ព័ត៌មានអន្ដរជាតិ
រុស្ស៊ី ព្រមានផ្ទុះសង្គ្រាមលោកលើកទី៣ បើ អ៊ុយក្រែន ចូល ណាតូ (មានវីដេអូ)
មន្ត្រីក្រុមប្រឹក្សាសន្តិសុខរុស្ស៊ីម្នាក់ បាននិយាយកាលពីថ្ងៃព្រហស្បតិ៍ទី១៣ខែតុលាថា ប្រសិនបើអ៊ុយក្រែន ត្រូវបានបញ្ចូលទៅក្នុងសម្ព័ន្ធមិត្តយោធាណាតូដែលដឹកនាំដោយសហរដ្ឋអាមេរិកមែននោះ ពិតណាស់ ជម្លោះនៅអ៊ុយក្រែន នឹងក្លាយទៅជាសង្គ្រាមលោកលើកទីបី។
ប៉ុន្មានម៉ោងបន្ទាប់ពីប្រធានាធិបតីរុស្ស៊ីលោក វ្ល៉ាឌីមៀរ ពូទីន បានប្រកាសជាផ្លូវការនូវការកាត់បញ្ចូលទឹកដីអ៊ុយក្រែនរហូតដល់ទៅ ១៨% កាលពីថ្ងៃទី៣០ខែកញ្ញា, ប្រធានាធិបតីអ៊ុយក្រែន លោក Volodymyr Zelenskiy បានប្រកាសពីការប៉ុនប៉ងគួរឲ្យភ្ញាក់ផ្អើល ដើម្បីចូលរួមជាមួយអង្គការណាតូឲ្យបានលឿនជាទីបំផុត។
ទោះបីជាយ៉ាងណាក៏ដោយ សមាជិកភាពពេញសិទ្ធិរបស់អង្គការណាតូសម្រាប់អ៊ុយក្រែន គឺមិនងាយនោះទេ ដោយសារតែសមាជិកទាំង៣០របស់សម្ព័ន្ធភាពមួយនេះ ត្រូវតែផ្តល់ការយល់ព្រមរបស់ពួកគេ។
សារព័ត៌មាន TASS បានដកស្រង់សម្តីលោក Alexander Venediktov អនុលេខាក្រុមប្រឹក្សាសន្តិសុខរុស្ស៊ី ដែលនិយាយថា “ទីក្រុង កៀវ ដឹងយ៉ាងច្បាស់ថា វិធានការបែបនេះ នឹងមានន័យថា នាំឲ្យកើតមានសង្រ្គាមលោកលើកទីបី”។
លោក Venediktov និយាយថា លោកមានអារម្មណ៍ថា សំណើរបស់អ៊ុយក្រែន គឺជាការឃោសនា ទាំងលោកខាងលិចក៏យល់ផងដែរអំពីផលវិបាកនៃសមាជិកភាពអ៊ុយក្រែនរបស់អង្គការណាតូ។ សូម្បីសមាជិកណាតូខ្លួនឯង ក៏យល់ពីហានិភ័យនៃការធ្វើអត្តឃាតដោយសារតែវិធានការបែបនេះ ផងដែរ។
ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានរិះគន់ម្តងហើយម្តងទៀត ប្រឆាំងនឹងសហរដ្ឋអាមេរិកចំពោះការជំរុញឲ្យអង្គការណាតូ ពង្រីកទៅទិសខាងកើត ជាពិសេសការស្វាគមន៍របស់ខ្លួន ចំពោះអតីតសាធារណរដ្ឋសូវៀត ដូចជាអ៊ុយក្រែន និងហ្សកហ្ស៊ី ដែលរុស្ស៊ីចាត់ទុកថាជាផ្នែកមួយនៃឥទ្ធិពលរបស់ខ្លួន។
ហើយកាលពីថ្ងៃទី២១ខែកញ្ញាលោក ពូទីន បានព្រមានបស្ចិមប្រទេសថា លោកមិននិយាយលេងសើចទេ នៅពេលលើកឡើងថា លោកត្រៀមខ្លួនរួចជាស្រេចក្នុងការប្រើប្រាស់អាវុធនុយក្លេអ៊ែរ ដើម្បីការពារប្រទេសរុស្ស៊ីប្រឆាំងនឹងអ្វីដែលលោកចាត់ទុកថាជា ការគំរាមកំហែងនុយក្លេអ៊ែរ ពីមហាអំណាចលោកខាងលិចធំៗ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Reuters
ចុចអាន៖ លោក ពូទីន សរសើរអាស៊ី ពេញៗមាត់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង