ព័ត៌មានអន្ដរជាតិ
ការវាយប្រហារភេរវកម្មនៅអ៊ីរ៉ង់ សម្លាប់មនុស្ស ១៥នាក់
ទីភ្នាក់ងារសារព័ត៌មានរដ្ឋ IRNA បានរាយការណ៍កាលពីថ្ងៃពុធទី២៦ខែតុលាថា ខ្មាន់កាំភ្លើងបានសម្លាប់មនុស្សចំនួន១៥ នាក់ និងរបួស១០នាក់ផ្សេងទៀត ក្នុងការវាយប្រហារលើទីសក្ការបូជានិកាយស៊ីអ៊ីត នៅទីក្រុង Shiraz នៃប្រទេសអ៊ីរ៉ង់។
ការវាយប្រហារនេះ ជាស្នាដៃរបស់ក្រុមជ្រុលនិយមនិកាយ ហើយត្រូវបានគេហៅថាជា “ប្រតិបត្តិការភេរវកម្ម”។
ការវាយប្រហារនេះ កើតឡើងនៅទីសក្ការបូជា Shahcheragh អំឡុងពេលល្ងាច ខណៈអ្នកធ្វើធម្មយាត្រា កំពុងទស្សនាកន្លែងដ៏ពិសិដ្ឋរបស់និកាយស៊ីអ៊ីត។ ខ្មាន់កាំភ្លើងបានបើកការបាញ់ប្រហារដោយប្រើកាំភ្លើង Kalashnikov បន្ទាប់ពីចូលទៅក្នុងទីធ្លានៃទីសក្ការៈនេះ។
ស្ត្រីម្នាក់និងកុមារពីរនាក់ ស្ថិតក្នុងចំណោមជនរងគ្រោះ ហើយខ្មាន់កាំភ្លើងពីរនាក់ ត្រូវបានចាប់ខ្លួន។ អាជ្ញាធរអ៊ីរ៉ង់ កំពុងតាមរកខ្មាន់កាំភ្លើងទី៣។
ប្រភពព័ត៌មានអ៊ីរ៉ង់ជាច្រើនបានហៅការវាយប្រហារនេះ ថាជាប្រតិបត្តិការភេរវករ ដោយពួកជ្រុលនិយម “Takfiri”។ ពាក្យនេះគឺសំដៅទៅលើក្រុមឥស្លាមនិកាយស៊ុននី ដែលកំណត់គោលដៅហិង្សាលើគូប្រជែងជានិកាយផ្សេង។
ការវាយប្រហារកាលពីថ្ងៃពុធ បានកើតឡើងខណៈប្រទេសអ៊ីរ៉ង់ កំពុងប្រឈមមុខនឹងការតវ៉ាទូទាំងប្រទេស ដែលបានផ្ទុះឡើងបន្ទាប់ពីការស្លាប់របស់ Masha Amini អាយុ ២២ ឆ្នាំនៅក្នុងការឃុំឃាំងរបស់ប៉ូលិសកាលពីខែមុន។
អាជ្ញាធរអ៊ីរ៉ង់និយាយថា នាងស្លាប់ដោយសារបញ្ហាសុខភាព ខណៈសមាជិកគ្រួសារអះអាងថា នាងត្រូវបានគេវាយរហូតដល់ស្លាប់៕
ប្រែសម្រួល៖ Vann Vann
ប្រភព៖ RT
ចុចអាន៖ របាយការណ៍ថ្មី៖ អ៊ីរ៉ង់ យល់ព្រមផ្គត់ផ្គង់មីស៊ីល និងដ្រូន បន្ថែមទៀត ទៅឲ្យ រុស្ស៊ី
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%