ជុំវិញនឹងការលួចយកទំព័រហ្វេសប៊ុកពីជនអនាមិកនេះ នាយឧត្តមសេនីយ៍បានសំណូមពរដល់ប្រជាពលរដ្ឋគ្រប់រូប​ ជាពិសេសអ្នកលេងបណ្តាញសង្គមតែម្តង មានការប្រុងប្រយ័ត្ន និងកុំឱ្យមានការភាន់ច្រឡំប្រសិនបើមានការបង្ហោះអ្វីមួយនៅលើទំព័រហ្វេសប៊ុកមួយនោះ។ ប្រសិនមានបញ្ហាអ្វីមួយ ឬ មានការបង្ហោះចេញជារូបភាពមួយដែលជះឥទ្ធិពលមិនល្អដល់សង្គម ឬ រូបភាពបែបណាក៏ដោយ លោកមិនទទួលខុសត្រូវឡើយ។

រដ្ឋមន្រ្តីប្រតិភូអមនាយករដ្ឋមន្ត្រីរូបនេះ បានបញ្ជាក់ថា នៅពេលនេះជនអនាមិកមិនទាន់បង្ហោះ ឬ ធ្វើសកម្មភាបអ្វីមួយគួរឱ្យព្រួយបារម្ភនៅលើទំព័រហ្វេសប៊ុកលោកនៅឡើយទេ។ ក្រោយពីមានករណីនេះកើតឡើង នាយឧត្តមសេនីយ៍ នាង ផាត បានឱ្យក្រុមការងារផ្នែកបច្ចេកទេសទាញយកទំព័រហ្វេសប៊ុកនោះមកវិញផងដែរ។ លោកនឹងផ្តល់ដំណឹងជាថ្មីម្តងទៀត នៅពេលដែលក្រុមការងារបានដោះស្រាយរួច និងអាចយកទំព័រហ្វេសប៊ុកនោះមកគ្រប់គ្រងវិញបាន។

សូមជម្រាបថា បន្ទាប់ពីមានការលួចនេះកើតឡើង លោកក៏បានត្រៀមដាក់ពាក្យបណ្ដឹងទៅសមត្ថកិច្ចតាមផ្លូវច្បាប់ថែមទៀតផង៕

The post ទំព័រហ្វេសប៊ុករបស់នាយឧត្តមសេនីយ៍ នាង ផាត ត្រូវបានជនអនាមិកលួចយកទៅគ្រប់គ្រង appeared first on Kampuchea Thmey Daily.

ទោះបីជាយ៉ាងណាក៏ដោយ របាយការណ៍នេះមិនបាននិយាយនោះទេថាតើ ទាហានណាខ្លះត្រូវបានកំណត់គោលដៅនៅក្នុងអ្វីដែល Google ពណ៌នាថាជា “យុទ្ធនាការបន្លំអត្តសញ្ញាណ” ដែលចាប់ផ្តើមដោយក្រុម មានមូលដ្ឋាននៅប្រទេសរុស្ស៊ី ឈ្មោះ Coldriver ឬ Callisto។

យុទ្ធនាការនេះ ត្រូវបានធ្វើឡើងដោយប្រើគណនី Gmail ដែលទើបបង្កើតថ្មី។

ក្រុមមន្ត្រីអាមេរិកបានព្រមានម្តងហើយម្តងទៀតថា រុស្ស៊ី និងក្រុម Hacker គាំទ្រដោយរុស្ស៊ី កំពុងតែបង្កការគំរាមកំហែង។

យ៉ាងណាក្តី រុស្ស៊ី​បាន​បដិសេធ​ការ​ចោទ​ប្រកាន់​ពី​ការ​បង្កើន​ការ​វាយ​ប្រហារ​តាម​អ៊ីនធឺណិត ​លើ​គោល​ដៅ​លោក​ខាង​លិច៕

ប្រែសម្រួល៖ Vann Vann

ប្រភព៖ BBC

ចុចអាន៖ អ្នកជំនាញ ប្រាប់ឈ្មោះសារធាតុគីមី ដែលទំនងជាប្រើដើម្បីបំពុលលោក Abramovich

The post រុស្ស៊ី ព្យាយាម Hack ណាតូ និងក្រសួងការពារជាតិរបស់បណ្តាប្រទេសអឺរ៉ុប ខាងកើត appeared first on Kampuchea Thmey Daily.

ប្រសិនបើមានអ្នកណាម្នាក់ឬក្រុម hacker កំពុងធ្វើចារកម្មលើទូរស័ព្ទ មានសញ្ញា​មួយចំនួន​ដែលអ្នក អាច​រកមើលបាន ។ ជាពិសេស អ្នកគួរតែពិនិត្យមើលឯកសារ និងកម្មវិធីដែលគួរ​ឲ្យ​សង្ស័យ ឧបករណ៍​មិន​ប្រក្រតី ឬសារ​ចម្លែកៗផ្ញើចូលមក។

ខាងក្រោម​នេះ​ ជា​សញ្ញា​ចំនួន ៩ ខណៈ​មាន​មនុស្ស​កំពុង​ធ្វើ​ចារកម្ម​លើ​ទូរស័ព្ទ​របស់​អ្នក៖

១ លេចចេញកម្មវិធី​ដែល​មិន​ធ្លាប់​ស្គាល់ ទោះបីជា spyware ទំនើបខ្លាំង ហើយ​ត្រូវ​បាន​លាក់​ក៏​ដោយ ក៏​មនុស្ស​នៅតែ​ប្រើប្រាស់​កម្មវិធី​ខុស ដូចជា​កម្មវិធី​គ្រប់គ្រង​​ ដើម្បី​ឈ្លប​យក​ការណ៍​លើ​អ្នក​ដទៃ។ ប្រសិនបើមានជនណាម្នាក់​ កំពុង​ធ្វើ​ចារកម្ម​លើ​ទូរស័ព្ទ​ដោយ​ប្រើ​កម្មវិធី​មួយ ​ក្នុងចំណោម​កម្មវិធី​ទាំងនេះ នោះ spyware នឹង​លាក់ខ្លួន​ដោយ​មើល​ឃើញ​ធម្មតា។ តែយ៉ាងណា នៅតែមានចន្លោះប្រហោង ដែលយើងជាម្ចាស់ទូរស័ព្ទ អាចដឹងខ្លះៗបានដែរ។

២ ឧបករណ៍​ត្រូវបាន ‘Rooted’ ឬ ‘Jailbroken ឧបករណ៍ Android ឬ ‘jailbreaking’ និង ឧបករណ៍ iOS អនុញ្ញាត​ឲ្យ​អ្នក​ប្រើ​រំលង​កម្មវិធី​ផ្លូវ​ការ និង​ដំឡើងកម្មវិធី​ ដែលមិនមានការយល់ព្រម។ ប្រសិនបើឧបករណ៍របស់អ្នក​ត្រូវបានចាក់ឬស ឬ jailbreak ហើយយើងមិនបានធ្វើវាទេ នោះគឺជាសញ្ញាដែល​ថា​ មាន​អ្វីគួរ​ឲ្យ​សង្ស័យ​កំពុង​កើតឡើងលើទូរស័ព្ទយើង។ ដើម្បីដឹងថា តើឧបករណ៍ Android ត្រូវបានចាក់ឫសគល់ឬអត់ សូមទាញយកកម្មវិធី​មួយ​ដែល​មាន​ឈ្មោះថា Root Checker ឆែកក្នុងទូរស័ព្ទ និងប្រសិនបើអ្នកប្រើ iOS ត្រូវបាន jailbreak ឬ​អត់ សូមរកមើលកម្មវិធីមួយដែលមានឈ្មោះថា ‘Cydia’ ។ Cydia គឺ​ជា​កម្មវិធី ​ដែល​ប្រើ​សម្រាប់​ដំឡើង​កម្មវិធី​លើ​ទូរស័ព្ទ​ដែល​ Jailbreak រួច។

៣ ថ្ម​អស់​លឿន​ខុស​ពី​ធម្មតា បើ spyware កំពុងដំណើរការជាបន្តបន្ទាប់ វាអាចធ្វើឲ្យថ្មទូរស័ព្ទ​ អស់លឿនខុសពី​ធម្មតា។ ប្រសិន​បើសម្គាល់ឃើញការ​ផ្លាស់ប្ដូរ​ភ្លាមៗ សូមពិនិត្យមើលភ្លាមៗ​ ថាតើកម្មវិធីដែល​បាន​ដំឡើង​ថ្មីៗ ឬ​អាប់ដេត​មាន​ទំនួលខុសត្រូវ​ឬ​អត់ឬមានការធានាជាក់លាក់ទេ មុន​នឹង​យើងសន្និដ្ឋាន​ថា ទូរស័ព្ទកំពុង​មានបញ្ហា ។

៤ ថ្ម​ទូរស័ព្ទ​ក្ដៅ​ខ្លាំង បើ​ថ្ម​ទូរស័ព្ទ​ក្ដៅ​ខ្លាំង​ វាអាចជាសញ្ញាថាមាននរណាម្នាក់ ​កំពុង​ធ្វើ​ចារកម្ម ដោយ​ដំណើរការ spyware នៅក្នុងផ្ទៃខាងក្រោយ។ នេះពាក់ព័ន្ធជាពិសេស ប្រសិនបើ​ទូរស័ព្ទ​ឡើង​កម្ដៅ ខណៈ​ដែល​មិន​ប្រើ​វា​សោះ ឬ​ប្រើ​ធម្មតា​ក៏ដោយ ក៏នៅតែក្ដៅដដែល ។ ត្រូវពិនិត្យភាពមិនប្រក្រតីនេះ ជាប្រញាប់។

៥ ការប្រើប្រាស់ទិន្នន័យខ្ពស់មិនធម្មតា ការកើនឡើងមិនធម្មតានៃចំនួនទិន្នន័យ ដែលទូរសព្ទរបស់អ្នកកំពុងប្រើប្រាស់ ពេលខ្លះអាចជា​សញ្ញាថា spyware កំពុងដំណើរការនៅផ្ទៃខាងក្រោយ។ កម្មវិធីចារកម្ម ត្រូវ​ប្រើទិន្នន័យ ដើម្បី​បញ្ជូនព័ត៌មានត្រឡប់ទៅជនល្មើសវិញ ដូច្នេះការកើនឡើងនៃការប្រើប្រាស់​ទិន្នន័យ​ អាច​បង្ហាញ​ពី​ការ​ចូលលួចទិន្នន័យណាមួយរបស់យើង។

៦ មានបញ្ហាជាមួយនឹងការបិទទូរស័ព្ទ ពេលខ្លះកម្មវិធី Spyware អាចនឹងរំខានដល់ដំណើរការបិទទូរស័ព្ទ ដូច្នេះឧបករណ៍មិនអាច​បិទបានត្រឹមត្រូវ ឬចំណាយពេលយូរខុសពីធម្មតា ។ ក្នុងឆ្នាំ ២០១៤ Edward Snowden បានបង្ហាញបច្ចេកវិទ្យា NSA ដែលការពារទូរស័ព្ទ ពីការបិទទាំងស្រុង បន្ទាប់មកប្រើប្រាស់វា ​សម្រាប់គោលបំណងលួចស្តាប់។ នេះគឺជាលទ្ធផលនៃការវាយប្រហារដ៏ស្មុគ្រស្មាញ និងមានគោលដៅខ្ពស់ ប៉ុន្តែវាបង្ហាញថាទម្រង់ នៃ​ការធ្វើចារកម្មនេះ គឺអាចធ្វើទៅបាន។

៧ សារ SMSមិនធ្លាប់ស្គាល់ សារអាចត្រូវបានប្រើប្រាស់ដោយ spyware និង malware ដើម្បីផ្ញើ និងទទួលទិន្នន័យ។ ប្រសិនបើអ្នកឃើញសារដែលអ្នកមិនបានផ្ញើ វាទំនងជាបង្ហាញថា មានអ្វីមួយមិនត្រឹមត្រូវ។ ពេលខ្លះកម្មវិធី spyware បឋមនឹងប្រើការផ្ញើសារ SMS ដើម្បីទំនាក់ទំនងជាមួយមូលដ្ឋានរបស់ពួកគេ។ ជាធម្មតា សារនឹងត្រូវបានសរសេរកូដតាមមធ្យោបាយណាមួយ ប្រសិនបើវាត្រូវបានភ្ជាប់ជាមួយកម្មវិធី spyware។ វាក៏មានសេវាកម្មដូចជា Cerberus ដែលផ្ញើពាក្យបញ្ជាលាក់ក្នុងសារ SMS ដែលអាចធ្វើឲ្យទូរសព្ទរបស់អ្នកថតរូប ហើយផ្ញើអ៊ីមែលទៅជនល្មើស លុបកាត SD របស់អ្នក ថតអេក្រង់ និងឈ្លានពានទិន្នន័យសំខាន់ៗជាច្រើនទៀត របស់យើងដែរ។

៨ កែដោយស្វ័យប្រវត្តិ Keyloggers គឺជាទម្រង់មួយនៃ spyware ដែលរក្សាកំណត់ត្រានៃការចុចគ្រាប់ចុចទាំងអស់។ បើមាននរណាម្នាក់ បានធ្វើចារកម្មនៅលើទូរស័ព្ទរបស់អ្នក គេអាចប្រើ keylogger ដើម្បីចាប់យកសាររបស់អ្នក និងព័ត៌មានលម្អិតអំពីការចូល។ សញ្ញាមួយដែលអាចទៅរួច ដែលថាមានមនុស្សកំពុងប្រើ keylogger ដើម្បីឈ្លបយកការណ៍លើទូរស័ព្ទរបស់អ្នក គឺជាប្រព័ន្ធកែស្វ័យប្រវត្តិដែលមិនត្រឹមត្រូវ។ keylogger រំខានដល់របៀបដែលមុខងារកែស្វ័យប្រវត្តិដំណើរការ ដូច្នេះប្រសិនបើអ្នកសម្គាល់ឃើញថា វាដំណើរការខុសប្រក្រតី ឬដំណើរការយឺតជាងធម្មតា វាអាចបង្ហាញថា មានពួក hacker កំពុងធ្វើចារកម្មលើទូរសព្ទយើងហើយ។

៩ គុណភាពរូបថតអេក្រង់ថយចុះ គុណភាពនៃរូបថតលើអេក្រង់ ក៏ជារឿងមួយគួរកត់ចំណាំដែរ។ បើយើងមើលរំលងចំណុចនេះ hacker អាចទាញយកទិន្ន័យយើងបានលឿន ដោយមិនបានប្រុងទុកមុន។ វាជាមេរោគអាក្រក់ ជាងការរំពឹងទុក នោះអាចជាលទ្ធផលនៃការវាយលុកពី spyware នេះបើយោងតាម ​​Malwarebytes បញ្ជាក់យ៉ាងដូច្នោះ ។

យ៉ាងណាមិញ រោគសញ្ញាទាំងនេះ មិនមែនមកផ្តាច់មុខតែ spyware ទេ។ ពួកវាក៏អាចបណ្តាលមកពីទម្រង់មេរោគផ្សេងៗ ដែលយើងមិនធ្លាប់ស្គាល់សោះក៏មាន។ ជាឧទាហរណ៍ Adware អាចបន្ថយល្បឿនទូរសព្ទរបស់អ្នក និងលួចប្រើប្រាស់ទិន្នន័យ ក្នុងទូរស័ព្ទបានដូចគ្នាដែរ៕

ប្រែសម្រួល៖ សាង ស្រីល័ក្ខ

ចុចអាន៖តើវេទិកាប្រព័ន្ធផ្សព្វផ្សាយសង្គមមួយណា គួរប្រើនាបច្ចុប្បន្ននេះ ?

ចុចអាន៖ចេះតិកនិចងាយៗទាំងនេះ ធានាថា ថ្មទូរស័ព្ទមិនងាយខូច ឬប៉ោងផ្ទុះនោះទេ

The post លេចសញ្ញាទាំងនេះ បញ្ជាក់ថា Hacker កំពុងធ្វើចារកម្មលើទូរស័ព្ទអ្នកហើយ appeared first on Kampuchea Thmey Daily.

១. ប្រយ័ត្នចំពោះការចុចតំណរភ្ជាប់ (Link)

តំណរភ្ជាប់ដែលលោតឡើងលើហ្វេសប៊ុក ឬបណ្ដាញសង្គមនានាដើម្បីអនុញ្ញាតឱ្យ ដោនឡូតហ្វ្រី លេងហ្គេម ឬមើលវីដេអូហ្វ្រីជាដើម កុំចុចចូលផ្ដេសផ្ដាស ប្រសិនមិនស្គាល់ប្រភពច្បាស់ ព្រោះថា Link ទាំងនោះសឹងទាំងអស់ជាមេរោគ និងជារបស់ក្រុម Hacker។

២. ប្រយ័ត្នចំពោះការភ្ជាប់ វ៉ាយហ្វាយ (Wifi) សាធារណៈ

ការភ្ជាប់វ៉ាយហ្វាយសាធារណៈ ក៏ជាប្រភពមេរោគមួយដែលគួរប្រុងប្រយ័ត្ន។ មិនមែនដោយសារ វ៉ាយហ្វាយសាធារណៈមានមេរោគនោះទេ ប៉ុន្តែការដែលយើងងាយភ្ជាប់ប្រើអ៊ិនអរណិតដោយស្រួលៗ វាក៏បង្កភាពងាយស្រួលសម្រាប់ក្រុម Hacker ចូលលុកលុយទិន្នន័យរបស់យើង ព្រមទាំងបង្កើតមេរោគលើទូសរព្ទដៃផងដែរ។

៣. ប្រយ័ត្នចំពោះការប្រើប្រាស់ទូរសព្ទមួយទឹក

បើចៀសបាន គួរព្យាយាមចៀសទិញទូសរព្ទដៃមួយទឹកមកប្រើ ព្រោះក្រៅពីគុណភាពមិនសូវល្អ វាក៏គ្មានប្រភពច្បាស់លាស់។ យើងមិនដឹងថា អ្នកទិញមុននោះ ប្រើវាយ៉ាងណា​ មានមេរោគកម្រិតណាឡើយ។

៤. ធ្វើបច្ចុប្បន្នភាពកម្មវិធី (Update software)

ប្រសិនបើទូរសព្ទដៃទាមទារឱ្យអ្នក អាប់ដេតកម្មវិធី (Update software) ផ្សេងៗ សូមចុច អាប់ដេត ដើម្បីការពារការប្រហារពីការ hack ឬមេរោគលុកលុយ។ ការអាប់ដេតមិនត្រឹមតែជួយការពារ ថែមទាំងអាចជួយឱ្យទូរសព្ទដើរលឿន មិនគាំង មិនស្ទក់។

៥. ផ្លាស់ប្ដូរលេខសម្ងាត់

ដើម្បីសុវត្ថិភាពក្នុងការប្រើប្រាស់ឧបករណ៍បច្ចេកវិទ្យាអនឡាញ ឬទូរសព្ទដៃបានល្អ ត្រូវធ្វើការផ្លាស់ប្ដូរលេខសម្ងាត់ឱ្យបានញឹកញាប់យ៉ាងហោចណាស់ ៣ ខែម្ដង ជាពិសេសបើសិនមិនដែលបានប្ដូរអស់រយៈពេលជាយូរមកហើយ ត្រូវប្រញាប់ប្ដូរឥឡូវនេះ៕

ប្រែសម្រួល៖ សន្យា

ប្រភព៖ Bright Side

ចុចអាន៖ ការពារលេខកូដផ្ទាល់ខ្លួន! ពេលនេះលេខសម្ងាត់ជាង៨ពាន់លាន កំពុងលុកលុយដោយជនអនាមិក

ចុចអាន៖ ៥ វិធីការពារខ្សែសាកថ្មទូរសព្ទកុំឱ្យឆាប់ខូច

The post ប្រយ័ត្ន ៥ ​ចំណុចនេះបាន ទើបអាចការពារទូរសព្ទដៃពីមេរោគឬពួក Hacker appeared first on Kampuchea Thmey Daily.

ក្រុមហ៊ុន BioNTech ដែលបង្កើតវ៉ាក់សាំងមួយក្នុងភាពជាដៃគូជាមួយក្រុមហ៊ុន Pfizer បាននិយាយថា ពាក្យស្នើសុំបទប្បញ្ញត្តិរបស់ខ្លួនត្រូវបានគេចូលមើលក្នុងអំឡុងការវាយប្រហារនេះ។

EMA កំពុងធ្វើការលើការអនុម័តវ៉ាក់សាំងកូវីដចំនួនពីរដែលខ្លួនរំពឹងថានឹងបញ្ចប់ក្នុងរយៈពេលប៉ុន្មានសប្តាហ៍ទៀត។

ទោះបីជាយ៉ាងណាក៏ដោយ ក្រុមហ៊ុន BioNTech បាននិយាយថា ការវាយប្រហារនេះមិនត្រូវបានគេរំពឹងថានឹងប៉ះពាល់ដល់ពេលវេលានោះទេ។

នៅក្នុងសេចក្តីថ្លែងការណ៍ខ្លីមួយលើគេហទំព័ររបស់ខ្លួន EMA មិនបានផ្តល់ព័ត៌មានលម្អិតអំពីលក្ខណៈនៃការវាយប្រហារតាមអ៊ីនធើណិតនេះទេគ្រាន់តែនិយាយថា ការស៊ើបអង្កេតពេញលេញកំពុងចាប់ផ្តើមឡើង។

EMA គឺជាទីភ្នាក់ងារដែលអនុញ្ញាតឲ្យប្រើប្រាស់ថ្នាំនៅទូទាំងសហភាពអឺរ៉ុប។

ភ្នាក់ងារនេះកំពុងព្យាយាមសម្រេចថាតើ វ៉ាក់សាំងរបស់ Pfizer / BioNTech ដែលទើបតែត្រូវបានដាក់ឲ្យចាក់នៅចក្រភពអង់គ្លេសនិងវ៉ាក់សាំងមួយទៀតដែលផលិតដោយក្រុមហ៊ុន Moderna មានសុវត្ថិភាពសម្រាប់ការប្រើប្រាស់នៅក្នុងបណ្តាប្រទេសសហភាពអឺរ៉ុបដែរឬក៏អត់។

ស្របពេលជាមួយគ្នានោះ គេមិនច្បាស់ទេថាតើទិន្នន័យរបស់ក្រុមហ៊ុន Moderna ត្រូវបានគេចូលមើលដែរឬក៏អត់៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ អតីតយុទ្ធជនវ័យ ៩៩ ឆ្នាំក្លាយជាមនុស្សចាស់ជាងគេទទួលការចាក់វ៉ាក់សាំងកូវីដ នៅអង់គ្លេស

ចុចអាន៖ ប្រជាជនអង់គ្លេសម្នាក់ក្នុងចំណោម ៥ នាក់គ្មានទំនុកចិត្តលើវ៉ាក់សាំងកូវីដដែលទើបអនុម័តថ្មី

The post ទិន្នន័យវ៉ាក់សាំងកូវីដរបស់ក្រុមហ៊ុន Pfizer / BioNTech ត្រូវបានគេលួច appeared first on Kampuchea Thmey Daily.