អតីតយុទ្ធជនវ័យ ៩៩ ឆ្នាំក្លាយជាមនុស្សចាស់ជាងគេទទួលការចាក់វ៉ាក់សាំងកូវីដ នៅអង់គ្លេស

អតីតយុទ្ធជននៃទ័ពជើងទឹកអង់គ្លេសដែលធ្លាប់ឈរជើងជួរមុខក្នុងសង្គ្រាមលោកលើកទី ២ បានក្លាយជាមនុស្សចាស់ជាងគេនៅលើពិភពលោកដែលបានទទួលការចាក់វ៉ាក់សាំងរបស់ក្រុមហ៊ុន Pfizer/BioNTech ប្រឆាំងជំងឺកូវីដ ១៩ ។

លោក Michael Tibbs វ័យ ៩៩ ឆ្នាំបានញញឹម និងលេងសើចជាមួយគិលានុបដ្ឋាយិកា នៅពេលគាត់ដើរចូលមន្ទីរពេទ្យ Queen Alexandra ក្នុងទីក្រុង Portsmouth ខណៈកម្មវិធីចាក់វ៉ាក់សាំងទ្រង់ទ្រាយធំរបស់សេវាកម្មសុខភាពជាតិ (NHS) នៅទូទាំងមន្ទីរពេទ្យចំនួន ៧០ នៅចក្រភពអង់គ្លេសបានចាប់ផ្ដើមដំណើរការ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គាត់បានចូលទៅក្នុងមជ្ឈមណ្ឌលចាក់វ៉ាក់សាំងរបស់មន្ទីរពេទ្យដោយប្រើរទេះកង់រុញ និងអមដំណើរដោយកូនប្រុសរបស់គាត់ឈ្មោះ Philip ជាគ្រូពេទ្យចូលនិវត្តន៍ ។ ក្រោយមកគាត់បានញញឹម នៅពេលបានឃើញគិលានុបដ្ឋាយិកា ហើយចាប់ដៃនាងនៅពេលគាត់ចូលទៅក្នុងអាគារមន្ទីរពេទ្យដើម្បីចាក់វ៉ាក់សាំង ។

ទន្ទឹមនោះរដ្ឋមន្រ្តីក្រសួងសុខាភិបាលអង់គ្លេសលោក Matt Hancock បាននិយាយថា លោកសង្ឃឹមថាអ្នកនៅតាមមណ្ឌលសុខភាពនឹងចាប់ផ្តើមទទួលការវ៉ាក់សាំងមុនថ្ងៃបុណ្យណូអែល ។ លោកបានប្រាប់ Sky News ថា “យើងអាចធ្វើបានលឿនបើវាមានសុវត្ថិភាព” ៕

ប្រែសម្រួលដោយ ៖ ជីវ័ន្ត

ប្រភព ៖ Daily Mail

ចុចអាន ៖ រំភើបពេក រដ្ឋមន្រ្តីសុខាភិបាលអង់គ្លេសសម្រក់ទឹកភ្នែកពេលឃើញមនុស្សដំបូងចាក់វ៉ាក់សាំងកូវីដ

ចុចអាន ៖ លោកយាយអាយុ៩០ឆ្នាំក្លាយជាមនុស្សដំបូងគេក្នុងលោកដែលទទួលបានវ៉ាក់សាំងកូវីដនៅ អង់គ្លេស