបានពង្រឹងច្បាប់ប្រឆាំងអំពើភេរវកម្មរបស់ពួកគេ ហើយពង្រីកអំណាចនៃមន្ត្រីអនុវត្តច្បាប់និងភ្នាក់ងារស៊ើបការណ៍សម្ងាត់ដើម្បីទប់ស្កាត់ការវាយប្រហារភេរវកម្ម។

ថ្វីបើពីដំបូងឡើយ ប៊ីនឡាដិន បដិសេធការពាក់ព័ន្ធណាមួយក៏ដោយ ប៉ុន្តែនៅឆ្នាំ២០០៤ គាត់បានអះអាងទទួលខុសត្រូវចំពោះការវាយប្រហារនោះ។ ក្រុមអាល់កៃដា និងលោក ប៊ីនឡាដិន បានលើកឡើងពីការគាំទ្ររបស់សហរដ្ឋអាមេរិកលើប្រទេសអ៊ីស្រាអែល, វត្តមានរបស់កងទ័ពសហរដ្ឋអាមេរិកនៅអារ៉ាប៊ីសាអូឌីត និងការដាក់ទណ្ឌកម្មប្រឆាំងអ៊ីរ៉ាក់ ថាជាហេតុផលនៃការវាយប្រហារ។ ក្រោយរត់គេចពីការចាប់ខ្លួនអស់រយៈពេលជិតមួយទសវត្សរ៍ ប៊ីនឡាដិន ត្រូវបានគេរកឃើញនៅក្នុងប្រទេសប៉ាគីស្ថាន នាឆ្នាំ២០១១ ហើយសម្លាប់ក្នុងអំឡុងការវាយឆ្មក់របស់យោធាសហរដ្ឋអាមេរិក។

ការបំផ្លិចបំផ្លាញមជ្ឈមណ្ឌលពាណិជ្ជកម្មពិភពលោក និងហេដ្ឋារចនាសម្ព័ន្ធដែលនៅក្បែរនោះបានបង្កផលប៉ះពាល់យ៉ាងធ្ងន់ធ្ងរដល់សេដ្ឋកិច្ចទីក្រុងញូវយ៉ក និងជះឥទ្ធិពលយ៉ាងខ្លាំងដល់ទីផ្សារពិភពលោក។

Wall Street ត្រូវបិទរហូតដល់ថ្ងៃទី១៧ខែកញ្ញាឆ្នាំ២០០១ ហើយដែនអាកាសស៊ីវិលរបស់សហរដ្ឋអាមេរិកនិងកាណាដា ត្រូវបិទរហូតដល់ថ្ងៃទី១៣ខែកញ្ញាឆ្នាំ២០០១។ ការបោសសម្អាតទីតាំងមជ្ឈមណ្ឌលពាណិជ្ជកម្មពិភពលោកត្រូវបានបញ្ចប់នៅខែឧសភាឆ្នាំ២០០២ ហើយមន្ទីរបញ្ចកោណត្រូវបានជួសជុលក្នុងរយៈពេលមួយឆ្នាំ។ ការស្ថាបនាមជ្ឈមណ្ឌលពាណិជ្ជកម្មពិភពលោកបានចាប់ផ្តើមនៅខែវិច្ឆិកា២០០៦ហើយអគារនេះបានបើកនៅខែវិច្ឆិកាឆ្នាំ២០១៤៕

អត្ថបទ៖ Vann Vann

ចុចអាន៖ ២០ឆ្នាំនៅតែឈឺចាប់៖ ជីកកកាយ មូលហេតុដែល អាល់កៃដា វាយប្រហារភេរវកម្ម លើ អាមេរិក

The post រឿងរ៉ាវ នៃការវាយប្រហារភេរវកម្ម លើអគារពាណិជ្ជកម្មនៅអាមេរិក ថ្ងៃទី១១ ខែកញ្ញា appeared first on Kampuchea Thmey Daily.

ការ​វាយ​ប្រហារ​នេះ​បាន​កើត​ឡើង​នៅ​សង្កាត់ Neve Yaakov នៃទី​ក្រុងហ្ស៊េរុយសាឡិម ក្នុង​ទឹកដី​ដែល​អាជ្ញាធរ​ប៉ាឡេស្ទីនទាមទារ។ មនុស្សចំនួន​៥​នាក់ ​ត្រូវ​បាន​គេ​បញ្ជាក់​ថា ​ស្លាប់​នៅ​កន្លែង​កើតហេតុខណៈ អ្នក​របួស​៥​នាក់​ត្រូវ​បាន​បញ្ជូន​ទៅ​​មន្ទីរពេទ្យ​ក្នុង​តំបន់ ជាមួយ​ស្ថានភាព​ធ្ងន់ធ្ងរ។

ប៉ូលិសបានកំណត់អត្តសញ្ញាណអ្នកវាយប្រហារថាមានឈ្មោះ Fadi Ayesh ជាសមាជិកក្រុមហាម៉ាស រស់នៅក្នុងសង្កាត់ Shuafat ភាគខាងកើតទីក្រុងហ្ស៊េរុយសាឡិម។ ក្រោយបាញ់ប្រហារ ខ្មាន់កាំភ្លើងបានរត់ទៅកាន់សង្កាត់ Beit Hanina របស់ប៉ាឡេស្ទីន។

ការវាយប្រហារនេះ កើតឡើងបន្ទាប់ពីពិធីបុណ្យសពរបស់ជនជាតិប៉ាឡេស្ទីនចំនួន៩នាក់ដែលត្រូវបានសម្លាប់ក្នុងការប៉ះទង្គិចគ្នាជាមួយកងទ័ពអ៊ីស្រាអែល នៅជំរំជនភៀសខ្លួនក្នុងទីក្រុង Jenin នៅក្នុងអ្វីដែលសារព័ត៌មាន AP ពណ៌នាថា ជាការវាយឆ្មក់នៅ West Bank ដ៏សាហាវបំផុតក្នុងរយៈពេលជាច្រើនឆ្នាំមកនេះ។

បន្ទាប់ពីការប្រយុទ្ធគ្នាកាលពីថ្ងៃព្រហស្បតិ៍ ក្រុមសកម្មប្រយុទ្ធប៉ាឡេស្ទីននៅតំបន់ហ្គាហ្សា បានបាញ់រ៉ុកកែតចូលប្រទេសអ៊ីស្រាអែល ខណៈយោធាអ៊ីស្រាអែល បានបើកការវាយប្រហារតាមអាកាស ប្រឆាំងនឹងតំបន់ជុំវិញនោះវិញ៕

ប្រែសម្រួល៖ Vann Vann

ប្រភព៖ RT

ចុចអាន៖ អ៊ីស្រាអែល និងប៉ាឡេស្ទីន ឈានដល់កិច្ចព្រមព្រៀងឈប់បាញ់គ្នា

The post ការវាយប្រហារភេរវកម្មនៅ ហ្ស៊េរុយសាឡិម សម្លាប់មនុស្ស៨នាក់ appeared first on Kampuchea Thmey Daily.

ការវាយប្រហារនេះ ជាស្នាដៃរបស់ក្រុមជ្រុលនិយមនិកាយ ហើយត្រូវបានគេហៅថាជា “ប្រតិបត្តិការភេរវកម្ម”។

ការវាយប្រហារនេះ កើតឡើងនៅទីសក្ការបូជា Shahcheragh អំឡុងពេលល្ងាច ខណៈអ្នកធ្វើធម្មយាត្រា កំពុងទស្សនាកន្លែងដ៏ពិសិដ្ឋរបស់និកាយស៊ីអ៊ីត។ ខ្មាន់កាំភ្លើងបានបើកការបាញ់ប្រហារដោយប្រើកាំភ្លើង Kalashnikov បន្ទាប់ពីចូលទៅក្នុងទីធ្លានៃទីសក្ការៈនេះ។

ស្ត្រី​ម្នាក់​និង​កុមារ​ពីរ​នាក់ ​ស្ថិត​ក្នុង​ចំណោម​ជន​រង​គ្រោះ ហើយ​ខ្មាន់​កាំភ្លើង​ពីរ​នាក់ ​ត្រូវ​បាន​ចាប់​ខ្លួន។ អាជ្ញាធរអ៊ីរ៉ង់ កំពុងតាមរកខ្មាន់កាំភ្លើងទី៣។

ប្រភព​ព័ត៌មាន​អ៊ីរ៉ង់​ជា​ច្រើន​បាន​ហៅ​ការ​វាយ​ប្រហារ​នេះ ​ថា​ជា​ប្រតិបត្តិការ​ភេរវករ ដោយ​ពួក​ជ្រុល​និយម “Takfiri”។ ពាក្យនេះគឺសំដៅទៅលើក្រុមឥស្លាមនិកាយស៊ុននី ដែលកំណត់គោលដៅហិង្សាលើគូប្រជែងជានិកាយផ្សេង។

ការវាយប្រហារកាលពីថ្ងៃពុធ បានកើតឡើងខណៈប្រទេសអ៊ីរ៉ង់ កំពុងប្រឈមមុខនឹងការតវ៉ាទូទាំងប្រទេស ដែលបានផ្ទុះឡើងបន្ទាប់ពីការស្លាប់របស់ Masha Amini អាយុ ២២ ឆ្នាំនៅក្នុងការឃុំឃាំងរបស់ប៉ូលិសកាលពីខែមុន។

អាជ្ញាធរ​អ៊ីរ៉ង់​​និយាយ​ថា នាង​ស្លាប់ដោយសារបញ្ហាសុខភាព ខណៈ​សមាជិក​គ្រួសារ​អះអាង​ថា នាង​ត្រូវ​បាន​គេ​វាយ​រហូត​ដល់​ស្លាប់៕

ប្រែសម្រួល៖ Vann Vann

ប្រភព៖ RT

ចុចអាន៖ របាយការណ៍ថ្មី៖ អ៊ីរ៉ង់ យល់ព្រមផ្គត់ផ្គង់មីស៊ីល និងដ្រូន បន្ថែមទៀត ទៅឲ្យ រុស្ស៊ី

The post ការវាយប្រហារ​ភេរវកម្ម​នៅអ៊ីរ៉ង់ សម្លាប់​មនុស្ស​ ១៥​នាក់​ appeared first on Kampuchea Thmey Daily.

ក្រសួង​បាន​ពន្យល់​ថា ជន​សង្ស័យ​ពីរ​នាក់​ត្រូវ​បាន​សម្លាប់​នៅ​នឹង​កន្លែង ​ក្នុង​ការ​បាញ់​សង​សឹក។ គេត្រូវបានកំណត់ថាជា “ពលរដ្ឋក្នុងប្រទេសដែលជាសមាជិកនៃរដ្ឋឯករាជ្យ Commonwealth (CIS)”។

CIS រួមមានអតីតសាធារណរដ្ឋសូវៀតភាគច្រើន លើកលែងតែរដ្ឋបាល់ទិក អ៊ុយក្រែន ហ្សកហ្ស៊ី និងតូមិននីស្ថានប៉ុណ្ណោះ។

ទោះបីជាយ៉ាងណាក៏ដោយ យោធារុស្ស៊ី មិនបានផ្តល់ព័ត៌មានលម្អិតបន្ថែមអំពីឧបទ្ទវហេតុ ឬអត្តសញ្ញាណជនវាយប្រហារនោះទេ។

យោងតាមកាសែត ​​RIA Novosti, អ្នកទាំងពីរ បានបើកការបាញ់ប្រហារទៅលើ អ្នកប្រយុទ្ធស្ម័គ្រចិត្តមួយក្រុមអំឡុងពេលហ្វឹកហាត់នៅកន្លែងបាញ់កាំភ្លើង ត្រៀមចេញទៅប្រយុទ្ធនៅ អ៊ុយក្រែន។

ព័ត៌មានកាលពីថ្ងៃសៅរ៍ បានកើតឡើងចំពេលមានការកែនទ័ពនៅក្នុងប្រទេសរុស្ស៊ី។ កាលពីដើមសប្តាហ៍នេះ ប្រធានាធិបតីរុស្ស៊ីលោក វ្ល៉ាឌីមៀរ ពូទីន និយាយថា ទាហានបម្រុងជាង ២០ម៉ឺននាក់ ត្រូវបានហៅមកបំពាក់អាវុធ ជាផ្នែកនៃដំណើរការនេះ ខណៈពួកគេភាគច្រើននៅតែទទួលការបណ្តុះបណ្តាល៕

ប្រែសម្រួល៖ Vann Vann

ប្រភព៖​ RT

ចុចអាន៖ រុស្ស៊ី ព្រមានផ្ទុះសង្គ្រាមលោកលើកទី៣ បើ អ៊ុយក្រែន ចូល ណាតូ

The post ផ្ទុះអំពើភេរវកម្មនៅរុស្ស៊ី សម្លាប់ទាហានស្ម័គ្រចិត្តត្រៀមចេញទៅប្រយុទ្ធនៅ អ៊ុយក្រែន appeared first on Kampuchea Thmey Daily.

នៅរសៀលថ្ងៃចន្ទទី០៥ខែកញ្ញានេះ សារព័ត៌មាន RT បានរាយការណ៍ថា ការវាយប្រហារភេរវកម្មមួយ បានកើតឡើងនៅក្បែរ ស្ថានទូតរុស្ស៊ី ក្នុងទីក្រុង កាប៊ុល។

ការផ្ទុះនេះកើតឡើងនៅជិតច្រកទ្វារស្ថានទូត ខណៈមនុស្សកំពុងតម្រង់ជួរដើម្បីសុំទិដ្ឋាការ។

យោងតាមប៉ូលិសក្នុងតំបន់, ជនសង្ស័យគឺជាអ្នកបំផ្ទុះគ្រាប់បែកអត្តឃាត ហើយត្រូវបានបាញ់សម្លាប់ដោយឆ្មាំតាលីបង់៕

ប្រែសម្រួល៖ Vann Vann

ប្រភព៖ RT

ចុចអាន៖ ផ្ទុះការវាយប្រហារភេរវកម្ម ក្បែរស្ថានទូតរុស្ស៊ី ក្នុងទីក្រុង កាប៊ុល

The post រុស្ស៊ី បញ្ជាក់ថា បុគ្គលិកការទូត ២នាក់ ស្លាប់ ក្នុងការបំផ្ទុះនៅ កាប៊ុល appeared first on Kampuchea Thmey Daily.